ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

• ᐳᕙᓪᓗᓇᕐᒥᒃ ᖃᐅᔨᓴᕐᓂᖅ ᓯᓂᑦᑑᓂᕋᕐᑕᒥᒃ ᐁᑦᑐᑑᑎᐅᒍᓐᓇᑐᒥᓪᓗ(Red Book pg. 17)

• ᐋᓐᓂᐊᓯᐅᑎᑐᕐᑎᓯᓂᖅ ᐳᕙᓪᓗᒪᖔᑦ ᖃᐅᔨᔭᐅᑦᓯᓂᖓᓂ

• ᓄᑕᕋᓛᑦ, ᐱᐊᕃᑦ ᐱᐊᕋᑦᓴᖃᕐᓂᓗ

ᓱᒧᑦ ᐅᕕᓂᒻᒥᒃ ᖃᐅᔨᓴᓲᖑᕕᑕ?

ᖃᐅᔨᒐᓱᐊᕈᑎᒋᑦᓱᒍ ᐃᓄᒃ ᐳᕙᓪᓗᓇᐅᑉ ᖁᐱᕐᖁᖓᓂᒃ ᑎᒥᒥᐅᑕᖃᕐᒪᖔᑦ.

• ᐅᕕᓂᒻᒥᒃ ᖃᐅᔨᓴᐅᑎᒃ ᓇᓚᐅᑦᓯᓗᑯᐊᐱᓲᖑᖕᖏᑑᒐᓗᐊᖅ. ᐃᓚᖓᓂ ᐳᕙᓪᓗᓇᕐᑕᓯᓯᒪᔪᒥᒃ ᖃᐅᔨᒍᓐᓇᓲᖑᒐᓂ. ᖃᐅᔨᒍᑎᐅᖕᖏᑐᐃᓐᓇᕆᐊᓕᒃ ᐳᕙᓪᓗᓇᕐᒥᒃ ᐱᓇᓱᐊᕈᓰᑦ 8 ᓈᓚᐅᕐᑎᓇᒋᑦ ᖁᐱᕐᕈᑯᓗᒃ ᑎᒥᒨᕐᑐᕕᓂᐅᓕᕐᑎᓗᒍ.

• ᐃᓄ ᐅᕕᓂᒻᒥᒍᑦ ᓄᐃᕕᐅᐸᑦ ᐳᕙᓪᓗᓇᕐᒧᑦ, ᐱᒋᐊᓕᕐᕿᑕᐅᒋᖃᖕᖏᓚᕆᑦᑐᖅ. ᖃᐅᔨᓴᕐᑕᐅᒍᑎᖓ ᓄᐃᕕᐅᓯᒣᓐᓇᓚᖓᔪᖅ, ᐳᕙᓪᓗᓇᕐᑕᖃᕈᓐᓀᕋᓗᐊᕐᐸᑦ ᑎᒥᖓ.

‘ᓄᐃᕕᐅᔪᖅ’ ‘ᓄᐃᕕᐅᖕᖏᑐᖅ’ ᖃᐅᔨᓴᐅᑎᒃ

• ᑐᓴᓲᖑᒍᓇᐅᔪᑎᑦ ᐋᓐᓂᐊᓯᐅᕐᑏᑦ ᐅᖃᓕᑐᐊᕐᒪᑕ ‘ᓄᐃᕕᐅᓂᕃᑦᓱᑎᒃ’ ᐅᕝᕙᓗᓐᓃᑦ ‘ᓄᐃᕕᐅᖕᖏᓂᕃᑦᓱᑎᒃ’. ᖃᐅᔨᓴᕐᓂᑎᒍᑦ ᑖᒃᑯᐊ ᐅᖃᐅᓰᑦ ᓇᓗᓇᓲᖑᒍᓇᐅᒐᓗᐊᕐᓱᑎᒃ ᑭᓯᐊᓂ ‘ᐱᐅᔫᓂᕃᒍᑎᐅᑦᔭᖏᑦᑐᑦ’ ‘ᐱᐅᖕᖏᑑᓂᕃᒍᑎᐅᑦᔭᒐᑎᓪᓗᓃᑦ’.

ᐃᓄᑉ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᖓ ‘ᓄᐃᕕᐅᑉᐸᑦ’:

• ᐃᓱᒪᒋᒍᓐᓇᑌᑦ ᐃᒫᒃ ‘ᐋ’. (ᐱᑕᓕᒃ)

• ᓄᐃᕕᐅᔪᖅ ᐅᕕᓂᒻᒥᒃ ᖃᐅᔨᓴᐅᑎᒃ ᑐᑭᓕᒃ “ᐋ, ᑎᒥᒃ ᐳᕙᓪᓗᓇᐅᑉ ᖁᐱᕐᕈᖓᓂᒃ ᐱᑕᖃᑐᐃᓐᓇᕆᐊᓕ”

ᐅᕕᓂᒻᒥᒃ ᖃᐅᔨᓴᐅᑎᒃ ᐊᑦᔨᒌᑦᑎᓯᑐᐃᓐᓇᑐᖅ ᓯᓂᑦᑑᓂᕋᕐᑕᒥᒃ ᐁᑦᑐᑑᑎᐅᒍᓐᓇᑐᒥᓪᓗ ᐳᕙᓪᓗᓇᕐᒥᒃ. ᑌᒣᒻᒪᑕᖓ ᐃᓅᑉ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᖓ “ᓄᐃᕕᐅᑉᐸ”, ᖃᐅᔨᓴᕆᐊᓪᓛᕆᐊᖃᓕᕋᔭᕐᑐᑦ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᓇᕐᑐᖃᖕᖏᑲᓗᐊᕐᒪᖔᑦ.

ᓱᓇᒋᓐᓈ?

• ᐋᓐᓂᐊᓯᐅᕐᑎ ᑲᐲᓯᐊᐱᓕᕋᔭᕐᑐᖅ ᐃᓄᒻᒥᒃ ᑕᓕᒃᑯᑦ ᐅᕕᓂᖓᑕ ᑭᓪᓕᐊᐱᐊᒍᑦ.

• PPD-ᖑᓂᕋᕐᑕᒥᒃ ᑲᐳᑎᒦᑦᑐᒥᒃ ᐃᒪᕐᒥᒃ ᐅᕕᓂᐅᑉ ᐊᑖᓅᕆᓯᓗᓂ ᐳᕕᕐᓂᐊᓕᕐᒪᑦ ᐃᒪᕐᑕᓯᓗᓂ.

• ᐃᓄᒃ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ ᑎᒥᒥᓃᔨᐊᖃᕐᐸᑦ, ᑖᓐᓇ ᐳᕕᕐᓯᒪᔪᖅ ᐃᒪᕐᒧᑦ ᐊᖏᓕᓂᐊᓕᕐᒪᑦ ᐳᓪᓕᓕᕐᓗᓂ. ᒪᕐᕈᓂᒃ ᐅᓪᓘᓂᒃ ᐱᕈᕋᓱᐊᓲᖅ (ᐊᓯᐅᓂᐊᕐᒥᓱᓂ ᐅᓪᓗᐃᑦ ᐊᒥᓲᖕᖏᑐᑦ ᐃᓗᐊᓂ).

ᖃᐅᔨᓴᕐᑕᐅᒍᑎᕕᓃᑦ ᑐᑭᓯᔭᐅᒍᑎᖏᑦ:

• ᐅᕕᓂᒻᒥᒃ ᖃᐅᔨᓴᐅᑎᒃ ᑐᑭᓯᔭᐅᒋᐊᓕᒃ ᐋᓐᓂᐊᓯᐅᕐᑎᒧᑦ ᐅᓪᓗᐃᑦ ᒪᕐᕉᒃ ᐱᖓᓱᓪᓘᓃᑦ ᐊᓂᒍᕐᐸᑕ.

• ᐋᓐᓂᐊᓯᐅᕐᑎ ᓱᕐᖄᑎᕆᓂᐊᓕᕐᒪᑦ ᖃᓄᓪᓗᐊᑎᒋᒃ ᐳᓪᓕᓕᕐᓯᒪᔪᖅ ᐊᖏᓕᑎᒋᒻᒪᖔᑦ.

ᓄᓇᕕᒻᒥ, ᐳᓪᓕᓕᕐᓯᒪᔪᖅ ᐊᖏᓂᖃᕈᓐᓇᑐᖅ 5mm-ᒥᒃ ᐊᖏᓂᕐᓴᐅᓗᓂᓗᓐᓃᑦ ᐊᓱᐃᓛ ᖃᐅᔨᒍᑎᐅᓂᐊᓕᕋᒥᒃ ‘ᓄᐃᕕᐅᓂᖓ’ ᐳᕙᓪᓗᓇᕐᒧᑦ (ᐳᕙᓪᓗᓇᕐᑕᓕᒃ ᐳᕙᓪᓗᓇᖃᕐᓯᒪᔪᓪᓘᓃᑦ ᑎᒥᒥᓂ).

ᐊᓯᖏᑦ ᑐᑭᓯᒪᔭᐅᒋᐊᓖᑦ

ᐅᕕᓂᒃᑯᑦ ᖃᐅᔨᓴᕐᑕᐅᒌᕈᓂ:

• ᐃᓄᒃ ᐅᑕᕐᕿᖁᔭᐅᓚᖓᔪᖅ 15 ᒥᓂᑦᓯᓂᒃ ᐋᓐᓂᐊᕕᒻᒥ ᐅᕕᓂᒃᑯᑦ ᖃᐅᔨᓴᕐᑕᐅᒌᑐᐊᕈᓂ ᓱᕐᖁᐃᑕᐅᒐᓱᐊᕐᓗᓂ ᑎᒥᖓᑕ ᓇᒻᒪᒋᖕᖏᑕᖓᓄᑦ ᓄᐃᕕᐅᓚᕿᓚᖓᒻᒪᖔᑦ ᓱᒃᑯᐊᕿᓗᓂ.

• ᐃᓄᒃ ᐅᖃᐅᑎᒋᐊᓖᑦ ᑯᒥᖃᑦᑕᖁᖕᖏᓗᒍ ᐊᑦᑐᔭᖁᖕᖏᓗᒍᓗ ᐅᕕᓂᒻᒥ ᖃᐅᔨᓴᕐᑕᐅᕕᕕᓂᖓᓂᒃ

• ᐃᕐᙯᑎᑦᓯᐊᓗᒍᓗ ᓇᒻᒥᓂᖅ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᕕᓂᕐᒥᓂᒃ ᑐᑭᓯᒐᓱᐊᕐᖃᔭᖕᖏᒋᐊᖓ

• ᐊᐅᐸᓗᑦᓯᔪᖅ ᐳᓪᓕᓕᒐᓛᐱᑦᑐᓗᓐᓃᑦ ᐳᕙᓪᓗᓇᕐᑕᖃᕐᓂᖓᓂᒃ ᓱᕐᖁᐃᓯᒍᑎᐅᖕᖏᑐᖅ

• ᐊᐅᐸᓗᑦᓯᖏᒃᑲᓗᐊᕈᓂᓗ ᐳᕙᓪᓗᓇᕐᑕᖃᕐᕈᓐᓇᓱᓂ

• ᖃᐅᔨᓴᐅᑎᒃ ᑖᓐᓇ ᐱᔭᕆᐊᑐᔪᑲᓪᓚᐅᒪᑦ ᐃᓚᖓᓂ ᐋᓐᓂᐊᓯᐅᕐᑎ ᐊᒥᓱᕕᓕᕐᕿᑖᑐᐃᓐᓇᕆᐊᓕᒃ ᖃᐅᔨᓴᕐᓗᓂ.

ᐅᕕᓂᒻᒥᒃ ᖃᐅᔨᓴᐅᑎᒃ ᐱᒋᐊᓕᕐᕿᑕᐅᕐᖃᔭᖕᖏᑐᖅ ᐃᓄᒃ ᐃᒣᑉᐸᑦ;

• ‘ᓄᐃᕕᐅᔪᒥᒃ’ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᖃᕇᕐᓯᒪᑉᐸᑦ

• ᐳᕙᓪᓗᓯᒪᑉᐸᑦ

ᐅᕕᓂᒻᒥᒃ ᖃᐅᔨᓴᐅᑎᒃ ᐊᑐᕐᑕᐅᓲᖅ ᖃᐅᔨᒐᓱᐊᕈᑕᐅᑦᓱᓂ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᓇᕐᒥᒃ.

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐅᕕᓂᒻᒥᒍᑦ ᖃᐅᔨᓴᕐᑕᐅᖁᔭᐅᓯᒪᔪᒥᒃ:

ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ

• ᐅᖄᖃᑎᖃᓚᐅᕐᑎᓗᑎᑦ ᐋᓐᓂᐊᓯᐅᕐᑎᒥᒃ, ᐅᕕᓂᑯᑦ ᖃᐅᔨᓴᑕᐅᖁᔨᔪᑦ ᐃᓕᓐᓂᒃ. ᐅᕕᓂᒃᑰᑦ ᖃᐅᔨᓴᕐᑕᐅᓚᐅᕐᓯᒪᕕᑦ?

• ᐅᕕᓂᒃᑯᑦ ᖃᐅᔨᓴᐅᑎᒃ ᐃᑲᔪᕐᓯᓲᖅ ᐋᓐᓂᐊᓯᐅᕐᑎᒥᒃ ᐋᓐᓂᐊᓯᐅᕐᑎᒪᕆᒻᒥᓗ ᖃᐅᔨᒐᓱᐊᕈᑎᒋᑦᓱᒍ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ ᑎᒥᓐᓃᔨᐊᖃᕐᒪᖔᑉᐱᑦ.

ᓱᓇ

• ᐅᕕᓂᒃᑯᑦ ᖃᐅᔨᓴᑕᐅᓕᕈᕕᑦ, ᐋᓐᓂᐊᓯᐅᕐᑎ ᑲᐴᑎᒧᑦ ᐅᕕᓂᑉᐱᑦ ᑭᓪᓕᐊᒍᐊᐱᒃ ᐃᒪᕐᑕᓰᓚᖓᔪᑦ ᐳᕕᕐᑎᓗᒍ.

• ᐊᐅᓈᒐᓛᐱᑐᐃᓐᓇᕆᐊᖃᕐᑐᑎᑦ ᑭᓯᐊᓂ ᑲᐱᔭᐅᓂᐅᓲᑎᑐᑦ ᐱᐅᓯᓕᒃ, ᐋᓂᒐᓛᐱᑐᐃᓐᓇᓲᖅ ᑭᑦᑐᕆᐊᕐᑕᑎᑐᑦ.

• ᐅᓪᓗᒥ ᖃᐅᔨᓴᕐᑕᐅᓚᖓᔪᑎᑦ ᑭᓯᐊᓂ ᐅᑎᕆᐊᖃᓛᕐᑐᑎᑦ ᒪᕐᕉᒃ ᐅᓪᓘᒃ ᐊᓂᒍᕐᐸᓂᒃ, ᓯᕿᕐᖑᔭᖅ ᐃᒣᓪᓗᐊᓕᕐᐸᑦ.

  ᐅᑎᕋᔭᕐᖀᑦ ᐅᕙᓂ _____________ ᓯᕿᕐᖑᔭᖅ ᐃᒣᓪᓗᐊᓕᕐᐹᑦ__________?

ᖃᐅᔨᓴᕐᓂᐅᑉ ᑭᖑᓂᐊᒍᑦ

• ᐱᔭᕇᕐᑕᐅᒋᐊᕕᑦᑐᓯᐊᖑᕗᑎᑦ. ᐅᑕᕐᕿᑫᓐᓇᖁᔨᔪᒍᑦ ᐅᑕᕐᕿᕕᒻᒥ 15-ᒥᓂᑦᓯᓂᒃ ᖃᐅᔨᒪᒐᓱᐊᕆᐊᖃᕋᑦᑕ ᑲᐱᔭᐅᒍᑎᒋᑫᓐᓇᑕᕐᓄᑦ ᓱᒃᑯᐊᕿᓕᕐᒪᖔᑉᐱᑦ ᑎᒥᑉᐱᑦ ᓈᒻᒪᒋᖕᖏᑕᖓᓄᑦ.

• ᐊᒻᒪᓗ, ᖃᐅᔨᓴᕐᑕᐅᕕᒋᑫᓐᓇᑌᑦ ᑯᒥᑦᑌᓕᒋᐊᖃᕐᑌᑦ ᐊᑦᑑᔭᕐᑌᓕᓪᓗᒍᓗᓐᓃᑦ.

• ᐃᙯᑎᒋᐊᓪᓚᖃᒋᑦ, ᙯᒋᐊᓪᓚᕆᐊᖃᓛᕋᕕᑦ ᑕᑯᔭᐅᒋᐊᕐᑐᓗᑎᑦ ᒪᕐᕈᒃ ᐅᓪᓘᒃ ᓈᑉᐸᓂᒃ. ᐊᐅᐸᓗᑦᓯᓯᒪᖕᖏᑲᓗᐊᕐᐸᑦ ᐳᓪᓕᓕᖕᖏᑲᓗᐊᕐᐸᓗᓐᓃᑦ, ᐃᓚᖓᓂ ᐅᕕᓂᐅᑉ ᐊᑖᓂᒍᓐᓇᒥᒻᒪᑦ ᐋᓐᓂᐊᓯᐅᕐᑎᒧᑭᓯᐊᓂ ᑕᑯᒐᓱᐊᕐᑕᐅᒍᓐᓇᑐᖅ.

ᒪᕐᕉᒃ ᐅᓪᓘᒃ ᓇᓯᒪᓕᕐᑎᓗᒋᒃ

• ᓇᑯᕐᒦᒃ ᙯᒋᐊᓪᓚᑐᑦᓯᐊᖑᒐᕕᑦ. ᐋᓐᓂᐊᓯᐅᕐᑎ ᐊᓪᓚᐅᑎᒧᑦ ᐊᓪᓚᕕᖃᓚᖓᔪᖅ ᑲᐱᔭᐅᕕᕕᓂᕐᓂᒃ ᖃᓄᐃᑦᑐᒧᑦ ᓄᐃᕕᐅᒻᒪᖔᑉᐱᑦ ᖃᐅᔨᒐᓱᐊᕐᓂᐊᕋᒥ.