ᐳᕙᓪᓗᓇᕐᒥᒃ ᖃᐅᔨᓴᐅᑏᑦ
ᐋᓐᓂᐊᕕᒻᒥ ᖃᐅᔨᒐᓱᐊᕐᑕᐅᒋᐊᓪᓛᑐᖅ
ᓱᓇᒋᓐᓈ?
ᐋᓐᓂᐊᓯᐅᕐᑎ ᐊᐱᕆᒍᑎᖃᕋᔭᕐᑐᖅ ᒪᓗᓐᓇᐅᑎᐅᒍᓐᓇᑐᓂᒃ ᐊᓯᖏᓐᓂᓗ ᐊᐱᕆᐅᑎᖃᕐᓗᓂ ᐃᓄᒃ ᖃᓄᐃᒻᒪᖔᑦ.
ᑭᑦᑎᑕᕐᓗᒍᓗ, ᐳᕙᖏᓪᓗ ᓈᓚᓪᓗᒋᑦ ᖁᖓᓯᖓᓗ ᐳᓪᓕᒪᖔᑦ ᖃᐅᔨᒐᓱᐊᕐᓗᒍ.
ᓱᒧᑦ ᐋᓐᓂᐊᕕᒻᒥ ᖃᐅᔨᓴᕆᐊᓪᓛᔭᐅᓲᖑᕙᑦ?
ᐃᑲᔪᕐᓯᒍᑎᐅᓲᖅ ᑐᑭᓯᒐᓱᐊᕈᑕᐅᑦᓱᓂ ᖃᓄᐃᑦᑐᓂᒃ ᐳᕙᓪᓗᓇᕐᒨᓕᖓᔪᓂᒃ ᖃᐅᔨᓴᕐᑕᐅᒍᑎᖃᕐᓂᐊᒪᖔᑦ.
ᐱᕕᖃᕐᑎᓯᑦᓱᓂᓗ ᐃᓄᒻᒥᒃ ᐅᖄᕕᖃᕈᓐᓇᖁᓪᓗᒍ ᐋᓐᓂᐊᓯᐅᕐᑎᒥᒃ ᐋᓐᓂᐊᓯᐅᕐᑎᒪᕆᒻᒥᓗᓐᓃᑦ ᐊᐱᕆᐅᑎᖃᕈᓐᓇᓗᓂ ᐳᕙᓪᓗᓇᕐᒨᓕᖓᔪᓂᒃ.
ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᙯᖁᔭᕕᓂᐅᔪᒥᒃ ᐋᓐᓂᐊᕕᒥ ᖃᐅᔨᓴᕆᐊᓪᓛᑕᐅᒍᒪᑦᓱᓂ:
ᓱᓇ/ᓱᒧᑦ
ᐳᕙᓪᓗᑐᓕᕆᔨ ᐋᓐᓂᐊᓯᐅᕐᑎ ᐅᖄᖃᑎᖃᕈᒪᔪᖅ ᐃᓕᓐᓂᒃ ᐳᕙᓪᓗᓇᕐᑐᑕᓕᒻᒦᑐᕕᓂᐅᓂᐊᖕᖑᕆᔭᐅᒐᕕᑦ.
ᑖᓐᓇ ᖃᐅᔨᓴᕆᐊᓪᓛᓂᖅ ᓯᕗᓪᓕᐹᖑᑦᓱᓂ ᐱᓇᓱᐊᓲᖓ ᐋᓐᓂᐊᓯᐅᕐᑎᐅᑉ ᑐᑭᓯᒋᐊᑦᓯᐊᕈᑎᒋᒐᓱᐊᕐᓱᒍ ᐳᕙᓪᓗᒪᒑᑉᐱᑦ ᖃᐅᔨᓴᕐᑕᐅᒋᐊᓪᓚᑐᑦᓴᐅᒪᖔᑉᐱᑦ. ᐊᐱᕆᓚᖓᔪᑦ ᖃᓄᐃᒻᒪᖔᑉᐱᑦ ᐊᓯᖏᓐᓂᓗ ᐃᓅᓯᕐᓅᓕᖓᔪᓂᒃ ᐊᐱᕆᐅᑎᖃᕐᓗᑎᒃ.
ᐃᓚᖏᑦ ᐊᐱᕆᐅᑏᑦ, ᐅᑦᑑᑎᒋᓗᒍ ᐃᒥᐊᓗᒻᒨᓕᖓᔪᑦ, ᐃᓱᐃᑦᑐᒐᓚᐅᒐᓗᐊᑦ ᑭᓯᐊᓂ ᐊᐱᕆᐅᑎᐅᒋᐊᖃᓲᑦ. ᐃᕐᖃᑐᐃᔪᖃᕋᓱᐊᑦᔭᖏᒻᒪᑦ ᐅᖃᑦᓯᐊᑐᐃᓐᓇᕈᓐᓇᑐᑎᑦ ᓱᓕᔪᓂᒃ.
ᖃᐅᔨᓴᕆᐊᓪᓛᔭᐅᓗᑎᑦ, ᐋᓐᓂᐊᓯᐅᕐᑎᒧᑦ ᑭᑦᑎᑕᕐᑕᐅᓚᖓᔪᑎᑦ, ᐳᕙᑎᓪᓗ ᓈᓚᑦᑕᐅᓗᑎᒃ ᖁᖓᓰᓪᓗ ᐊᑦᑑᔭᕐᑕᐅᓗᓂ.