ᑎᒥᒃᑯᑦ ᐊᑦᑕᓇᕐᑐᒦᑦᑌᓕᓂᖅ

ᐊᑑᑎᑦᑌᓕᒋᑦ ᐅᕝᕙᓗᓐᓃᑦ ᓂᓪᓕᕈᑎᖃᕐᑌᓕᒋᑦ ᐃᓱᐃᓪᓘᕈᑎᒋᒍᓐᓇᑕᓐᓂᖅ ᐊᑦᑕᓇᕐᑐᒦᓚᕿᒍᑎᒋᒍᓐᓇᑕᕐᓂᓗᓐᓃᑦ. ᐊᑑᑎᓕᑭᑕᖕᖏᑲᓗᐊᕐᓱᓂ, ᐃᓚᖓᓂ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᐅᑉ ᐱᓇᓱᒐᖓ ᐊᑦᑕᓇᕐᑐᑕᖃᕈᓐᓇᒥᔪᖅ.

ᐊᑦᑕᓇᕐᑑᒍᓐᓇᑐᑦ ᐊᓯᒋᔭᒧᑦ ᖃᓄᐃᓕᔭᐅᓗᑲᑦᑐᖃᕈᓂ (ᐅᑦᑐᑎᒋᓗᒍ: ᐋᓐᓂᐊᓯᐅᕐᑕᐅᔪᖅ ᐱᓇᓱᖃᑎᒋᔭᐅᔪᕐᓘᓃᑦ) ᖃᓄᐃᓖᓗᑲᒍᓐᓇᑐᖅ ᑎᒥᒃᑯᑦ, ᐅᖃᐅᓯᒃᑯᑦ ᐃᑉᐱᓂᐊᕐᓂᑯᓪᓘᓃᑦ

ᐱᒻᒪᕆᐅᕗᖅ ᐳᐃᒍᕐᑌᓕᒋᐊᖃᕐᓂᖅ ᐃᒻᒥᓂᒃ ᐋᓐᓂᑐᐃᓐᓇᕆᐊᖃᕐᒥᒐᕕᑦ ᐅᑦᑑᑎᒋᓗᒍ ᐅᖁᒣᑦᑐᓂᒃ ᐃᑦᓯᕕᓐᓂᒃ ᑭᕝᕓᒐᓱᓪᓗᑎᑦ

ᐃᓱᒫᓘᑎᖃᕈᕕᑦ ᖃᓄᐃᓕᖓᓂᐅᔪᒥᒃ, ᐊᑦᑕᓇᕐᑑᒥᓐᓂᐊᖑᕈᕕᑦ ᐅᖓᓯᓪᓕᒋᐊᕆᐊᖃᕐᑐᑎᑦ ᐃᑲᔪᕐᑕᐅᖔᓯᓗᑎᑦ ᐱᓇᓱᖃᑎᓐᓄᑦ.

ᐳᕙᓪᓗᓇᖅ ᖃᓄᐃᖕᖏᓯᐊᕆᐊᖃᕐᓂᓗ ᐊᑦᑕᓇᕐᑐᒦᑦᑌᓕᓗᓂ

ᐊᒡᒐᓂᒃ ᐃᕐᕈᑐᕐᓂᖅ

ᐊᒡᒐᑎᓐᓂᒃ ᐃᕐᕈᑐᕆᐊᖃᕐᑐᑎᑦ:

• ᐋᓐᓂᐊᓯᐅᕐᑕᐅᓚᖓᔪᒥᒃ ᑲᑎᓯᓚᐅᕐᓇᒃ (ᐊᑦᑐᕆᐊᖃᓚᖓᑐᐊᕈᕕᐅᒃ ᐃᓄᒃ)

• ᐋᓐᓂᐊᓯᐅᕐᑕᐅᔫᑉ ᖃᐅᔨᓴᕐᑕᐅᒍᑎᕕᓂᖏᓐᓂᒃ ᐊᑦᑑᔭᕐᑐᕕᓂᐅᓗᑎᑦ

• ᑲᑎᓯᒌᕐᓂᑕᒫᑦ ᐋᓐᓂᐊᓯᐅᕐᑕᐅᔭᕐᑐᓯᒪᔪᒥᒃ

ᐊᒡᒐᑎᓐᓂᒃ ᐃᕐᕈᑐᕐᓂᖅ ᐊᑑᑎᑦᓯᐊᓂᐅᕗᖅ ᐱᓇᓱᐊᕐᑐᓄᑦ ᐋᓐᓂᐊᕕᒻᒥ ᓴᐳᑎᓯᒪᒍᑕᐅᒐᒥ ᖃᓄᐃᖕᖏᓯᐊᕆᐊᖃᕐᓂᒥᒃ ᐊᓯᒥᑕᓗ ᐃᓅᖃᑎᒥ ᖃᓄᐃᖕᖏᓯᐊᕆᐊᖃᕐᓂᖓᓂᒃ.

ᑮᓇᕐᒧᑦ ᒥᓖᑦ (ᑮᓇᑉᐯᑦ)

ᒪᕐᕉᒃ ᐊᑦᔨᒌᖕᖏᑑᒃ ᑮᓇᕐᒧᑦ ᒥᓕᐅᒍᓐᓇᑑᒃ ᐊᑐᕐᑕᐅᒍᓐᓇᓱᑎᒃ ᐊᑦᔨᒌᖕᖏᑐᓂ:

ᐳᓛᕆᐊᓕᕈᓂ ᑲᒪᒋᔭᖃᓕᕈᓂᓗᓐᓃ ᐃᓄᒻᒥᒃ ᐁᑦᑐᑑᑕᐅᒍᓐᓇᑐᒥᒃ ᐳᕙᓪᓗᓇᑕᓕᒻᒥᒃ ᖁᐃᕐᑐᕖᖕᖓᑐᒥᓪᓘᓃᑦ (ᐳᕙᓪᓗᓇᐅᒋᐊᖓ ᖃᐅᔨᒪᔭᐅᖕᖏᑲᓗᐊᕐᐸᑦ), ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎ N95-ᓕᒻᒥᒃ ᒥᓕᑦᓯᒪᒋᐊᓕᒃ ᑖᓐᓇᓗ ᑲᒪᒋᔭᖓ ᐃᓄᒃ ᐋᓐᓂᐊᓯᐅᕐᑎᐅᑉ ᒥᓕᑦᓴᔭᖓᓂᒃ ᐊᑐᕐᒥᑎᓪᓗᒍ.

ᓇᐅᓕᒫᓂᒃ ᖃᓄᐃᖕᖏᓯᐊᑎᓯᒐᓱᐊᕐᑎᐅᓗᑎᑦ, ᐱᐅᓂᕐᐸᐅᕗᖅ N95-ᓕᒻᒥᒃ ᐊᑐᖃᑦᑕᓗᑎᑦ ᑮᓇᕐᐱᑦ ᓈᒻᒪᒋᑦᓯᐊᑕᖓᓂᒃ. ᐃᑲᔪᕐᓯᔪᖅ ᑖᓐᓇ ᓂᐅᕐᖃᓚᕿᖁᓇᒃ ᖁᐱᕐᕈᑯᓗᓐᓂᒃ. ᖃᐅᔨᓴᕐᑕᐅᒍᓐᓇᓲᑦ ᓇᓪᓕᐊ ᑮᓇᐅᑉ ᒥᓕᖓ ᓇᒻᒪᓯᐊᕋᓗᐊᕐᒪᖔᑦ ᑮᓇᕐᓄᑦ. “ᓈᒻᒪᓯᐊᕋᓗᐊᕐᒪᖔ-ᖃᐅᔨᓴᕐᓂᐅᓂᕋᕐᑕᖅ”. ᐊᐱᕆᒍᓐᓇᑐᑎᑦ ᐳᕙᓪᓗᑐᓕᕆᔨᓂᒃ ᖃᖓ N95-ᓕᒃ ᒥᓕᒋᓂᐊᕐᑌᑦ ᖃᐅᔨᓴᕐᑕᐅᒍᓐᓇᒪᖔᑦ ᑮᓇᕐᓄᑦ ᓇᒻᒪᓯᐊᕋᓗᐊᕐᒪᖔᑦ.

ᐃᓪᓘᑉ ᐃᓗᐊᓂ ᐊᓄᕆᑖᑦᓯᐊᑎᑦᓯᓂᖅ ᐊᓂᕐᓂᖃᑦᓯᐊᑎᑦᓯᓂᖅ

ᐃᓚᖏᑦ ᐋᓐᓂᐊᕖᑦ ᖃᕆᐊᖃᓲᑦ ᐊᓂᕐᑎᕆᔭᐅᓚᖓᔪᒥᒃ ᓴᓗᒻᒪᓭᑎᑕᓕᓐᓂᒃ. ᑖᒃᑯᐊ ᑌᔭᐅᓲᑦ ᖃᕆᐊᑦ ᐊᓂᕐᓂᖃᑦᓯᐊᑎᑦᓯᕖᑦ ᐅᕝᕙᓗᓐᓃᑦ ᖁᐱᕐᕈᑯᓗᓐᓂᒃ ᐃᕐᐸᑎᕆᒌᒃᑯᑎᑕᓖᑦ

ᖃᖓ ᐊᓂᕐᓂᖃᑦᓯᐊᑎᑦᓯᕕᒃ ᐊᑐᕐᑕᐅᒋᐊᖃᕐᖃ?

• ᐃᓄᒃ ᐅᕆᐊᕐᑐᑎᑕᐅᓗᓂ ᖃᐅᔨᓴᕐᑕᐅᓕᕐᐸᑦ.

• ᐅᖄᕕᖃᕆᐊᖃᕈᕕᑦ ᑲᒪᒋᐊᖃᕈᕕᓪᓗ ᐃᓄᒻᒥᒃ ᐁᑦᑐᑑᑎᐅᒍᓐᓇᑐᒥᒃ ᐳᕙᓪᓗᕈᑎᓕᒻᒥᒃ.

ᐊᑐᓂ ᐋᓐᓂᐊᕖᑦ ᐊᑦᔨᒌᖕᖏᑐᒐᓚᐅᒻᒪᑕ - ᑐᑭᓯᒐᓱᐊᑦᓯᐊᕈᓐᓇᑐᑎᑦ ᐳᕙᓪᓗᑐᓕᕆᔨᓂᒃ ᑌᒣᑦᑐᒥᒃ ᐊᓂᕐᓂᖃᑦᓯᐊᑎᑦᓯᕕᒻᒥᒃ ᖃᕆᐊᖃᕐᒪᖔᑦ.

ᐊᒡᒐᔮᑦ

ᐊᒡᒐᔮᕐᓯᒪᒋᐊᖃᕐᑐᑎᑦ ᐃᒣᓕᕈᕕᑦ:

• ᑎᒍᓪᓚᓕᕈᕕᐅᒃ ᐃᓅᑉ ᐅᕆᐊᕐᑐᑕᕕᓂᖓᓂ ᖃᐅᔨᓴᐅᑎᒃ

• ᓴᓗᒻᒪᓭᓕᕈᕕᑦ ᐊᓂᕐᓂᖃᑦᓯᐊᑎᑦᓯᕕᒻᒥᒃ ᖃᕆᐊᒥᒃ ᐅᕆᐊᕐᑐᕕᑦᓴᔭᓂᓪᓗᓃᑦ.

ᐳᕙᓪᓗᓂᐊᖕᖒᐲᑦ?

ᒪᓗᓐᓇᐅᑎᖃᕈᕕᑦ ᐳᕙᓪᓗᓇᐅᓂᐊᖕᖒᓯᒍᕕᓪᓘᓃᑦ, ᐅᖄᕕᖃᕈᓐᓇᑐᑎᑦ ᐳᕙᓪᓗᑐᓕᕆᔨᒥᒃ ᐋᓐᓂᐊᓯᐅᕐᑎᒥᒃ ᐋᓐᓂᐊᓯᐅᕐᑎᒪᕆᒻᒥᓗᓐᓃᑦ ᑐᑭᑖᖃᑎᒌᓐᓂᐊᕋᑦᓯ ᖃᓄᐃᓘᕆᐊᖃᕐᓂᒥᒃ.

ᐳᓛᕆᐊᕐᓯᒪᒍᕕᑦ ᑲᒪᒋᔭᖃᕈᕕᓪᓘᓃᑦ ᐃᓄᒻᒥᒃ ᖃᓄᐃᒍᑎᓕᒻᒥᒃ ᐳᕙᓪᓗᖏᒃᑲᓗᐊᕐᓱᓂ, ᐊᒡᒐᔭᓯᒪᒋᐊᖃᕈᕕᑦ ᐊᓯᖏᓐᓂᓗ ᐊᑦᑑᒥᑎᕇᒃᑯᑎᓂᒃ. ᐋᓐᓂᐊᓯᐅᕐᑎᒧᑦ ᖃᐅᔨᑎᑕᐅᒐᔭᕐᑐᑎᑦ.