ᐊᓯᖏᓪᓗ
ᑲᔪᖏᕐᓭᒍᑏᑦ
ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ
ᓇᓗᓀᕐᓯᓂᖅ ᐃᓱᒫᓗᑎᐅᔪᓂᒃ ᐃᑲᔪᕐᓯᒪᒍᑎᐅᔪᓂᓪᓗ (Red Book 23)
ᓱᒧᑦ ᑲᔪᖏᕐᓭᒍᑎᖃᓲᖑᕙ?
ᑲᔪᖏᕐᓭᒍᑏᑦ ᐃᑲᔪᕐᓯᒪᒍᑎᐅᒐᓱᐊᓲᑦ ᑭᓇᑐᐃᓐᓇᒥᒃ ᐳᕙᓪᓗᓱᓂ ᐋᓐᓂᐊᓯᐅᑎᑐᕆᐊᓕᒻᒥᒃ ᐅᕝᕙᓗᓐᓃᑦ ᖃᐅᔨᓴᕐᑕᐅᒋᐊᕐᑐᓚᕿᑎᑦᓯᒐᓱᐊᕈᑎᐅᑦᓱᑎᒃ. ᐊᑐᓂ ᐋᓐᓂᐊᕖᑦ ᐊᑦᔨᒌᖕᖏᑐᓂᒃ ᑲᔪᖏᕐᓭᒍᓯᖃᓲᑦ. ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᐅᓗᑎᑦ, ᐱᐅᔫᒐᔭᕐᑐᖅ ᖃᐅᔨᒪᒐᓱᐊᑦᓯᐊᕈᕕᑦ ᓱᓀᑦ ᑲᔪᖏᕐᓭᒐᓱᐊᕈᑏᑦ ᐊᑐᐃᓐᓇᐅᒪᖔᑕ. ᑕᑯᒋᐊᕐᓗᒍ ᓄᓇᓕᒻᒥ ᐃᑲᔪᕐᓯᔨᐅᒍᓐᓇᑐᑦ ᐱᓇᓲᑎᐅᒍᓐᓇᑐᑦ ᐃᓱᒪᑖᓕᐅᒥᒍᑎᒋᒍᓐᓇᑕᑎᑦ.
ᐃᓚᖏᑦ ᐃᓄᐃᑦ ᐃᓱᒪᖃᕈᑎᖃᓲᖑᒻᒥᔪᑦ ᖃᔪᖏᕐᓭᒍᑎᓂᒃ ᓈᒻᒪᓴᖕᖏᓂᕐᒥᒃ ᐃᓄᐃᑦ ᓇᒻᒥᓂᖅ ᖃᐅᔨᓴᕐᑕᐅᒍᒪᒋᐊᖃᕐᒪᑕ ᑲᒪᒋᔭᐅᒍᒪᓗᑎᓪᓗ ᖃᓄᐃᖕᖏᓯᐊᕈᒪᓂᖓ ᐱᓪᓗᒍ. ᐱᒻᒪᕆᐅᕗᖅ ᐳᐃᒍᕆᐊᖃᖕᖏᓇᑦᑕ ᐳᕙᓪᓗᓇᕐᒥᒃ ᖃᐅᔨᕕᐅᔪᑦ ᑲᒪᒋᔭᐅᒍᑎᓖᓪᓗ ᐊᒥᓱᐊᓗᓐᓂᒃ ᐱᒐᑦᓴᑖᓱᖑᒋᐊᖏᑦ (ᐅᑦᑑᑎᒋᓗᒍ ᐄᖃᒉᑐᖃᑦᑕᕆᐊᖃᕐᓂᖅ) ᑮᓇᐅᔭᖃᑦᓯᐊᕈᓐᓀᓂᖅ (ᐅᑦᑑᑎᒋᓗᒍ ᐱᓇᓱᒋᐊᕐᑐᖃᔦᕐᓯᒪᓗᓂ ᖃᓂᒪᒧᑦ), ᐊᒻᒪᓗ ᐋᓐᓂᐊᓯᐅᑎᑐᕆᐊᖃᕐᓂᒃ ᐊᑯᓂᐊᓘᕈᓐᓇᓱᓂ ᐃᓄᐃᑦ ᖃᐅᑕᒫᑦ ᐃᓅᓯᕆᔭᖓᓂᒃ ᓱᕐᕃᓯᒪᒍᓐᓇᑐᖅ ᑕᕐᕿᓂᒃ ᐊᒥᓱᐊᓗᓐᓂᒃ. ᑲᔪᖏᕐᓭᒍᑎᖃᕐᓂᖅ ᑐᑭᓯᒪᓂᐅᕗᖅ ᐱᔭᕆᐊᑐᔪᐊᓘᖑᓐᓇᓂᖓᓂᒃ ᐳᕙᓪᓗᓇᕐᒥᒃ ᑲᒪᒋᔭᐅᒍᑎᖃᕆᐊᖅ ᐊᒻᒪᓗ ᐃᑲᔪᕐᓯᒐᓛᐱᒍᑎᐅᑦᓱᓂ ᐃᓄᓐᓂᒃ ᐳᕙᓪᓗᓱᑎᒃ ᑲᒪᒋᔭᐅᒋᐊᓕᓐᓂᒃ.