ᐃᓄᓐᓃᑌᓕᒋᐊᖃᕐᓂᖅ
ᐊᓂᕐᕋᒥ
ᓱᓇᒋᓐᓈ?
ᐃᓄᓐᓃᑌᓕᓂᖅ ᐊᓂᕐᕋᒥ ᑐᑭᓕᒃ ᐃᓄᒃ ᐊᓂᕐᕋᓯᒣᓐᓇᕆᐊᓕᒃ ᐃᓄᐃᑦ ᓇᔪᓲᖏᓐᓅᑌᓕᓗᓂ (ᑯᐊᐸᒃ ᐱᖕᖑᐊᕕᒃ). ᐃᓄᒃ ᐳᓛᕆᐊᕐᑕᐅᒋᐊᓪᓚᕕᖃᖕᖏᒥᔪᖅ ᐊᓂᕐᕋᒥᓂ ᐅᕝᕙᓗᓐᓃ ᐊᓯᒥᓂ ᐳᓛᕆᐊᕈᓐᓇᕋᓂ.
ᐃᓄᐃᑦ ᐃᓄᓐᓃᑌᓕᑎᑌᑦ ᐋᓐᓂᐊᕕᓕᐊᕈᓐᓇᑐᑦ ᐄᖃᒉᑐᕐᓗᑎᒃ ᑮᓇᕐᒥᓂᓗ ᒥᓕᑦᓯᒣᒋᐊᖃᕐᓱᑎᒃ ᐋᓐᓂᐊᕕᒻᒥ.
ᐃᓄᓐᓃᑌᓕᓂᖅ ᐊᓂᕐᕋᒥ ᐊᑑᑎᔭᐅᓲᖅ ᐃᒣᓕᖓᑉᐸᑦ:
ᐃᓄᒃ ᐋᓐᓂᐊᕕᒻᒦᒋᐊᑐᕐᑎᑕᐅᖕᖏᑐᖅ ᐳᕙᓪᓗᒐᓗᐊᕐᓱᓂ
ᐃᓄᒃ ᐊᖏᑦᓯᐊᑐᐊᕐᒪᑦ ᖃᐅᔨᒪᑎᑦᓯᓚᖓᒋᐊᖅ ᐃᓪᓗᒥᐅᖃᑎᒥᓂᒃ ᐳᕙᓪᓗᒋᐊᕐᒥᓂᒃ.
ᐃᓄᒃ ᐊᖏᑦᓯᐊᑐᐊᕐᒪᑦ ᐋᓐᓂᐊᓯᐅᑎᑐᕐᑎᑕᐅᒍᑎᒋᓂᐊᕐᑕᒥᑕ ᐸᕐᓇᑕᐅᒍᑎᖓᓂᒃ.
The person and their household agree to respect the isolation plan.
ᐳᕙᓪᓗᑐᓕᕆᔩᑦ ᓄᓇᓕᐅᑉ ᐋᓐᓂᐊᕕᖓᓂ ᐃᑲᔪᕈᓐᓇᓯᐊᕐᑐᑦ ᐃᓄᒻᒥᒃ ᐃᓄᓐᓃᑌᓕᑎᑕᒥᒃ ᐊᓂᕐᕋᒦᓪᓗᓂ.
ᐃᓄᓐᓃᑌᓕᓂᖅ ᐊᓂᕐᕋᒦᓪᓗᓂ ᐱᔭᕆᐊᑦᑐᑎᕆᖕᖏᓂᕐᓴᐅᒻᒪᑦ ᐃᓅᑉ ᐃᓅᓯᕆᔭᖓᓂᒃ, ᐳᕙᓪᓗᑐᓕᕆᔩᑦ ᐱᕕᓕᒫᒥᒍᑦ ᐊᓂᕐᕋᖔᒥ ᐃᓄᓐᓃᑌᓕᑎᑦᓯᒐᓱᐊᓲᑦ
ᐃᓅᑉ ᐊᓂᕐᕋᒥᐅᑕᖏᑦ ᐃᓚᐅᓪᓚᕆᒋᐊᓖᑦ ᐅᖄᒍᑕᐅᓕᕐᐸᑦ ᐊᓂᕐᕋᒥ ᐃᓄᓐᓃᑌᓕᒋᐊᖃᕐᓂᖓ ᐅᐱᓐᓇᕋᓂ ᓱᕐᕋᑕᐅᒍᑎᒋᓚᖓᒐᒥᐅᒃ!
ᐃᓄᓐᓃᑌᓕᑎᑕᐅᓂᖅ ᐊᓂᕐᕋᒥ ᐅᖁᒣᑦᑑᒍᓐᓇᒥᔪᖅ ᐅᐱᓐᓇᕋᓂ ᐃᓄᒃ ᐃᑲᔪᕐᑕᐅᖃᑦᑕᕆᐊᖃᓚᖓᒻᒪᑦ ᓂᕿᓯᔭᐅᔭᕐᑐᖃᑦᑕᓗᓂ ᐊᓯᖏᓐᓂᓗ ᑭᖕᖑᒪᒋᔭᖏᓐᓂᒃ. ᐃᓄᐃᑦ ᐅᖃᖃᑦᑕᓲᖑᒻᒥᔪᑦ ᐃᓄᓐᓃᑌᓕᒋᐊᖃᕐᓂᖅ ᐃᓄᐃᓪᓘᓕᕐᓇᑐᒋᐊᖓ ᑲᕙᓕᕐᓇᑑᒋᐊᖓᓗ ᐳᓛᕆᐊᕈᒪᔪᓂᓪᓗ ᑕᐸᖃᑦᑕᕆᐊᖅ ᐃᓱᐃᑦᑑᓱᓂ.
ᐃᓄᐃᑦ ᐃᓄᓐᓃᑌᓕᑎᑌᑦ ᐃᒣᖃᑦᑕᖁᔭᐅᔪᑦ:
ᐃᒻᒥᒍᑦ ᓯᓂᖃᑦᑕᓗᑎᑦ ᖃᕆᐊᒥ (ᐱᕕᖃᕐᐸᑦ).
ᑮᓇᕐᒥᓂᒃ ᒥᓕᑦᓯᒣᖃᑦᑕᓗᑎᒃ ᐊᓂᕐᕋᒥᐅᑕᒥ ᐊᑦᑕᓇᕐᑐᒦᑐᐃᓐᓇᕆᐊᖃᕐᑑᑉ ᓴᓂᐊᓂᓕᕈᑎᒃ(ᐅᑦᑑᑎᒋᓗᒍ ᐱᐊᕃ ᑕᓪᓕᒪᓂᒃ ᐅᑭᐅᓕᓐᓂᑦ ᓄᑲᕐᓰᑦ ᐅᕝᕙᓗᓐᓃᑦ ᐃᓄᐃᑦ ᑎᒥᒥᒍᑦ ᐸᒍᑎᖃᑦᓯᐊᖏᑦᑐᑦ ᐋᓐᓂᐊᒥᒃ).
ᐃᒐᓛᑦ ᐅᑯᐃᖃᑦᑕᓗᒋᑦ ᐊᓂᕐᑎᕆᔭᐅᔪᖅ ᐃᓪᓗᒥ ᐊᓄᕆᑕᑦᓯᐊᓂᐊᕐᒪᑦ (ᐊᑯᓂᐅᖕᖏᑐᐊᐱᐅᒐᓗᐊᕐᐸᑦ, ᐊᒥᓱᕕᒐᓚᓪᓗᒍ ᐅᓪᓗᑕᒫᑦ)
ᐊᐱᕆᖃᑦᑕᓗᑎᒃ ᐱᖃᓐᓈᒥᓂᒃ ᐃᓚᒥᓂᓪᓘᓃᑦ ᓂᐅᕕᕐᓂᐊᕈᑦᔭᐅᒍᒪᓗᑎᒃ (ᓂᕿᓂᒃ).
ᓯᓚᒦ ᓱᖃᑦᓯᓯᐊᖃᑦᑕᓗᑎᒃ ᐃᓄᐃᑦ ᓴᓂᐊᓐᓃᑌᓕᑐᐃᓐᓇᓗᑎᒃ.
ᐃᓄᐃᑦ ᐃᓄᓐᓃᑌᓕᒋᐊᖃᕐᑎᑌᑦ ᐊᓂᕐᕋᒥ ᐃᒣᒋᐊᖃᖏᖏᑐᑦ:
ᐱᓇᓱᐊᒋᐊᕐᑐᕆᐊᖃᖕᖏᑐᑦ, ᐃᓕᓂᐊᕆᐊᖃᑦᑕᕈᓐᓀᓗᑎᒃ ᐯᕆᑦᓯᕕᓕᐊᖃᑦᑕᕈᓐᓀᓗᑎᓪᓘᓃᑦ.
ᐃᓄᓐᓄᑦ ᐅᐸᑦᓯᒪᔭᐅᒍᓪᓗᓲᓃᒋᐊᖃᖕᖏᑐᑦ (ᐱᖕᖑᐊᕕᓐᓂ, ᑯᐊᐸᒥ/ᓄᐊᑕᓐᒥ, ᑐᑦᓯᐊᕕᒻᒥ)
ᐊᓯᒥ ᐃᓪᓗᖏᓐᓅᕆᐊᖃᖕᖏᑐᑦ ᐃᓪᓗᐊᐱᒋᔭᐅᔪᓄᓪᓘᓂᑦ
ᐳᓛᕐᑕᐅᒋᐊᖃᖕᖏᑐᑦ ᐊᓂᕐᕋᒥᓂ
ᓄᓇᓕᐅᑉ ᐊᓯᐊᓅᑦ ᐁᒋᐊᖃᖕᖏᑐᑦ.
ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐃᓄᓃᑌᓕᑎᑕᐅᓯᔪᒥᒃ ᐊᓂᕐᕋᒥᓂ:
ᑐᖕᖓᓱᑦᑎᓗᒍ ᑲᐱᐊᓱᖁᖕᖏᓗᒍ
ᐅᖄᒍᑎᒋᒋᕐᓯᒪᒐᓗᐊᕐᑕᕗᒃ ᑭᓯᐊᓂ ᐃᓄᓐᓃᑎᑕᐅᑦᑌᓕᓂᖅ ᐊᑑᑎᔭᐅᒋᐊᖃᓲᖅ ᑭᓇᑐᐃᓐᓇᒧᑦ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓕᕐᑐᒧᑦ. ᑌᒣᒋᐊᖃᓚᕿᓲᖅ ᐁᑦᑐᑑᑕᐅᒍᓐᓇᑑᑉ ᐳᕙᓪᓗᓇᐅᑉ ᖁᐱᕐᕈᑯᓗᖓ ᐃᕐᐸᓲᖑᒻᒪᑦ ᐃᓄᓐᓄᑦ ᐊᓯᑎᓐᓄᑦ.
ᐋᓐᓂᐊᓯᐅᕐᑎᒪᕆᒃ ᐋᓐᓂᐊᓯᐅᕐᑎᓗ ᐊᓂᕐᕋᒥ ᐃᓄᓐᓃᑌᓕᒍᕕᑦ ᐱᐅᓂᕐᐸᐅᔪᕆᓯᔫᒃ ᐳᕙᓪᓗᓀᑦ ᖃᓂᒪᕙᕐᔪᐊᕈᑎᒋᑦᔭᖏᓐᓇᕕᐅᒃ ᑲᒪᒋᔭᐅᒋᓐᓇᕆᐊᓕᒻᒥᒃ ᐅᑦᑑᑎᒋᓗᒍ ᐋᓐᓂᐊᕕᒻᒥ.
ᓱᓇ/ᓱᒧᑦ
ᐊᓂᕐᕋᒥ ᐃᓄᓐᓃᑌᓕᓂᖅ 14-ᓂᒃ ᐅᓪᓗᑐᓲᖅ ᐊᑯᓃᕐᓂᓴᐅᒍᓐᓇᕋᓗᐊᕐᒥᓱᓂ.
ᑐᑭᑖᕐᓂᖅ ᐊᓂᕐᕋᒥ ᐃᓄᓐᓃᑌᓕᓚᖓᒋᐊᖅ ᐃᓕᓐᓄᑦ ᐊᓂᕋᒥᐅᑕᑎᓐᓄᓗ ᐃᓱᐊᕐᓂᐹᐅᑎᒐᓱᐊᕆᐊᓕᒃ. ᖃᓄᐃᑦᓴᖏᓪᓚᑏᑦ ᖃᐅᔨᒪᑉᐸᑕ ᐳᕙᓪᓗᕆᐊᕐᓂᒃ?
ᑐᑭᓯᓇᕐᑎᒋᐊᓪᓚᓚᖓᔭᕋ ᐊᓂᕐᕋᒥ ᐃᓄᓐᓃᑌᓕᒋᐊᖃᕐᓂᖅ ᖃᖓᑐᐃᓐᓇᑯᑦ ᐊᐱᕆᒍᓐᓇᓯᐊᕐᑐᑎ.
ᐃᓄᓐᓃᑌᓕᓕᕈᕕᑦ ᐊᓯᑉᐱ ᐃᓪᓗᖏᓐᓄᑦ ᐃᓪᓗᐊᐱᖏᓐᓄᓗᓐᓃᑦ ᐁᖃᑕᕆᐊᖃᖕᖏᑐᑎᑦ ᐊᓯᖏᓐᓄᓗ ᐃᓄᐃᑦ ᐅᐸᑦᓯᒪᓲᖏᓐᓅᖃᑦᑕᕆᐊᖃᕐᓇᒃ, ᐅᑦᑑᑎᒋᓗᒍ ᑯᐊᐸ ᐱᓇᓱᕝᕖᓗᓐᓃᑦ. ᐳᓛᕆᐊᕐᑕᐅᖃᔭᖕᖏᑐᑎᑦ ᐊᓂᕐᕋᓂ. ᐊᓂᕐᕋᒥᐅᑕᑎᒐᓴᖅ ᐳᓛᕆᐊᕐᑕᐅᒋᐊᖃᖕᖏᑐᑦ.
ᐊᓂᕐᕋᓂᕐᕋᓯᒣᓐᓇᕆᐊᖃᕐᑐᑎᑦ, ᐋᓐᓂᐊᕕᓕᐊᕈᓐᓇᓱᑎᑦ (ᐄᖃᒉᑐᕐᓗᑎᑦ ᖃᐅᔨᓴᕐᑕᐅᒋᐊᕐᑐᓗᑎᓪᓘᓃᑦ) ᐅᕝᕙᓗᓐᓃᑦ ᓯᓚᒥ ᓱᓇᓱᐊᕈᓐᓇᑐᑎᑦ ᒪᙯᓪᓗᑎ ᓄᓂᕙᓪᓗᑎᓪᓘᓃᑦ (ᓄᑭᖃᑦᓯᐊᑐᐊᕈᕕᑦ)
ᑮᓇᕐᒧᑦ ᒥᓕᒃ
ᐃᓄᓐᓃᑌᓕᒋᐊᖃᕐᓂᓂ, ᐋᓐᓂᐊᕕᓕᐊᓕᕈᕕᑦ ᐄᖃᒉᑐᕐᓗᑎᑦ ᖃᐅᔨᓴᕐᑕᐅᒋᐊᕐᑐᓗᑎᓪᓘᓃᑦ, ᑭᓀᑦ ᒥᓕᑦᓯᒪᖃᑦᑕᕆᐊᓖᑦ ᐋᓐᓂᐊᓯᐅᑏᑦ ᒥᓕᑦᓴᔭᖓᓄᑦ.
ᓇᓗᓀᕐᓯᓂᖅ ᐃᑲᔪᕐᑎᓴᓂᒃ
ᐊᓯᖏᑦ ᐃᓄᐃᑦ ᐃᓄᓐᓃᑌᓕᒋᐊᖃᖃᑦᑕᓯᒪᔪᑦ ᐊᓂᕐᕋᒥ ᐊᑦᓱᕈᕐᓇᑑᓂᕃᓯᒪᔪᑦ ᓇᕝᕚᕋᓱᐊᕆᐊᒥᒃ ᓂᐅᕕᕐᓂᐊᕆᐊᕐᑎᓴᐅᒍᓐᓇᑐᒥᒃ. ᑭᓇᒥᓪᓕᑭᐊᖅ ᐃᓱᒪᒐᔭᕐᑐᑎᑦ ᐃᑲᔪᕈᓐᓇᕋᔭᕐᑐᒥᒃ ᐃᓕᓐᓂᒃ?
ᐱᓇᓱᒋᐊᕐᑐᕆᐊᓪᓚᕕᖃᖕᖏᒥᔪᑎᑦ ᐃᓄᓐᓃᑌᓕᓂᕐᓂ. ᐃᑲᔪᕈᓐᓇᕿᑖ, ᐊᓪᓚᕕᖃᕐᓗᑕᓗᓐᓃᑦ ᐱᓇᓱᕝᕕᓂᒃ?
ᐊᓂᕐᕋᓃ ᐃᓄᑑᕕᒻᒥᒃ ᓯᓂᕝᕕᓴᖃᕐᕿᑦ? ᐃᒐᓛᓂᓪᓗ ᐅᒃᑯᐃᑎᕆᒍᓐᓇᕿᑦ ᐊᓄᕆᑖᖁᓪᓗᒍ ᐃᓘᑉ ᐃᓗᐊ?
ᐃᓄᓐᓃᖃᑦᑕᓂᖅ ᓱᓇᓱᐊᕐᑐᓃᖃᑦᑕᓂᕐᓗ
ᐋᓐᓂᐊᓯᐅᕐᑎᒧᑦ ᐃᓄᓐᓂᑌᓕᒍᓀᓂᕋᕐᑕᐅᒍᕕᑦ, ᐁᑦᑐᑐᐃᒋᐊᓪᓚᕕᖃᕈᓐᓀᕋᕕᑦ ᐱᐅᓯᕆᓲᑎᓐᓄᑦ ᐅᑎᕈᓐᓇᓕᕐᑐᑎᑦ ᐃᓱᕐᕆᑐᐊᕈᕕᑦ ᓄᑭᖃᑦᓯᐊᕈᕕᓪᓗ. ᑮᓇᕐᓂᒃ ᒥᓕᑦᓯᒣᒋᐊᑐᕈᓐᓀᑐᑎᑦ ᐃᓱᒪᓗᒋᐊᑐᕈᓐᓀᓱᑎᓪᓗ ᐅᖄᖃᑎᖃᕆᐊᒥᒃ ᐊᓂᕐᑎᕆᕕᖃᕆᐊᒥᓪᓗ ᐃᓄᓐᓂᒃ.
ᐊᒥᓱᐊᓗᕋᑕᐅᒻᒪᑕ ᐅᖃᐅᓯᑦᓴᑲ. ᐊᐱᕆᐅᑎᑦᓴᖃᕐᖀᑦ ᐅᕙᓐᓄᑦ ᐋᓐᓂᐊᓯᐅᕐᑎᒧᓪᓘᓃᑦ?