ᐳᕙᓪᓗᑐᑦ ᐋᓐᓂᐊᓯᐅᑎᑐᕐᑎᑕᐅᓂᖓ
ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᑑᑉ ᐋᓐᓂᐊᓯᐅᑎᑐᕐᑎᑕᐅᓂᖓ
ᑐᑭᓯᒪᒍᑎᐅᒍᓐᓇᑐᑦ
ᐳᕙᓪᓗᓇᐅᑉ ᐁᑦᑐᑑᑎᐅᒍᓐᓇᑑᑉ ᐃᖏᕐᕋᓂᖓ (Red Book pg. 1)
ᓇᓗᓀᕐᓯᓂᖅ ᐃᓱᒫᓗᑎᐅᔪᓂᒃ ᐃᑲᔪᕐᓯᒪᒍᑎᐅᒍᓐᓇᑐᓂᓪᓗ (Red book pg. 23)
ᐃᑲᔪᕐᓯᒪᓂᖅ ᐃᓄᒻᒥᒃ
ᑕᑯᓗᒍ ᐳᕙᓪᓗᑐᑦ ᐋᓐᓂᐊᓯᐅᑎᑐᕐᑎᑕᐅᓂᖓᓂᒃ ᑐᑭᓯᓇᕐᑎᓯᒍᑏᑦ ᐅᕝᕙᓗᓐᓃᑦ ᑲᔪᖏᕐᓭᒍᑏᑦ ᑐᑭᓯᒋᐊᓪᓚᕈᒪᒍᕕᑦ ᐃᑲᔪᕐᓯᒍᑎᒋᒍᓐᓇᑕᑎᓐᓂᒃ ᐃᓄᒻᒥᒃ ᐋᓐᓂᐊᓯᐅᑎᑐᒫᓂᖓᓂ.
ᖃᐅᔨᒪᒍᓇᐅᒐᕕᑦ, ᐳᕙᓪᓗᓇᖅ ᐁᑦᑐᑑᑎᐅᒍᓐᓇᑐᖅ ᐄᕐᖃᕈᑎᐅᓪᓚᕆᒋᐊᖃᕐᒪᑦ. ᐳᕙᓪᓗᑐᓕᕆᔩᑦ ᐱᕕᓕᒫᒥᒍᑦ ᐱᓇᓱᐊᕐᓯᒪᒐᓗᐊᕐᑎᓗᒋᑦ ᐃᓄᒃ ᐋᓐᓂᐊᓯᐅᑎᑑᒪᒍᒪᖕᖏᐸᑦ, ᐃᕐᖃᑐᐃᕕᒃᑯᑦ ᐳᓖᓯᑎᒍᓪᓗ ᑲᒪᒋᔭᐅᓯᑐᐃᓐᓇᕆᐊᓕᒃ. ᑕᒪᓐᓇ ᐊᑑᑎᓕᑭᑕᖕᖏᑑᒐᓗᐊᖅ ᐱᕖᕈᓪᓗᑐᐸᑭᓯᐊᓂ ᐊᕐᖁᑎᒋᔭᐅᓯᓲᖅ.
ᒪᒥᓴᐅᑎᑐᕐᓂᖅ ᐄᕐᖃᒐᕐᑐᓂᕐᓗ ᐋᓐᓂᐊᓯᐅᑎᑐᑦᓯᐊᕋᓗᐊᕐᒪᖔᑦ ᑕᑯᓐᓇᑐᖃᕐᑎᓗᒍ
ᐃᓚᖓᓂ ᒪᒥᓴᐅᑏᑦ ᐳᕙᓪᓗᓇᕐᒥᒃ ᐁᑦᑐᑑᑎᐅᒍᓐᓇᑐᒥᒃ ᐱᔭᐅᑎᑕᐅᒋᐊᓲᑦ ᐋᓐᓂᐊᓯᐅᑎᑐᑦᓯᐊᕋᓗᐊᕐᒪᖔᑦ ᑕᑯᓐᓇᑐᖃᕐᑎᓗᒍ ᐳᕙᓪᓗᑐᓕᕆᔨᒥᒃ. ᑖᓐᓇ DOT-ᓚᔭᐅᓲᖅ, ᐋᓐᓂᐊᓯᐅᑎᑐᑦᓯᐊᕋᓗᐊᕐᒪᖔᑦ ᑕᑯᓐᓇᑐᖅ.
DOT ᐊᑑᑎᔭᐅᓚᕿᓲᖅ ᐋᓐᓂᐊᓯᐅᑎᑐᕐᑕᐅᒋᐊᓕᓕᒫᑦ ᐱᔭᐅᑦᓯᐊᖃᑦᑕᖁᒧᑦ. ᐊᒥᓱᓂᒃ ᐅᓪᓗᓂ ᐊᓪᓗᐃᔪᖃᖃᑦᑕᐸᑦ, ᒪᒥᓴᐅᑎᒃ ᐊᑐᑦᓯᐊᖏᑦᑐᕈᒍᓐᓇᑐᖅ ᐃᓄᓪᓗ ᖃᓂᒻᒪᓚᕿᓗᓂ ᐁᑦᑐᑐᐃᒍᓐᓇᓯᒋᐊᓪᓚᓗᓂᓗᓐᓃᑦ.
ᖃᓄᖅ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎ ᐃᑲᔪᕈᓐᓇᖃ DOT-ᑎᒍᑦ ᐃᓯᒋᐊᖃᕐᑐᖃᕐᐸᑦ?
DOT ᐊᑑᑎᕙᓪᓗᓲᖅ ᐋᓐᓂᐊᕕᒻᒥ. ᐃᓚᖓᓂ ᑕᒪᓐᓇ ᐱᔭᕆᐊᑐᔫᒍᓐᓇᑐᖅ ᐃᓚᖏᓐᓄᑦ ᐃᓄᓐᓄᑦ ᑌᒣᒻᒪᑦ ᓇᐅᓕᒫᓂᒃ ᖃᓄᐃᖕᖏᓰᐊᕐᑎᓯᒐᓱᐊᕐᑎ ᐃᑲᔪᕈᓐᓇᑐᖅ ᖃᓄᖅ ᐱᐅᓂᕐᐸᐅᒐᔭᕐᒪᖔᑦ ᓇᓂᓗ DOT-ᑎᒍᑦ ᐃᓯᒋᐊᖃᕐᓂᖓ. ᐱᒻᒪᕆᐊᓘᕗᖅ ᐃᓅᑉ ᐄᓯᑦᓯᐊᖃᑦᑕᕆᐊᖃᕐᓂᖓ ᐳᕙᓪᓗᓗᓂ ᐁᑦᑐᑑᑎᐅᒍᓐᓇᑐᒥᒃ ᐊᓪᓗᐃᑌᓕᓗᓂ ᐅᓪᓗᓂᒃ.
ᐳᕙᓪᓗᑑᑉ ᐁᑦᑐᑑᑎᐅᒍᓐᓇᑐᒥᒃ ᐋᓐᓂᐊᓯᐅᑎᑐᕐᑎᑕᐅᓂᖓ-ᒪᕐᕈᐃᓕᖓᔪᖅ
ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᑑᑉ ᐋᓐᓂᐊᓯᐅᑎᑐᕐᓂᖓ ᐱᖓᓲᔪᕐᑐᓲᖅ ᑕᕐᕿᓂᒃ ᒪᕈᐃᓕᕿᖓᑦᓱᓂᓗ.
ᑖᒃᑯᐊ ᒪᕐᕈᐃᓕᕿᖓᔫᒃ (ᐱᔭᐅᖃᑦᑕᕈᑎᒃ ᐅᓪᓗᖁᑎᒋᔭᐅᒋᐊᓕᓐᓂ):
ᓯᕗᓪᓕᖅ - ᐄᖃᒉᑦ ᖃᐅᑕᒫᑦ - ᒪᕐᕉᑐᖂᓐᓇᑐᑦ ᑕᕐᖀᓂᒃ (60-ᑕᓕᒃ)
ᑐᖓᓕᐊ - ᐄᖃᒉᑦ ᐱᖓᓱᕕᓪᓗᑎᒃ ᐱᓇᓱᐊᕈᓯᑕᒫᑦ - ᓯᑕᒪᑐᕈᓐᓇᑐᖅ ᑕᕐᕿᓂᒃ (51-ᑕᓕᒃ)
ᐃᓚᖓᓂ ᑐᖓᓕᐊ ᐋᓐᓂᐊᓯᐅᑎᑐᕐᓂᐅᑉ ᖃᐅᑕᒫᑦ ᐊᑐᕐᑕᐅᒋᐊᓕᒃ ᐅᕝᕙᓗᓐᓃᑦ ᐊᑯᓃᕐᓂᓴᐅᒍᓐᓇᑐᖅ:
ᐅᕆᐊᕐᑎᑕᐅᒍᑎᕕᓂᖓ ᓄᐃᑕᑎᑦᓯᐸᑦ ᐊᒥᓱᓂᒃ ᐳᕙᓪᓗᓇᐅᑉ ᖁᐱᕐᕈᑯᓗᖏᓐᓂᒃ ᑎᒥᖓᓃᑦᑐᓂᒃ.
ᐃᓄᒃ ᐳᕙᓪᓗᓂᕐᒥᓄᑦ ᖃᓂᒪᕙᕐᔪᐊᑎᑕᐅᐸᑦ
The person has TB in more than one part of the body.
ᐃᓄᒃ ᐳᕙᓪᓗᓇᕐᑕᖃᕐᐸᑦ ᓴᐅᓂᕐᒥᒍᑦ ᖃᕆᑕᕐᒥᒍᓪᓘᓃᑦ.
ᐅᓪᓗᐃᑦ ᐃᓚᖏᓐᓂ ᐄᓯᒋᐊᖃᕐᓱᓂ ᐊᓪᓗᐃᖃᑦᑕᓂᕐᐸᑦ.
ᐃᓗᓐᓈᒍᑦ, ᐃᓄᐃᑦ ᐱᔭᕆᐊᑐᓂᕐᓴᐅᓂᕃᓯᒪᔪᑦ ᓯᕗᓪᓕᖓᓂᒃ ᐄᖃᓂᐅᑉ ᑐᖓᓕᐊ ᐱᔭᕆᐊᑭᓐᓂᓴᐅᑎᓪᓗᒍ. ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᐅᓗᑎᑦ, ᑲᔪᖏᕐᓭᓯᐊᕆᐊᖃᕐᑐᑎᑦ ᐃᓄᓐᓂᒃ ᐊᓂᒍᐃᑎᑦᓯᐊᕋᓱᐊᓗᒋᑦ ᐱᔭᕆᐊᑐᓂᕐᓴᒥᒃ ᓯᕗᓕᖓᓂᒃ ᐄᖃᕆᐊᖃᕐᓂᐅᑉ.
‘ᐊᑑᑎᔭᐅᒍᓪᓗᓲᖅ’ ᑐᑭᓕᒃ ᐱᐅᓯᐅᑎᑕᐅᓲᖑᓂᕐᐹᒥᒃ ᑭᓯᐊᓂ ᐊᑦᔨᒌᖕᖏᑑᒍᓐᓇᑐᑦ ᐋᓐᓂᐊᓯᐅᑎᑐᕐᑎᑕᐅᒍᑏᑦ ᐃᑉᐱᒋᓗᒍ ᐊᑐᓂ ᐃᓅᑉ ᖃᓄᐃᓕᖓᓂᖓ.
ᐳᕙᓪᓗᑑᑉ ᐁᑦᑐᑑᑎᐅᒍᓐᓇᑐᒥᒃ ᐋᓐᓂᐊᓯᐅᑎᑐᕐᑎᑕᐅᓂᖓ ᓯᕗᓪᓕᖅ
ᐳᕙᓪᓗᑑᑉ ᐁᑦᑐᑑᑎᐅᒍᓐᓇᑐᒥᒃ ᐋᓐᓂᐊᓯᐅᑎᑐᕐᑎᑕᐅᓂᖓ ᑐᖓᓕᐊ
ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐋᓐᓂᐊᓯᐅᑎᑐᕐᑎᑕᐅᓯᔪᒥᒃ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓗᓂ:
ᐃᑲᔪᕐᓯᒪᓂᖅ
ᐄᖃᒉᑦ ᓄᖑᑎᕆᒐᓱᐊᕈᑎᐅᔪᑦ ᐳᕙᓪᓗᓇᕐᒥᒃ ᑎᒥᓐᓃᑐᒥᒃ, ᑭᓯᐊᓂ ᐳᕙᓪᓗᓇᕐᒧᑦ ᐋᓐᓂᐊᓯᐅᑎᑐᕐᓂᖅ ᐃᓚᖃᕐᒥᔪᖅ ᐳᕙᓪᓗᑐᓕᕆᔩᑦ ᐃᑲᔪᕐᓯᓂᕆᖃᑦᑕᓂᐊᕐᑕᖏᓐᓂᒃ ᐄᕐᖃᓂᕐᓂ. ᑕᒪᓐᓇᑕᒐ ᐱᑦᔪᑎᓪᓚᕆᐅᔪᖅ ᐅᖄᖃᑎᒌᓐᓂᑎᓐᓄᑦ ᐅᓪᓗᒥ, ᐃᓄᑑᖕᖏᓚᑎᑦ!
ᒪᒥᓴᐅᑎᑎᓐᓂᒃ ᐱᖃᑦᑕᕕᒋᒋᐊᓕᑎᓐᓂᒃ ᐅᖄᒍᑎᖃᕇᕈᓐᓄᒃ, ᐅᖃᐅᓯᖃᕈᓐᓇᓚᖓᒻᒥᔪᒍᑦ ᖃᓄᖅ ᐃᑲᔪᕐᓯᒪᔭᐅᒍᓐᓇᒪᖔᑉᐱᑦ ᖃᓄᕐᓗ ᐋᓐᓂᐊᕕᒃ ᐃᑲᔪᕈᓐᓇᒪᖔᑦ.
ᒪᒥᓴᐅᑏᑦ
ᒪᒥᓴᐅᑏᑦ ᑐᖁᑦᓯᒍᓐᓇᓯᐊᕐᑐᑦ ᐳᕙᓪᓗᓇᐅᑉ ᖁᐱᕐᕈᑯᓗᖏᓐᓂᒃ ᐊᑦᑕᓇᕋᑎᓪᓗ.
ᐃᓚᖓᓂ ᐋᓐᓂᐊᓯᐅᑏᑦ ᐃᑉᐱᓂᐊᕐᑎᓯᒍᓐᓇᑐᑦ ᓱᕐᕃᓯᒪᓗᑎᒃ ᑭᓯᐊᓂ ᐃᓄᐃᑦ ᐱᒍᓐᓇᓯᐊᓲᑦ ᓱᕐᕋᑕᐅᒪᖕᖏᓱᑎᒃ. ᐱᒻᒪᕆᐅᕗᖅ ᐃᓱᕐᕆᖏᑦᑑᓯᐊᕿᒍᕕᑦ ᐄᕐᖃᓗᑎᑦ, ᐅᖃᐅᑎᒋᐊᖃᕐᑕᒪ ᐋᓐᓂᐊᓯᐅᕐᑎᓗᓐᓃᑦ ᐅᖃᐅᑎᓗᒍ - ᐃᒻᒪᖄ ᖃᓄᐃᓕᒋᐊᕈᓐᓇᓯᐊᕐᑐᒍᑦ.
ᒪᕐᕈᐃᓕᖓᔫᒃ ᐄᖃᓃᒃ
ᒪᕐᕈᐃᓕᖓᔫᒃ ᐄᖃᓃᕐ. ᓯᕗᓪᓕᖅ 60-ᑕᓕᒃ ᖃᐅᑕᒫ ᐄᖃᑦᑕᕆᐊᓕᑎᓐᓂᒃ. ᒪᕐᕈᑐᕈᓐᓇᑐᖅ ᑕᕐᖀᓂᒃ ᑭᓯᐊᓂ ᐊᑯᓃᕐᓂᓴᐅᒍᓐᓇᑐᖅ ᐅᓪᓗᓂᒃ ᐊᓪᓗᐃᖃᑦᑕᑐᐊᕈᕕᑦ.
ᖃᑦᓯᐅᓂᖏᑦ ᐄᖃᒉᑦ ᖃᖓᓗ ᐱᖃᑦᑕᕆᐊᖃᕐᑕᐅᓂᖏᑦ ᑐᖓᓕᐊᓂ ᐊᑦᔨᒌᖕᖏᑑᒍᓐᓇᑐᑦ ᐃᓄᓐᓂ, ᑌᒣᒻᒪᑦ ᐃᓱᒪᒋᔭᑐᐊᖃᑫᓐᓇᓚᖓᔪᒍᒃ ᐊᓂᒍᐃᕐᖄᕆᐊᖃᕐᓂᓂᒃ ᓯᕗᓪᓕᒥᒃ ᐄᕐᖃᓂᐅᔪᒥᒃ.