ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

• ᓇᓗᓀᕐᓯᓂᖅ ᐃᓱᒫᓗᑎᐅᔪᓂᒃ ᐃᑲᔪᕐᓯᒪᒍᑎᐅᒍᓐᓇᑐᓂᓪᓗ (Red Book pg. 23)

• ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᓇᑑᑉ ᐋᓐᓂᐊᓯᐅᑎᑐᕐᑎᑕᐅᓂᖓ

• ᓯᓂᑦᑑᓂᕋᕐᑕᒥᒃ ᐳᕙᓪᓗᑑᑉ ᐋᓐᓂᐊᓯᐅᑎᑐᕐᑎᑕᐅᓂᖓ

ᓱᓇᒋᓐᓈ?

ᐄᓯᑦᓯᐊᖃᑦᑕᓂᖅ ᒪᒥᓴᐅᑎᓂᒃ ᐱᔭᐅᖁᓯᒪᔭᖏᓐᓂᒃ ᐋᓐᓂᐊᓯᐅᕐᑎᒪᕆᐅᑉ.

ᑐᑭᓯᔭᐅᓪᓚᕆᒋᐊᓖᑦ

• ᐃᓚᖓᓂ ᐃᓄᐃᑦ ᐋᓐᓂᐊᓯᐅᑎᑑᒪᓕᕐᓱᑎᒃ ᑕᕐᕿᓂ ᐃᑭᑦᑑᒐᓗᐊᓂ ᐃᓱᕐᕆᓕᐅᒥᓕᑐᐊᕋᒥ, ᒪᒥᓴᐅᑎᑐᕆᐊᕐᑐᖏᓐᓂᓴᕈᓲᑦ.

• ᓇᐅᓕᒫᓂᒃ ᖃᓄᐃᖕᖏᓯᐊᕋᓱᐊᕐᑎᓯᔨᐅᓗᑎᑦ, ᑲᔪᖏᕐᓴᕆᐊᖃᕐᑌᑦ ᐃᓄᒃ ᐋᓐᓂᐊᓯᐅᑎᒥᓂᒃ ᑲᔪᓯᑦᓯᐊᖁᓪᓗᒍ, ᐃᓱᕐᕆᓕᕐᑐᕆᒐᓗᐊᕈᑎᒃ.

• ᐃᓄᒃ ᐋᓐᓂᐊᓯᐅᑎᑑᒪᑦᓯᐊᑑᔭᖕᖏᐸᑦ (ᐅᑦᑑᑎᒋᓗᒍ, ᐳᐃᒍᖃᑦᑕᓱᓂ ᐄᓯᒋᐊᖅ), ᓇᐅᓕᒫᓂᒃ ᖃᓄᐃᖕᖏᓯᐊᕋᓱᐊᕐᑎᓯᔨᐅᓗᑎᑦ, ᐱᓇᓱᐊᖃᑎᒋᒍᓐᓇᑌᑦ ᐃᑲᔪᕋᓱᐊᕐᓗᒍ ᑲᔪᓯᑦᓯᐊᖁᒧᑦ.

ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓗᓂ ᐋᓐᓂᐊᓯᐅᑎᑐᕐᓂᒥᒃ ᐱᔭᕇᒋᐊᖃᕐᓂᖅ

ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᑐᖅ ᐱᔭᕇᓪᓚᕆᐊᓗᒋᐊᓕᒃ ᐋᓐᓂᐊᓯᐅᑎᑐᕐᑕᒥᓂᒃ ᐳᕙᓪᓗᓂᖓ ᒪᒥᑦᓯᐊᖏᑦᑑᑐᐃᓐᓇᕆᐊᖃᕐᒪᑦ ᐊᒻᒪᓗ:

• ᐳᕙᓪᓗᓇᖅ ᐅᑎᕈᓐᓇᓱᓂ

  • ᐃᓄᒃ ᖃᓂᒻᒪᕆᐊᓪᓚᕈᓐᓇᑐᖅ

  • ᐃᓄᒃ ᐁᑦᑐᑑᐃᒋᐊᓪᓚᓯᒍᓐᓇᑐᖅ ᐃᕐᐸᑎᕆᓗᓂ ᐳᕙᓪᓗᓇᕐᒥᒃ ᐊᓯᒥᓄᑦ.

• ᐳᕙᓪᓗᓇᖓ ᐋᓐᓂᐊᓯᐅᑎᓄᑦ ᓱᕐᕋᑕᐅᕐᖃᔦᑐᐃᓐᓇᕆᐊᓕᒃ

  • ᐋᓐᓂᐊᓯᐅᑎᒧᑦ ᓱᕐᕋᑕᐅᕐᖄᔦᓲᖅ ᐳᕙᓪᓗᓇᕐᒥᒃ ᒪᒥᓴᐅᑎᒃ ᒪᒥᑦᑎᓯᖃᔦᕐᒪᑦ ᐊᓱᐃᓛ ᐳᕙᓪᓗᓇᖅ ᑲᒪᒋᔭᐅᒐᓱᐊᕆᐊᖓ ᐱᔭᕆᐊᑐᓂᕐᓴᕈᓂᐊᓕᕐᒪᑦ.

  • ᑌᒣᓕᓚᕿᒍᓐᓇᑐᖅ ᑖᓐᓇ ᐳᕙᓪᓗᓇᖅ ‘ᐃᓕᑦᓯᓲᖑᒻᒪᑦ’ ᑐᖁᑕᐅᕐᖃᔦᕈᓯᕐᒥᒃ ᒪᒥᓴᐅᑎᓄᑦ.

• ᑌᒪᖕᖓᓕᒫᖑᖕᖏᑑᒐᓗᐊᖅ, ᐃᓄᒃ ᐱᒋᐊᓕᕐᕿᑎᑕᐅᒋᐊᖃᓲᖅ ᐃᕐᖃᕆᐊᖃᕐᓂᐅᑉ ᓯᕗᓪᓕᖓᓂᒃ.

ᓯᓂᑦᑑᓂᕋᕐᑕᒥᒃ ᐳᕙᓪᓗᓗᓂ ᐋᓐᓂᐊᓯᐅᑎᑐᕐᓂᒥᒃ ᐱᔭᕇᒋᐊᖃᕐᓂᖅ

ᓯᓂᑦᑑᓂᕋᕐᑕᒥᒃ ᐳᕙᓪᓗᑐᖅ ᐱᔭᕇᓪᓚᕆᐊᓗᒋᐊᓕᒃ ᐋᓐᓂᐊᓯᐅᑎᑐᕐᑕᒥᓂᒃ ᐃᒣᑐᐃᓐᓇᕆᐊᖃᕐᒪᑦ:

• ᐊᒥᓲᓗᐊᕐᑐᓂᒃ ᐅᓪᓗᓂᒃ ᐊᓪᓗᐃᖃᑦᑕᑐᕕᓂᐅᒍᓂ, ᐋᓐᓂᐊᓯᐅᑎᑐᕆᐊᖃᕐᓂᖓ ᐱᒋᐊᓕᕐᕿᑎᑕᐅᒋᐊᖃᕋᔭᕐᑐᖅ ᐱᒋᐊᕐᓂᖓᓂᑦ.

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐋᓐᓂᐊᓯᐅᑎᑐᕐᑕᒥᓂᒃ ᐱᔭᕆᒐᓱᐊᕆᐊᖅ ᐱᓀᓗᑕᓕᒻᒥᒃ:

ᐁᑦᑐᑑᑎᐅᒍᓐᓇᑐᖅ ᐳᕙᓪᓗᓇᖅ

• ᓇᑯᕐᓴᓚᕆᒃᑯᖓ ᐃᓱᕐᕆᓕᕐᓂᓴᐅᒐᕕᑦ ᐄᖃᓕᓚᐅᔪᑦᓱᑎᑦ ᑭᓯᐊᓂ ᐱᒻᒪᕆᐊᓗᖏᓐᓇᑐᖅ ᐋᓐᓂᐊᓯᐅᕐᑎᒪᕆᒻᒧᑦ ᐄᔭᐅᖃᑦᑕᖁᔭᐅᓚᐅᔪᓂᒃ ᐃᓯᑦᓯᐊᖃᑦᑕᕆᐊᖃᕐᓃᑦ.

• ᐋᓐᓂᐊᓯᐅᑎᑎᓐᓂᒃ ᐱᔭᕇᑦᓯᐊᕆᐊᖃᕐᑐᑎᑦ ᐳᕙᓪᓗᓀᑦ ᐅᑎᑐᐃᓐᓇᕆᐊᖃᕐᒪᑦ ᖃᓂᒻᒪᕆᐊᓪᓚᕈᓐᓇᓱᑎᓪᓗ ᐃᕐᐸᑎᕆᒋᐊᓪᓚᓗᑎᐊᓪᓛᑦ ᐳᕙᓪᓗᓇᕐᒥᒃ.

• ᐳᕙᓪᓗᓀᑦ ᐅᑎᕈᓂ, ᓲᖑᓂᕐᓵᓘᒍᓐᓇᑐᖅ, ᖃᓂᒻᒪᓂᕐᓴᐅᒍᓐᓇᑐᑎᑦ ᐳᕙᓪᓗᓂᕆᔦᓪᓗ ᑲᒪᒋᔭᐅᒐᓱᐊᕐᓂᖓ ᐱᔭᕐᓃᓂᕐᓴᐅᒍᓐᓇᓱᓂ.

• ᑕᑯᒋᐊᓚᐅᕐᓘᒃ ᐋᓐᓂᐊᓯᐅᑎᑐᕆᐊᖃᕐᓂᐱᑦ ᐸᕐᓇᑕᐅᒪᒍᑎᖓᓂᒃ ᖃᐅᔨᒋᐊᕐᓂᐊᕋᓐᓄᒃ ᓇᓪᓕᐊᒍᑦ ᐃᓱᐊᕐᓂᐸᐅᒍᓐᓇᓂᐊᕐᒪᖓ ᐃᓕᓐᓄᑦ?

ᓯᓂᑦᑑᓂᕋᕐᑕᖅ ᐳᕙᓪᓗᓇᖅ

• ᓯᓂᑦᑑᓂᕋᕐᑕᒥᒃ ᐳᕙᓪᓗᕋᕕᑦ, ᐳᐃᒍᕐᑐᕕᓂᐅᒐᓗᐊᕈᕕᑦ ᐃᓯᒋᐊᖅ ᐅᓪᓗᓂᒃ ᐊᒥᓲᖕᖏᑐᓂᒃ ᑭᓯᐊᓂ ᐊᒥᓱᕕᓪᓗᑎᑦ ᐊᓪᓗᐃᖃᑦᑕᑐᐊᕋᕕᑦ ᐱᒋᐊᑦᓯᐊᓕᑌᓐᓇᑐᐃᓐᓇᕆᐊᖃᕐᑐᑎᑦ ᐄᕐᖃᑕᑎᓐᓂᒃ.

• ᑌᒣᒍᒪᕐᖂᖏᓐᓇᕕᑦ ᑌᒣᖁᔨᖕᖏᒥᒐᒪ. ᖃᓄᐃᓘᖃᑎᒌᒍᓐᓇᕿᓅᒃ ᐃᑲᔪᑕᐅᒍᑎᑦᓴᑎᓐᓂᒃ ᐱᔭᕇᑦᓯᐊᖁᓪᓗᑎᑦ ᐄᕐᖃᑕᑎᓐᓂᒃ. ᐃᒻᒪᖄ ᐳᐃᒍᕆᒃᑯᑎᓕᐅᕐᓯᒪᖃᑦᑕᓗᑎᑦ, ᐊᓯᑎᑦ ᐃᓄᐃᑦ ᐳᐃᒍᕆᒃᑯᑎᖃᓲᖑᒻᒥᔪᒐᓗᐊᑦ ᐅᖄᓚᐅᑎᐊᐱᒻᒥᓂᒃ.