ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

• ᓯᓂᑦᑑᓂᕋᕐᑕᐅᑉ ᐳᕙᓪᓗᓇᐅᑉ ᐃᖏᕐᕋᓂᖓ (Red Book pg. 4)

• ᖃᐅᔨᑲᐱᓐᓂᖅ ᑲᒪᒋᔭᖃᑦᓴᐅᑎᒋᓂᕐᓗ ᐳᕙᓪᓗᓇᕐᒥᒃ: ᐱᕙᓪᓕᕈᑎᒋᓂᐊᕐᑕᑎᑦ (Red Book pg. 9)

• ᖃᐅᔨᑲᐱᓐᓂᖅ ᑲᒪᒋᔭᖃᑦᓴᐅᑎᒋᓂᕐᓗ ᐳᕙᓪᓗᓇᕐᒥᒃ: ᐱᕙᓪᓕᕈᑎᒋᓂᐊᕐᑕᖏᑦ ᐃᓚᑉᐱᑦ (Red Book pg. 11)

• ᓇᓗᓀᕐᓯᓂᖅ ᐃᓱᒫᓗᑎᐅᔪᓂᒃ ᐃᑲᔪᕐᓯᒪᒍᑎᐅᒍᓐᓇᑐᓂᓪᓗ (Red Book pg. 23)

• ᐳᕙᓪᓗᑐᑦ ᐋᓐᓂᐊᓯᐅᑎᑐᕐᑎᑕᐅᓂᖓᓂᒃ ᑐᑭᓯᓇᕐᑎᓯᒍᑏᑦ

• ᐳᕙᓪᓗᓇᐅᑉ ᓇᕐᕈᓇᕐᑑᑎᑕᐅᓂᖓ (pg. 21)

• ᐳᕙᓪᓗᑐᖃᓕᕈᓂ ᐅᖁᒣᑦᑐᒋᐊᓚᐅᑎᑦᓯᔪᖅ ᐃᓅᓯᕐᒥᒃ

• ᓱᕐᕋᑕᐅᒪᒍᓯᐅᒍᓐᓇᑐᑦ ᐄᖃᒐᕐᓄᑦ

• SCR

• ᖁᐱᕐᕆᒋᐊᓪᓚᓂᖅ

• ᓄᑕᕋᓛᑦ ᐱᐊᕃᓪᓗ & ᐱᐊᕋᑦᓴᖃᕐᓂᖅ

• ᑲᔪᖏᕐᓭᒍᑏᑦ

ᐃᑲᔪᕐᓯᒪᓂᖅ ᐃᓄᒻᒥᒃ

ᑕᑯᓗᒍ ᐳᕙᓪᓗᑐᑦ ᐋᓐᓂᐊᓯᐅᑎᑐᕐᑎᑕᐅᓂᖓᓂᒃ ᑐᑭᓯᓇᕐᑎᓯᒍᑏᑦ ᐅᕝᕙᓗᓐᓃᑦ ᑲᔪᖏᕐᓭᒍᑏᑦ ᑐᑭᓯᒋᐊᓪᓚᕈᒪᒍᕕᑦ ᐃᑲᔪᕐᓯᒍᑎᒋᒍᓐᓇᑕᑎᓐᓂᒃ ᐃᓄᒻᒥᒃ ᐋᓐᓂᐊᓯᐅᑎᑐᒫᓂᖓᓂ.

ᐳᐃᒍᕐᑌᓕᒋᑦ! ᓯᓂᑦᑑᓂᕋᕐᑕᒥᒃ ᐳᕙᓪᓗᑐᖅ ᐄᕐᖃᕆᐊᖃᓪᓚᕆᑦᑎᑕᐅᒍᓐᓇᖏᑦᑐᖅ, ᑭᓯᐊᓂ ᑲᔪᖏᕐᓴᕆᐊᓕᒃ ᐄᕐᖃᖁᓗᒍ. ᐃᓚᖓᓂ ᐃᓄᐃᑦ ᐅᐸᓘᒪᒍᑎᖃᕐᒪᑕ ᐊᒥᓱᓂᒃ ᐃᓅᓯᕐᒥᓂ ᐃᕐᖃᕆᐊᓯᒐᔭᕐᓂᖓ ᐃᓱᐊᕆᓂᕐᐹᖓᓄᕐᑎᒐᓱᖏᐊᓕᒃ ᖃᖓᑐᐃᓐᓇᓗ ᐱᒋᐊᕐᑕᐅᒍᓐᓇᓱᓂ.

ᐳᕙᓪᓗᑑᑉ ᓯᓂᑦᑑᓂᕋᕐᑕᒥᒃ ᒪᒥᓴᐅᑎᓂᒃ ᐃᕐᖃᓂᖓ

ᓄᓇᕕᒻᒥ ᒪᕐᕉᒃ ᐊᑦᔨᒌᖕᖏᑑᒃ ‘ᐊᑑᑎᔭᐅᒍᓪᓗᓲᒃ’ ᒪᒥᓴᐅᑏᒃ ᓯᓂᑦᑑᓂᕋᕐᑕᒥᒃ:

ᒪᒥᓴᐅᑎᒃ Rifampicin (RIF ᐅᕝᕙᓗᓐᓃᑦ RMP)

ᒪᒥᓴᐅᑎᒃ 3HP

ᐳᕙᓪᓗᑐᓕᕆᔨ ᐅᖄᕕᖃᓚᖓᔪᖅ ᐃᓄᒻᒥᒃ ᖃᓄᐃᑦᑐᓂᒃ ᐄᖃᕆᐊᖃᕐᒪᖔᑦ ᐱᐅᓂᕐᐸᐅᒐᔭᕐᑐᓂᒃ ᖃᓄᐃᑦᑐᒦᓐᓂᖓ ᐃᑉᐱᒋᓗᒍ. ᐃᓚᖓᓂ ᒪᒥᓴᐅᑎᖃᕈᓐᓇᒥᒻᒪᑦ ᐊᓯᖏᓐᓂᒃ (ᑕᒡᒐᓂ ᑌᔭᐅᖕᖏᑐᓂᒃ)

RIF ‘ᐊᑑᑎᔭᐅᒍᓪᓗᓲᖅ’ ᒪᒥᓴᐅᑎᒃ ᐋᓐᓂᐊᓯᐅᑎᒋᔭᐅᑦᓱᓂ ᓯᓂᑦᑑᓂᕋᕐᑕᒥᒃ ᐳᕙᓪᓗᑐᒧᑦ

ᐊᑕᐅᓯᖅ ᒪᒥᓴᐅᑎᒃ

• ᒪᒥᓴᐅᑎᒃ Rifampicin (RIF ᐅᕝᕙᓗᓐᓃᑦ RMP)

ᐄᔭᐅᓲᖅ ᖃᐅᑕᒫᑦ ᐊᓂᕐᕋᒥ (AA)

• ᐃᓄᒃ ᐄᕐᖃᒐᕐᑖᕆᐊᓪᓚᖃᑦᑕᕆᐊᓕᒃ ᒪᕐᕉᒃ ᐅᓪᓘᒃ ᓈᑉᐸᓂᒃ ᐅᕝᕙᓗᓐᓃᑦ ᒫᕐᕉᒃ ᐱᓇᓱᐊᕈᓰᒃ.

120 ᐄᕐᖃᒉᑦ (ᓯᑕᒪᑦ ᑕᕐᖀᑦ)

ᐊᓪᓗᐃᖃᑦᑕᓂᖅ ᐃᓯᒋᐊᖃᕐᓱᓂ - ᐃᓚᖓᓂ ᐊᒥᓱᕕᖕᖏᓗᓂ ᐅᓪᓗᓂᒃ ᐊᓪᓗᐃᔪᕕᓂᐅᓗᓂ RIF-ᑐᕆᐊᖃᕐᓗᓂ ᐃᓱᒫᓗᓐᓈᓗᐊᖕᖏᑐᖅ. ᑭᓯᐊᓂ ᑲᔪᖏᕐᓭᓯᐊᕈᒪᕗᒍᑦ ᐄᓯᑦᓯᐊᖃᑦᑕᖁᔨᓗᑕ ᖃᐅᑕᒪᑦ ‘ᐊᒥᐊᒃᑯᓯᒪᖁᔨᖕᖏᓇᑦᑕ’ ᐳᕙᓪᓗᓇᐅᑉ ᖁᐱᕐᕈᑯᓗᒐᓂ ‘ᑐᐸᒍᓐᓇᕋᔭᕐᑐᓂᒃ’ ᐁᑦᑐᑑᑕᐅᒍᓐᓇᑐᕈᓚᕿᓗᑎᒃ.

3HP ‘ᐊᑑᑎᔭᐅᒍᓪᓗᓲᖅ’ ᒪᒥᓴᐅᑎᒃ ᐋᓐᓂᐊᓯᐅᑎᒋᔭᐅᑦᓱᓂ ᓯᓂᑦᑑᓂᕋᕐᑕᒥᒃ ᐳᕙᓪᓗᑐᒧᑦ

ᒪᕐᕉᒃ ᒪᒥᓴᐅᑏᕐ (ᓱᖑᓂᕐᓵᒃ) ᐃᓚᖃᕐᓗᑎᒃ B6 ᓄᒃᑭᓴᐅᑎᒥᒃ

• ᒪᒥᓴᐅᑎᒃ Rifapentine (RPT)

• ᒪᒥᓴᐅᑎᒃ Isoniazid (INH)

ᐱᔭᐅᓲᒃ ᐱᓇᓱᐊᕈᓯᑕᒫᑦ (DOT-ᑎᒍᑦ ᑕᑯᓐᓇᑎᖃᕐᓗᓂ - ᐃᓄᒃ ᐋᓐᓂᐊᕕᒻᒧᑦ ᙯᒐᓱᐊᖃᑦᑕᖁᔭᐅᔪᖅ ᑌᑲᓂᑦᓭᓇᖅ ᐅᓪᓗᒥ ᐱᓇᓱᐊᕈᓯᐅᑉ ᐃᓗᐊᓂ).

12-ᖑᓲᑦ ᐄᔭᐅᒋᐊᓖᑦ (ᐱᖓᓱᑦ ᑕᕐᖀᑦ)

ᐊᓪᓗᐃᖃᑦᑕᓂᖅ ᐃᓯᒋᐊᖃᕐᓱᓂ - ᐃᓄᒃ ᐊᓪᓗᐃᒍᓂ ᐅᓪᓗᒥ ᓄᐃᕕᒋᒋᐊᓕᒻᒥᓂᒃ, ᖃᓄᐃᖕᖏᑐᖅ ᙯᒍᓂ ᖃᐅᖓᓂ ᖃᐅᑉᐸᓵᖓᓂᓗᓐᓃᑦ. ᐃᓄᒃ ᐊᑕᐅᓯᐊᑐᐃᓐᓇᓱᓂ ᐄᓯᖃᑦᑕᕋᒥ ᐱᓇᓱᐊᕈᓯᐅᑉ ᐃᓗᐊᓂ, ᐱᒻᒪᕆᐅᕗᖅ ᐁᑦᓯᐊᖃᑦᑕᕆᐊᖃᕐᓂᖓ ᐄᓯᒋᐊᕐᑐᓗᓂ. ᐊᓪᓗᐃᖃᑦᑕᕈᓂ ᐊᒥᓱᕕᓪᓗᓂ ᑐᖓᓕᕇᑦᑐᓂᒃ ᐳᕙᓪᓗᓇᖓ ᒪᒥᑦᓯᐊᖏᑐᐃᓐᓇᕆᐊᓕᒃ.

3HP ᓄᑖᖑᓂᕐᐹᖅ ᒪᒥᓴᐅᑎᐅᑦᓱᓂ ᐳᕙᓪᓗᓇᕐᒥᒃ ᓄᓇᕕᒻᒥ.

ᐃᓚᖏᑦᓄᑦ ᐱᔭᐅᒍᓐᓇᓲᖅ, ᑭᓯᐊᓂ ᐃᓚᖏᓐᓄᑦ ᐱᔭᐅᒍᓐᓇᖏᒻᒥᔪᖅ ᐅᑦᑑᑎᒋᓗᒋᑦ (ᐱᐊᕋᑦᓴᓖᑦ, ᐊᓯᖏᓐᓂᓗ ᐋᓐᓂᐊᓯᐅᑎᑐᒪᔪᐃᑦ, ᐱᐊᕃᑦ ᒪᕐᕉᓂᒃ ᐅᑭᐅᖃᕋᑕᖕᖏᑐᑦ, ᐃᓄᑐᙯᑦ 65-ᓂᒃ ᐅᑭᐅᓕᓐᓂᑦ ᐊᖓᔪᑦᓰᑦ ᐅᕝᕙᓗᓐᓃᑦ ᐃᓄᓐᓄᑦ ᑎᖑᕐᓗᓕᑐᐃᓐᓇᕆᐊᓕᓐᓄᑦ).

ᐄᓯᒋᐊᖃᕐᓂᑕᒫᑦ 3HP-ᒥᒃ ᐊᒥᓱᓂᒃ ᐃᓯᒋᐊᓕᒃ. ᐊᒥᓲᓂᑯᖏᓐᓄᑦ ᐄᔭᐅᒋᐊᓖᑦ, ᐃᓄᐃᑦ 3HP-ᑐᕐᑐᑦ ᐃᑉᐱᒍᓱᑦᓯᐊᕆᐊᓖᑦ ᓱᕐᕋᑕᐅᒍᑎᖃᕐᒪᖔᒻᒥᒃ ᐃᑉᐱᓂᐊᓚᕿᔭᐅᓂᖃᕐᒪᖔᒻᒥᒃ.

ᐱᐅᓂᕐᐸᐅᕗᖅ ᐅᖄᖃᑎᖃᕐᓂᖅ ᐋᓐᓂᐊᓯᐅᕐᑎᒪᕆᒻᒥᒃ/ᐋᓐᓂᐊᓯᕐᑎᒥᒃ 3HP-ᑐᓚᖓᒍᒪᔪᖃᕈᓂ.

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐋᓐᓂᐊᓯᐅᑎᑐᕐᑎᑕᐅᓯᔪᒥᒃ ᐊᑑᑎᔭᐅᒍᓪᓗᓲᕐᒥᒃ ᓯᑕᒪᓄᑦ ᑕᕐᕿᓄᑦ RIF (RMP) ᒪᒥᓴᐅᑎᒥᒃ ᓯᓂᑦᑑᓂᕋᕐᑕᒧᑦ ᐳᕙᓪᓗᓇᕐᒥᒃ:

ᐃᑲᔪᕐᓯᒪᓂᖅ

• ᓯᓂᑦᑑᓂᕋᕐᑕᒥᒃ ᐳᕙᓪᓗᓗᓂ ᐄᕐᖃᓂᑐᐃᓐᓇᐅᖏᑦᑐᖅ, ᑭᓯᐊᓂᓗᑦᑕᐅᖅ, ᐳᕙᓪᓗᑐᓕᕆᔨᐅᓗᑕ ᐃᖃᔪᕐᓯᒪᒋᐊᖃᕐᒥᔪᒍᑦ ᐄᕐᖃᑐᖅ ᐱᔭᕆᐊᑐᔪᒃᑰᑎᑦᑌᓕᓗᒍ. ᑌᒣᒻᒪᑦ ᐅᓪᓗᒥ ᐅᖄᖃᑎᖐᓚᕿᕗᒍᒃ, ᐃᓄᑑᖕᖏᓚᑎᑦ!

• ᑐᑭᓯᒪᖃᑎᒌᑦᓯᐊᓕᕈᓐᓄᒃ ᖃᓄᐃᑦᑑᒪᖔᑕ ᒪᒥᓴᐅᑏᑦ, ᐅᖄᖃᑎᒌᒋᐊᓪᓚᕈᓐᓇᑐᒍᒃ ᓱᓇᓂᒃ ᐃᑲᔪᕐᓯᒪᔭᐅᒍᑎᖃᕆᐊᖃᕐᒪᖔᑉᐱᑦ ᖃᓄᕐᓗ ᐋᓐᓂᐊᕕᒃ ᐃᑲᔪᕐᓯᒪᒋᐊᓪᓚᕈᓐᓇᒪᖔᑦ.

ᒪᒥᓴᐅᑏᑦ

• ᒪᒥᓴᐅᑎᓕᕆᓯᒋᕗᒍᒃ. ᐅᖄᖃᑎᖃᑫᓐᓇᑐᑎᑦ ᐋᓐᓂᐊᓯᐅᕐᑎᒥᒃ ᓯᑕᒪᓂᒃ ᑕᕿᓂᒃ ᒪᒥᓴᐅᑎᑐᕋᔭᓗᑎᑦ RIF-ᒥᒃ, ᐃᓓ?

• ᑖᓐᓇ ᒪᒥᓴᐅᑎᒃ ᑐᖁᕃᒍᑎᑦᓯᐊᕌᓗᒃ ᐳᕙᓪᓗᓇᐅᑉ ᖁᐱᕐᕈᑯᓗᖏᓐᓂᒃ ᐊᑦᑕᓇᕋᓂᓗ. ᐃᓚᖓᓂ ᓱᕐᕃᓯᒪᒍᓐᓇᑐᖅ ᐃᑉᐱᓂᐊᓚᖀᓗᓂ ᑭᓯᐊᓂ ᐃᓄᐃᑦ ᐄᕐᖃᕈᓐᓇᓯᐊᓲᑦ ᓱᕐᕌᓗᖃᑦᑕᐅᒍᑎᖃᕋᑎᒃ ᒪᒥᓴᐅᑎᒧᑦ,

• ᐊᑕᐅᓯᕐᒥᒃ ᒪᒥᓴᐅᑎᑐᕋᔭᕐᑐᑎᑦ rifampicin-ᖑᓂᕋᕐᑕᒥᒃ ᐅᕝᕙᓗᓐᓃᑦ ᓀᓪᑐᒥᒃ ᑌᔭᐅᒍᓯᓕᒃ RIF-ᒥᒃ

• ᐄᖃᕆᐊᓕᑎᓐᓂᒃ ᖃᐅᑕᒫᑦ ᐱᖃᑦᑕᕋᔭᕐᑐᑎᑦ ᐊᓂᕐᕋᓂ, ᐋᓐᓂᐊᕕᓕᐊᖃᑦᑕᓗᑎᑦ ᐄᕐᖃᕋᕐᑖᕆᐊᓪᓚᕆᐊᖃᓕᕈᕕᑦ ᑕᕐᕿᑕᒫᓪᓗ ᖃᐅᔨᒐᓱᐊᕐᑕᐅᒋᐊᕐᑐᓗᑎᑦ. ᐱᓇᓱᐊᖃᑎᒌᓚᖓᔪᒍᒃ ᓇᓪᓕᐊᖏᑦ ᐅᓪᓗᐃᑦ ᐱᐅᓂᕐᐸᐅᒪᖔᑕ ᐃᓕᓐᓄᑦ ᐄᕐᖃᒐᑖᕆᐊᓪᓚᕕᒋᒍᓐᓇᖃᑦᑕᓂᐊᕐᑕᑎᑦ.

• ᖃᐅᑕᒫᑦ ᒪᒥᓴᐅᑎᑐᖃᑦᑕᕈᕕᑦ, ᐱᔭᕇᓕᕋᔭᕐᑐᑎᑦ ᑕᕐᕿᓂ ᓯᑕᒪᓂ. ᐱᒻᒪᕆᐅᕗᖅ ᖃᐅᑕᒫᑦ ᐃᓯᑦᓯᐊᖃᑦᑕᕆᐊᖃᕐᓃᑦ, ᐃᓱᒫᓗᓚᕿᒋᐊᑐᕐᓇᓗ ᐊᓪᓗᐃᔪᕕᓂᐅᒍᕕᑦ ᐅᓪᓗᒥᒃ ᐊᑕᐅᓯᕐᒥᒃ.