ᓱᓇᒋᓐᓈ?

ᐃᓄᓐᓃᑌᓕᒋᐊᖃᕐᓂᖅ ᐋᓐᓂᐊᕕᒻᒥ ᑐᑭᓕᒃ ᐃᓄᒃ ᓂᕆᖃᑦᑕᓗᓂ, ᓯᓂᖃᑦᑕᓗᓂ ᐅᓪᓗᓕᒫᒥᓗ ᐋᓐᓂᐊᕕᒻᒦᖃᑦᑕᓗᓂ. ᐳᕕᕐᓂᑑᑉ ᑯᑦᔪᐊᓗ ᐋᓐᓂᐊᕕᒋᒃ ᐊᑐᐃᓐᓇᐅᓯᐊᕐᑑᒃ ᐃᓄᓐᓃᑌᓕᒋᐊᖃᕐᕕᒥᒃ ᐃᓂᖃᕋᒥᒃ, ᑕᒡᒐ ᐳᕕᕐᓂᑐᒥᐅᖑᖕᖏᑐᑦ ᑯᑦᔪᐊᒥᐅᖑᖕᖏᑐᓪᓗ ᑖᒃᑯᓅᖓ ᐊᓐᓂᐊᕕᓕᐊᕆᐊᖃᕋᔭᕐᑐᑦ. ᐃᓄᒃ ᐊᑭᓕᕐᑐᐃᒋᐊᑐᖕᖏᑐᖅ ᐃᓄᓐᓃᑌᓕᑎᑕᐅᓗᓂ ᐋᓐᓂᐊᕕᒻᒥ.

ᐃᓄᒃ ᓈᓚᑦᓯᐊᖃᑦᑕᕆᐊᓕᒃ ᖃᓄᐃᓕᖓᖁᔭᐅᒍᑎᒥᓂᒃ ᐋᓐᓂᐊᕕᒻᒥ ᐱᓇᓱᑦᑎᓄᑦ ᐃᓄᓐᓃᑌᓕᑎᑕᐅᓂᕐᒥᓂ.

ᐋᓐᓂᐊᕕᒻᒥ ᐃᓄᓐᓃᑌᓕᑎᑕᐅᓲᑦ ᐱᑦᔪᑎᐅᑎᓪᓗᒋᑦ ᐊᑦᔨᒌᖕᑐᑦ ᐅᑯᐊ:

• ᐃᓄᒃ ᐋᓐᓂᐊᕕᒻᒥᒌᐊᖃᓚᕿᑐᐊᕐᒪᑦ ᐳᕙᓪᓗᓇᕐᒧᑦ ᖃᓂᒪᓕᕈᓂ.

• ᐋᓐᓂᐊᕕᒃ ᐃᑲᔪᕐᓯᒍᓐᓇᓂᕐᓴᖅ ᐃᓄᒻᒥᒃ ᐄᓯᑎᑦᓯᖃᑦᑕᓗᓂ ᐱᔭᕆᑦᓯᐊᑎᓗᒍᓗ ᐃᓄᓐᓃᑌᓕᒋᐊᖃᕐᓂᒥᓂᒃ.

• ᐃᓄᒃ ᐊᒻᒪᓗ/ᐅᕝᕙᓗᓐᓃᑦ ᐊᓂᕐᕋᒥᐅᑕᖏᑦ ᐊᓂᕐᕋᒥ ᐃᓄᓐᓃᑌᓕᒋᐊᖃᕐᓂᒥᒃ ᐱᕕᖃᖕᖏᓂᕃᑉᐸᑕ.

• ᐳᕙᓪᓗᑐᓕᕆᔨᖏᑦ ᓄᓇᓕᐅᑉ ᐋᓐᓂᐊᕕᖓᑕ ᐱᓇᓱᑦᑐᓴᖃᖕᖏᐸᑕ ᐃᑲᔪᕐᓯᒪᒍᓐᓇᑐᒥᒃ ᐃᓄᒻᒥᒃ ᐊᓂᕐᕋᒥ ᐃᓄᓐᓃᑌᓕᑎᑕᒥᒃ.

ᐊᐅᓪᓚᕆᐊᖃᕐᓂᒨᓕᖓᔪᑦ

• ᐋᓐᓂᐊᕕᒃ ᑐᑭᓯᓇᕐᑎᓯᓚᖓᔪᖅ ᐃᓅᑉ ᐊᐅᓚᒋᐊᖃᕈᑎᑦᓴᖏᓐᓂᒃ ᓱᓇᒡᒋᒋᐊᖃᕐᒪᖔᓪᓗ ᐅᖃᕐᓗᑎᒃ.

• ᓱᖃᑦᓯᒍᑎᑦᓴᒋᖁᔭᐅᓲᑦ ᐃᓄᓐᓃᑌᓕᕕᒻᒦᓗᑎᒃ ᐅᓚᐱᕐᓴᕈᑎᑦᓴᒥᓂᒃ (ᐅᖄᓚᐅᑎᐊᐱᒃ, ᕿᔪᒉᑦ, ᐱᖕᖑᐊᕈᑏᑦ), ᑖᓐᓇ ᖃᕆᐊᖅ ᐃᓄᓐᓃᑌᓕᕕᒃ ᓱᓇᑕᖃᓪᓗᐊᓲᖑᖕᖏᒪᑦ.

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐃᓄᓃᑌᓕᑎᑕᐅᓯᔪᒥᒃ ᐋᓐᓂᐊᕕᒻᒥ:

ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ

• ᐅᖄᒍᑎᒋᒋᕐᓯᒪᒐᓗᐊᕐᑕᕗᒃ ᑭᓯᐊᓂ ᐃᓄᓐᓃᑎᑕᐅᑦᑌᓕᓂᖅ ᐊᑑᑎᔭᐅᓪᓚᕆᒋᐊᖃᕐᑎᑕᐅᒻᒪᑦ ᑭᓇᑐᐃᓐᓇᒧᑦ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓕᕐᑐᒧᑦ. ᑌᒣᒋᐊᖃᓚᕿᓲᖅ ᐁᑦᑐᑑᑕᐅᒍᓐᓇᑑᑉ ᐳᕙᓪᓗᓇᐅᑉ ᖁᐱᕐᕈᑯᓗᖓ ᐃᕐᐸᓲᖑᒻᒪᑦ ᐃᓄᓐᓄᑦ ᐊᓯᑎᓐᓄᑦ.

• ᐋᓐᓂᐊᓯᐅᕐᑎᒪᕆᒃ ᐋᓐᓂᐊᓯᐅᕐᑎᓗ ᐋᓐᓂᐊᕕᒻᒦᒃ ᐱᐅᓂᕐᐸᐅᓂᕃᔫᒃ ᖃᓄᐃᖕᖏᓯᐊᖁᓪᓗᑎᑦ. ᓇᐅᑦᓯᑐᐃᓐᓇᑕᐅᖁᔨᒐᒥᒃ ᐳᕙᓪᓗᓂᕐᓂᒃ.

ᓱᓇ/ᓱᒧᑦ

• ᐋᓐᓂᐊᕕᒻᒥ ᐃᓄᓐᓃᑌᓕᓂᖅ 14-28-ᓂᒃ ᐅᓪᓗᑐᕈᓐᓇᑐᖅ ᑭᓯᐊᓂᑦᑕᐅᖅ ᖃᓄᐃᓐᓃᑦ ᑎᒦᓪᓗ ᐋᓐᓂᐊᓯᐅᑎᓄᑦ ᒪᒥᓴᕐᑕᐅᓯᐊᕋᓗᐊᕐᒪᖔᑦ ᐃᑉᐱᔭᐅᒍᑎᖏᑦᑎᒎᕈᓐᓇᒥᔪᖅ.

• ᐋᓐᓂᐊᕕᒻᒥ ᐃᓄᓐᓃᑎᑕᑦᑌᓕᓲᑦ ᐳᕕᕐᓂᑐᒥ ᑯᑦᔪᐊᒥᓗᓐᓃᑦ. ᓈᓚᑦᓯᐊᖃᑦᑕᕆᐊᖃᕐᑐᑎᑦ ᐋᓐᓂᐊᕕᐅᑉ ᒪᓕᒐᖏᓐᓂᒃ. ᖃᕆᐊᕐᓃᖏᓐᓇᕆᐊᖃᕐᑐᑎᑦ ᓯᓚᒨᑫᓐᓇᑎᑕᐅᒍᓐᓇᒥᑦᓱᑎᑦ.

ᐃᓄᓐᓃᖃᑦᑕᓂᖅ ᓱᓇᓱᐊᕐᑐᓃᖃᑦᑕᓂᕐᓗ

• ᐋᓐᓂᐊᓯᐅᕐᑎᒧᑦ ᐃᓄᓐᓂᑌᓕᒍᓀᓂᕋᕐᑕᐅᒍᕕᑦ, ᐁᑦᑐᑐᐃᒋᐊᓪᓚᕕᖃᕈᓐᓀᕋᕕᑦ ᐱᐅᓯᕆᓲᑎᓐᓄᑦ ᐅᑎᕈᓐᓇᓕᕐᑐᑎᑦ ᐃᓱᕐᕆᑐᐊᕈᕕᑦ ᓄᑭᖃᑦᓯᐊᕈᕕᓪᓗ. ᑮᓇᕐᓂᒃ ᒥᓕᑦᓯᒣᒋᐊᑐᕈᓐᓀᑐᑎᑦ ᐃᓱᒪᓗᒋᐊᑐᕈᓐᓀᓱᑎᓪᓗ ᐅᖄᖃᑎᖃᕆᐊᒥᒃ ᐊᓂᕐᑎᕆᕕᖃᐊᕆᐊᒥᓪᓗ ᐃᓄᓐᓂᒃ.

• ᑖᒃᑯᐊᑕᒡᒐ ᑐᑭᓯᔭᐅᖁᑫᓐᓇᑕᒃᑲ ᐋᓐᓂᐊᕕᒻᒥ ᐃᓄᓐᓃᑌᓕᒋᐊᖃᕐᓂᕆᓛᕐᑕᓄᑦ. ᐊᐱᕐᓲᑎᑦᓴᖃᕈᓐᓇᑦᓴᑐᑎᑦ ᐊᐱᕆᓂᐊᕋᑦᑎᒍ ᐋᓐᓂᐊᓯᐅᕐᑎ ᐊᑕᐅᑦᓯᑯᑦ?

ᐊᐅᓪᓚᓂᖅ *ᕆᐊᖃᕐᐸᑦ*

• ᐊᐅᓪᓚᓂᕆᒋᐊᓖᑦ ᐋᕿᑕᐅᓚᖓᔪᖅ ᐋᓐᓂᐊᕕᒻᒧᑦ ᖃᐅᔨᑎᑦᓯᐊᓂᐊᕐᖃᒋᑦ ᑐᓴᕐᑎᑕᐅᒍᒪ.