ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᖅ - ᓱᓇᐅᕚ?

ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᒃ ᓲᓱᒋᔭᖃᑦᓯᐊᕈᑎᐅᕗᖅ ᐃᓅᑉ ᐱᔪᓐᓇᐅᑎᖏᓐᓂᒃ ᑭᓇᒧᑦ ᖃᐅᔨᒪᔭᐅᖁᔭᒥᓂᒃ ᖃᐅᔨᔭᐅᑎᑦᓯᒍᓐᓇᑑᒻᒪᑦ. ᐃᓄᐃᑦ ᐃᓱᕐᕆᒋᔭᖃᓲᑦ ᐊᑦᔨᒌᖕᖏᑐᓂᒃ ᓱᓇᐅᒐᓗᐊᓂᒃ ᐊᓯᖏᑦ ᖃᐅᔨᒪᑉᐸᑕ - ᐊᑦᔨᒌᖕᖏᑑᒐᑦᑕ ᐊᑐᓂ.

ᐃᓗᓐᓇᓕᒫᑎᒃ ᐋᓐᓂᐊᓯᐅᕆᔩᑦ ᐱᑦᓯᐊᑐᑦᓴᔭᐅᒍᑎᖃᕆᐊᓖᑦ (ᐃᓄᒻᒥᒃ ᐱᑦᓯᐊᕕᖃᕆᐊᖃᕋᒥᒃ) ᐊᒻᒪᓗ ᐱᖁᔦᑦ ᓇᓛᒍᑦᓯᐊᕆᐊᖃᕐᓱᑎᒃ (ᐱᖁᔭᐅᒻᒪᑦ) ᐃᑉᐱᒋᔭᖃᑦᓯᐊᕆᐊᖃᕐᓱᑎᓪᓗ ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᕐᒥᒃ. ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᑦ ᐱᒻᒪᕆᐅᒍᑎᖃᕆᕗᖅ ᐱᕈᕐᓭᓯᐊᕈᑎᐅᒐᒥ ᐃᓅᑉ ᐅᑉᐱᕈᓱᑦᓯᐊᕈᓐᓇᓂᖓᓂᒃ.

ᓱᓇᐅᕚᑦ ᐃᓅᑉ ᐋᓐᓂᐊᓯᐅᕐᑕᐅᒍᑎᖏᑦᑕ ᖃᐅᔨᒪᔭᐅᒍᑎᖏᑦ?

ᐅᖃᐅᓯᐅᔪᑦ ᓱᓇᓱᐊᕐᓂᐅᔪᓪᓗ ᑲᒪᒋᔭᐅᔪᖃᕐᑎᓗᒍ ᐋᓐᓂᐊᕕᒻᒥ	ᖃᐅᔨᒪᔭᐅᒍᑏᑦ ᐃᓅᑉ ᐊᓪᓚᑕᐅᓯᒪᕕᖓᓂ (ᐃᓚᒋᔭᐅᒻᒥᔪᖅ ᐱᓂᕐᓗᓯᒪᓂᕕᓂᖓᑕ ᓱᓇᐅᓂᖏᑦ)
ᐃᓅᑉ ᓯᕿᓂᖕᖑᐊᖓ ᐊᓪᓚᑕᐅᓯᒪᐅᑎᖏᑦᑕᓗᓐᓃᑦ ᑭᓯᑦᓯᒍᑎᑕᖓ	ᐃᓄᒻᒥᒃ ᐅᖄᓚᕕᖃᕋᓱᐊᕈᑎᒋᔦᑦ

ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᐅᑉ ᐊᑦᔨᐅᖏᓐᓂᖓ ᐅᖃᐅᑎᔭᐅᒍᑎᕕᓂᕐᓂᒃ ᐅᖃᕈᑎᖃᕐᑌᓕᓂᕐᒧᑦ

ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᖅ ᐊᑦᔨᒋᔭᐅᖕᖏᑐᖅ ᐅᖃᐅᑎᔭᐅᒍᑎᕕᓂᕐᓂᒃ ᐅᖃᕈᑎᖃᕐᑌᓕᓂᕐᒧᑦ

ᐃᓄᒻᒧᑦ ᐅᖃᐅᑎᔭᐅᒍᑎᕕᓂᕐᓂᒃ ᐃᓚᖓᓂ ᐅᖃᕈᑎᒋᓛᖕᖏᑕᕕᓂᕆᒐᓗᐊᕐᓗᒍ ᐅᖃᕆᐊᖃᕐᓇᓲᖅ. ᐅᐱᓐᓇᕋᓂ ᐃᓚᖏᓐᓂ ᐊᑑᑎᔪᓂ (ᐃᓅᑉ, ᓄᓇᓕᐅᑉ ᐋᓐᓂᐊᓯᐅᕆᔨᐅᓪᓘᓐᓃᑦ ᖃᓄᐃᖕᖏᓯᐊᕆᐊᖃᕐᓂᖓᓅᓕᖓᑐᐊᕐᐸᑦ) ᐅᖃᕈᑎᒋᒋᐊᖃᕋᔭᕋᕕᐅᒃ ᑐᓴᕐᑕᐅᔭᕆᐊᓕᒃ. ᐅᖃᓛᖕᖏᑕᕋ ᓚᖃᑦᑕᖏᒃᑯᕕᑦ ᐱᐅᓂᕐᓴᖅ, ᐅᖃᐅᓯᕆᒋᐊᖃᓯᑐᐃᓐᓇᕆᐊᖃᕋᕕᐅᒃ.

ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᕐᒨᓕᖓᔪᑦ ᐅᖃᕈᑕᐅᒍᓐᓇᕆᐊᓖᑦ ᕆᐊᖃᓪᓚᕆᓕᕈᑎᑭᓯᐊᓂ ᖃᐅᔨᒪᒋᐊᓕᓪᓚᕆᓐᓄᑦ ᑐᓴᕐᑕᐅᑎᒍᓐᓇᕋᕕᒃᑭᑦ.

ᓇᐅᓕᒫᓂᒃ ᖃᓄᐃᖕᖏᓯᐊᕋᓱᐊᕐᑎᓯᔨ ᐃᓄᑑᖕᖏᑐᖅ ᐅᑉᐱᕆᔭᐅᑎᑦᓯᐊᕋᓱᐊᕐᑑᓱᓂ ᐋᓐᓂᐊᓯᐅᕐᑕᐅᔪᓂᓪᓗ ᐃᓱᕐᕆᑎᑦᓯᒐᓱᐊᕐᓱᓂ ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᕐᑎᒍᑦ. ᑕᒪᓐᓇ ᐃᓗᓐᓀᓅᓕᖓᔪᖅ ᐳᕙᓪᓗᑐᓕᕆᔨᓄᑦ!

ᐅᖃᐅᑎᔭᐅᒍᑎᕕᓂᕐᓂᒃ ᐅᖃᕈᑎᖃᕐᑌᓕᓂᖅ	ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᖅ
ᐅᑦᑑᑎᒋᓗᒍ: ᐅᖃᕐᑌᓕᒍᑎᖃᕆᐊᖃᖕᖏᑐᑎᑦ ᑲᒪᒋᖃᑦᑕᑌᑦ ᔩᒥ ᒥᕆᐊᑎᕆᖃᑦᑕᑐᐊᕐᐸᑦ ᐊᒥᓱᓂᒃ ᐅᓪᓗᓂ, ᐋᓐᓂᐊᓯᐅᕐᑎᒧᑦ ᐅᖃᕈᑎᒋᒋᐊᓖᑦ.	ᐅᑦᑑᑎᒋᓗᒍ: ᐃᙯᑎᒍᒃ ᐳᕙᓪᓗᑐᓕᕆᔨ ᐋᓐᓂᐊᓯᐅᕐᑎ ᑮᓇᕐᒥᓂᒃ ᒥᓕᑦᓯᒣᖁᓗᒍ ᑲᒪᒋᔭᐅᒋᐊᓕᒃ ᐳᓛᕆᐊᕐᑕᑎᒃ ᐃᓄᓐᓂᑌᓕᒋᐊᖃᕐᑎᑕᐅᖏᓐᓇᐸᑦ

ᖃᐅᔨᒪᔭᐅᒋᐊᖃᖕᖏᑐᓂᒃ ᐅᖃᔭᐅᑎᖃᕆᐊᖃᖕᖏᓂᕐᒥᒃ ᐊᑑᑎᑦᓯᐊᕋᓱᐊᕐᓂᖅ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᔨᐅᒐᓱᐊᕐᑎᐅᓗᓂ

ᑕᒃᑯᒧᑦ ᑲᒪᓕᕈᕕᑦ

ᐃᒣᓗᕆᐊᖃᕐᑐᑎᑦ	ᖃᓄᐃᓘᕐᓗᑎᑦ
ᐃᓄᒃ ᖃᐅᔨᒪᔭᐅᑎᑦᑌᓕᑦᓯᐊᕋᓱᐊᕐᓗᒍ ᑕᑯᔭᐅᔭᕐᑐᓯᒪᓕᕐᐸᑦ	ᐅᒃᑯᐊᓯᒪᓗᑎᑦ ᐅᖄᓚᓚᖓᓕᕈᕕᑦ ᐅᕝᕙᓗᓐᓃᑦ ᐊᓯᐊᓂᒃ ᐋᓐᓂᐊᓯᐅᕐᑕᐅᒋᐊᕐᑐᓯᒪᔪᒥᒃ ᑲᒪᒋᔭᖃᓚᖓᒍᕕᑦ ᐅᑕᕐᕿᑫᓐᓇᖁᓗᒍ ᐅᑕᕐᕿᕕᒻᒥ
ᖃᐅᔨᑎᑦᓯᖃᑦᑕᕆᐊᖃᖕᖏᓂᕐᒥᒃ ᑭᓇᑐᐃᓐᓇᑯᓐᓂᒃ ᑖᑦᓱᒧᖓ ᐃᓄᒻᒨᓕᖓᔪᓂᒃ ᐃᓱᒪᒋᔭᖃᑦᓯᐊᖃᑦᑕᓗᑎᑦ	ᐊᓯᖏᑦ ᐋᓐᓂᐊᕕᒻᒥ ᐱᓇᓱᐊᕐᑏᑦ: ᖃᐅᔨᒪᒋᐊᖃᓪᓚᕆᑦᑕᖏᓐᓂᑭᓯᐊᓂ ᐅᖃᐅᑎᒍᓐᓇᑕᑎᑦ ᓄᓇᓕᒃ: ᐃᓅᑉ ᖃᓄᐃᓐᓂᖓᓅᓕᖓᔪᑦ ᖃᐅᔨᒪᔭᐅᒋᐊᑐᓪᓗᐊᓲᖑᖕᖏᑐᑦ ᓄᓇᓕᒻᒥ.

ᐅᖄᓚᐅᑎᒦᓕᕈᕕᑦ

ᐃᒣᓗᕆᐊᖃᕐᑐᑎᑦ	ᖃᓄᐃᓘᕐᓗᑎᑦ
ᐋᓐᓂᐊᓯᐅᕐᑕᐅᒋᐊᕐᑐᓯᒪᔪᒥᒃ ᖃᕆᐊᕐᒦᖃᑎᖃᕐᓗᑎᑦ ᐅᖄᓚᕕᖃᕐᑌᓕᓗᑎᑦ ᓇᐅᑐᐃᓐᓇᒥᒃ	ᐅᑕᕐᕿᓚᐅᑲᖃᑦᑕᓗᑎᑦ ᐅᕝᕙᓗᓐᓃᑦ ᐊᓯᐊᓂ ᖃᕆᐊᒦᑦᑐᒥᒃ ᐅᖄᓚᐅᑎᒥᒃ ᐊᑐᕆᐊᕐᑐᓗᑎᑦ
ᑌᓐᓇᑭᓯᐊᓂ ᐃᓄᒃ ᐅᖄᕕᒋᒐᓱᐊᕐᑌᑦ ᑐᓴᕐᑎᒋᐊᓖᑦ ᖃᐅᔨᒪᒋᐊᓕᖏᓐᓂᒃ	ᐅᖄᓚᕕᒋᒐᓱᐊᕐᑕᐱᑦ ᐊᓯᐊᓄᑦ ᑭᐅᔭᐅᒍᕕᑦ ᐅᖃᐅᑎᒋᐊᖃᖕᖏᑌᑦ ᖃᐅᔨᒪᔭᐅᒋᐊᖃᖕᖏᑐᓂᒃ

ᐅᓂᒃᑳᓂᖅ

ᐃᒣᓗᕆᐊᖃᕐᑐᑎᑦ	ᖃᓄᐃᓘᕐᓗᑎᑦ
ᐅᓂᒃᑲᖃᑦᑕᕆᐊᖃᖕᖏᑐᑎᑦ ᖃᐅᔨᒍᑎᐅᓚᕿᒐᔭᕐᑐᓂᒃ ᑭᓇᒥᒃ ᐅᖄᒍᑎᖃᕐᒪᖔᑉᐱᑦ	ᐅᓂᒃᑳᓕᕈᕕᑦ ᐅᖃᖃᑦᑕᖏᓪᓗᒍ ᐊᑎᖓ, ᐅᓪᓗᖓ ᓇᓃᓐᓂᖓᓗ. ᐃᓱᒪᑦᓯᐊᕋᓱᐊᕐᓗᑎᑦ ᐅᓂᒃᑲᓕᕈᕕᑦ ᑭᓇᒥᒃ ᐅᖄᒍᑎᖃᕐᒪᖔᑉᐱᑦ ᖃᐅᔨᔭᐅᑎᑦᓯᒋᐊᖃᖕᖏᒋᐊᖅ.

ᐊᓪᓚᓯᒪᔪᖁᑎᒋᔭᐅᔪᑦ

ᐃᒣᓗᕆᐊᖃᕐᑐᑎᑦ	ᖃᓄᐃᓘᕐᓗᑎᑦ
ᐊᓪᓚᓯᒪᔪᓃᑦᑐᓂᒃ ᑕᑯᓐᓇᕋᓱᐊᕐᑌᓕᖃᑦᑕᓗᑎᑦ ᐱᓇᓱᐊᕐᑕᓅᓕᖓᓪᓚᕆᖕᖏᑐᓂᒃ	ᐅᑦᑑᑎᒋᓗᒍ: ᖃᐅᔨᒐᓱᐊᕈᕕᑦ ᐃᓄᒃ ᐳᕙᓪᓗᓇᕇᒃᑯᑎᒧᑦ ᑲᐱᔭᐅᒪᒐᓗᐊᕐᒪᖔᑦ, ᑕᑯᒐᓱᐊᕆᐊᑐᖕᖏᑐᑎᑦ ᐃᓱᒪᒥᒍᑦ ᖃᓄᐃᒍᑎᖃᕐᓯᒪᓂᖓᑕ ᐊᓪᓚᑕᐅᒪᒍᓯᖏᓐᓂᒃ

ᐊᓕᑦᑐᐃᓂᖅ ᓯᑯᑦᓴᔭᓂᒃ

ᐃᒣᓗᕆᐊᖃᕐᑐᑎᑦ	ᖃᓄᐃᓘᕐᓗᑎᑦ
ᓯᑯᑦᓴᔭᓂᒃ ᑕᒪᓂᕐᕿᑎᑦᓯᖃᑦᑕᕈᓐᓀᓗᑎᑦ ᐅᕝᕙᓗᓐᓃᑦ ᑕᑯᔭᐅᑎᖃᑦᑕᕈᓐᓀᓗᒋᑦ ᐃᓄᐃᑦ ᖃᐅᔨᒪᔭᐅᒍᑎᒋᒋᐊᖃᕐᑕᖏᓐᓂᒃ ᐊᓪᓚᓯᒪᔪᕐᑕᖃᕐᐸᑕ	ᐅᑦᑑᑎᒋᓗᒍ: ᐊᓪᓚᓯᒪᔪᓂᒃ ᑐᓴᐅᑎᒨᕆᒋᐊᖃᕈᕕᑦ, ᐃᓅᑉ ᐊᑎᖓᑭᓯᐊᓂ ᐊᓪᓚᓯᒪᒋᐊᓕᒃ (ᐊᓪᓚᓯᒪᔪᕐᑕᖃᕆᐊᖃᖕᖏᑐᖅ ᑭᓯᑦᓯᒍᑎᑕᓂᒃ ᐊᓪᓚᖁᑎᖏᑦᑕ ᓱᒧᓪᓗ ᙯᖁᔭᐅᒻᒪᖔᑦ) ᐅᑦᑑᑎᒋᓗᒍ: ᐊᓪᓚᓯᒪᔪᓂᒃ ᑐᓴᐅᑎᒨᕆᒋᐊᖃᕈᕕᑦ, ᐃᓅᑉ ᐊᑎᖓᑭᓯᐊᓂ ᐊᓪᓚᓯᒪᒋᐊᓕᒃ (ᐊᓪᓚᓯᒪᔪᕐᑕᖃᕆᐊᖃᖕᖏᑐᖅ ᑭᓯᑦᓯᒍᑎᑕᓂᒃ ᐊᓪᓚᖁᑎᖏᑦᑕ ᓱᒧᓪᓗ ᙯᖁᔭᐅᒻᒪᖔᑦ)
ᓯᑯᑦᓴᔦᑦ ᐃᓄᒻᒨᓕᖓᔪᓂᒃ ᐊᓪᓚᓯᒪᔪᕐᑕᓖᑦ ᐊᓕᑦᑐᖃᑦᑕᓗᒋᑦ ᐊᑐᕐᑕᐅᒋᐊᖃᓚᖓᒍᓐᓀᐸᑕ

ᐅᑦᑑᑎᑦ

ᐅᑯᐊ ᐊᑖᓂᑦᑐᑦ ᐅᑦᑐᕋᐅᑎᑦ ᕿᒥᕐᕈᕈᓐᓇᑕᑎᑦ. ᐊᑐᓂ ᐊᑦᔨᒌᖕᖏᑐᑦ. ᐃᑲᔪᕐᓯᒪᒍᓐᓇᕋᔭᕐᒥᔪᖅ ᐅᖄᕕᖃᑐᐊᕈᕕᑦ ᐳᕙᓪᓗᑐᓕᕆᔨᐅᖃᑎᑎᓐᓂᒃ.

ᐅᑦᑑᑎᒃ #1: ᑕᑯᑦᓴᕈᕕᑦ ᓯᕗᓕᕐᑎᒥᒃ ᑯᐊᐸᒃᑯᓂ, ᐊᐱᕆᓯᔪᖅ ᒫᑕ ᐳᕙᓪᓗᒪᖔᑦ.

ᐃᒣᓕᓗᑎᑦ → “ᖃᐅᔨᔭᐅᑎᑦᓯᒋᐊᖃᖕᖏᑐᖓ ᑕᒪᒃᑯᓂᖓ”

ᑖᓐᓇ ᖃᐅᔨᒍᒪᔪᖅ ᐃᓱᒫᓗᒐᒥᑭᓯᐊᓂᐅᒐᓗᐊᖅ, ᑭᓯᐊᓂ ᐃᓄᒃ ᖃᐅᔨᒪᔭᐅᒍᒪᔪᖅ ᓇᒻᒥᓂᖅ ᖃᐅᔨᑎᑦᓯᒍᓐᓇᕆᐊᓕᒃ ᖃᐅᔨᔭᐅᖁᔨᖕᖏᑑᓗᓂᓗᓐᓃᑦ

ᐅᑦᑑᑎᒃ #2: ᔪᐊᓇᓯᒧᑦ (26-ᓂᒃ ᐅᑭᐅᓕᒻᒧᑦ) ᐅᖄᓚᒐᓱᑦᓱᑎᒃ ᐊᓈᓇᖓ ᑭᐅᔪᖅ.

ᐃᒣᓕᓗᑎᑦ → “ᐃᓛᓂᐅᖕᖏᑑᒐᓗᐊᖅ ᔪᐊᓇᓯᐅᑉ ᐊᓯᐊᓄᑦ ᐅᖃᕆᐊᖃᖕᖏᓇᒪᑦ ᓱᓇᒨᓕᖓᒻᒪᖔᑦ. ᐅᖃᐅᑎᑐᐃᓐᓇᓂᐊᓕᕐᙯᑦ ᐅᕙᓐᓄᑦ ᐅᖄᓚᖁᓗᒍ.”

ᐊᓈᓇᒋᔭᐅᒐᓗᐊᕐᑎᓗᒍ ᔪᐊᓇᓯᒧᑦ, ᐃᓄᒻᒪᕆᐅᒐᒥ ᔪᐊᓇᓯ ᑐᑭᑖᕐᑐᓴᑐᐊᖅ ᓱᓇᒥᒃ ᐊᓈᓇᖓ ᖃᐅᔨᒪᔪᑦᓴᐅᒪᖔᑦ.

ᐅᑦᑑᑎᒃ #3: ᐯᕆᑦᓯᕕᐅᑉ ᐊᓪᓚᕕᖓᓂ ᐅᐸᓘᒪᑎᓪᓗᑎᑦ, ᑕᕕᑎ ᐱᓇᓱᑦᑎ ᑌᑲᓂ ᐊᐱᕆᔪᖅ ᖃᐅᔨᓴᕐᑕᐅᒍᑎᕕᓂᖏᑦ ᐊᑐᐃᓐᓇᐅᓕᕐᒪᖔᑕ.

ᐃᒣᓕᓗᑎᑦ → “ᖃᐅᔨᒪᓪᓗᐊᖏᑦᑐᖓ ᖃᐅᔨᓴᕐᑕᐅᒍᑎᕕᓂᑎᓐᓂᒃ, ᑐᓵᔭᐅᓐᓇᖏᓐᓂᓴᒨᕐᓗᓄᒃ ᐅᖄᒐᔭᕋᓗᐊᕐᑐᒍᒃ.”

ᑖᕕᑎ ᐊᐱᕆᒋᐊᖕᖓᑫᓐᓇᕋᓗᐊᕐᑎᓗᒍ(ᑕᒪᓐᓇᓗ ᖃᐅᔨᒍᒪᓂᑦᓯᐊᖓ ᓇᑯᕐᑑᒐᓗᐊᖅ), ᑭᓯᐊᓂ ᐱᕕᖃᕐᐸᑦ ᑐᓵᔭᐅᓐᓇᖏᓐᓂᓴᒥ ᐅᖄᖃᑎᒋᒍᓐᓇᓂᕋᕐᕕᒋᒋᐊᓖᑦ.