ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

ᓯᓂᑦᑑᓂᕋᕐᑕᐅᑉ ᐳᕙᓪᓗᓇᐅᑉ ᐃᖏᕐᕋᓂᖓ (Red Book pg. 4)
ᖃᐅᔨᑲᐱᓐᓂᖅ ᑲᒪᒋᔭᖃᑦᓴᐅᑎᒋᓂᕐᓗ ᐳᕙᓪᓗᓇᕐᒥᒃ: ᐱᕙᓪᓕᕈᑎᒋᓂᐊᕐᑕᑎᑦ (Red Book pg. 9)
ᖃᐅᔨᑲᐱᓐᓂᖅ ᑲᒪᒋᔭᖃᑦᓴᐅᑎᒋᓂᕐᓗ ᐳᕙᓪᓗᓇᕐᒥᒃ: ᐱᕙᓪᓕᕈᑎᒋᓂᐊᕐᑕᖏᑦ ᐃᓚᑉᐱᑦ (Red Book pg. 11)
ᖃᓂᑕᓕᕕᓂᕐᒥᑦ ᐱᑦᓱᓂ ᓯᓂᑦᑐᕈᕐᑐᖅ ᐁᑦᑐᑑᑎᖕᖑᕈᓐᓇᓱᓂᓗ (Red Book pg. 7)
ᐳᕙᓪᓗᓇᕐᒥᒃ ᖃᐅᔨᓴᕐᓂᖅ ᓯᓂᑦᑐᒥᒃ ᐁᑦᑐᑑᑎᐅᒍᓐᓇᑐᒥᓪᓗ (Red Book pg. 17)
ᓯᓂᑦᑑᓂᕋᕐᑕᖅ ᐳᕙᓪᓗᓇᖅ
ᐋᓐᓂᐊᓯᐅᑎᑐᕐᑎᓯᓂᖅ ᐳᕙᓪᓗᒪᖔᑦ ᖃᐅᔨᔭᐅᑦᓯᓂᖓᓂ
ᖁᐱᕐᕆᕆᐊᓪᓚᓂᖅ
SCR ᑕᕐᕋᑐᕐᑕᐅᒋᐊᓪᓛᓂᖅ

ᓱᓇᒋᓐᓈ?

ᐳᕙᓪᓗᓇᐅᑉ ᖁᐱᕐᕈᑯᓗᖏᑦ ᑎᒥᒦᓕᕐᑐᑦ ᑭᓯᐊᓂ ‘ᓯᓂᑦᑎᑕᐅᔪᑦ’ ᑎᒥᒧᑦ. ᐃᓄᒃ ᒪᓗᓐᓇᐅᑎᖃᖕᖏᑐᖅ ᐁᑦᑐᑐᐃᕐᖃᔭᕋᓂᓗ ᐊᓯᒥᓂᒃ.

ᓱᒐᒥᓕᑕᒑ ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᐱᓀᓗᑕᐅᕙ?
ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ‘ᑐᐸᒍᓐᓇᑐᖅ’ ᐁᑦᑐᑑᑎᐅᒍᓐᓇᑐᕈᕐᓗᓂᓗ! ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᐁᑦᑐᑑᑎᐅᒍᓐᓇᑐᕈᓲᖅ ᐊᕐᕌᒎᓐᓂ ᒪᕐᕉᓂ ᐳᕙᓪᓗᓇᐅᑉ ᖁᐱᕐᕈᑯᓗᖓ ᑎᒥᒨᕐᑐᕕᓂᐅᓕᕐᑎᓗᒍ. ᐋᓐᓂᐊᓯᐅᑎᑐᕈᑎᐅᖕᖏᑯᓂ, ᓯᓂᒍᓐᓇᑐᖅ ᑎᒥᒥ ᐃᓅᓯᓕᒫᖅ. ᖃᖓᑐᐃᓐᓇᓕᒫᓪᓗ ‘ᑐᐸᒍᓐᓇᓱᓂ’ ᐃᓄᒻᒥᓗ ᖃᓂᒻᒪᑫᓗᓂ ᐊᓱᐃᓛ ᐳᕙᓪᓗᓇᖅ ᐃᕐᐸᓂᐊᓕᕐᒪᑦ.

ᒪᓗᓐᓇᐅᑎᖃᖕᖏᑐᖅ
ᐃᓄᒃ ᓯᓂᑦᑐᓂᕋᕐᑕᒥᒃ ᐳᕙᓪᓗᕈᑎᓕᒃ ᒪᓕᓐᓇᐅᑎᖃᕈᓐᓇᑐᖅ ᐊᓯᖏᑦᑕ ᖃᓂᒻᒪᒍᓰᑦ ᒪᓗᓐᓇᐅᑎᖏᓐᓂᒃ (ᐅᑦᑑᑎᒋᓗᒍ ᖁᐃᕐᑐᓗᓂ ᓄᕙᑦᑐᑎᑐᑦ)

• ᐁᑦᑐᑐᐃᕐᖃᔭᖕᖏᑐᖅ
  ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᐁᑦᑐᑑᐃᒍᑎᐅᕐᖃᔭᖕᖏᒪᑦ, ᐃᓄᓐᓃᑌᓕᒋᐊᖃᕈᑎᐅᖕᖏᑐᖅ.
  
  ᐋᓐᓂᐅᓯᑐᕆᐊᖃᕐᓂᖅ ᐊᑑᑎᔭᐅᒋᐊᖃᓪᓚᕆᓐᓂᕋᕐᑕᐅᖏᒃᑲᓗᐊᕐᓱᓂ ᑭᓯᐊᓂ ᐊᑑᑎᔭᐅᖂᔭᐅᑦᓯᐊᕖᖕᖓᑐᖅ
  
  ᐋᓐᓂᐊᓯᐅᕐᑕᐅᔪᑦ ᖃᐅᔨᒪᒋᐊᓖᒃ ᐊᐅᑳᕈᓐᓇᕕᖃᕆᐊᒥ (ᐱᔪᓐᓇᐅᑎᖃᕆᐊᒥᒃ ᐊᐅᑳᕈᓐᓇᓂᕐᒥᒃ) ᓯᓂᑦᑑᓂᕋᕐᑕᒥᒃ ᐋᓐᓂᐊᓯᐅᑎᑐᖁᔭᐅᒍᑎᒥᓂᒃ.
  
  ᓯᓂᑦᑑᓂᕋᕐᑕᒥᒃ ᐳᕙᓪᓗᓇᕐᕈᑎᓕᓐᓂᒃ ᐋᓐᓂᐊᓯᐅᑎᑐᖁᔨᑦᓯᐊᑐᒍᑦ ᐅᑯᐊ ᐱᑦᔪᑕᐅᑎᓪᓗᒋᑦ:
  
  

• ᐋᓐᓂᐊᓯᐅᑎᑐᕐᓂᑦ ‘ᑐᐸᑦᑎᓯᑦᑌᓕᒍᑎᐅᔪᖅ’ ᐳᕙᓪᓗᓇᕐᒥᒃ ᐁᑦᑐᑑᑎᐅᒍᓐᓇᓯᖁᖕᖏᓗᒍ.

• ᐁᑦᑐᑑᑕᐅᕐᖃᔭᖕᖏᑐᒥᒃ ᐳᕙᓪᓗᑐᖅ ᖃᓄᐃᖕᖏᑐᑦᓯᐊᕈᓲᖅ ᑎᒥᖓᓗ ᐊᕗᖓᐅᓕᔪᒥᒃ ᓱᒃᑯᑕᐅᒪᒍᑎᖃᕋᓂ.

• ᐋᓐᓂᐊᓯᐅᑎᑐᕆᐊᖃᕐᓂᓗ ᐊᑯᓃᖕᖏᓂᕐᓴᐅᓱᓂ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑑᑉ ᐋᓐᓂᐊᓯᐅᑎᑐᕆᐊᖃᓲᖑᓂᖓᓂᑦ

• ᓯᓂᑦᑑᓂᕋᕐᑕᒥᒃ ᐳᕙᓪᓗᑐᖅ ᐃᑭᓐᓂᓴᓂᒃ ᐄᕐᖃᕆᐊᖃᓲᖅ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑑᖅ ᐊᒥᓲᓂᕐᓴᓂᒃ ᐄᕐᖃᓲᖑᑎᓪᓗᒍ.

• ᓯᓂᑦᑑᓂᕋᕐᑕᖅ ᐋᓐᓂᐊᓯᐅᑎᑐᕈᑕᐅᒐᒥ ᐊᓯᐅᑦᓴᐅᑎᒋᓲᖅ ᑎᒥᒥᑦ ᐁᑦᑐᑑᑎᐅᒍᓐᓇᓯᓚᐅᕋᓂ. ᐃᑲᔪᕐᓯᒪᔪᖅ ᑕᒪᓐᓇ ᐃᓚᒋᔭᐅᔪᓂᒃ, ᐱᖃᑎᒋᔭᐅᔪᓂᒃ ᓄᓇᓕᒻᒥᓗ ᐳᕙᓪᓗᓕᖁᓇᒋᑦ.
  
  ᐱᐊᕃᑦ
  ᐱᐊᕃᑦ (ᑕᓪᓕᒪᓂᒃ ᐅᑭᐅᓕᓐᓂᑦ ᓄᑲᕐᓰᑦ) ᑎᒥᖏᑦ ᓴᖕᖐᓂᕐᓴᐅᒐᒥᒃ ᐹᕐᖃᔭᖕᖏᓂᕐᓭᑦ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ. ᐱᐊᕌᕈᓂᕐᓴᖅ ᐊᑦᑕᓇᕐᑐᒦᒍᓐᓇᓂᕐᓴᖅ ᓯᓂᑦᑐᒥᒃ ᐳᕙᓪᓗᓂᖓ ᐁᑦᑐᑑᑎᐅᒍᓐᓇᑐᕈᑐᐃᓐᓇᕆᐊᖃᕐᒪᑦ. ᑌᒣᒻᒪᑦ ᐱᐊᕋᕐᓂᒃ ᐋᓐᓂᐊᓯᐅᑎᑐᖁᔨᓲᖑᔪᒍᑦ ᓯᓂᑦᑑᓂᕋᕐᑕᒥᒃ ᐳᕙᓪᓗᕈᑎᖃᕐᐸᑕ.
  
  ᐃᒫᑕᒐ ‘ᓯᓂᑦᑐᖅ’ ᐳᕙᓪᓗᓇᐅᑉ ᖁᐱᕐᕈᑯᓗᖓ (ᓯᓂᑦᑐᖅ ᐳᕙᓪᓗᓇᖅ) ‘ᑐᐸᓲᖑᕗᖅ’ (ᐆᒻᒪᓱᓂ) ᖃᓂᒻᒪᓚᖀᑦᓱᓂ (ᐁᑦᑐᑑᑎᐅᒍᓐᓇᑐᕈᕐᓱᓂ)
  
  

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒪᕆᒻᒥᒃ ᐅᖃᐅᑎᔭᐅᕋᑖᕐᑐᒥᒃ ᓯᓂᑦᑑᓂᕋᕐᑕᒥᒃ ᐳᕙᓪᓗᕆᐊᖓᓂᒃ:

ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ
ᐅᖄᒍᑎᖃᓯᒋᕗᒍᒃ ᓯᓂᑦᑑᓂᕋᕐᑕᐅᑉ ᒥᑦᓵᓄᑦ. ᖃᐅᔨᒪᓕᕇᕐᖁᕋᓗᐊᕐᑐᑎᑦ ᑭᓯᐊᓂ ᓱᓇᒥᑦᓯᓯᐊᕋᓱᐊᓚᖓᔪᖓ ᐊᐱᕐᓲᑎᑦᓴᖃᕈᕕᓪᓗ, ᑐᑭᓯᖃᑎᒌᒐᓱᐊᕐᓂᐊᕋᓐᓄᒃ. ᖃᓄᐃᖕᖏᑑᖅ ᑌᒣᒍᓐᓄᒃ?

ᓱᓇ/ᓱᒧᑦ

• ᑎᒥᒥ ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᑐᑭᓕᒃ ᐳᕙᓪᓗᓇᐅᑉ ᖁᐱᕐᕈᑯᓗᖓ ᑎᒥᓐᓃᑐᖅ, ᑭᓯᐊᓂ ᑎᒥᑉᐱᑦ ‘ᓯᓂᓯᑎᓯᒪᔭᖓ’. ᐳᕙᓪᓗᓇᐅᑉ ᖁᐱᕐᕈᑯᓗᖓ ᓱᒃᑯᑎᕆᖕᖏᑐᖅ ᖃᓂᒪᖕᖏᑐᑎᑦ, ᐃᕐᐸᑎᕆᖃᔭᕐᓇᓗ ᐊᓯᑎᓐᓄᑦ.

• ᑭᓯᐊᓂ ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᖃᖓᑐᐃᓐᓇᓕᒫᖅ ‘ᑐᐸᒍᓐᓇᑐᖅ’ ᐁᑦᑐᑑᑎᐅᒍᓐᓇᑐᕈᕐᓗᓂ. ᐁᑦᑐᑑᑎᐅᒍᓐᓇᑐᕈᕐᐸᑦ, ᖃᓂᒻᒪᕋᔭᕐᑐᑎᑦ ᐁᑦᑐᑑᐃᒍᑎᒋᓯᓗᒍᓗ (ᐃᕐᐸᑎᓗᒍ ᐊᓯᑎᓐᓄᑦ). ᓇᓗᓇᕐᑑᒍᓐᓇᑐᖅ ᖃᐅᔨᒪᓇᖕᖏᒪᑦ ᖃᖓ ᑌᒣᓕᒐᔭᕐᒪᖔᑦ.

ᐋᓐᓂᐊᓯᐅᑎᑐᕐᓂᖅ

• ᐋᓐᓂᐊᓯᐅᑎᑐᕈᓐᓇᑐᑎᑦ ᓯᓂᑦᑑᓂᕋᕐᑕᒥᒃ ᐳᕙᓪᓗᓂᕐᓄᑦ ᖁᐱᕐᕈᑯᓗᓪᓗ ᐲᕐᑕᐅᒍᓐᓇᓱᓂ ᑎᒥᓐᓂᑦ. ᐃᓱᒫᓗᒋᐊᑐᖕᖏᓂᕐᓴᐅᓗᑎᓪᓗ ‘ᑐᐸᒐᔭᕐᓂᖓᓂᒃ’ ᐅᕝᕙᓗᓐᓃᑦ ᐃᕐᐸᑎᕆᒐᔭᕐᓂᒥᒃ ᐳᕙᓪᓗᓇᕐᒥᒃ ᐃᓚᑎᓐᓄᑦ.

• ᓯᓂᑦᑑᓂᕋᕐᑕᒥᒃ ᐳᕙᓪᓗᕈᑎᓕᓐᓂᒃ ᐋᓐᓂᐊᓯᐅᑎᑐᖁᔨᓲᖑᔪᒍᑦ ᐃᓱᒫᓗᓐᓂᐊᖏᒻᒪᑕ ᐳᕙᓪᓗᓇᐅᑉ ‘ᑐᐸᒐᔭᕐᓂᖓᓂᒃ’ ᐅᕝᕙᓗᓐᓃᑦ ᖃᓂᒻᒪᓂᐊᖕᖑᓂᕐᒥᒃ ᓱᒃᑯᑕᐅᓂᐊᖕᖒᓗᑎᓪᓗᓃᑦ ᐳᕙᓪᓗᓇᕐᒧᑦ.

• ᐊᒻᒪᓗ, ᐋᓐᓂᐊᓯᐅᑎᑐᕐᓂᖅ ᐊᑯᓃᖕᖏᓂᕐᓴᐅᓱᖅ ᐃᑭᓐᓂᓴᓂᓪᓗ ᐃᕐᖃᕆᐊᖃᓱᓂ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᑐᐃᑦ ᐄᕐᖃᓂᕆᒋᐊᓕᖓ ᐊᑯᓂᕐᓂᓴᐅᑎᓪᓗᒍ.