ᐊᓯᖏᑦ
ᐱᔪᑦᓴᐅᔮᕈᑎᑦᓭᑦ
ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ
ᓇᓗᓀᕐᑕᐅᓂᖏᑦ ᐃᓱᒫᓘᑏᑦ ᐊᒻᒪᓗ ᐃᑲᔪᕐᓯᐅᑎᑦᓭᑦ (Red Book)
ᓱᒧᑦ ᐱᔪᑦᓴᐅᔮᕈᑎᑦᓭ?
ᐱᔪᑦᓴᐅᔮᕈᑎᑦᓭᑦ ᐊᕐᖁᑕᐅᕗᑦ ᒪᓂᔨᓂᕐᒧᑦ ᐃᑲᔪᕐᓯᒪᒍᑎᒥᒃ ᐃᓄᒻᒥᒃ ᐳᕙᓪᓗᓇᕐᒧᑦ ᒪᒥᓴᕐᑐᒥᒃ ᐅᕝᕙᓘᓐᓃᑦ ᑫᓪᓗᑐᐃᓂᕐᒥᒃ ᐃᓄᒻᒥᒃ ᖃᐅᔨᓴᕐᑕᐅᒋᐊᕐᑐᓯᐊᖃᑦᑕᕆᐊᖃᕐᒪᑦ. ᐊᑐᓂᑦ ᐋᓐᓂᐊᓯᐅᑎᒃᑯᑦ ᐊᑦᔨᒌᖕᖏᑐᓂᒃ ᐱᔪᑦᓴᐅᔮᕐᑎᓯᒋᐊᕈᑎᑦᓴᓂᒃ ᐊᑐᐃᓐᓇᖃᑐᐃᓐᓇᕆᐊᖃᕐᐳᑦ. PHO-ᒍᓂᕐᓅᕕᑦ, ᐱᐅᔫᓚᖓᔪᖅ ᖃᐅᔨᒋᐊᕈᕕᒃᑭᑦ ᐱᔪᑦᓴᐅᔮᕈᑎᑦᓭᑦ ᒪᓂᒍᓐᓇᓚᖓᔭᑎᑦ ᐃᓄᓐᓄᑦ. ᑕᑯᒐᓱᐊᕐᓗᒋᑦ ᓄᓇᓕᓐᓂ ᐊᑐᕋᑦᓭᑦ ᐃᓱᒪᑦᓴᓯᐅᕈᑎᑦᓭᑦ.
ᐃᓄᐃᑦ ᐃᓚᖏᑦ ᐃᑉᐱᒍᓱᒍᓐᓇᑐᑦ ᐱᔪᑦᓴᐅᔮᕈᑎᑦᓭᑦ ᓈᒻᒪᖁᐊᕇᑦᑎᓯᒍᑕᐅᖕᖏᓂᖏᓐᓂᒃ ᐃᓄᐃᑦ ᖃᐅᔨᓴᕐᑕᐅᒍᒪᓲᒍᒻᒪᑕ ᐅᕝᕙᓘᓐᓃᑦ ᒪᒥᑦᓯᒍᒪᓲᒍᑦᓱᑎᒃ ᓇᒻᒥᓂᖅ ᖃᓄᐃᖕᖏᓂᕐᒥᓂᒃ ᐱᑦᔪᑎᖃᕐᓱᑎᒃ. ᐱᒻᒪᕆᐅᕗᖅ ᐃᕐᙯᑎᑦᓯᒋᐊᒥᒃ ᐳᕙᓪᓗᕆᐊᖓ ᐋᓐᓂᐊᓯᐅᑎᐊᓗᒻᒧᑦ ᓱᕐᖁᐃᑕᐅᔪᖅ ᐊᒻᒪᓗ ᒪᒥᓴᕐᓂᖅ ᐊᑭᓃᒋᐊᖃᕐᑎᓯᐅᑕᐅᓲᒍᒻᒪᑕ ᐊᒥᓱᓂᒃ, ᐃᓚᐅᑎᓗᒋᑦ ᐱᕕᑦᓴᒥᓂᒃ (ᐄᒉᑐᖃᑦᑕᕆᐊᓖᑦ) ᐊᒻᒪᓗ ᑮᓇᐅᔦᑦ (ᐆᑦᑑᑎᒃ ᐱᓇᓱᐊᕐᖃᔭᕋᑎᒃ ᖃᓂᒪᓂᕐᒥᓄᑦ), ᐊᒻᒪᓗ ᑕᑭᓂᖏᑦ ᒪᒥᓴᕐᓃᑦ ᐃᓘᓐᓇᓯᐊᖓᒍᑦ ᐃᓅᑉ ᐅᓪᓗᑕᒫᕐᓯᐅᑎᖏᓐᓂᒃ ᑲᒪᒋᓲᖏᓐᓂᒃ ᓄᕐᖃᖓᑎᑦᓯᓚᕿᓲᒍᑦᓱᓂ ᑕᕐᕿᓂ ᐊᒥᓱᓂ. ᐱᔪᑦᓴᐅᔮᕈᑎᑦᓴᓂᒃ ᑐᓂᔨᓂᖅ ᖃᐅᔨᑎᑦᓯᓇᕐᑎᓯᐅᑕᐅᕗᖅ ᐱᔭᕐᓃᑐᒃᑰᕈᑕᐅᓲᒥᒃ ᐳᕙᓪᓗᓱᑎᒃ ᑲᒪᒋᔭᐅᒋᐊᓕᓐᓄᑦ ᐊᒻᒪᓗ ᒥᑭᔪᒥᐅᓐᓃᑦ ᒪᓂᔨᐅᑎᖃᕐᓂᖅ ᐃᑲᔪᕈᒪᑦᓱᒋᑦ ᐃᓄᐃᑦ ᐳᕙᓪᓗᓱᑎᒃ ᑲᒪᒋᔭᐅᓂᓖᑦ.