ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ

• ᖃᐅᔨᓴᕐᑕᐅᒍᑎᒃ ᕿᑲᕐᑐᓂᒃ ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᖃᕐᒪᖔᑦ (Red book pg. 1)

• ᐊᑦᑐᑕᐅᔪᖅ ᕿᑲᕐᑐᓂᑦ ᓂᒪᕐᑐᓄᑦ ᐳᕙᓪᓗᓇᕐᓄᑦ (Red book pg. 7)

• ᖃᐅᔨᓴᕐᑕᐅᔪᖅ ᕿᑲᕐᑐᓂᒃ ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᖃᕐᒪᖓᑦ (Red book pg. 17)

• ᖃᓄᐃᖕᖏᓂᖅ ᐊᒻᒪᓗ ᐊᑦᑕᓀᑦᑐᒦᓐᓂᖅ

• ᓂᒪᕐᑐᓄᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ

• ᐃᓄᑐᐊᒃᑯᕕᒻᒦᑐᖅ

• SCR

• ᐳᕙᓪᓗᓯᒋᐊᓪᓚᑐᖅ

ᓱᓇᐅᕙ

ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᑎᒥᒦᑦᑐᑦ ᐊᒻᒪᓗ ᑎᒥᒥᒃ ᖃᓄᑐᐃᓐᓇᖅ ᐋᓐᓂᐊᑎᑦᓯᓱᑎᒃ. ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᐳᕙᒻᒦᒍᑎᒃ ᐅᕝᕙᓘᓐᓃᑦ ᖁᖏᓯᕐᒥ, ᓂᐅᕋᑦᓴᒧᑦ ᐃᕐᐸᕈᓐᓇᑐᑦ.. ᐳᕙᓪᓗᓇᖅ ᖃᓂᒪᓐᓇᐅᕗᖅ ᑎᕐᓕᐊᓯᓯᑎᐅᑦᓱᓂ! ᐃᓄᐃᑦ ᐃᓚᖏᑦ ᓂᒪᕐᑐᓂᒃ ᐳᕙᓪᓗᓇᕐᓂᒃ ᖁᐱᕐᕆᓯᒪᒍᓐᓇᑐᑦ ᐊᒥᓱᓂ ᐱᓇᓱᐊᕈᓯᓂ ᐅᕝᕙᓘᓐᓃᑦ ᑕᕐᕿᓂ ᖃᓂᒪᒋᐊᒥᒃ ᐃᑉᐱᒍᓱᓚᐅᕋᑎᒃ. ᑌᒣᑦᑑᒪᑕ ᐱᑦᔪᑎᓄᑦ ᐃᓚᒋᔭᐅᔪᖅ ᖃᐅᔨᓴᕆᐊᖃᓚᕿᓲᒍᒐᑦᑕ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᕐᒪᖔᑦ (ᐊᑦᔨᓕᐅᕈᑎᑎᒍᑦ ᐊᒻᒪᓗ ᓄᕙᑎᒍᑦ ᖃᐅᔨᓴᕐᓱᑕ) ᐃᓄᐃᑦ ᐃᓚᖏᓐᓂᒃ ᖃᓂᒪᔫᔮᒐᓛᖕᖏᑲᓗᐊᕐᒪᑕ.

ᒪᓗᓐᓇᐅᑎᐅᕙᓪᓗᓲᑦ

• ᖁᐃᕐᑐᑲᑦᑕᕆᐅᕐᑐᖅ ᐅᕝᕙᓘᓐᓃᑦ 'ᖁᐃᕐᑐᕈᓯᕆᓲᒥᑕ' ᐊᑦᔨᒋᖕᖏᑕᖓᓂᒃ ᖁᐃᕐᑐᖃᑦᑕᓕᕐᑐᖅ

• ᐊᐅᒻᒥᒃ ᖁᐃᕐᑐᓱᓂ ᐅᕆᐊᖃᑦᑕᓕᕐᑐᖅ

• ᓴᓗᑦᑐᖅ (ᒐᓱᐊᕋᓂ)

• ᑳᖃᑦᑕᕈᓐᓀᑐᖅ

• ᐆᓇᖃᑦᑕᓕᕐᑐᖅ

• ᐅᓐᓄᐊᑯᑦ ᐊᐅᒃᑲᓂᖓᖃᑦᑕᓕᕐᑐᖅ (ᑐᐸᖃᑦᑕᖃ ᕿᐱᖏᑦ ᖃᐅᓯᐅᓕᕐᑎᓗᒋᑦ)

• ᓄᑮᑦᑑᓕᕐᑐᖅ ᐅᕝᕙᓘᓐᓃᑦ ᑕᖃᒪᖃᑦᑕᓕᕐᑐᖅ

• ᓴᕝᕕᓕᕆᖃᑦᑕᓕᕐᑐᖅ ᐊᓂᕐᑎᕆᓕᕋᒥ

ᐃᓄᐃᑦ ᐃᓚᖏᑦ ᒪᓗᓐᓇᐅᑎᖃᓲᒍᖕᖏᑐᑦ ᐅᕝᕙᓘᓐᓃᑦ ᓯᕐᓛᐱᒃ ᑭᓯᐊᓂ ᒪᓗᓐᓇᐅᑎᖃᕐᓱᑎᒃ (ᑌᒣᓲᒍᒻᒪᑕ ᐳᕙᓪᓗᓇᖅ ᖃᐅᔨᔭᐅᑲᐱᑦᓯᐊᖃᔭᓲᒍᖕᖏᑐᖅ ᐊᒻᒪᓗ ᖃᐅᔨᓴᕈᑏᑦ ᐊᑑᑎᔭᐅᓗᑎᒃ ᐱᒻᒪᕆᐅᓚᕿᑦᓱᑎᒃ).

ᓯᐊᒻᒪᑐᖅ

ᒪᒥᓴᐅᑏᑦ ᐊᑐᕐᑕᐅᓯᓚᐅᕐᑎᓇᒋᑦ ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᐁᑦᑑᑕᐅᒍᓐᓇᑐᑦ. ᑐᑭᖓ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᓯᐊᒻᒪᕈᓐᓇᑐᑦ ᐃᓚᖏᓐᓄᑦ, ᐃᓚᓐᓈᖏᓐᓄᑦ, ᐊᒻᒪᓗ ᓄᓇᓕᓐᓄᑦ.

• ᑕᒪᓐᓇ ᐱᑦᔪᑎᒋᑦᓱᒍ ᐃᓄᒃ ᐃᓕᔭᐅᒋᐊᖃᓲᖅ 'ᐃᓄᑐᐊᒃᑯᕕᒻᒧᑦ'. ᐃᓄᑐᐊᒃᑯᕕᒻᒦᓯᒍᓐᓇᑐᖅ ᐊᓇᕐᕋᒥᓂ (ᐳᓛᕆᐊᕐᑕᐅᑌᓕᓗᓂ ᐊᒻᒪᓗ ᐃᓄᑦᑕᖃᓲᓄᑦ ᐁᒋᐊᖃᕈᓐᓀᓯᑦᓱᓂ) ᐅᕝᕙᓘᓐᓃᑦ ᐋᓐᓂᐊᕕᒻᒥ ᖃᓄᐃᓐᓂᖓ ᐃᑉᐱᒋᓗᒍ.

• ᐃᓄᑐᐊᒃᑯᕕᒻᒦᓂᖓ ᐊᓂᒍᕐᒪᑦ ᐃᓄᒃ ᐁᑦᑐᐃᓂᐅᔭᕈᓐᓀᑐᖅ.

• ᐃᓄᑐᐊᒃᑯᕕᒻᒦᓂᖓ ᐊᓂᒍᕐᒪᑦ, ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐁᑦᑐᑕᐅᑦᔭᖒᕆᐊᖃᕈᓐᓀᑐᖅ ᐳᕙᓪᓗᑐᒧᑦ ᖁᐱᕐᕈᐊᕈᖏᑦ ᓂᒪᕐᑎᓗᒋᑦ. ᐃᓄᒃ ᑫᓪᓗᑐᕐᑕᐅᒋᐊᓕᒃ ᑐᖕᖓᓱᑦᑎᑕᐅᓗᓂᓗ ᐃᑲᔪᕐᒪᑦ ᓄᓇᓕᒥᒃ ᒪᒥᓴᐅᑎᒥᒃ ᐊᑑᑎᒐᒥ!

• ᐃᓄᑐᐊᒃᑯᕕᒻᒧᐊᖓᔪᑦ ᑐᑭᓯᒋᐊᓪᓚᐅᑎᑦᓭᑦ

ᐳᕙᓪᓗᓇᐅᑉ ᖁᐱᕐᕈᖏᓐᓂᒃ ᖁᐱᕐᕆᓯᒪᔪᖅ ᐳᕙᖏᑦᑕ ᓯᓚᑖᒍᑦ) ᑎᒥᖓᑕ ᐊᓯᐊᒍᑦ ᐳᕙᓪᓗᓇᕐᓂᖅ ᖁᐱᕐᕈᐊᕈᕐᑕᓯᓯᒪᔪᖅ) ᐁᑦᑐᐃᖃᔭᖕᖏᑑᑐᐃᓐᓇᕆᐊᓕᒃ.

ᑲᑎᓯᓚᖓᕕᑦ ᐃᓄᒻᒥᒃ ᐃᓄᑐᐊᒃᑯᕕᒻᒦᑐᒥᒃ?

PHO ᑭᑎᑦᔪᑎᖓ ᐃᒣᑦᑐᒥᒃ N95 ᒪᑐᒪᐅᓯᔭᕆᐊᓕᒃ ᐊᒻᒪᓗ ᐃᓄᒃ ᒪᑐᒪᐅᓯᔭᕐᓗᓂ.

ᑕᑯᓗᒍ ᒪᑐᒪᐅᓯᔭᐅᑏᑦ

ᐋᓐᓂᐊᓯᐅᑎᒧᑦ ᓱᕐᖁᐃᑕᐅᒍᑎᒃ (ᐆᑦᑐᕋᕈᑎᒃ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᕐᒪᖔᑦ)
ᐱᒻᒪᕆᐅᓂᕐᐹᑦ ᖃᐅᔨᓴᐅᑏᑦ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᖃᐅᔨᓴᕈᑏᑦ ᓄᕙᑎᒍᑦ ᐊᒻᒪᓗ ᓴᕝᕕᑯᑦ ᒪᑦᑖᑎᑦᓯᐅᑏᑦ ᐊᑦᔨᓕᐅᕆᒍᑏᑦ.

ᖁᐱᕐᕈᐊᕈᕐᓂᒃ ᑐᖁᕃᒍᑏᑦ ᐊᒻᒪᓗ ᐃᓄᑐᐊᒃᑯᕕᒻᒦᑐᖅ

• ᒪᒥᓭᒍᑎᒃ ᐱᒻᒪᕆᐅᕗᖅ ᖃᓄᐃᖕᖏᓯᐊᕆᐊᖃᕐᓂᖓᓄᑦ ᐃᓅᑉ ᓂᕐᒪᑐᓂᒃ ᐱᑕᓕᒃ ᖁᐱᕐᕈᐊᕈᖏᓐᓂᒃ ᐳᕙᓪᓗᓇᐅᑉ.

  • ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓕᒃ ᒪᒥᓴᕐᑕᐅᖏᒃᑯᓂ, ᑎᒥᖓ ᐋᕐᕿᓂᐊᕈᓐᓀᓗᓂ ᓱᒃᑯᓚᕿᒍᓐᓇᑐᖅ. ᐱᓗᐊᕐᑐᒥᓗ, ᑐᖁᓚᕿᐅᑕᐅᒍᓐᓇᓱᓂ.

  • ᑎᒥ ᐅᖑᒪᒍᒪᑦᓱᒍ, ᐱᒻᒪᕆᐅᓂᕐᐹᖅ ᑎᒍᒋᐊᒥᒃ ᐊᑐᓯᓗᒍ ᒪᒥᓴᕐᓂᖅ.

    
    

• ᒪᒥᓴᕐᓂᖅ ᐱᒻᒪᕆᐅᒻᒥᔪᖅ ᖃᓄᐃᖕᖏᑑᒋᐊᖃᕐᓂᖏᓐᓄᑦ ᐃᓄᐃᑦ ᑲᑎᒪᑦᓯᓲᑦ ᖁᐱᕐᕈᐊᕈᓯᖏᑦ ᓂᒪᕐᑐᓂᒃ ᐳᕙᓪᓗᓇᕐᑐᑕᓕᐅᑉ.

• ᒪᒥᓴᕈᑕᐅᓗᓂ ᑭᓯᐊᓂᕗᖅ ᐳᕙᓪᓗᓇᖅ. ᑭᓯᐊᓂ ᐳᕙᓪᓗᓇᓕᕆᔩᑦ ᑕᒫᓃᑦᑐᑦ ᐊᔪᐃᓐᓇᕈᓐᓇᑐᑦ ᒪᒥᓭᒍᑎᑐᕐᑐᑦ ᐱᔭᕆᐊᑭᑦᑑᑎᒐᓱᐊᕐᓗᒋᑦ.

• ᐃᓄᑐᐊᒃᑯᕕᒻᒦᓗᓂ ᑭᓯᐊᓂᐅᕗᖅ ᓯᕗᓪᓕᐹᓂ ᐱᓇᓱᐊᕈᓯᕐᓂ ᒪᒥᓴᓯᓗᑎᒃ ᐅᓄᕐᓂᓴᖏᑦ ᐳᕙᓪᓗᑐᑦ. ᐃᓄᑐᐊᒃᑯᕕᒻᒦᒍᓐᓇᑐᑦ ᐊᓇᕐᕋᒥᓂ ᐅᕝᕙᓘᓐᓃᑦ ᐋᓐᓂᐊᕕᒻᒥ.

  • ᓄᑕᕃᑦ ᐊᒻᒪᓗ ᒥᑭᔪᕐᓓᑦ ᑲᒃᑲᓛᑦ ᐃᓄᑐᐊᒃᑯᕕᒻᒦᖏᒃᑲᓗᐊᕈᑎᒃ ᖃᓄᐃᓲᒍᖕᖏᑐᑦ. ᐳᕙᖏᑦ ᓄᑕᕃᑦ ᑲᒃᑲᓛᕌᐲᓪᓗ ᓲᖕᖏᓗᐊᕐᒪᑕ ᓯᐊᒻᒪᑎᑦᓯᒍᓐᓇᓗᑎᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ.

ᐆᑦᑑᑎᒃ ᐅᖄᖃᑎᖃᕐᓂᖅ ᐃᓄᒻᒥᒃ (ᐃᓄᒻᒪᕆᒻᒥᒃ) ᐅᖃᐅᑎᔭᐅᕋᑖᕐᑐᒥᒃ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᕆᐊᖓ ᓂᒪᕐᑐᓂᒃ:

ᐃᓂᕐᑑᒪᒍᓐᓀᑎᒋᐊᕐᓗᒍ

• ᑐᓴᐅᒪᔪᑦᓴᐅᔪᑎᑦ ᐅᖃᕐᑕᐅᖃᑦᑕᒪ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᕐᓂᒥᒃ ᐊᒻᒪᓗ ᑐᑭᓯᓇᕐᓱᑎᑦ ᐃᓂᕐᑑᒪᒐᓛᒍᕕᑦ.

• ᖃᐅᔨᒪᔭᐅᑦᓯᐊᑐᖅ ᐳᕙᓪᓗᓇᖅ ᐱᒻᒪᕆᐅᑦᓱᓂ ᖃᓂᒻᒪᓯᐅᒋᐊᖓ ᑭᓯᐊᓂ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᑎᒥᒦᒍᓐᓀᑎᒍᓐᓇᑕᕗᑦ ᖁᐱᕐᕈᐊᕈᕐᓂᒃ ᑐᖁᓭᒍᑎᓄᑦ ᑕᒫᓂ ᓄᓇᕕᒻᒥ ᐱᒍᓐᓇᑕᕐᓅᕕᑦ. ᐋᓐᓂᐊᓯᑎᐅᑏᑦ, ᐋᓐᓂᐊᓯᐅᑎᐊᓗᐃᑦ, ᐊᒻᒪᓗ ᐅᕙᖓ ᐊᔪᐃᓐᓇᓚᖓᔪᒍᑦ ᐃᓕᓐᓄᑦ ᑕᒪᓐᓇ ᐱᔭᕆᐊᑭᑦᑑᑎᒐᓱᐊᕐᓗᒍ - ᑕᒪᓐᓇ ᐱᓇᓱᒐᑦᑎᓄᑦ ᐃᓚᒋᔭᐅᒻᒪᑦ.

ᖁᐱᕐᕈᐊᕈᓯᕐᓂᒃ ᑐᖁᓭᒍᑏᑦ

• ᖁᐱᕐᕈᐊᕈᓯᕐᓂᒃ ᑐᖁᓭᒍᑏᑦ ᐊᑦᑕᓇᒐᓛᖕᖏᑐᑦ ᐊᒻᒪᓗ ᐱᕙᓪᓕᓇᕐᓱᑎᒃ. ᐊᑯᓂ ᒪᒥᓴᐅᑎᐅᓲᑦ ᑭᓯᐊᓂ ᐄᒋᐊᓕᓕᒫᑎᑦ ᓄᖑᑦᓯᐊᕈᕕᒃᑭᑦ, ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᕈᓐᓀᓛᕐᑐᑎᑦ.

• ᒪᒥᓭᒍᑏᑦ ᐳᕙᓪᓗᓇᕐᒥ ᐱᔭᐅᓗᑎᒃ ᑭᓯᐊᓂᐅᔪᑦ ᒪᒥᓴᖕᖏᑯᕕᑦ ᐳᕙᓪᓗᓗᑎᑦ ᖃᓂᒻᒪᓚᕆᒍᓐᓇᑲᕕᑦ.

ᓯᐊᒻᒪᑐᖅ

• ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᓐᓂ, ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᓯᐊᒻᒪᕈᓐᓇᑐᑦ ᓂᐅᕋᑦᓴᒥ ᐊᓂᕐᑎᕆᑎᓗᑎᑦ. ᐱᑦᔪᑎᑦᑕ ᐃᓚᖓ ᐃᓄᑐᐊᒃᑯᕕᒻᒦᒋᐊᖃᓲᑦ ᓯᕗᓪᓕᐹᓂ ᐊᒥᓲᖕᖏᑐᓂ ᐱᓇᓱᐊᕈᓯᕐᓂ ᒪᒥᓴᓯᓗᑎᒃ - ᐅᖑᒪᔭᐅᒋᐊᖃᕐᒪᑕ ᓇᓪᓕᑎᑎᑦ ᓇᓪᓕᒋᔭᑎᑦ ᐊᒻᒪᓗ ᓄᓇᓕᒃ ᐳᕙᓪᓗᓇᕐᒥᒃ ᐁᑦᑐᑕᐅᖁᓇᖕᖏᒪᑕ.

• ᐊᓕᐊᓇᕐᑐᖅ ᑐᓴᕆᐊᒥᒃ ᒪᒥᓴᐅᑎᑐᕈᕕᑦ ᐊᒻᒪᓗ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᐹᓐᓂᓯᑉᐸᑕ ᐳᕙᓪᓗᓇᕐᓂᒃ ᖁᐱᕐᕈᐊᕈᓯᕐᓂᒃ, ᐊᑯᓂᐅᖕᖏᑐᖅ ᐁᑦᑐᐃᓂᐅᔭᕈᓐᓀᓯᓛᕐᑐᑎᑦ. ᐃᓄᑐᐊᒃᑯᕕᒻᒦᒍᓐᓀᓯᒍᕕᑦ, ᐃᓱᒫᓗᒋᐊᖃᕈᓐᓀᓛᕐᑐᑎᑦ ᓯᐊᒻᒪᑎᑦᓯᓂᐅᔭᕐᓂᓃᕕᑦ ᐳᕙᓪᓗᓇᕐᒥᒃ ᐃᓚᓐᓈᓅᕕᑦ ᐅᕝᕙᓘᓐᓃᑦ ᐃᓚᓐᓅᕕᑦ ᐊᒻᒪᓗ ᐱᓇᓱᒐᕐᓅᕕᑦ ᐅᑎᕈᓐᓇᓯᓗᑎᑦ ᐊᒻᒪᓗ ᐊᓯᖏᓐᓂᒃ ᐊᓕᐊᒋᔭᕐᓃᕕᑦ ᐊᑑᑎᒍᓐᓇᓯᓗᑎᑦ.