ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

• ᐳᕙᓪᓗᓇᐅᑉ ᐁᑦᑐᑑᑎᐅᒍᓐᓇᑑᑉ ᐃᖏᕐᕋᓂᖓ (Red book pg. 1)

• ᖃᓂᑕᓕᕕᓂᕐᒥᑦ ᐱᑦᓱᓂ ᓯᓂᑦᑐᕈᕐᑐᖅ ᐁᑦᑐᑑᑎᖕᖑᕈᓐᓇᓱᓂᓗ (Red book pg. 7)

• ᐳᕙᓪᓗᓇᕐᒥᒃ ᖃᐅᔨᓴᕐᓂᖅ ᓯᓂᑦᑐᒥᒃ ᐁᑦᑐᑑᑎᐅᒍᓐᓇᑐᒥᓪᓗ(Red book pg. 17)

• ᖃᓄᐃᖕᖏᓯᐊᕐᓂᖅ ᐊᑦᑕᓇᕐᑐᒦᑦᑌᓕᓂᕐᓗ

• ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᑑᑉ ᐋᓐᓂᐊᓯᐅᑎᑐᕐᑎᑕᐅᓂᖓ

• ᐃᓄᓐᓃᑌᓕᒋᐊᖃᕐᓂᖅ

• SCR ᑕᕐᕋᑐᕐᑕᐅᒋᐊᓪᓛᓂᖅ

• ᖁᐱᕐᕆᕆᐊᓪᓚᓂᖅ

ᓱᓇᒋᓐᓈ?

ᐳᕙᓪᓗᓇᐅᑉ ᖁᐱᕐᕈᑯᓗᖏᑦ ᑎᒥᒥᑦᑐᑦ ᓱᒃᑯᑎᕆᓕᕐᓱᑎᓪᓗ ᖃᓄᑐᐃᓐᓇᖅ ᑎᒥᒥᒃ. ᐳᕙᓪᓗᓇᐅᑉ ᖁᐱᕐᕈᑯᓗᖓ ᐳᕙᓐᓃᓕᕋᒥ ᖁᖓᓯᕐᒥᓗᓐᓃᑦ, ᐃᕐᐸᕈᓐᓇᑐᖅ ᐊᓂᕐᑎᕆᔭᐅᔪᒃᑯᑦ. ᐳᕙᓪᓗᓇᖅ ᑎᕐᓕᐊᓯᒍᓐᓇᑐᒻᒪᕆᐅᑦᓱᓂ ᖃᓂᒪᓐᓇᖅ! ᐃᓚᖏᑦ ᐃᓄᐃᑦ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᕈᓐᓇᑐᑦ ᐱᓇᓱᐊᕈᓯᕐᓂ ᑕᕐᕿᓂᓪᓘᓃᑦ ᐊᒥᓱᓂ ᐃᑉᐱᓂᐊᓕᓚᐅᕋᑎᒃ ᖃᓂᒪᒋᐊᕐᒥᓂᒃ. ᑌᒣᒻᒪᑕᒐ ᖃᐅᔨᓴᓲᖑᔪᒍᑦ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑐᖃᕐᒪᖔᑦ (ᑕᕐᕋᑐᐃᓂᒃᑯᑦ ᐅᕆᐊᕐᑎᓯᓂᒃᑯᓗᓐᓃᑦ) ᖃᓂᒪᔫᔮᖕᖏᑑᒐᓗᐊᕐᓂ ᐃᓄᓐᓂ.

ᒪᓗᓐᓇᐅᑎᒋᔭᐅᒍᓪᓗᓲᑦ

• ᖁᐃᕐᑐᓂᖅ ᖁᐃᕐᑐᕈᓯᑐᐃᓐᓇᐅᖏᑦᑐᒥᒃ

• ᖁᐃᕐᑐᓂᖅ ᐊᐅᑦᑕᓕᒻᒥᒃ

• ᓴᓗᓐᓂᖅ (ᕋᓱᐊᕋᓂ)

• ᑳᖃᑦᑕᖏᓐᓂᖅ

• ᐆᓇᕿᓂᖅ

• ᐅᓐᓄᐊᑯᑦ ᐊᐅᒃᑲᓂᖃᑦᑕᓂᖅ (ᐃᓄᒃ ᑐᐸᖃᑦᑕᖃ ᕿᐱᖏᑦ ᖃᐅᓯᐅᓕᕐᑎᓗᒋᑦ)

• ᓄᑮᕐᑎᖓᓂᖅ ᑕᖃᒪᕙᕐᔪᐊᖃᑦᑕᓂᕐᓘᓃᑦ

• ᓴᕝᕕᓕᕆᓂᖅ ᐊᓂᕐᑎᕆᑦᓱᓂ

ᐃᓚᖏᑦ ᐃᓄᐃᑦ ᒪᓗᓐᓇᐅᑎᖃᓲᖑᖕᖏᑐᑦ ᒪᓗᓐᓇᐅᑎᖃᒐᓛᐱᒍᓐᓇᓱᑎᓪᓗ (ᑕᒪᓐᓇᑕᒐ ᐳᕙᓪᓗᓇᐅᑉ ᓇᓗᓇᕐᑐᒪᕆᐅᒍᑎᖓ ᖃᐅᔨᓴᕐᑕᐅᓂᐅᓪᓗ ᐱᒻᒪᕆᐅᒍᑎᖓ).

ᐃᕐᐸᕈᓐᓇᓂᖓ

ᐋᓐᓂᐊᓯᐅᑎᑐᕈᑎᐅᓚᐅᕋᓂ ᐁᑦᑐᑑᑎᐅᒍᓐᓇᑐᖅ ᐳᕙᓪᓗᓇᖅ ᐃᕐᐸᓲᖅ ᐁᑦᑐᑎᐅᓯᓲᖅ. ᐳᕙᓪᓗᓇᐅᑉ ᖁᐱᕐᕈᑯᓗᖓ ᐃᕐᐸᕈᓐᓇᑐᖅ ᐃᓚᒋᔭᓄᑦ, ᐱᖃᓐᓈᕆᔭᓄᑦ ᓄᓇᓕᒻᒧᓗ.

• ᑌᒣᒻᒪᑕᒐ ᐃᓄᒃ ‘ᐃᓄᓐᓃᑌᓕᒋᐊᖃᕐᑎᑕᐅᓲᖅ’. ᐃᓄᓐᓃᑌᓕᒍᓐᓇᑐᖅ ᐊᓂᕐᕋᒥᓂ(ᐃᓪᓘᒥ ᐳᓛᕐᑕᐅᖃᔭᕋᓂ ᐊᒥᓱᓄᓪᓗ ᐅᐸᑦᓯᒪᔭᐅᓲᓂᕐᖃᔭᕋᓂ) ᐅᕝᕙᓗᓐᓃᑦ ᐋᓐᓂᐊᕕᒻᒦᑎᑕᐅᓗᓂ ᖃᓄᐃᓐᓂᖓ ᐃᑉᐱᒋᓗᒍ.

• ᐃᓄᓐᓃᑌᓕᑎᑕᐅᓂᖅ ᐊᓂᒍᓲᖅ ᑖᓐᓇ ᐃᓄᒃ ᐁᑦᑐᑐᐃᒋᐊᓪᓚᕕᖃᕈᓐᓀᑐᐊᕐᒪᑦ.

• ᐃᓄᓐᓃᑌᓕᓂᖓ ᐊᓂᒍᕐᒪᑦ ᑲᑉᐱᐊᒋᔭᐅᒋᐊᑐᖕᖏᑐᖅ ᐃᕐᐸᑎᕆᓚᖓᑦᔭᒍᓐᓀᒪᑦ ᐁᑦᑐᑑᑕᐅᒍᓐᓇᓂᕋᕐᑕᕕᓂᐅᒐᓗᐊᕐᐸᑦ ᐳᕙᓪᓗᓂᖓ. ᐃᓄᒃ ᑲᔪᖏᕐᓴᑕᐅᑦᓯᐊᕆᐊᓕᒃ ᑐᖕᖓᓱᑦᑎᑕᐅᓗᓂ ᐃᑲᔪᕐᓯᒪᓂᖃᕐᒪᑦ ᓄᓇᓕᒻᒥᓂᒃ ᐋᓐᓂᐊᓯᐅᑎᑑᒪᓂᕐᒥᒍᑦ!

• ᑐᑭᓯᒋᐊᓪᓛᕈᑏᑦ ᐃᓄᓐᓃᑌᓕᒋᐊᖃᕐᓂᐅᑉ ᒥᑦᓵᓄᑦ

ᐁᑦᑐᑑᑕᐅᒍᓐᓇᑐᖅ ᐳᕙᓪᓗᓇᖅ ᐳᕓᑦ ᓯᓚᑖᓂᑉᐸᑦ ᐁᑦᑐᑎᐅᒍᓇᑐᖁᑕᐅᖕᖏᑐᖅ.

ᑲᑎᓯᒋᐊᖃᕐᖀᑦ ᐃᓄᒻᒥᒃ ᐃᓄᓐᓃᑌᓕᒋᐊᓕᒻᒥᒃ?

ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᓯᔨ N95-ᓕᒻᒧᑦ ᒥᓕᑦᓯᒪᒋᐊᓕᒃ ᑮᓇᕐᒥᒍᑦ ᑖᓐᓇᓗ ᑲᑎᓚᖓᔭᖓ ᐃᓄᒃ ᐋᓐᓂᐊᓯᐅᕐᑏᑦ ᒥᓕᑦᓴᔭᖓᓂᒃ ᐊᑐᕐᒥᑎᓪᓗᒍ.

ᑕᑯᓗᒍ ᑮᓇᕐᒧᑦ ᒥᓕᒃ

ᖃᐅᔨᔭᐅᒍᑎᓪᓚᕆᒃ (ᖃᐅᔨᒐᓱᐊᕐᓂᖅ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᒪᖔᑦ)
ᖃᐅᔨᓴᕈᑏᒃ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᒪᖔᑦ ᐱᒻᒪᕆᐅᓂᕐᐹᒃ ᐅᕆᐊᕐᑐᑎᑕᐅᓂᖅ ᑕᕐᕋᑐᕐᑕᐅᓂᕐᓗ.

ᒪᒥᓴᐅᑏᑦ ᐃᓄᓐᓃᑌᓕᓂᕐᓗ

• ᐋᓐᓂᐊᓯᐅᑎᑐᕐᓂᖅ ᐱᒻᒪᕆᐊᓗᒃ ᖃᓄᐃᖕᖏᓯᐊᖁᒧᑦ ᐃᓄᒃ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑐᖅ.

  • ᐁᑦᑐᑑᑕᐅᒍᓐᓇᑐᖅ ᐳᕙᓪᓗᓇᖅ ᐋᓐᓂᐊᓯᐅᑎᑐᕈᑕᐅᖕᖏᑯᓂ, ᓱᒃᑯᐃᓚᕆᒍᓐᓇᑐᖅ ᑎᒥᒥᒃ. ᐱᕖᖕᖓᓕᕈᓂᓗ ᑐᖁᒍᑕᐅᒍᓐᓇᓱᓂ.

  • ᑎᒥᒥᒃ ᓴᐳᑦᔨᓯᒪᑦᓯᐊᕈᒪᒍᓂ, ᐱᒻᒪᕆᐅᓂᕐᐹᖅ ᐋᓐᓂᐊᓯᐅᑎᑐᕐᓂᖅ.

    
    

• ᐋᓐᓂᐊᓯᐅᑎᑐᕐᓂᖅ ᐱᒻᒪᕆᐅᒋᕗᖅ ᖃᓄᐃᖕᖏᓯᐊᖁᓪᓗᒋᑦ ᓇᔪᕐᑕᖏᑦ ᐃᓅᑉ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑑᑉ.

• ᐋᓐᓂᐊᓯᐅᑎᑐᓂᖅ ᐁᑦᑑᑕᐅᒍᓐᓇᑐᒥᒃ ᐳᕙᓪᓗᓗᓂ ᐊᑑᑎᒋᐊᖃᓪᓚᕆᑦᑑᑎᑕᖅ. ᐳᕙᓪᓗᑐᓕᕆᔩᑦ ᑕᒫᓂ ᐱᕕᓕᒫᑦᓯᐊᒥᒍᑦ ᐱᔭᕆᐊᑭᑦᑑᑎᑦᓯᒐᓱᐊᕐᑐᑦ ᐋᓐᓂᐊᓯᐅᑎᑑᒪᒋᐊᖃᕐᓂᒥᒃ.

• ᐃᓄᓐᓃᑌᓕᒋᐊᖃᕐᓂᖅ ᐊᑑᑎᒋᐊᖃᓪᓚᕆᑦᑑᑎᑕᖅ ᓯᕗᓪᓕᓂ ᐱᓇᓱᐊᕈᓯᕐᓂ ᐃᑭᑦᑑᒐᓗᐊᓂ ᐋᓐᓂᐊᓯᐅᑎᑐᓕᕐᑎᓗᒍ ᐳᕙᓪᓗᑐᖅ. ᐃᓄᓐᓃᑌᓕᒍᓐᓇᑐᖅ ᐊᓂᕐᕋᒥ ᐋᓐᓂᐊᕕᒻᒥᓗᓐᓃᑦ.

  • ᓄᑕᕋᓛᑦ ᐱᐊᕌᕈᐃᓪᓘᓃᑦ ᐃᓄᓐᓃᑎᑕᐅᑦᑌᓕᒋᐊᑐᖕᖏᑐᑦ. ᑌᒣᓚᕿᔪᖅ ᓄᑕᕋᓛᑦ ᐱᐊᕌᕈᐃᓪᓗ ᐳᕙᖏᑦ ᓴᖕᖏᑐᐊᐱᐅᒐᒥᒃ ᐃᕐᐸᑎᕆᒍᓐᓇᖏᒻᒪᑕ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ.

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒪᕆᒻᒥᒃ ᐅᖃᐅᑎᔭᐅᕋᑖᕐᑐᒥᒃ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᕆᐊᖓᓂᒃ:

ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ

• ᑑᓵᖃᑦᑕᑐᑦᓴᐅᒐᕕᑦ ᐁᑦᑐᑑᑎᐅᒍᓐᓇᑑᑉ ᐳᕙᓪᓗᓇᐅᑉ ᒥᑦᓵᓄᑦ, ᑐᑭᓯᓇᕐᑐᖅ ᑲᑉᐱᐊᓱᒐᓛᓐᓂᕆᔦᑦ.

• ᐳᕙᓪᓗᓇᖅ ᖃᓂᒻᒪᓚᕆᒍᑕᐅᒍᓐᓇᑑᒐᓗᐊᕐᓱᓂ ᖁᐱᕐᕈᑯᓗᖓ ᓄᖑᑎᕐᑕᐅᒍᓐᓇᑐᖅ ᑎᒥᒥᑦ ᒪᒥᓴᐅᑎᓄᑦ ᓄᓇᕕᒻᒦᖏᓐᓇᓗᑎᑦ ᐄᖃᕈᓐᓇᑕᑎᓐᓄᑦ. ᐋᓐᓂᐊᓯᐅᕐᑏᑦ, ᐋᓐᓂᐊᓯᐅᕐᑎᒪᕇᑦ ᐅᕙᖓᓗ ᐱᒍᓐᓇᕕᓕᒫᑦᓯᐊᑎᒍᑦ ᐱᔭᕆᐊᑭᑦᑑᑎᑦᓯᒐᓱᐊᓚᖓᕗᒍᑦ - ᐱᓇᓱᒐᕆᒐᑦᑎᒍ.

ᒪᒥᓴᐅᑏᑦ

• ᒪᒥᓴᐅᑏᑦ ᐊᑦᑕᓇᖕᖏᑐᖅ ᒪᒥᒍᑎᐅᒍᓐᓇᓯᐊᕐᓱᑎᓪᓗ. ᐊᑯᓂ ᐱᖃᑦᑕᕆᐊᖃᓚᖓᒐᓗᐊᕐᓱᒋᑦ ᑭᓯᐊᓂ ᐄᕐᖃᕆᐊᓕᓕᒫᑎᓐᓂᒃ ᐱᔭᕇᕈᕕᑦ, ᐳᕙᓪᓗᕈᓐᓀᓛᕐᑐᑎᑦ..

• ᐋᓐᓂᐊᓯᐅᑎᑐᕆᐊᖃᓪᓚᕆᑦᑐᑎᑦ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓗᑎᑦ, ᐋᓐᓂᐊᓯᐅᑎᑐᖕᖏᑯᕕᑦ ᖃᓂᒻᒪᕙᕐᔪᐊᕈᓐᓇᕋᕕᑦ.

ᐃᕐᐸᕈᓐᓇᓂᖓ

• ᐁᑦᑐᑑᑕᐅᒍᓐᓇᑑᑉ ᐳᕙᓪᓗᓇᐅᑉ ᖁᐱᕐᕈᑯᓗᖓ ᐃᕐᐸᓲᖅ ᐊᓂᕐᑎᕆᔭᐅᔪᒃᑯᑦ ᐊᓂᕐᓂᓂᑦ ᐱᑦᓱᓂ. ᑌᒣᒻᒪᑕᖓ ᐃᓄᓐᓂᑌᓕᒋᐊᖃᕐᑎᓯᓲᖑᔪᒍᑦ ᐱᓇᓱᐊᕈᓯᕐᓂ ᓯᕗᓪᓕᓂ ᐋᓐᓂᐊᓯᐅᑎᑐᓯᕐᖃᒥᐅᑎᓪᓗᑎᑦ - ᓴᐳᑦᔨᓯᒪᔭᐅᖁᔨᒧᑦ ᐃᓚᑎᓐᓂᒃ ᓄᓇᓕᒻᒥᓗ ᐳᕙᓪᓗᓕᖁᓇᒋᑦ.

• ᐋᓂᐊᓯᐅᑎᑑᒪᓯᑦᓴᑐᐊᕈᕕᑦ ᒪᒥᓴᐅᑎᒃ ᐹᓯᒋᑦᓴᐅᑎᒋᓲᖅ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ, ᐁᑦᑐᑐᐃᕐᖃᔦᑦᓴᐅᑎᒋᐊᐱᓚᖓᔪᑎᑦ. ᐃᓄᓐᓃᑌᓕᒍᓐᓀᕈᕕᑦ, ᐃᓱᒫᓗᒋᐊᑐᖕᖏᑐᑎᑦ ᐃᕐᐸᑎᕆᓚᖓᔪᕆᓗᑎᑦ ᐱᖃᓐᓇᑎᑦᓄᑦ ᐃᓚᑎᓐᓄᓗᓃᑦ, ᐱᓇᓱᕝᕕᓄᓪᓗ ᐅᑎᕈᓐᓇᓯᐊᕐᓱᑎᒃ ᐊᓯᖏᓐᓂᓗ ᐊᓕᐊᒋᔭᑎᓐᓂᒃ ᐅᑎᕐᕕᖃᕈᓐᓇᓱᑎᑦ.