ᐳᕙᓪᓗᓇᕐᒥᒃ ᖃᐅᔨᓴᕈᑎᒃ
ᐋᓐᓂᐊᓯᐅᑎᒃᑯᓂ ᓇᐅᑦᓯᑐᕐᑕᐅᒍᑎᑎᒍᑦ
ᓱᓇᐅᕙ
ᐋᓐᓂᐊᓯᐅᑎᒃ ᐊᐱᕐᓱᓚᖓᔪᖅ ᒪᓗᓐᓇᐅᑎᓂᒃ ᐊᒻᒪᓗ ᐊᒥᓲᖕᖏᑐᓂᒃ ᐊᐱᕐᓲᑎᓂᒃ ᐃᓅᑉ ᖃᓄᐃᖕᖏᓂᖓᓅᓕᖓᔪᓂᒃ.
ᐃᓅᑉ ᐅᖁᒣᓐᓂᖓᓂᒃ ᖃᐅᔨᒐᓱᐊᓚᖓᔪᖅ, ᐳᕙᖏᑦ ᓈᓚᓪᓗᒋᑦ, ᖁᖏᓯᖓᓗ ᐳᓪᓕᒪᖔᑦ ᖃᐅᔨᓴᕐᓗᒍ.
ᓱᒧᑦ ᐋᓐᓂᐊᓯᐅᑎᒧᑦ ᓇᐅᑦᓯᑐᕐᑕᐅᒋᐊᓕᒃ?
ᑌᒫᒃ ᐃᑲᔪᕐᓯᓚᖓᔪᖅ ᐳᕙᓪᓗᓇᕐᑕᖃᕐᒪᖔᑦ ᖃᐅᔨᓴᕐᑕᐅᒋᐊᖃᕐᓂᖓᓂᒃ.
ᑕᒪᓐᓇ ᐱᕕᑦᓴᖓ ᐃᓅᑉ ᐅᖄᕕᖃᕈᓐᓇᓗᓂ ᐋᓐᓂᐊᓯᐅᑎᒥᒃ ᐋᓐᓂᐊᓯᐅᑎᐊᓗᒻᒥᓘᓐᓃᑦ ᐳᕙᓪᓗᓇᕐᒧᑦ ᐊᐱᕐᓲᑎᑦᓴᖃᕈᓂ ᐊᐱᕐᓱᕈᓐᓇᓗᓂ.
ᐆᑦᑑᑎᒃ ᐅᖄᖃᑎᖃᕐᓂᖅ ᐃᓄᒻᒥᒃ ᐋᓐᓂᐊᓯᐅᑎᒧᒃ ᓇᐅᑦᓯᑐᕐᑕᐅᖁᔭᐅᔪᒥᒃ:
ᓱᓇ/ᓱᒧᑦ
ᐳᕙᓪᓗᓇᓕᕆᔨ ᐋᓐᓂᐊᓯᐅᑎᒃ ᐃᓕᓐᓄᑦ ᐅᖄᒍᒪᔪᖅ ᐁᓯᒪᔪᕕᓂᐅᑐᐃᓐᓇᕆᐊᖃᕋᕕᒃ ᐳᕙᓪᓗᓇᕐᑕᓕᒻᒦᖃᑕᐅᓗᑎᑦ ᓂᐅᕋᑦᓴᖓ ᐁᑦᑐᑕᐅᓯᓇᐅᓗᑎᑦ ᐳᕙᓪᓗᓇᕐᒥᒃ.
ᑖᓐᓇ ᓇᐅᑦᓯᑐᕐᓂᖅ ᐋᓐᓂᐊᓯᐅᑏᑦ ᑲᒪᒋᕐᖄᓲᖓ ᐳᕙᓪᓗᓇᖃᕐᒪᖔᑉᐱᑦ ᖃᐅᔨᒐᓱᐊᕐᓗᓂ ᖃᐅᔨᓴᕐᑕᐅᓕᕐᕿᒋᐊᖃᕐᒪᖔᑉᐱᑦ. ᐃᓕᓐᓂᒃ ᖃᓄᐃᒻᒪᖔᕐᐱᑦ ᐊᒻᒪᓗ ᐃᓅᓯᕐᓃᕕᑦ ᐊᑑᑎᕙᑦᑕᑉᐱᑦ ᐃᓚᖏᓐᓂᒃ ᐊᐱᕐᓲᑎᖃᕐᓗᓂ.
ᐊᐱᕐᓲᑏᑦ ᐃᓚᒋᓲᖏᑦ, ᐃᓕᖓᔪᑦ ᐃᒥᐊᓗᒻᒧᑦ, ᓇᒻᒥᓂᕐᓅᕖᓕᖓᒋᐊᖏᑦ ᐃᓅᓯᕐᓅᕕᑦ ᐃᓕᖓᒐᓛᑦᑑᒐᓗᐊᑦ ᒐᓗᐊᕐᓱᑎᒃ ᐊᐱᕐᓲᑎᓄᑦ ᐃᓚᒋᔭᐅᒋᐊᖃᓲᑦ. ᑭᓇᓘᓐᓃᑦ ᑕᒫᓂ ᐃᕐᖃᑐᐃᖕᖏᒪᑦ ᓱᓕᑦᓯᐊᓗᑎᑦ ᑭᐅᖃᑦᑕᕈᕕᑦ ᐱᐅᓂᕐᐸᐅᓚᖓᔪᖅ.
ᓇᐅᑦᓯᑐᕐᓂᖅ ᐊᑑᑎᓂᖃᕐᑎᓗᒍ, ᐋᓐᓂᐊᓯᐅᑎᒃ ᐅᖁᒣᓐᓂᓃᕕᑦ ᖃᐅᔨᓴᓚᖓᔪᖅ, ᐳᕙᓐᓃᕕᑦ ᓈᓚᓪᓗᓂ, ᖁᖏᓯᕐᓃᕕᓪᓗ ᐳᓪᓕᑐᕐᓯᐅᓗᓂ.