ᖃᐅᔨᓴᕐᓂᖅ
ᖃᓂᑕᓕᕕᓂᕐᓂᒃ ᖃᐅᔨᓴᕐᓂᖅ
ᓱᓇᒋᓐᓈ?
ᑭᓇᑐᐃᓐᓇᖅ ᐁᑦᑐᑑᑕᐅᒍᓐᓇᑐᒧᑦ ᐳᕙᓪᓗᐸᑦ, ᐋᓐᓂᐊᓯᐅᕐᑎ ᐊᐱᕆᓕᕋᔭᕐᑐᖅ ᑭᓇᒃᑯᓂᒃ ᖃᓂᑕᖃᕐᓯᒪᒻᒪᖔᑦ.
ᑖᒃᑯᐊ ᐃᓄᐃᑦ ‘ᖃᓂᑕᕕᓂᐅᓂᕋᕐᑕᐅᓲᑦ’
‘ᖃᓂᑕᕕᓃᑦ’ ᓂᐅᕐᓯᔪᕕᓂᐅᑐᐃᓐᓇᕆᐊᓖᑦ ᐳᕙᓪᓗᓇᐅᑉ ᖁᐱᕐᕈᑯᓗᖓᓂ ᖃᐅᔨᓴᕐᑕᐅᒋᐊᓖᑦ ᓯᓂᑦᑑᓂᕋᕐᑕᒥᒃ ᐁᑦᑐᑑᑎᐅᒍᓐᓇᑐᒥᓪᓗ ᐳᕙᓪᓗᒪᖔᑕ. ᐋᓐᓂᐊᕕᒻᒥ ᖃᐅᔨᒐᓱᒋᐊᓪᓛᔭᐅᓂᖅ ᐋᓐᓂᐊᓯᐅᕐᑎᒧᑦ ᐅᕕᓂᒃᑯᓗ ᖃᐅᔨᓴᕐᓂᐅᒍᓐᓇᓱᓂ ᑕᕐᕋᑐᕐᑕᐅᓂᒃᑯᓗᓐᓃᒃ. ᐋᓐᓂᐊᓯᐅᕐᑎᒪᕆᒃ/ᐋᓐᓂᐊᓯᐅᕐᑎ ᑐᑭᑖᕋᔭᕐᑐᖅ ᓇᓪᓕᐊᓂᒃ ᖃᐅᔨᓴᐅᑎᖃᕐᓂᐊᒪᖔᒻᒥᒃ.
ᓱᒧᑦ ᖃᓂᑕᕕᓂᐅᔪᓂᒃ ᖃᐅᔨᓴᕐᓂᖅ?
ᖃᓂᑕᕕᓂᐅᔪᓂᒃ ᖃᐅᔨᓴᕐᓂᖅ ᕿᓂᕈᑎᐅᓲᖅ ᐁᑦᑐᑑᑎᐅᒍᓐᓇᑐᒥᒃ ᓯᓂᑦᑑᓂᕋᕐᑕᒥᓪᓗ ᐳᕙᓪᓗᓇᕐᒥᒃ ᐃᓄᓐᓂ ᖃᓂᑕᓕᕕᓂᕐᓂ (ᐃᓗᒦᖃᑎᐅᑯᑖᕐᑐᕕᓂᕐᓂᒃ) ᐃᓄᒻᒥᒃ ᐁᑦᑐᑑᑎᐅᒍᓐᓇᓕᕐᑐᒥᒃ ᐳᕙᓪᓄᑐᒥᒃ.
ᖃᓂᑕᕕᓂᐅᔪᓂᒃ ᖃᐅᔨᓴᕐᓂᖅ ᖃᐅᔨᒍᑎᐅᓲᖅ ᓯᓂᑦᑑᓂᕋᕐᑕᒥᒃ ᐳᕙᓪᓗᓇᕐᒥᒃ ᐋᓐᓂᐊᓯᐅᑎᑐᑦᓴᐅᑎᒋᖁᓪᓗᒋᑦ ᐁᑦᑐᑑᑎᐅᒍᓐᓇᑐᕈᖕᖏᓂᖓᓂ ᐳᕙᓪᓗᓇᖅ ᖃᓂᒻᒪᖏᓐᓂᖏᓐᓂᓗ.
ᐱᒻᒪᕆᐊᓗᒃ ᑕᒪᓐᓇ ᐅᐱᓐᓇᕋᓂ ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᐁᑦᑐᑑᑎᐅᒍᓐᓇᑐᕈᒍᓐᓇᒪᑦ ᓯᕗᓪᓖᓂ ᒪᕐᕈᓂ ᐊᕐᕌᒍᓐᓂ ᐃᓄᒃ ᓂᐅᕐᓯᔪᕕᓂᐅᑎᓪᓗᒍ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ.
ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐃᕐᓂᖓᓂᓪᓗ ᖃᓂᑕᓕᕕᓂᐅᔫᓐᓂᒃ ᐃᓄᒻᒥᒃ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᕆᐊᖓ ᖃᐅᔨᔭᐅᕐᖃᒥᐅᔪᒥᒃ:
ᓱᓇ/ᓱᒧᑦ
ᐅᖄᓚᕕᒋᓚᐅᕐᖃᒋᑦ ᑮᑕ ᐃᕐᓃᓗ ᖃᓂᑕᓕᕕᓂᐅᑐᐃᓐᓇᕆᐊᖃᕋᑦᑎᒃ ᐃᓄᒻᒥᒃ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᕆᐊᖓᓂᒃ ᐅᖃᐅᑎᔭᐅᕐᖃᒥᐅᔪᒥᒃ. ᐁᑦᑐᑑᑎᐅᒍᓐᓇᑐᖅ ᐳᕙᓪᓗᓇᖅ ᐃᕐᐸᓲᖅ ᖁᐱᕐᕈᑯᓗᖓ ᐊᓯᖏᓐᓄᑦ ᐃᓄᓐᓅᑐᐊᕐᒪᑦ, ᖃᐅᔨᒐᓱᐊᕈᒪᓚᕿᕗᒍᑦ ᓂᐅᕐᓯᔪᕕᓂᐅᑦᓴᕈᐊᕋᑦᑎᒃ ᖁᐱᕐᕈᑯᓗᒻᒥᒃ.
ᐋᓐᓂᐊᓯᐅᕐᑎ ᐅᖄᕕᖃᕈᒪᔪᖅ ᐃᓕᓐᓂᒃ ᖃᐅᔨᓴᕆᐊᓪᓛᓗᓂᓗ. ᐊᐱᕆᔭᐅᓚᖓᔪᑎᑦ ᖃᓄᐃᒻᒪᖔᑉᐱᑦ, ᑭᑦᑎᑕᕐᑕᐅᓗᑎᑦ ᐳᕙᑎᓪᓗ ᓈᓚᑦᑕᐅᓗᑎᒃ, ᖃᐅᔨᓴᓂᐊᓱᑎᓪᓗ ᐅᕕᓂᒃᑯᑦ ᑕᕐᕋᑐᐃᓗᑎᓪᓗᓃᑦ.
ᐱᕙᓪᓕᖁᑎᕐᑕᖏᑦ
ᑕᐸᒍᓐᓇᓯᐊᕐᑐᑎ ᕈᒪᒍᕕᑦ ᑭᓯᐊᓂ ᐃᓄᓐᓂᒃ ᖃᐅᔨᓴᕐᑕᐅᖃᑦᑕᖁᔨᔪᒍᑦ. ᐱᐅᓂᕐᐸᐅᓲᖅ ᖃᐅᔨᑲᐱᑦᓱᓂ ᐳᕙᓪᓗᓇᐅᑉ ᖁᐱᕐᕈᖓᓂ ᓂᐅᕐᓯᓯᒪᒻᒪᖔᑉᐱᑦ ᖃᓂᒻᒪᕙᕐᔪᐊᖁᔨᖕᖏᒧᑦ ᐋᓐᓂᐊᓯᐅᑎᑐᕆᐊᖃᕐᓂᓗ ᐱᔭᕆᐊᑭᓐᓂᓴᐅᒍᓐᓇᓱᓂ.
ᐱᓗᐊᕐᑐᒥᒃ ᐱᐊᕋᕐᓂᒃ ᑲᒪᒋᔭᐅᖁᔨᓲᖑᔪᒍᑦ ᑎᒥᖏᑦ ᐸᒍᓐᓇᓯᐊᖕᖏᒪᑕᓱᓕ ᖁᐱᕐᕈᑯᓗᒻᒥᒃ ᖃᓂᒻᒪᓴᐅᑎᒋᐊᐱᒍᓐᓇᑐᑦ ᓱᑲᑦᑐᒥᒃ.
ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ
ᑐᑭᓯᑦᓯᐊᑐᖓ ᑲᕙᓕᕆᐊᕐᓂᒃ ᑭᓯᐊᓂ ᑭᓇᓗᓐᓃᑦ ᐸᓯᒐᑦᓴᐅᖏᑦᑐᖅ. ᑭᓇᑐᐃᓐᓇᓕᒫᒃᑯᑦ ᐳᕙᓪᓗᓕᕈᓐᓇᑐᑦ. ᐳᕙᓪᓗᓇᐅᑉ ᖁᐱᕐᕈᑯᓗᖓ ᑎᕐᓕᐊᕆᓯᑎᐅᒻᒪᑦ ᐊᖏᑦᓯᐊᑐᐊᕈᕕᑦ ᖃᐅᔨᓴᕐᑕᐅᓂᕐᒥᒃ ᓄᓪᓚᓯᐊᕐᓂᓴᐅᒐᔭᕐᑐᑎᑦ - ᖃᐅᔨᒐᔭᕋᕕᑦ ᐳᕙᓪᓗᖏᒃᑲᓗᐊᕐᒪᖔᑦᑎ (ᐅᕝᕙᓗᓐᓃᑦ ᓇᓪᓕᑎᒃ ᐳᕙᓪᓗᒪᖔᑦ) ᐸᕐᓇᖃᑎᒌᒍᓐᓇᖁᒍᑦ ᑕᒪᑦᓱᒥᖓ.