ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ

ᐳᕙᓪᓗᓇᕐᒥᒃ ᖃᐅᔨᓴᕐᓂᖅ ᓯᓂᑦᑑᓂᕋᕐᑕᒥᒃ ᐁᑦᑐᑑᑎᐅᒍᓐᓇᑐᒥᓪᓗ (Red Book pg. 17 )
ᖃᓂᑕᓕᕕᓂᕐᒥᑦ ᐱᑦᓱᓂ ᓯᓂᑦᑐᕈᕐᑐᖅ ᐁᑦᑐᑑᑎᐅᒍᓐᓇᑐᕈᕐᓱᓂᓗ (Red Book pg. 7)
ᐁᑦᑐᑑᑎᐅᒍᓐᓇᑐᖅ ᐳᕙᓪᓗᓇᖅ
ᓯᓂᑦᑑᓂᕋᕐᑕᖅ ᐳᕙᓪᓗᓇᖅ
ᐳᕙᓪᓗᓇᕐᒥᒃ ᖃᐅᔨᓴᐅᑏᑦ

ᓱᓇᒋᓐᓈ?

ᖁᐱᕐᕈᑯᓗᒃ Mycobacterium tuberculosis ᐳᕙᓪᓗᓕᕐᑎᓯᓲᖅ. ᖁᐱᕐᕈᑯᓗᐃᑦ ᐅᒫᔪᒍᓗᐃᑦ ᒥᑭᔪᐸᐅᔮᓗᑦᓱᑎᒃ ᑕᑯᑦᓴᐅᖏᑦᑐᑦ ᐃᔨᒻᒧᑦ. ᐊᒥᓱᐊᓗᐃᑦ ᐊᑦᔨᒌᖕᖏᑐᐃᑦ ᒥᓕᐊᖑᒍᓐᓇᑐᑦ ᖁᐱᕐᕈᑯᓗᐃᑦ.

ᖃᓄᖅ ᑎᒥᒨᓲᖅ?

ᐳᕙᓪᓗᓇᐅᑉ ᖁᐱᕐᕈᑯᓗᖓ ᐃᕐᐸᓲᖅ ᐊᓂᕐᑎᕆᔭᐅᔪᒃᑯᑦ. ᐊᓂᕐᑎᕆᔭᐅᔪᒨᓲᖅ ᐃᓄᒃ ᐳᕙᓪᓗᑐᖅ ᖁᐃᕐᑐᓕᑐᐊᕐᒪᑦ. ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ ᓂᐅᕐᓯᒐᑦᑕ ᐳᕙᑦᑎᓅᓲᖅ. ᑭᓇᑐᐃᓐᓇᓕᒫᑦᓯᐊᖅ ᐳᕙᓪᓗᓇᕐᑖᕈᓐᓇᑐᖅ - ᑭᓇᓗᓐᓃᑦ ᐸᓯᒐᑦᓴᐅᖏᑦᑐᖅ.

ᐊᑑᑎᓕᑭᑕᓪᓗᐊᖏᑦᑑᒐᓗᐊᖅ, ᑭᓯᐊᓂ ᐱᐊᕋᑦᓴᓕᒃ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᕈᓂ, ᖁᐱᕐᕈᑯᓗᖓ ᐳᕙᓪᓗᓇᐅᑉ ᐱᐊᕋᑦᓴᒨᕈᓐᓇᑐᖅ.

ᖃᓄᖅ ᐳᕙᓪᓗᓇᖅ ᖃᓂᒻᒪᓚᖀᓲᖑᕙ ᐃᓄᒻᒥᒃ?

ᐊᒥᓱᓂ ᐃᓄᓐᓂ, ᑎᒥᖓ ᓄᕐᖃᑎᑦᓯᒍᓐᓇᕕᓕᒃ ᖁᐱᕐᕈᑯᓗᒻᒥ ᖃᓂᒻᒪᖏᑦᑑᓚᕿᓗᓂ. ᐊᑦᔨᖑᐊᒥ (ᑕᓕᕐᐱᒥ), ᑎᒥᒃ (ᑐᖑᔪᕐᑕᖅ) ᐊᓂᑎᑦᓯᑌᓕᔪᖅ ᖁᐱᕐᕈᑯᓗᒻᒥᒃ(ᐊᐅᐸᓛᖓᔪᖅ). ᖁᐱᕐᕈᑯᓗᒃ ᑎᒥᒦᑦᑐᖅ ᖃᓂᒻᒪᕈᑎᐅᒐᓂ, ᐃᕐᐸᑎᑕᐅᒐᓂᓗ, ᑌᔭᐅᒍᑎᓕᒃ ‘ᐳᕙᓪᓗᓇᕐᒧᑦ ᖁᐱᕐᕆᓯᒪᔪᖅ’, ‘ᓯᓂᑦᑑᓂᕋᕐᑕᖅ ᐳᕙᓪᓗᓇᖅ’.

ᑭᓯᐊᓂᓗᑦᑕᐅᖅ ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᐱᓀᓗᑕᕈᒍᓐᓇᑐᖅ ᑖᓐᓇ ᖁᐱᕐᕈᑯᓗᒃ ‘ᑐᐸᑉᐸᑦ’ ᖃᓂᒻᒪᑎᑦᓯᓯᓗᓂ ᐃᓄᒻᒥᒃ. ᐊᑦᔨᖑᐊᖅ (ᓴᐅᒥᐊᓂ) ᑕᑯᑦᓴᐅᑎᑦᓯᔪᖅ ᖁᐱᕐᕈᑯᓗᒻᒥᒃ (ᐊᐅᐸᓚᖓᔪᖅ) ᐃᕐᐸᓕᕐᑐᒥᒃ ᑎᒥᐅᑉ ᐃᓗᐊᓂ. ‘ᑐᐸᒐᒥ’ ᐃᕐᐸᕈᓐᓇᒥᔪᖅ ᐃᓄᓐᓄᑦ ᐊᓯᖏᓐᓄᑦ. ᐳᕙᓪᓗᓇᐅᑉ ᖁᐱᕐᕈᑯᓗᖓ ᑎᒥᒦᑦᓱᓂ ᖃᓂᒪᑎᑦᓯᓕᕐᑐᖅ ᐃᕐᐸᕈᓪᓇᓕᕐᓱᓂᓗᓐᓃᑦ ᑌᔭᐅᓲᖅ ‘ᐁᑦᑐᑑᑎᐅᒍᓐᓇᑐᖅ ᐳᕙᓪᓗᓇᖅ’. ᐁᑦᑐᑑᑎᐅᒍᓐᓇᑐᖅ ᐳᕙᓪᓗᓇᖅ ᐳᕙᓐᓃᕙᓪᓗᓲᖅ ᑭᓯᐊᓂᓗᑦᑕᐅᖅ ᐊᓯᖏᓐᓄ ᑎᒥᐅᑉ ᐃᓚᖏᓐᓅᕈᓐᓇᒥᔪᖅ.

ᐱᐊᕌᕈᕐᓄᑦ, ᐱᓗᐊᕐᑐᒥᒃ ᑕᓪᓕᒪᓂᒃ ᐅᑭᐅᓕᓐᓂᑦ ᓄᑲᕐᓯᓄᑦ, ᑎᒥᐊᐱᖓ ᐹᒍᓐᓇᓯᐊᖕᖏᑐᖅ ᐳᕙᓪᓗᓇᐅᑉ ᖁᐱᕐᕈᑯᓗᖓᓂ ᐳᕙᒻᒥᓕᕋᒥ. ᑕᒡᒐ ᐱᐊᕃᑦ ᖃᓂᒻᒪᓴᐅᑎᒋᓲᑦ ᐱᓇᓱᐊᕈᓯᕐᓂ ᑕᕐᕿᓂᓪᓘᓃᑦ ᐊᒥᓲᖕᖏᑐᓂᒃ ᓂᐅᕐᓯᔪᕕᓂᐅᓕᕐᓱᑎᒃ ᐳᕙᓪᓗᓇᕐᒥᒃ.

ᒪᒥᒍᓐᓇᑐᖅ
ᓯᓂᑦᑑᓂᕋᕐᑕᖅ ᐁᑦᑐᑑᑕᐅᒍᓐᓇᑐᕐᓗ ᐳᕙᓪᓗᓈᒃ ᒪᒥᒍᓐᓇᑑᒃ

ᐋᓐᓂᐊᓯᐅᑎᑐᕈᑕᐅᒍᓐᓇᑐᖅ ᓄᓇᕕᒻᒥ
ᐊᒥᓲᓂᕐᓴᓂ ᐃᓄᓐᓂ, ᐳᕙᓪᓗᓇᖅ ᐋᓐᓂᐊᓯᐅᑎᑐᕐᑎᓯᒍᑎᐅᔪᖅ ᓄᓇᕕᒻᒥ.

ᐳᕙᓪᓗᓇᕐᒥᒃ ᖃᐅᔨᓴᕈᑏᑦ

ᐳᕙᓪᓗᑐᓕᕆᔩᑦ ᑐᑭᑖᕋᔭᕐᑐᑦ ᓇᓪᓕᐊᓂᒃ ᖃᐅᔨᓴᕐᑕᐅᒍᑎᖃᕆᐊᖃᕐᒪᖔᑦ ᐃᓄᒃ ᖃᓄᐃᓕᖓᓂᖓ ᐃᑉᐱᒋᓗᒍ (ᐅᑦᑐᑎᒋᓗᒍ: ᐃᓄᒃ ᐳᕙᓪᓗᒌᕐᓯᒪᔪᖅ ᐅᕕᓂᒃᑯᑦ ᖃᐅᔨᓴᕐᑕᐅᔪᑦᓴᐅᖏᑦᑐᖅ).

ᖃᐅᔨᓴᕈᑏᑦ ᐳᕙᓪᓗᓇᕐᒥᒃ ᐅᑯᐊ:
ᐅᕕᓂᒃᑯᑦ ᖃᐅᔨᓴᕐᓂᖅ	ᑕᕐᕋᑐᕐᑕᐅᓂᖅ	ᐅᕆᐊᕐᑎᑕᐅᓂᖅ

ᐳᕓᑦ ᓯᓚᑖᒍᑦ ᐳᕙᓪᓗᓂᖅ (ᐳᕙᓪᓗᓇᖅ ᐳᕙᓐᓃᖏᑦᑐ)

ᐳᕙᓪᓗᓇᖅ ᐳᕙᓐᓃᕙᓪᓗᓲᖅ ᑭᓯᐊᓂ ᖁᐱᕐᕇᑎᑦᓯᒍᓐᓇᒥᔪᖅ ᐊᓯᖏᓐᓂᒃ ᑎᒥᒦᑦᑐᓂᒃ ᐅᑯᓂᖓ:

• ᖃᕆᑕᕐᒥᒃ (ᐳᓪᓕᓕᕐᑎᓯᓲᖅ)

• ᖁᖓᓯᕐᒥᒃ/ᕿᓂᕐᓯᓂᒃ

• ᐳᕓᑦ ᓯᓚᑉᐱᐊᖓᓂᒃ

• ᓴᐅᓂᕐᓂᒃ

• ᓈᕐᒥᒃ

  
  

ᐅᑦᑐᕋᐅᑎᒃ ᐅᖄᖃᑎᖃᕐᓂᒧᑦ ᐃᓄᒻᒥᒃ ᐊᐱᕐᓲᑎᖃᕈᒪᔪᒥᒃ ᐳᕙᓪᓗᓇᐅᑉ ᒥᑦᓵᓄᑦ:

ᑐᖕᖓᓱᑦᑎᓗᒍ ᑲᑉᐱᐊᓱᖁᖕᖏᓗᒍ

• ᐳᕙᓪᓗᓇᖅ ᓇᓗᓇᕐᑐᐊᓗᕋᑕᐅᒻᒪ ᓇᕐᒦᖁᖓ ᐊᐱᕆᒐᕕᑦ!

ᐃᕐᐸᕈᓐᓇᓂᖓ

• ᐳᕙᓪᓗᓇᐅᑉ ᖁᐱᕐᕈᑯᓗᖓ ᑕᑯᔭᐅᒍᓐᓇᓲᖅ ᐊᑦᔨᒌᖕᑐᓂ ᑎᒥᐅᑉ ᐃᓗᐊᓂ, ᑭᓯᐊᓂ ᐳᕙᓐᓃᕙᓪᓗᓲᖑᓂᕋᕐᑕᕗᑦ. ᐳᕙᓪᓗᓇᖅ ᐃᕐᐸᑎᑕᐅᓲᖅ ᐊᓂᕐᑎᕆᔭᒃᑯᑦ ᐃᓄᓐᓄᓗ ᓂᐅᕐᑕᐅᒍᓐᓇᓱᓂ ᐳᕙᓐᓅᓗᓂ.

ᓯᓂᑦᑑᓂᕋᕐᑕᖅ ᐁᑦᑐᑑᑕᐅᒍᓐᓇᑐᕐᓗ

• ᒪᕐᕉᒃ ᐊᑦᔨᒌᖕᖏᑑᒃ ᐳᕙᓪᓗᕈᑕᐅᒍᓐᓇᑑᒃ, ᓯᓂᑦᑑᓂᕋᕐᑕᖅ ᐁᑦᑐᑑᑕᐅᒍᓐᓇᑐᕐᓗ.

• ᓯᓂᑦᑑᓂᕋᕐᑕᒥ, ᖁᐱᕐᕈᑯᓗᖓ ᐳᕙᓪᓗᓇᐅᑉ ᑎᒥᓐᓃᑐᖅ, ᑭᓯᐊᓂ ᑎᒥᑉᐱᑦ ᐸᒍᑎᖓ ᓄᓪᓚᖓᑎᑦᓯᒍᓐᓇᑐᖅ ᖁᐱᕐᕈᑯᓗᒻᒥᒃ “ᓯᓂᑦᑎᓯᑦᓱᒍ” ᖃᓂᒻᒪᓂᐊᖕᖏᓇᕕᑦ.

• ᓯᓂᑦᑑᓂᕋᕐᑕᖅ ᐳᕙᓪᓗᓇᖅ ᑐᐸᒍᓐᓇᑐᖅ ᐁᑦᑐᑑᑎᐅᒍᓐᓇᑐᕈᕐᓗᓂ ᖃᓂᒻᒪᕈᑎᐅᓗᓂ. ᐋᓐᓂᐊᓯᐅᑎᑐᕈᑕᐅᖕᖏᑯᓂ, ᐁᑦᑐᑑᑕᐅᒍᓐᓇᑐᖅ ᐳᕙᓪᓗᓇᖅ ᐊᑦᑕᓇᕐᑑᒍᓐᓇᑐᖅ ᑐᖁᒍᑕᐅᒍᓐᓇᓱᓂᐊᓪᓛᑦ.

ᐋᓐᓂᐊᓯᐅᑎᑐᕐᑎᑕᐅᓂᖅ ᖃᐅᔨᓴᕐᑕᐅᒍᑏᓪᓗ

• ᐁᑦᑐᑑᑕᐅᒍᓐᓇᑐᖅ ᓯᓂᑦᑑᓂᕋᕐᑕᓗ ᐳᕙᓪᓗᓇᖅ ᐋᓐᓂᐊᓯᐅᑎᑐᕈᑕᐅᒍᓐᓇᓯᐊᕐᑐᖅ ᒪᒥᓴᐅᑎᓂᒃ ᓄᓇᕕᒻᒦᖏᓐᓇᓗᓂᓗ ᑲᒪᒋᔭᐅᒍᑎᐅᒍᓐᓇᓯᐊᕐᓱᓂ.

• ᐳᕙᓪᓗᓇᖅ ᖃᐅᔨᔭᐅᒐᓱᐊᕐᓱᓂ ᐱᔭᕆᐊᑐᔫᒍᓐᓇᑐᖅ. ᑌᒣᒻᒪᑦ ᐊᑦᔨᒌᖕᖏᑑᓚᕿᔪᑦ ᖃᐅᔨᓴᐅᑏᑦ, ᐅᕕᓂᒃᑯᑦ ᖃᐅᔨᓴᕐᓂᖅ, ᑕᕐᕋᑐᐃᓂᒃᑯᓗ, ᓱᕐᖁᐃᓯᒍᑎᐅᒍᓐᓇᒪᑕ ᐳᕙᓪᓗᒪᖔᑉᐱᑦ ᐳᕙᓪᓗᖏᒃᑲᓗᐊᕐᒪᖔᑉᐱᓗᓐᓃᑦ.