ᐳᕙᓪᓗᓇᖅ
ᕿᑲᕐᑐᑦ (ᓯᓂᑦᑐᑦ) ᐳᕙᓪᓗᓇᐅᑉ ᖁᐱᕐᕈᐊᕈᖏᑦ
ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ
ᕿᑲᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦᑕ ᐊᕐᖁᑎᖏᑦ (Red pg. 4)
ᓇᓂᔨᓂᖅ ᒪᒥᓭᓂᕐᓗ ᐳᕙᓪᓗᓇᕐᒥᒃ ᐊᑯᓂᓕᑦᓯᒍᓐᓀᑎᓗᒍ: ᐃᓕᓐᓄᑦ ᐱᕙᓪᓕᖁᑎᒃ (Red pg. 9)
ᓇᓂᔨᓂᖅ ᒪᒥᓭᓂᕐᓗ ᐳᕙᓪᓗᓇᕐᒥᒃ ᐊᑯᓂᓕᑦᓯᒍᓐᓀᑎᓗᒍ: ᓇᓪᓕᒋᔭᕐᓅᕕᑦ ᐱᕙᓪᓕᖁᑎᒃ (Red pg. 11)
ᐊᑦᑐᑕᐅᔪᖅ ᕿᑲᕐᑐᓂᑦ ᓂᒪᕐᑐᓄᑦ ᐳᕙᓪᓗᓇᕐᓄᑦ (Red pg. 7)
ᖃᐅᔨᓴᕐᑕᐅᔪᖅ ᕿᑲᕐᑐᓂᒃ ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᖃᕐᒪᖓᑦ(pg. 17)
ᕿᑲᕐᑐᓂᒃ ᐳᕙᓪᓗᓇᕐᑐᑕᓕᒻᒥᒃ ᒪᒥᓭᒍᑎᒃ
ᐳᕙᓪᓗᓯᓕᑌᓐᓇᑐᕕᓂᐅᑦᓱᓂ ᖁᐱᕐᕈᐊᕈᕐᑕᖃᕐᓂᖓ ᖃᐅᔨᓴᑕᕐᑕᐅᒍᓐᓇᓯᔪᖅ
ᐳᕙᓪᓗᓯᒋᐊᓪᓚᑐᖅ
SCR
ᓱᓇᐅᕙ
ᐳᕙᓪᓗᓇᕐᑐᑦ ᖁᐱᕐᕈᐊᕈᓰᑦ ᑎᒥᒦᑦᑐᑦ ᐊᐅᒡᒐᑕᐅᓯᒪᔪᑦ ᐅᕝᕙᓘᓐᓃᑦ 'ᓯᓂᑦᑎᑌᑦ' ᑎᒥᒧᑦ. ᐃᓄᒃ ᒪᓗᓐᓇᕈᑎᖃᖕᖏᑐᖅ ᐊᒻᒪᓗ ᐁᑦᑐᐃᖃᔭᕋᓂ.
ᑕᒐ ᐳᕙᓪᓗᓇᖅ ᓯᓂᑦᑐᖅ ᓱᒧᑦ ᐱᓀᓗᑕᐅᕙ?
ᓯᓂᑦᑐᖅ ᐳᕙᓪᓗᓇᖅ 'ᑐᐸᒍᓐᓇᑐᖅ' ᐊᒻᒪᓗ ᓂᒪᓯᓗᓂ ᐳᕙᓪᓗᓚᕿᑎᑦᓯᓗᓂ. ᓯᓂᑦᑐᖅ ᐳᕙᓪᓗᓇᖅ ᓂᒪᓯᒍᓐᓇᑐᖅ ᐳᕙᓪᓗᑎᑦᓯᓯᓗᓂ ᓯᕗᓪᓕᐹᓂ 2-ᓂ ᐊᕐᕌᒎᓐᓂ ᐃᑎᕐᑐᕕᓂᐅᑎᓗᒍ ᐳᕙᓪᓗᓇᐅᑉ ᖁᐱᕐᕈᐊᕈᖓ. ᑲᒪᒋᔭᐅᖕᖏᑯᓂ, ᓯᓂᑦᑐᖅ ᐳᕙᓪᓗᓇᖅ ᑎᒥᒦᓪᓗᓂ ᐃᓅᓯᖅ ᓯᓂᒍᓐᓇᑐᖅ. ᓯᓂᑦᑐᖅ ᐳᕙᓪᓗᓇᖅ 'ᑐᐸᒍᓐᓇᑐᖅ' ᖃᖓᑐᐃᓐᓇᖅ ᐊᒻᒪᓗ ᐃᓄᒻᒥᒃ ᖃᓂᒻᒪᑎᑦᓯᓗᓂ ᐊᒻᒪᓗ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᓯᐊᒻᒪᓗᑎᒃ.
ᒪᓗᓐᓇᐅᑎᖃᖕᖏᑐᖅ
ᐃᓄᒃ ᓯᓂᑦᑐᒥᒃ ᐳᕙᓪᓗᓇᕐᑕᓕᒃ ᒪᓗᓐᓇᐅᑎᖃᕈᓐᓇᑐᖅ ᑌᒣᑕᐅᓚᕿᔪᒥᒃ ᐊᓯᐊᓄᑦ ᖃᓂᒪᓇᕐᒧᑦ (ᐆᑦᑑᑎᒋᓗᒍ ᖁᐃᕐᑐᓗᓂ ᓄᕙᒃᑲᒥ).
ᐁᑦᑑᑕᐅᕐᖃᔭᖕᖏᑐᖅ
ᓯᓂᑦᑐᖅ ᐳᕙᓪᓗᓇᖅ ᐁᑦᑑᑕᐅᕐᖃᔭᖕᖏᒪᑦ, ᐃᓄᑐᐊᒃᑯᕕᒻᒦᒍᑕᐅᒋᐊᖃᖕᖏᑐᖅ.
ᒪᒥᓭᒍᑏᑦ ᐱᔭᐅᓗᑎᒃ ᑭᓯᐊᓂᐅᖕᖏᑐᑦ ᑭᓯᐊᓂ ᐱᔭᐅᒍᑎᒃ ᐱᐅᓂᕐᐸᐅᓂᕋᕐᑌᑦ, ᑫᓪᓗᑐᐃᒍᑎᐅᒻᒪᕆᑦᑐᑦ.
ᐳᕙᓪᓗᑐᑦ ᖃᐅᔨᒪᒋᐊᓖᑦ ᐊᖏᖕᖏᑑᒍᓐᓇᕆᐊᒥᒃ (ᐅᕝᕙᓘᓐᓃᑦ ᐱᔪᓐᓇᐅᑎᖃᕆᐊᒥᓂᒃ ᐊᐅᑳᕈᓐᓇᓱᑎᒃ) ᓂᒪᖕᖏᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᓗᑎᒃ ᒪᒥᓭᒍᑎᓂᒃ.
ᑫᓪᓗᑐᐃᔪᒍᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᒪᒥᓴᐅᑎᑐᖁᔨᑦᓱᑕ ᐃᒣᒻᒪᑦ:
ᒪᒥᓭᒍᑎᑐᕐᐸᑦ ᐳᕙᓪᓗᓇᖅ 'ᑐᐸᓚᖓᖕᖏᒪᑦ' ᐊᒻᒪᓗ ᑭᖑᓂᖓᓂ ᓂᒪᓯᓗᓂ ᐳᕙᓪᓗᓇᖕᖑᕈᓐᓇᓛᕈᓀᓗᓂ.
ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐅᕈᖏᓐᓂᒃ ᐱᑕᖃᖕᖏᑯᓂ ᐃᓄᒃ ᖃᓄᐃᖕᖏᑐᖅ ᐅᖑᒪᔭᐅᑦᓱᓂ ᐊᒻᒪᓗ ᑎᒥᖓ ᐋᕐᕿᑲᐱᓚᖓᖕᖏᑐᒥᒃ ᓱᒃᑯᑕᐅᓂᐅᔭᕋᓂ.
ᐱᔭᕆᐊᑭᓐᓂᓴᖅ ᓴᓂᐊᓂ ᓂᒪᕐᑐᓄᑦ ᖁᐱᕐᕈᐊᕈᓯᓄᑦ ᐳᕙᓪᓗᓱᓂ ᒪᒥᓴᐅᑎᒥᒥᑦ.
ᕿᑲᕐᑐᒥᒃ ᖁᐱᕐᕈᐊᕈᓯᓄᑦ ᐳᕙᓪᓗᓇᕐᑐᑕᓕᕐ ᒪᒥᓴᕈᑎᑐᕐᑐᖅ ᐃᑭᓐᓂᓴᓂᒃ ᐄᕐᖃᓚᖓᔪᖅ ᓴᓂᐊᓂ ᓂᒪᕐᑐᓂᒃ ᐳᕙᓪᓗᓇᕐᑐᑕᓕᐅᑉ ᒪᒥᓴᐅᑎᑐᕐᑕᖏᓐᓂᒥᑦ.
ᕿᑲᕐᑐᒥᒃ ᐳᕙᓪᓗᓇᕐᑐᓂᒃ ᖁᐱᕐᕈᐊᕈᓯᑦᑕᓕᐅᑉ ᒪᒥᓴᐅᑎᖏᑦ ᐊᓯᐅᑎᑦᓯᓲᑦ ᐳᕙᓪᓗᓇᕐᒥᒃ ᐃᓅᑉ ᑎᒥᖓᓂᑦ ᐁᑦᑑᑕᐅᒍᓐᓇᓯᖕᖏᓂᖏᓐᓂ. ᑖᓐᓇ ᐃᑲᔪᕐᓯᔪᖅ ᐅᖑᒪᔭᐅᓂᖏᓐᓂᒃ ᐃᓚᖏᑦᑕ, ᐃᓚᓐᓈᖏᑦᑕ, ᐊᒻᒪᓗ ᓄᓇᓖᑦ ᐳᕙᓪᓗᓚᕿᓚᖓᒍᓐᓀᑎᑦᓱᒋᑦ.
ᑲᒃᑲᓛᑦ
ᑲᒃᑲᓛᑦ (ᐅᑭᐅᓖᑦ 5 ᐊᑖᓃᑦᑐᓂᒃ) ᑎᒥᖏᑦ ᓲᖕᖏᓂᕐᓭᑦ ᑎᒥᖏᑦ ᐹᓐᓂᒋᐊᒥᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ. ᐅᑭᐅᑭᑦᑑᒐᒥ ᑲᒃᑲᓛᖅ ᕿᑲᕐᑐᓂᒃ ᐳᕙᓪᓗᓇᕐᑕᖃᕈᓂ ᓂᒪᓯᒡᒐᑐᖕᖏᓂᕐᓭᑦ ᐳᕙᓪᓗᓀᑦ ᑎᒥᖓᓃᑦᑐᑦ. ᑕᒪᓐᓇ ᐱᑦᔪᑎᒋᑦᓱᒍ ᑫᓪᓗᑐᐃᓪᓚᕆᑦᑐᒍᑦ ᑲᒃᑲᓛᑦ ᒪᒥᓴᐅᑎᑐᖁᑦᓱᒋᑦ ᓯᓂᑦᑐᓂᒃ ᐳᕙᓪᓗᓇᕐᑐᑕᓕᓐᓂᒃ.
ᐃᒣᓕᑦᓱᓂ 'ᓯᓂᑦᑐᑦ' ᐅᕙᓪᓗᓃᑦ (ᕿᑲᕐᑐᑦ ᖁᐱᕐᕈᐊᕈᐃᑦ) 'ᑐᐸᓲᑦ' (ᓂᒪᓯᑦᓱᑎᒃ) ᐊᒻᒪᓗ ᖃᓂᒻᒪᑎᑦᓯᓱᑎᒃ (ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ).
ᕿᑲᕐᑐᖅ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ | ||
|---|---|---|
ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᑎᒥᒦᑦᑐᑦ | ✓ | ᖁᐱᕐᕈᐊᕈᓰᑦ ᓯᓂᑦᑐᑦ ᐊᒻᒪᓗ ᓱᒃᑯᐃᕙᓪᓕᐊᒐᑎᒃ. |
ᐅᕕᓂᒃᑯᑦ ᖃᐅᔨᓴᕈᑎᒃ 'ᐊᓱᐃᓛᒍᕚ'? | ✓ or X | ᐅᕕᓂᒃᑯᑦ ᖃᐅᔨᓴᕈᑏᑦ ᑕᑯᑦᓴᐅᑎᑦᓯᓂᕐᓴᐅᓲᑦ ᐃᒻᒪᓯᒪᔪᒥᒃ ᐃᓄᒃ ᓂᐅᕐᓯᔪᕕᓂᐅᑎᓪᓗᒍ ᐳᕙᓪᓗᓇᕐᒥᒃ ᖁᐱᕐᕈᐊᕈᓯᕐᒥᒃ ('ᐊᓱᐃᓛ'). ᐳᕙᓪᓗᓇᖅ ᑎᕐᓕᐊᓯᓯᑎᐅᒻᒪᑦ ᐃᓚᖓᓐᓂ ᐅᕕᓂᒃᑯᑦ ᖃᐅᔨᓴᕈᑎᒃ 'ᐊᓱᐃᓛᒍᖕᖏᑑᓲᖅ' ᑎᒥᒻᒦᓕᕋᓗᐊᕐᒪᑕ ᐳᕙᓪᓗᓀᑦ ᖁᐱᕐᕈᐊᕈᓰᑦ. |
ᒪᓗᓐᓇᕈᑏᑦ | X | ᐃᓄᒃ ᐃᒻᒪᓯᒪᒍᑎᖃᑐᐃᓐᓇᕆᐊᓕᒃ ᒪᓗᓐᓇᕈᑎᖃᕐᓗᓂ ᐊᓯᖔᖓᓄᑦ ᐃᒻᒪᓯᒪᓇᕐᑐᒧᑦ ᐆᑦᑑᑎᒋᓗᒍ ᓄᕙᓪᓗᓂ ᐅᕝᕙᓘᓐᓃᑦ ᐳᕙᓕᕆᓐᓇᑐᒥᒃ ᓄᕙᓪᓗᓂ. |
ᐁᑦᑑᑕᐅᓐᓇᑐᖅ | X | |
ᒪᒥᓭᒍᑎᒃ | ✓ | ᑫᓪᓗᑐᕐᑕᖅ |
ᐃᓄᑐᐊᒃᑯᕕᒻᒦᑐᖅ | X | |
ᐆᑦᑑᑎᒃ ᐅᖄᖃᑎᖃᕐᓂᖅ ᐃᓄᒻᒥᒃ (ᐃᓄᒻᒪᕆᒻᒥᒃ) ᐅᖃᐅᑎᔭᐅᕋᑖᕐᑐᒥᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᓕᒻᒥᒃ ᓯᓂᑦᑐᓂᒃ:
ᐃᓂᕐᑑᒪᒍᓐᓀᑎᒋᐊᕐᓗᒍ
ᑕᒐ ᐅᖃᐅᓯᖃᓪᓛᐱᓯᕗᒍᒃ ᐱᑦᔪᑎᓕᒻᒥᒃ ᓯᓂᑦᑐᒥᒃ ᐳᕙᓪᓗᓇᕐᒥᒃ. ᖃᐅᔨᒪᔪᑦᓴᐅᔪᑎᑦ ᑖᑦᓱᒪᐅᑉ ᐃᓚᖓᓂᒃ ᒐᓗᐊᕐᑎᓗᑎᑦ ᐅᖃᐅᓯᕆᑦᓯᐊᕆᐊᓯᔭᕋ ᓱᓇᒥᓐᓂᓴᐅᑎᓗᒍ ᐊᒻᒪᓗ ᐊᐱᕐᓲᑎᑦᓴᖃᕈᕕᑦ, ᑲᑐᑦᔨᓗᓄᒃ ᖃᐅᔨᒐᓱᐊᖃᑦᑕᓂᐊᕋᓐᓄᒃ. ᓈᒻᒪᐹ?
ᓱᓇ/ᓱᒧᑦ
ᑎᒥᒥ ᓯᓂᑦᑐᖅ ᐳᕙᓪᓗᓇᖅ ᐊᑦᔨᑐᐃᓐᓇᖓ ᐊᑎᖓᑕ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᑎᒥᓐᓃᕖᑦᓱᑎᒃ, ᑭᓯᐊᓂ ᑎᒥᓐᓅᕕᑦ 'ᓯᓂᓯᑎᑕᐅᓯᒪᔪᑦ'. ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᓱᒃᑯᐃᕙᓪᓕᐊᖏᒻᒪᑕ ᖃᓂᒪᖕᖏᑐᑎᑦ, ᐊᒻᒪᓗ ᐃᓄᓐᓂᒃ ᐊᓯᓐᓃᕕᑦ ᐁᑦᑐᐃᖃᔭᕐᓇᒃ.
ᐱᓀᓗᑕᐅᑎᑕᖓ ᓯᓂᑦᑑᑉ ᐳᕙᓪᓗᓇᐅᑉ 'ᑐᐸᒍᓐᓇᕋᒥ' ᐊᒻᒪᓗ ᓂᒪᓯᓗᓂ ᐳᕙᓪᓗᓇᖕᖑᓗᓂ ᖃᖓᑐᐃᓐᓇᖅ, ᓂᒪᕐᓗᓂ ᐳᕙᓪᓗᓇᐅᓯᑉᐸᑦ, ᖃᓂᒻᒪᕈᓐᓇᑐᑎᑦ ᐊᒻᒪᓗ ᐁᑦᑐᐃᒍᓐᓇᓯᓗᑎᑦ (ᐃᕐᐸᑎᓗᒍ ᐊᓯᓐᓅᕕᑦ). ᑌᒣᒻᒪᑦ, ᓇᓗᓇᒐᓛᒍᑎᖓ ᖃᖓ ᑌᒣᓕᒍᓐᓇᒪᖔᑦ ᖃᐅᔨᒪᓇᖕᖏᒪᑦ.
ᒪᒥᓭᒍᑎᒃ
ᒪᒥᓴᕐᑕᐅᒍᓐᓇᑐᑎᑦ ᓯᓂᑦᑐᒧᑦ ᐳᕙᓪᓗᓇᕐᒧᑦ ᐊᒻᒪᓗ ᑎᒥᓐᓃᕖᒍᓐᓀᑎᓗᒋᑦ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ. ᑌᒣᓕᒍᕕᑦ ᐃᓱᒫᓗᒋᐊᖃᓚᖓᖕᖏᑐᑎᑦ 'ᑐᐹᕐᓯᓂᐊᖕᖒᓗᑎᑦ' ᑭᖑᓂᖓᓂ ᐅᕝᕙᓘᓐᓃᑦ ᐳᕙᓪᓗᓇᕐᒥᒃ ᐁᑦᑐᐃᓂᐊᖕᖒᕈᓐᓀᓗᑎᑦ ᓇᓪᓕᒋᔭᕐᓃᕕᑦ.
ᐃᓄᓐᓂᒃ ᐅᖃᐅᑏᕙᑦᑐᒍᑦ ᐱᐅᓂᕐᓴᐅᒋᐊᖓ ᓯᓂᑦᑐᒥᒃ ᐳᕙᓪᓗᓇᕐᒥᒃ ᒪᒥᓴᐅᑎᑐᕈᑎᖃᕆᐊᖅ ᐃᓱᒫᓗᓐᓂᐊᖏᒻᒪᑕ ᐳᕙᓪᓗᓇᕐᒥᒃ 'ᑐᐸᑦᔭᖒᕐᓯᓗᑎᒃ' ᐅᕝᕙᓘᓐᓃᑦ ᐳᕙᓪᓗᓇᕐᒧᑦ ᖃᓄᑐᐃᓐᓇᖅ ᖃᓂᒻᒪᓚᕿᔭᐅᓂᐊᖕᖒᓗᑎᒃ ᐅᕝᕙᓘᓐᓃᑦ ᓱᒃᑯᑕᐅᓚᕿᑦᔭᖒᕐᓗᑎᒃ.
ᐊᒻᒪᓗ, ᒪᒥᓴᐅᑎᒃ ᓀᑦᑑᓱᓂ ᐄᕐᖃᑕᐅᒋᐊᓖᓪᓗ ᐃᑭᓐᓂᓴᐅᑦᓱᑎᒃ ᓂᒪᕐᑐᓂᒃ ᐳᕙᓪᓗᓇᕐᑕᓕᐅᑉ ᒪᒥᓴᐅᑎᖏᓐᓂᒥᑦ ᐊᑯᓃᕆᐊᖃᖕᖏᓂᕐᓴᐅᓱᑎᒃ.