ᖃᐅᔨᓴᕐᓂᖅ
ᓄᓇᓕᓕᒫᒥᒃ ᖃᐅᔨᓴᕐᓂᖅ
ᓱᓇᒋᓐᓈ?
ᓱᓇᒋᓐᓈ?
ᐃᓚᖓᓂ ᐊᒥᓱᐃᑦ ᐃᓄᐃᑦ ᓄᓇᓕᒻᒥᐅᑦ ᖃᐅᔨᓴᕐᑕᐅᓲᑦ ᐃᓚᖓᓂᓗ ᐃᓓᓐᓇᖏᑦ ᓇᓪᓕᑳᑦᑕᐅᒪᔪᑦ ᖃᐅᔨᓴᕐᑕᐅᓲᑦ
ᐃᓚᖓᓂ ᕿᓂᓲᖑᔪᒍᑦ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓇᕐᒥᒃ ᑕᕐᕋᑐᐃᑦᓱᑕ ᐅᕆᐊᕐᑐᑎᑦᓯᓱᑕᓗᓐᓃᑦ.
ᐃᓚᖓᓂ ᕿᓂᓲᖑᔪᒍᑦ ᓯᓂᑦᑑᓂᕋᕐᑕᒥᒃ ᐳᕙᓪᓗᓇᕐᒥᒃ ᐅᕕᓂᒃᑯᑦ ᖃᐅᔨᓴᕐᓱᑕ
ᓱᒧᑦ ᓄᓇᓕᒻᒥᒃ ᖃᐅᔨᓴᓲᖑᕕᑕ?
ᐃᓚᖓᓂ ᐃᓄᐃᑦ ᐁᑦᑐᑑᑕᐅᒍᓐᓇᑐᒧᑦ ᐳᕙᓪᓗᓲᖑᒻᒪᑕ ᖃᓂᒪᔫᔮᕋᑎᒃ. ᖃᐅᔨᒐᓱᐊᕈᑎᑦᓯᐊᑐᐊᖅ ᐃᓄᐃᑦ ᖃᐅᔨᓴᖃᑦᑕᓱᒋᑦ ᐳᕙᓪᓗᒪᖔᑕ. ᓄᓇᓕᒻᒥᒃ ᖃᐅᔨᓴᕐᓂᖅ ᖃᐅᔨᒐᓱᐊᕈᑎᐅᔪᖅ ᐃᓄᐃᑦ ᐳᕙᓪᓗᒪᖔᑕ ᖃᓂᒻᒪᓚᐅᕐᑎᓇᒋᓱᓕ.
ᓄᓇᓕᒻᒥᒃ ᖃᐅᔨᓴᕐᓂᖅ ᖃᐅᔨᒍᑎᐅᓲᖅ ᐳᕙᓪᓗᑐᓂᒃ ᐁᑦᑐᑑᑎᐅᒍᓐᓇᑐᒧᑦ ᐄᕐᖃᕈᓐᓇᓯᖁᓪᓗᒋᑦ ᖃᓂᒻᒪᓚᐅᕐᑎᓇᒋᑦ. ᑌᒣᑐᐊᕐᒪᑦ ᐳᕙᓪᓗᓇᖅ ᐃᓅᑉ ᑎᒥᖓᓂᒃ ᓱᒃᑯᐃᖏᓐᓂᓴᐅᒍᓐᓇᒪᑦ. ᐳᕙᓪᓗᓇᖅ ᐃᕐᐸᖏᓐᓂᓴᐅᒍᓐᓇᑐᖅ ᐃᓄᓐᓄᑦ ᐊᓯᖏᓐᓄᑦ.
ᓄᓇᓕᒻᒥᒃ ᖃᐅᔨᓴᕐᓂᖅ ᖃᐅᔨᒍᑎᐅᓲᖅ ᐃᓄᓐᓂᒃ ᓯᓂᑦᑑᓂᕋᕐᑕᒧᑦ ᐳᕙᓪᓗᑐᓂᒃ ᐄᖃᓴᐅᑎᒋᖁᓪᓗᒋᑦ ᐳᕙᓪᓗᓇᖅ ᐁᑦᑐᑑᑎᐅᓲᕈᖕᖏᓂᖓᓂᒃ, ᖃᓂᒻᒪᖏᓐᓂᖏᓐᓂ.
ᓄᓇᓕᒻᒥᒃ ᖃᐅᔨᓴᕐᓂᖅ ᐱᒻᒪᕆᐊᓘᕗᖅ ᑭᓇᓕᒫᑦᓯᐊᑯᑦ ᐃᓚᐅᒍᓐᓇᖁᓪᓗᒋᑦ ᓄᓇᓕᒥᓂᒃ ᐳᕙᓪᓗᓇᖃᕈᓐᓀᑎᑦᓯᓂᕐᒧᑦ.
ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᙯᖁᔭᐅᓯᒪᔪᒥᒃ ᓄᓇᓕᒻᒥᒃ ᖃᐅᔨᓴᕐᓂᐅᔪᒧᑦ ᐃᓚᐅᖁᑦᓱᒍ ᑕᕐᕋᑐᕐᑕᐅᓗᓂ:
ᓱᓇ/ᓱᒧᑦ
ᐅᖄᖃᑎᒌᑫᓐᓇᓯᕗᒍᒃ ᓱᒧᑦ ᙯᖁᔭᐅᑫᓐᓇᒪᖔᑉᐱᑦ. ᐋᓐᓂᐊᓯᐅᕐᑎ ᑕᕐᕋᑐᕐᑕᐅᔪᓄᑦ ᐃᓚᐅᖁᔨᒻᒪᑦ ᓄᓇᓕᒻᒥᒃ ᖃᐅᔨᓴᕐᓂᖃᕋᑦᑕ.
ᓄᓇᓕᒻᒥᒃ ᖃᐅᔨᓴᕐᓂᖃᖃᑦᑕᓯᒪᔪᒍᑦ. ᑭᓯᐊᓂᓕ ᑖᓐᓇ ᓄᓇᓕᒻᒥ ᖃᐅᔨᓴᕆᐊᓪᓚᓂᖅ ᐊᒥᓱᓂᒃ ᐃᓄᓐᓂᒃ ᓄᓇᓕᒻᒥᐅᓂᒃ ᑕᕐᕋᑐᕐᑕᐅᒋᐊᕐᑐᖁᔨᓂᐅᔪᑦ, ᖃᓂᒪᖕᖏᑲᓗᐊᕐᐸᑕ. ᐳᕙᓪᓗᑐᒥᒃ ᖃᓂᑕᖃᓚᐅᕋᑕᖕᖏᑲᓗᐊᕈᕕᑦ, ᑭᓯᐊᓂ ᓄᓇᓕᕗᑦ ᐳᕙᓪᓗᓇᕐᑐᑕᖃᓕᕐᒪᑦ ᖃᐅᔨᓴᓚᕿᕗᒍᑦ ᐊᒥᓱᓂᒃ ᐃᓄᓐᓂᒃ ᐊᒥᐊᒃᑯᖃᕈᒪᖕᖏᒧᑦ.
ᐱᕙᓪᓕᖁᑎᕐᑕᖏᑦ
ᖃᐅᔨᓴᕐᓂᖅ ‘ᓇᕚᕋᓱᐊᑲᐱᓐᓂᐅᔪᖅ ᐳᕙᓪᓗᓇᕐᒥᒃ’. ᑕᒡᒐ ᖃᓄᖅ ᑕᒪᓐᓇ ᑐᑭᓕᖃᓕᕐᖃ? ᓇᕝᕚᑲᐱᓐᓂᖅ ᐳᕙᓪᓗᓇᕐᒥᒃ ᐱᒻᒪᕆᐊᓗᒃ ᐳᕙᓪᓗᓇᐅᑉ ᖁᐱᕐᕈᑯᓗᖓ ᓱᒃᑯᑎᕆᖁᓇᒍ ᑎᒥᒥᒃ, ᐄᕐᖃᕙᕐᔪᐊᕆᐊᖃᖕᖏᓂᕐᓴᐅᒍᑎᐅᒍᓐᓇᑐᖅ, ᐳᕙᓪᓗᓇᕐᒥᓗ ᐃᕐᐸᖏᓐᓂᓴᐅᑎᑦᓯᒍᓐᓇᓱᓂ ᐃᓄᓐᓂ.
ᓄᓇᓕᒻᒥᒃ ᖃᐅᔨᓴᕐᓂᖅ ᑭᓇᓕᒫᒃᑯᑦ ᐱᓇᓱᐊᖃᑎᒌᓐᓂᕆᒍᓐᓇᑕᖓ ᐳᕙᓪᓗᓇᖅ ᓄᖑᖁᓪᓗᒍ ᓄᓇᓕᑦᑎᓂ.
ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ
ᓄᓇᓕᒥᒃ ᖃᐅᔨᓴᕐᓂᒧᑦ ᐃᓚᐅᒋᐊᒥᒃ ᑐᑭᑖᕈᓐᓇᑐᑑᔪᑎᑦ, ᕆᐊᑐᖕᖏᑐᑎᑦ ᕈᒪᖕᖏᑯᕕᑦ.
ᐃᒻᒪᖄ ᑲᑉᐱᐊᓱᒐᓚᕐᖂᑐᑎᑦ ᖃᐅᔨᓴᕐᓂᐅᑉ ᒥᑦᓵᓄᑦ, ᑕᒪᓐᓇᓗ ᑐᑭᓯᑦᓯᐊᑕᕋ ᑭᓯᐊᓂᓕ ᐃᒫᒃ ᐃᓱᒪᒋᒋᐊᓕᕗᑦ: ᖃᐅᔨᒪᒍᑦᑕ ᐱᐅᓂᕐᓴᖅ ᑐᑭᑖᕈᓐᓇᓯᐊᕐᓂᐊᕋᑦᑕ ᖃᐅᔨᔭᐅᔪᑦ ᑐᖕᖓᕕᒋᓗᒋᑦ, ᖃᐅᔨᒪᖕᖏᑯᑦᑕᓕ ᖁᐊᕐᓵᕈᑎᖃᖔᕈᓐᓇᕋᑦᑕ ᑭᖑᓂᐊᒍᑦ.