ᐋ! ᐃᓄᒃ ᐳᕙᓪᓗᓕᕆᐊᓪᓚᕈᓐᓇᑐᖅ ᐊᑕᐅᓯᐊᖕᖏᓗᓂ.

ᑌᒣᒻᒪᑦ ᐱᒻᒪᕆᐅᕗᖅ, ᐃᓄᒃ ᐋᓐᓂᐊᓯᐅᑎᑐᕈᑎᓕᕕᓂᐅᓕᕋᓗᐊᕐᐸᑦ ᐳᕙᓪᓗᓇᕐᒥᒃ ᑲᒪᒋᔭᐅᔭᕐᑐᖃᑦᑕᓯᐊᖁᒋᐊᓖᑦ ᖃᐅᔨᓴᕐᑕᐅᒋᐊᓪᓚᓗᑎᓪᓘᓃᑦ ᐳᕙᓪᓗᑐᓕᕆᔩᑦ ᔭᐅᖁᔭᖏᑎᒍᑦ.

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐋᓐᓂᐊᓯᐅᑎᑐᕐᑕᒥᓂᒃ ᐱᔭᕇᕐᑐᕕᓂᕐᒥᒃ ᐳᕙᓪᓗᓕᕆᐊᓪᓚᕈᓐᓇᒪᖔᒻᒥᓗ ᖃᐅᔨᒍᒪᔪᒥᒃ:

ᓄᑖᖅ ᐳᕙᓪᓗᓇᖅ

• ᐳᕙᓪᓗᓇᖅ ᓄᓇᓕᒻᒦᖏᓐᓇᒪᑦ, ᐋᓐᓂᐊᓯᐅᑎᑐᕇᕐᓯᒪᑦᓯᐊᓕᕋᓗᐊᓗᑎᑦ, ᐳᕙᓪᓗᓕᕆᐊᓪᓚᑐᐃᓐᓇᕆᐊᖃᕐᑐᑎᑦ.

ᑕᒡᒐ ᐳᕙᓪᓗᑐᓕᕆᔨᓄᑦ ᑕᒫᓂ ᙯᖁᔭᐅᑐᐃᓐᓇᕆᐊᖃᕐᑐᑎᑦ ᖃᐅᔨᓴᕆᐊᓪᓚᑕᐅᒍᒪᓗᑎᑦ, ᙯᖃᑦᑕᓯᐊᖁᔨᕗᒍᑦ.

ᐃᓱᒫᓘᑎᖃᕐᓂᖅ ᐳᕙᓪᓗᓇᕐᒥᒃ

ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

ᖃᓂᑕᓕᕕᓂᕐᒥᑦ ᐱᑦᓱᓂ ᓯᓂᑦᑐᕈᕐᑐᖅ ᐁᑦᑐᑑᑎᐅᒍᓐᓇᑐᕈᕐᓱᓂᓗ (Red Book pg. 7)

ᑐᑭᓯᓇᕐᑎᑕᐅᓂᖓ ᐳᕙᓪᓗᓇᐅᑉ ᖁᐱᕐᕈᑯᓗᖓᑕ

ᐳᕙᓪᓗᓇᕐᒥᒃ ᖃᐅᔨᓴᐅᑏᑦ

ᖃᐅᔨᓴᕐᓂᖅ

ᑭᓇᑐᐃᓐᓇᖅ ᐃᓱᒫᓘᑎᖃᕐᐸᑦ ᐳᕙᓪᓗᓂᐊᖕᖒᓂᕐᒥᒃ, ᐃᒣᖁᒍᓐᓇᓯᐊᕐᑌᑦ:

• ᐅᖄᖃᑎᖃᖁᓗᒍ ᐳᕙᓪᓗᑐᓕᕆᔨᒥᒃ ᐋᓐᓂᐊᓯᐅᕐᑎᒥ ᖃᐅᔨᓴᕐᑕᐅᒍᒪᓗᓂ ᐳᕙᓪᓗᒪᖔᑦ ᓯᓂᑦᑑᓂᕋᕐᑕᒥᒃ ᐁᑦᑐᑑᑕᐅᒍᓐᓇᑐᒥᓪᓘᓃᑦ.

• ‘ᐊᖏᖁᓗᒍ’ ᙯᖁᔭᐅᓕᑐᐊᕈᓂ ᓄᓇᓕᓕᒫᒥᒃ ᖃᐅᔨᓴᕐᓂᖃᓕᕐᐸᑦ.

• ᐋᓐᓂᐊᕕᒻᒧᑦ ᐁᖁᓗᒍ ᖃᐅᔨᔪᕕᓂᐅᒍᓂ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑑᑉ ᓴᓂᐊᓃᑦᑐᕕᓂᐅᓂᕐᒥᓂᒃ.

• ᐃᑲᔪᕐᓯᒪᖁᓗᒍ ᑲᔪᖏᕐᓭᖁᓗᒍᓗ ᐱᖃᑎᒥᓂᒃ ᐃᓚᒥᓂᓪᓗ ᖃᐅᔨᓴᕐᑕᐅᒋᐊᕐᑐᖁᓗᒋᑦ ᒪᓗᓐᓇᐅᑎᖃᑐᐊᕐᐸᑕ.

• ᐃᓪᓗᒦᖃᑦᑕᖁᖕᖏᓗᒍ ᓱᐴᕈᓯᔭᕐᕕᐅᔪᒥ (ᓱᐳᕈᑎᓂᒃ ᒥᐊᔨᒍᐊᓇᒥᓪᓘᓃᑦ)