ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᓅᓕᖓᔪᖅ
ᖃᓄᐃᖕᖏᓯᐊᕐᓂᖅ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑎᐅᓗᓂ
ᖃᓄᐃᖕᖏᓯᐊᕐᓂᖅ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑎᐅᓗᓂ
ᑎᑭᐅᑎᒐᓱᐊᕐᑕᐅᔪᑦ
→ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑐᓂᒃ ᐱᒍᓐᓇᓂᖃᑦᓯᐊᑎᑦᓯᒐᓱᐊᕐᓂᖅ ᖃᓄᐃᑦᑐᑯᕐᓂᐅᔪᓕᒫᑎᒍᑦ
→ ᑕᖃᓚᖀᑦᑌᓕᓂᖅ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑎᑎᓐᓂᒃ
→ ᐱᒍᓐᓇᕕᓕᒫᑦᓯᐊᑯᑦ ᑲᒪᒋᔭᖃᑦᓯᐊᕋᓱᐊᕐᓂᖅ ᐃᓄᓐᓂᒃ ᑲᒪᒋᒋᐊᓕᑦᑎᓂᒃ
ᐊᓪᓚᑕᐅᓯᒪᔪᑦ ᐊᕕᑦᑐᓯᒪᕕᖏᑦ:
ᑲᒪᒋᔭᖃᕐᓂᖅ
ᐃᓱᒪᒃᑯᑦ ᑐᑭᒧᐊᑦᓯᐊᓂᖅ
ᓴᐱᓕᕐᓯᕆᑦᑐᓂᕐᒥᒃ ᐅᑉᐱᕆᔭᖃᕐᓂᖅ
ᑲᒪᒋᕐᖃᔭᖕᖏᑕᕆᔭᓂᒃ ᑐᑭᓯᒪᓂᖅ
ᖃᓄᐃᑦᑐᑰᕐᓂᐅᔪᓂᒃ ᐱᓇᓱᐊᕈᑎᖃᕐᓂᖅ
ᐃᓅᖃᑎᖃᕈᓐᓇᓂᖅ ᐱᓇᓱᐊᕐᑎᐅᖃᑎᒋᔭᕐᓂᒃ
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ ᖃᓄᐃᓘᕈᑎᒋᒍᓐᓇᑕᑎᓐᓂᓗ ᑕᑯᓐᓇᕋᓱᐊᑦᓯᐊᓂᖅ
ᐊᑐᓂ ᐊᓪᓚᑕᐅᓯᒪᔪᑦ ᐊᕕᑦᑐᓯᒪᕕᖏᓐᓂ “ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᒨᓕᖓᔪᕐᑕᖃᕐᐳᖅ”. ᑖᒃᑯᐊ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᒨᓕᖓᔪᑦ ᐃᓕᓐᓄᓕᖓᔪᑦ ᐃᓕᖓᑦᓱᑎᓪᓗ ᑕᑯᓐᓇᕋᓱᐊᕐᓂᒥᒃ ᓱᓇᓂᒃ ᐊᐅᓚᑦᓯᒍᑎᖃᕈᓐᓇᐅᑎᖃᕐᒪᖔᑉᐱᑦ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑎᐅᓗᑎᑦ. ᐊᐅᓚᑦᔭᕆᐊᕈᑎᖃᕈᓐᓇᓗᑎᑦ ᑐᖕᖓᕕᖃᕐᓂᑯᑦ ᓱᓇᓂᒃ ᐊᐅᓚᒍᓐᓇᑕᑎᓐᓂᒃ ᐊᓪᓗᕆᐊᕐᓂᓯᐊᖑᕗᖅ ᐃᒻᒥᓂᒃ ᑲᒪᑦᓯᐊᕈᓐᓇᕆᐊᖃᕐᓂᓄᑦ ᐱᕈᕐᐸᓕᐊᒍᑎᒋᓂᐊᕐᓗᒋᑦ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑎᐅᓂᒃᑯᑦ. ᑕᑯᒋᐊᕆᑦ ᐅᑯᓂᖓ ᐅᑦᑐᕋᐅᑎᓂᒃ:
ᐱᓇᓱᒐᕐᐱᑦ ᓯᓚᑖᓂ | Internal | |
|---|---|---|
CAN'T Control | ᖃᓄᐃᓕᖔᕈᑎᒋᓯᔭᑎᑦ | ᐊᐅᓚᒍᓐᓇᑕᑎᑦ |
ᓲᓯᕈᑎᑦᓴᔭᖃᖕᖏᑐᖅ ᑯᐊᐸᒥ ᓲᓯᑐᕈᒪᓕᕐᓗᓂ ᐅᓐᓄᑯᑦ, | ᐊᓯᐊᓂᖔᖅ ᓂᕆᒐᑦᓴᓕᐅᖔᓯᓗᑎᑦ | ᖃᓄᖅ ᑕᒪᑦᓱᒥᖓ ᑐᑭᓯᔭᕐᓃᕕᑦ ᐅᖃᐅᑏᓂᐊᕐᒪᖔᑉᐱᑦ ᐃᓚᓐᓃᕕᑦ. |
ᑲᒪᔨᐅᓚᖓᓂᕐᒥᒃ ᐊᑐᐃᓐᓇᐅᕕᖃᕐᓂᖅ
ᐱᒻᒪᕆᑦᑕᕆᓂᕐᐹᖓ ᐱᓇᓱᐊᕐᑕᖓᑕ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᐅᑉ ᑲᒪᔨᐅᓚᖔᓂᕐᒥᒃ ᐊᑐᐃᓐᓇᐅᕕᖃᕐᓂᖅ, ᐃᓄᐃᑦ ᐊᐅᑳᕋᓗᐊᕐᐸᑕ ᑭᐅᖕᖏᑲᓗᐊᕐᐸᑕᓗ. ᐊᓯᖏᑦ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑏᑦ (ᐅᕝᕙᓗᓐᓃᑦ ᐊᑦᔨᐸᓱᖏᓐᓂᒃ ᐱᓇᓱᒐᓖᑦ) ᐅᖃᖃᑦᑕᓯᒪᕗᑦ ᐊᓕᐊᖕᖏᓂᕋᕐᓱᑎᒃ ᐱᓇᓱᑦᑕᒥᓂᒃ ᐃᑉᐱᒋᔭᖃᕆᐊᖃᕐᑎᑕᐅᓂᑯᒥᓄᑦ ᑲᒪᒋᒋᐊᓕᒻᒥᑕ ᑐᑭᑖᕈᑎᒋᒋᐊᓕᖏᓐᓂᒃ ᐱᐅᓯᕆᔭᖏᓐᓂᓗᓐᓃᑦ. ᐱᒻᒪᕆᐅᕗᖅ ᑐᑭᓯᒪᒋᐊᖃᕐᓂᖅ ᐊᑑᑎᓕᓪᓚᕆᐅᒋᐊᖓᓂᒃ ᑲᔪᓯᒋᐊᖃᕐᓂᐅᑉ ᑲᒪᔨᐅᓂᐅᑉ. ᖁᓄᔪᒥᒃ ᖃᐅᔨᓴᕐᑕᐅᑎᑦᓯᒋᐊᓪᓚᕕᖃᖕᖏᑐᑎᑦ, ᐋᓐᓂᐊᓯᐅᕐᑕᐅᑎᕐᖃᔭᕐᓇᒍᓗ ᑲᒪᒋᔭᐅᒋᐊᕐᑐᑎᕐᖃᔭᕐᓇᒍᓗ. ᑭᓯᐊᓂᓕ ᐱᓇᓱᑦᑕᓂᒃ ᐊᑑᑎᒌᕐᖁᑎᑦ ᖃᐅᔨᑎᒐᕕᐅᒃ ᑖᓐᓇ ᐃᓄᒃ, ᐃᒻᒥᓂᓪᓕ ᑐᑭᑖᕆᐊᖃᓕᕐᐳᖅ ᓱᓂᐊᕐᒪᖔᒻᒥ.
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ:
ᐊᓯᐊᒍᑦ ᐃᓱᒪᒋᑫᓐᓇᓚᕗᑦ ᑕᒪᓐᓇ! ᐃᓱᒪᒋᖕᖑᐊᓗᒍ ᑯᐊᐸᒥ ᓂᐅᕕᕐᓂᐊᑎᑦᓯᔨ. ᑖᓐᓇ ᓂᐅᕕᕐᓂᐊᑎᑦᓯᔨ ᐱᓇᓱᒋᐊᖃᖏᓐᓇᑐᖅ, ᑯᐊᐸᓗ ᐅᒃᑯᐃᖔᕆᐊᖃᕐᓱᓂ ᓂᐅᕕᕐᓂᐊᑐᖃᖕᖏᑲᓗᐊᕐᐸᑦ. ᑕᒐ ᐃᓄᒃ ᑭᖕᖑᒪᑦᓯᓕᕈᓂ ᓂᐅᕕᕐᓂᐊᕆᐊᕈᓐᓇᓯᒍᓂᓗᓐᓃᑦ, ᐊᑐᐃᓐᓇᐅᕕᐅᑦᓯᐊᓂᐊᓕᕐᑐᖅ ᓂᐅᕕᕐᓂᐊᕕᒻᒧᑦ ᓂᐅᕕᕐᑎᓯᔨᒧᓪᓗ.
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ:
ᑲᒪᒋᔭᖃᑦᓯᐊᐳᖓ ᐊᓯᒻᒪ ᖃᓄᐃᓕᖓᐅᓯᖓ ᐱᒐᓗᐊᕐᑎᓗᒍ
ᐊᑐᐃᓐᓇᐅᕕᙯᓐᓇᑐᐃᓐᓇᕆᑦ - ᖃᓄᐃᓘᓗᑲᑦᑕᐅᒍᑎᑎᑦ ᑎᒍᒍᓐᓀᓗᒋᑦᓈᓚᒍᓐᓇᖁᖓ ᐃᓄᒻᒧᑦ ᐅᖃᐅᑎᔭᐅᒍᑎᒃᑲᓂ ᓇᒻᒥᓂᖅ ᑎᒍᒥᐊᓪᓚᕿᖕᖏᓗᒋᑦ
ᐃᓚᖏᑦ ᖃᓄᐃᓕᖓᒍᑎᐅᔪᑦ ᐊᓯᑦᔨᒋᐊᓪᓚᕕᖃᖕᖏᑕᒃᑲᐱᒍᓐᓇᕕᓕᒫᕋᓄᓪᓕ ᐱᑦᓯᐊᕋᓱᑉᐳᖓ ᐃᓚᖏᑦ ᖃᓄᐃᓕᖓᒍᑎᐅᔪᑦ ᐊᐅᓚᕐᖃᔭᖕᖏᑲᓗᐊᕈᒃᑭᑦ
ᐊᒥᓱᑦ ᓱᓇᓱᐊᓱᐊᕆᐊᖃᕐᓂᐅᔪᑦ ᐋᓐᓂᐊᕕᒻᒥ ᐊᐅᓚᒋᐊᓪᓚᕕᖃᖕᖏᑕᑎᑦ (ᐅᑦᑑᑎᒋᓗᒋ: ᓯᓚ, ᖃᕆᑕᐅᔭᐅᑉ ᐱᑐᑦᓯᒪᐅᑎᖓ, ᐱᓇᓱᒍᑏᑦ ᐋᓐᓂᐊᓯᐅᕆᒍᑏᑦ ᐊᑐᕐᖃᔭᖕᖏᑐᑦ….)
ᖃᐅᔨᒪᒍᓐᓇᖁᖓ ᐃᓅᑉ ᐱᐅᓯᕆᔭᖓ ᐅᕙᓐᓅᓕᖓᖕᖏᒋᐊᖓᓂᒃ
ᐃᓱᒪᒥᒃ ᑲᑦᓱᙰᑦᑐᓯᐊᖑᑎᑦᓯᓂᖅ
ᐃᓚᖓᓂ ᑕᑯᓐᓇᓗᐊᓯᓲᖑᒐᑦᑕ ᓱᓇᑐᐃᓐᓇᓂᒃ ᑲᔪᓯᑦᓯᐊᕈᓐᓀᑐᓂᒃ, ᑲᔪᓯᑦᓯᐊᑐᑦ ᐃᓱᒪᒋᖕᖏᖔᓯᑦᓱᒋᑦ. ᓇᐅᓕᒫᓂᒃ ᖃᓄᐃᖕᖏᓯᐊᕋᓱᐊᕐᑎᓯᔩᑦ ᐱᓇᓱᐊᒐᖓᓂ, ᐱᒻᒪᕆᐅᕗᖅ ᐅᐱᒍᓱᒋᐊᖃᕐᓂᖅ ᑲᔪᓯᑦᓯᐊᑐᓂᒃ. ᐅᑯᐊ ᐆᑦᑐᕋᐅᑎᐅᒍᓐᓇᑐᑦ:
ᐃᓄᒃ ᓄᐃᔪᖅ ᐋᓐᓂᐊᕕᒻᒧᑦ ᑕᕐᕿᓂᒃ ᐊᒥᓱᓂᒃ ᐅᖄᓚᕕᒋᓕᕐᕿᑖᕐᓯᒪᓕᕐᓱᒍ
ᐃᓄᒃ ᐋᓐᓂᐊᓯᐅᑎᑐᕆᐊᕐᑐᑐᖅ ᖃᐅᑕᒫᑦ
ᐃᓄᒃ ᑲᑦᓱᙰᑦᑐᓯᐊᖑᑦᓱᓂ ᐊᐱᕆᒍᓐᓇᑐᖅ ᐋᓐᓂᐊᓯᐅᕐᑎᒥᒃ
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ: ᖁᕕᐊᓲᑎᖃᕐᐳᖓ ᑲᔪᓯᑦᓯᐊᑐᓂᒃ
ᓴᐱᓕᕐᑌᓕᓂᖅ ᑲᑦᓱᙰᑦᑑᓗᓂ
ᐱᕈᕐᓭᓂᖅ ᐱᑐᑦᓯᒪᐅᑎᒋᐊᖃᕐᓂᖓᓂᒃ ᓄᓇᓕᐅᑉ ᖃᓄᐃᖕᖏᓯᐊᕆᐊᖃᕐᓂᖓᑕᓗ ᐱᓇᓱᒐᓪᓚᕆᒋᕙᐅᒃ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᐅᑉ. ᑕᒪᓐᓇ ᐊᓐᓂᓇᕐᑐᒪᕆᐊᓗᒃ ᐱᒻᒪᕆᐅᑦᓱᓂᓗ ᐱᒍᑦᔨᓂᐅᔪᖅ ᓄᓇᓕᒻᒥᒃ ᐋᓐᓂᐊᓯᐅᕆᔨᐅᔪᓂᓪᓗ.
ᐃᑲᔪᕐᓯᒪᓂᖅ ᐃᓄᓐᓂᒃ ᐳᕙᓪᓗᑐᓂᒃ ᐱᓇᓱᐊᖃᑎᒌᑦᑐᑎᒍᑦ ᐊᔪᐃᓐᓈᕆᔭᐅᔪᑦᓴᔭᖅ. ᐳᕙᓪᓗᑐᓕᕆᔩᑦ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᑏᑦ, ᐋᓐᓂᐊᓯᐅᕐᑎᒪᕇᑦ, ᐋᓐᓂᐊᓯᐅᕐᑏᑦ ᐊᓯᖏᓪᓗ ᐋᓐᓂᐊᕕᒻᒥ ᐱᓇᓱᑦᑏᑦ ᐃᓗᓐᓇᑎᒃ ᐊᑐᓂ ᐱᒍᓐᓇᓂᖃᕐᑐᑦ ᓲᖑᓂᖃᕐᓱᑎᒃ ᐊᑐᐃᓐᓇᐅᑎᑕᒥᓂᒃ. ᑭᓇᓕᒫᒃᑯᑦ ᖃᐅᔨᒪᔪᓕᒫᖑᒋᐊᑐᖕᖏᑐᑦ. ᐊᑦᔨᒌᖕᖏᑐᑦ ᐃᓄᐃᑦ ᓲᖑᓂᕆᔭᖏᑦ ᑕᑎᒋᖃᑦᑕᓗᒋᑦ ᐱᐅᓯᑦᑐᐃᓐᓇᖅ ᐃᑲᔪᕐᓯᒪᓪᓚᕆᒍᑎᐅᑦᓱᓂᓗ ᐃᓚᒋᔭᐅᓂᕐᒧᑦ ᐋᓐᓂᐊᓯᐅᕆᔨᓄᑦ. ᐊᐱᕆᖃᑦᑕᓂᖅ, ᐃᑲᔪᕐᑕᐅᒍᒪᖃᑦᑕᓂᖅ ᑕᒻᒪᖃᑦᑕᓂᕐᓘᓃᑦ ᐱᒻᒪᕆᐅᒋᕗᑦ ᐃᓕᑦᓯᒍᑎᐅᒍᓐᓇᕋᒥᒃ ᐱᕈᕐᐸᓕᐊᒍᑎᐅᓗᑎᓪᓗ. ᑕᑯᓐᓇᕋᓱᐊᑦᓯᐊᕆᐊᖃᕐᑐᒍᑦ ᐃᓕᑦᓯᒐᓱᐊᕐᓂᒥᒃ ᖁᓄᓕᑐᐃᓐᓇᕈᓐᓀᓗᑕ. ᓄᑭᖃᕐᓂᐅᕗᖅ ᑎᒍᓯᒋᐊᑦᓯᐊᑐᖃᕈᓂ ᖃᐅᔨᒪᖕᖏᑕᕆᔭᒥᒃ ᑕᒻᒪᓂᕆᔭᒥᓪᓗ ᑕᑯᑦᓴᐅᑎᑦᓯᓂᐅᒻᒪᑦ ᐊᑑᑎᔭᓐᓂᒃ ᐃᓕᑦᓯᒍᑎᖃᕆᐊᒥᒃ.
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ:
ᖃᐅᔨᒪᕗᖓ ᐃᑲᔪᕐᓯᒪᔫᖃᑎᓪᓚᕆᐅᒋᐊᖅ ᖃᓄᐃᖕᖏᓯᐊᕆᐊᖃᕐᓂᖓᓂᒃ ᓄᓇᓕᒻᒪ
ᖃᐅᔨᒪᕗᖓ ᐱᓇᓱᒐᕋᓂ ᐱᑦᓯᐊᑑᒋᐊᖅ ᐃᓗᓐᓇᓕᒫᖏᓐᓂᒃ ᑭᐅᒍᑎᑦᓴᔭᐅᔪᓂᒃ ᖃᐅᔨᒪᔭᖃᖕᖏᑲᓗᐊᕈᒪ
ᖃᓄᐃᖕᖏᑐᖅ ᖃᐅᔨᒪᖕᖏᑲᓗᐊᕈᒪ ᑭᐅᒍᑎᐅᒍᓐᓇᑐᓕᒫᓂᒃᖃᐅᔨᒪᕗᖓ ᑕᒻᒪᕈᓐᓇᕆᐊᒥᒃ
ᑕᒻᒪᖃᑦᑕᓂᖅ ᐱᐅᖕᖏᑑᑎᑦᓯᖏᑦᑐᖅ ᐅᕙᓐᓂᒃ ᐃᓅᓂᒃᑯᑦ ᐱᓇᓱᑦᑎᐅᓂᒃᑯᓗᓐᓃᑦᐃᕐᖃᑐᕐᑕᐅᔪᕆᖕᖏᓗᖓ ᐊᐱᕆᒍᓐᓇᖁᖓ ᐃᑲᔪᕐᑕᐅᒍᒪᓗᖓ
>> ᖃᓪᓕᕌᕐᑕᐅᑐᐃᓐᓇᕇᒃᑯᑎᓕᐅᕐᓯᒪᓂᖅ
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ:
ᖃᐅᔨᒪᕗᖓ ᓲᓱᒋᔭᐅᑦᓯᐊᕆᐊᖃᕆᐊᖅ
ᖃᐅᔨᒪᕗᖓ ᖃᓄᐃᖕᖏᒪᑦ ᐊᐅᑳᕆᐊᖅ ᐱᓇᓱᒐᐅᑉ ᓯᓚᑖᓂ ᓱᕐᖃᑦᓯᓂᐅᔪᓄᑦ
ᓴᐳᑎᓯᒣᓐᓇᖁᖓ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᓂᕋᓂᒃ
ᖃᔪᑦᑕᖅ ᐃᓗᓕᖃᕐᑎᓇᒍ ᑯᕕᑎᕐᖃᔭᖕᖏᑕᕋ
>> ᖃᓄᐃᓘᕈᓐᓇᕆᐊᖃᕐᓂᒃ ᓱᔪᖃᓕᕐᐸᑦ
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ:
ᐊᑦᔨᒌᖕᖏᑐᓂᒃ ᐅᖄᒍᓯᖃᕈᓐᓇᖁᖓ ᐃᓄᓐᓄᑦ ᐃᑉᐱᒋᓗᒋᑦ ᓱᓂᖏᑦ
ᑐᑭᓯᑦᓯᐊᓂᖕᖏᑯᒪ ᓱᓂᐅᔪᒥᒃ, ᐃᓅᖃᑎᖃᕈᓐᓇᓂᕋ ᐋᕐᕿᒋᐊᕈᓐᓇᑕᕋ
>> ᐃᓅᖃᑎᖃᕐᓂᖅ ᐱᓇᓱᐊᖃᑎᒋᔭᕐᓂᒃ
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ ᐃᑉᐱᒋᔭᖃᕐᓂᖅ:
ᑐᑭᓯᒪᕗᖓ ᐱᓇᓱᐊᖃᑎᒋᔭᒃᑲ ᐊᑦᔨᐅᖏᑦᑐᓂᒃ ᐊᑑᑎᓯᒪᒋᐊᖏᓐᓂᒃ
ᑐᑭᓯᒪᕗᖓ ᐱᓇᓱᐊᖃᑎᒋᔭᒃᑲ ᐃᓅᒻᒥᒪᑕᑦᑕᐅᖅ