ᐳᕙᓪᓗᓇᕐᒧᑦ ᒪᒥᓴᕐᑐᖅ
ᕿᑲᕐᑐᓄᑦ (ᓯᓂᑦᑐᓄᑦ) ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ
ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ
ᕿᑲᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦᑕ ᐊᕐᖁᑎᖏᑦ (Red Book pg. 4)
ᓇᓂᔨᓂᖅ ᒪᒥᓭᓂᕐᓗ ᐳᕙᓪᓗᓇᕐᒥᒃ ᐊᑯᓂᓕᑦᓯᒍᓐᓀᑎᓗᒍ: ᐃᓕᓐᓄᑦ ᐱᕙᓪᓕᖁᑎᒃ (pg. 9)
ᓇᓂᔨᓂᖅ ᒪᒥᓭᓂᕐᓗ ᐳᕙᓪᓗᓇᕐᒥᒃ ᐊᑯᓂᓕᑦᓯᒍᓐᓀᑎᓗᒍ: ᓇᓪᓕᒋᔭᕐᓅᕕᑦ ᐱᕙᓪᓕᖁᑎᒃ (Red Book pg. 11)
ᓇᓗᓀᕐᑕᐅᓂᖏᑦ ᐃᓱᒫᓘᑏᑦ ᐊᒻᒪᓗ ᐃᑲᔪᕐᓯᐅᑎᑦᓭᑦ (Red Book pg. 23 )
ᓴᐳᑦᔨᓯᒪᓂᖅ ᐃᓄᒻᒥᒃ
ᑕᑯᓗᒋᑦ ᑐᓴᕐᑎᓯᕐᖄᕈᑏᑦ ᐳᕙᓪᓗᑐᒥᒃ ᒪᒥᓭᒍᑎᓂᒃ (ᖁᑉᐱᒐᖅ 81) ᐅᕝᕙᓘᓐᓃᑦ ᐱᔪᑦᓴᐅᔮᕈᑎᑦᓭᑦ (ᖁᑉᐱᒐᖅ 127) ᑐᑭᓯᒋᐊᓪᓚᐅᑎᑦᓴᑕᓖᑦ ᐃᑲᔪᕐᓯᐅᑎᑦᓴᓂᒃ ᐃᓄᒻᒥᒃ ᐊᑑᑎᓂᖃᕐᑎᓗᒍ ᐳᕙᓪᓗᓱᓂ ᒪᒥᓴᕐᓂᒥᓂᒃ.
ᐳᐃᒍᕐᓇᒃ! ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᒪᒥᓴᕈᑎᖃᕐᓂᖅ ᓗᓂ ᑭᓯᐊᓂᐅᒍᑕᐅᖕᖏᑑᒐᓗᐊᖅ, ᑭᓯᐊᓂ ᒍᓂ ᐱᐅᓂᕐᓴᐅᓲᖅ. ᐃᓚᖓᓐᓂ ᐃᓄᐃᑦ ᐃᓅᓯᕐᒥᓂ ᓱᓇᓕᒫᓂᒃ ᑲᒪᒋᐊᖃᓲᒍᒻᒪᑕ ᐊᒻᒪᓗ ᐱᐅᓂᕐᓴᐅᓱᓂ ᑖᒃᑯᓂᖓ ᐊᕐᓕᐊᑑᒐᓗᐊᓄᑦ ᐊᒻᒪᓗ ᒪᒥᓴᕈᑎᒃ ᓱᓇᒥᑦᑐᒥᒃ ᐱᒋᐊᕐᕕᖓᓂᑦ ᐃᓱᓕᕕᖓᓄᑦ ᑲᔪᓯᑦᓯᐊᕈᑎᖃᕐᓂᓴᐅᓗᓂ ᐱᐅᓂᕐᓴᖅ.
ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᑐᖁᓭᒍᑎᓂᒃ ᒪᒥᓴᕈᑎᖃᕐᓂᖅ
ᑕᒐ ᒪᕐᕈᐃᒍᓕᕐᖂᒃ 'ᐊᑑᑎᔭᐅᓗᑭᓲᒃ' ᖁᐱᕐᕈᐊᕈᓯᕐᓂᒃ ᑐᖁᓭᒍᑎᓄᑦ ᒪᒥᓴᕈᑎᖃᕐᓃᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᒪᓂᔭᐅᒪᓲᒃ ᓄᓇᕕᒻᒥ:
Rifampicin (RIF ᐅᕝᕙᓘᓐᓃᑦ RMP)
3HP
ᐳᕙᓪᓗᓇᓕᕆᔩᑦ ᐃᓄᒻᒥᒃ ᐅᖄᕕᖃᓚᖓᔪᑦ ᐱᑦᔪᑎᓕᓐᓂᒃ ᐱᐅᓂᕐᐹᓂᒃ ᒪᒥᓴᕈᑎᒋᒍᓐᓇᑕᖏᓐᓂᒃ ᑐᖕᖓᕕᒋᓗᒍ ᓇᒻᒥᓂᖅ ᖃᓄᐃᓕᖓᓂᖓ. ᐃᓛᓐᓂ ᐊᓯᖏᓐᓂᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᖃᓲᖅ ᒪᒥᓴᐅᑎᓂᒃ (ᐅᖃᕐᑕᐅᖏᑦᑐᑦ ᑕᒫᓂ) ᒪᓂᔭᐅᒍᓐᓇᓲᒍᒻᒥᔪᑦ ᐃᓄᒻᒧᑦ ᕿᑲᕐᑐᓂᒃ ᐳᕙᓪᓗᓇᕐᑕᓕᒻᒧᑦ.
RIF 'ᐊᑑᑎᔭᐅᓗᑭᓲᖅ' ᕿᑲᕐᑐᓂᒃ ᐳᕙᓪᓗᓇᕐᑕᓕᒻᒧᑦ ᖁᐱᕐᕈᐊᕈᓯᕐᓂᒃ ᑐᖁᓭᒍᑎᒃ ᒪᒥᓴᕈᑎᐅᑦᓱᓂ
1 ᖁᐱᕐᕈᐊᕈᓯᕐᓂᒃ ᑐᖁᓭᒍᑎᒃ
Rifampicin (RIF ᐅᕝᕙᓘᓐᓃᑦ RMP)
ᐄᕐᖃᑕᐅᓲᑦ ᐅᓪᓗᑕᒫᑦ ᐊᓇᕐᕋᓯᒪᔪᒧᑦ (AA).
ᐃᓄᒃ ᐄᒐᕐᑖᕆᐊᕐᑐᕆᐊᖃᖃᑦᑕᓚᖓᔪᖅ ᐅᓪᓘᒃ ᒪᕐᕉᓘᓐᓃᑦ ᓈᑉᐸᓃᒃ ᐅᕝᕙᓘᓐᓃᑦ ᐱᓇᓱᐊᕈᓰᒃ ᒪᕐᕉᒃ ᓈᑉᐸᑕ ᑕᒫᑦ.
120-ᕕᑦᑐᒧᑦ ᐄᔭᐅᒋᐊᖃᓲᑦ (4 ᑕᕐᖀᑦ ᓴᓂᐊᓂ)
ᐊᓪᓗᑕᐅᓃᑦ ᐄᔭᐅᒋᐊᖃᕐᓱᑎᒃ - ᐅᓪᓗᓂᒃ RIF-ᒥᒃ ᐄᓯᕕᐅᒋᐊᓕᓐᓂᒃ ᐊᓪᓗᐃᒍᓂ ᐊᒥᓱᕕᒍᓐᓀᓗᓂ ᐃᓂᕐᑑᒪᓇᓲᒍᖕᖏᑐᖅ. ᑫᓪᓗᑐᐃᒍᒣᓐᓈᑐᒍᑦ ᐅᓪᓗᑕᒫᑦ ᐄᓯᖃᑦᑕᕆᐊᖃᕐᓂᖏᓐᓂᒃ 'ᐊᒥᐊᒃᑯᐊᓗᓐᓂᒃ' ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᖁᓇᒋᑦ 'ᑐᐸᓯᓇᕐᓂᒃ' ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑖᕆᐊᓪᓚᓚᕿᓗᓂ.
3HP 'ᐊᑑᑎᔭᐅᓗᑭᓲᖅ' ᕿᑲᕐᑐᓂᒃ ᐳᕙᓪᓗᓇᕐᑕᓕᒻᒧᑦ ᖁᐱᕐᕈᐊᕈᓯᕐᓂᒃ ᑐᖁᓭᒍᑎᒃ ᒪᒥᓴᕈᑎᐅᑦᓱᓂ
2 ᖁᐱᕐᕈᐊᕈᕐᓂᒃ ᑐᖁᓭᒍᑏᒃ (ᐊᖏᓂᕐᓴᐅᓱᑎᒃ ᐃᓗᓕᖏᒃ) ᐃᓚᖃᕐᓱᑎᒃ B6 vitamin-ᒥᒃ
Rifapentine (RPT)
Isoniazid (INH)
ᐄᔭᐅᓲᒃ ᐱᓇᓱᐊᕈᓯᑕᒫᑦ (DOT- ᐃᓄᒃ ᐱᓇᓱᐊᕈᓯᑕᒫᑦ ᐅᓪᓗᖓ ᑕᕝᕙᓂᑦᓭᓇᖅ ᙯᒐᓱᐊᖃᑦᑕᕆᐊᓕᒃ).
12-ᕕᒋᐊᖃᕙᓪᓗᓲᑦ (3 ᑕᕐᖀᑦ ᓴᓂᐊᓂ)
ᐊᓪᓗᑕᐅᓃᑦ ᐄᔭᐅᒋᐊᖃᕐᓱᑎᒃ - ᐃᓄᒃ ᐅᓪᓗᒥ ᐊᓪᓗᐃᒍᓂ ᙯᒋᐊᖃᕐᓗᓂ ᙯᖕᖏᑑᓗᓂ, ᖃᓄᐃᓲᒍᖕᖏᒥᔪᖅ ᙯᒍᑎᒃ 1 ᐅᕝᕙᓘᓐᓃᑦ 2 ᐅᓪᓘᒃ ᐊᓂᒍᕐᑎᓗᒋᐅᓐᓃᑦ. ᐃᓄᒃ ᐄᕐᖃᒪᑦ ᐱᓇᓱᐊᕈᓯᕐᒥ ᐊᑕᐅᓯᕕᑦᑕᑐᐃᓐᓇᓱᓂ, ᐱᒻᒪᕆᐅᕗᖅ ᙯᑦᓯᐊᖃᑦᑕᕆᐊᖃᕐᓂᖏᑦ ᐄᓯᒋᐊᕐᑐᓗᑎᒃ. ᐊᓪᓗᐃᒍᓂ ᐄᒋᐊᓕᒥᓂᒃ ᐊᑕᐅᓯᕕᑐᐃᓐᓇᕈᓐᓀᓗᓂ ᐊᑕᐅᑦᓯᑯᑦ ᐅᕝᕙᓘᓐᓃᑦ 2 ᐅᖓᑖᓄᑦ ᐊᓪᓗᐃᓯᒪᓕᕈᓂ ᑲᑎᑎᓗᒋᑦ ᑐᑭᖃᕋᔭᕐᑐᖅ ᐃᓄᒃ ᐃᓗᐃᒃᑲᑎᒍᑦ ᒪᒥᓴᑦᓯᐊᕈᓐᓀᕆᐊᖓ ᐳᕙᓪᓗᓇᕐᒧᑦ.
3HP ᓄᑖᒍᓂᕐᓴᐅᓕᕐᒥᔪᖅ ᓄᓇᕕᒻᒥ ᒪᒥᓴᐅᑎᐅᑦᓱᓂ ᐳᕙᓪᓗᓇᕐᒧᑦ.
ᐊᑐᖔᕆᐊᖓ ᐱᐅᔫᒻᒥᔪᖅ ᐃᓄᐃᑦ ᐃᓚᖏᓐᓄᑦ, ᑭᓯᐊᓂ ᐃᓚᖏᓐᓄᑦ ᐱᐅᓂᕐᓴᐅᖏᒻᒥᔪᖅ (ᐆᑦᑑᑏᑦ ᐊᕐᓇᓄᑦ ᓄᑕᕋᑦᓴᓕᓐᓄᑦ, ᐃᓄᓐᓄᑦ ᐄᒐᕐᑐᑐᓄᑦ, ᑲᒃᑲᓛᓄᑦ 2 ᐊᑖᓂ ᐅᑭᐅᓕᓐᓄᑦ, ᐃᓄᒻᒪᕆᓐᓄᑦ 65 ᐅᖓᑖᓄᑦ ᐅᑭᐅᓕᓐᓄᑦ ᐱᓀᓗᑦᓯᑐᐃᓐᓇᕆᐊᓕᓐᓄᑦ ᑎᖑᒥᒍᑦ).
ᐊᑐᓂᑦ ᐄᒋᐊᓕᖏᑦ 3HP ᐊᒥᓱᑦ ᐄᒉᑦ. ᐊᒥᓲᒻᒪᑕ ᐄᒋᐊᓕᖏᑦ, ᐃᓄᐃᑦ ᐄᕐᖃᑐᑦ 3HP-ᓂᒃ ᐃᑉᐱᒍᓱᑦᓯᐊᕆᐊᓖᑦ ᐃᓚᖓᑎᒍᑦ ᖃᓄᐃᓕᖕᖓᑕᐅᓂᕐᓗᕈᑎᖃᕈᓐᓇᕋᒥᒃ.
ᐱᐅᓂᕐᐹᖅ ᐅᖄᕕᒋᓗᒍ ᐋᓐᓂᐊᓯᐅᑎᐊᓗᒃ/ ᐋᓐᓂᐊᓯᐅᑎᒃ 3HP-ᖔᓂᒃ ᐄᕐᖃᖔᕈᒪᔪᒧᑦ.
ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐱᒋᐊᓯᔪᒥᒃ ᐊᑑᑎᔭᐅᓗᑭᓲᓂᒃ 4-ᓂᒃ ᑕᕐᕿᑐᓚᖓᔪᓂᒃ RIF (RMP) ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᒪᒥᓴᕈᑎᖃᕐᓂᖅ:
ᓴᐳᑦᔨᓯᒪᓂᖅ
ᐃᓚᖓ ᒪᒥᓭᒍᑎᐅᑉ ᓯᓂᑦᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐄᒐᕐᑐᓂᖅ, ᐋᐊ, ᑭᓯᐊᓂ ᐅᕙᑦᑎᓄᐊᖓᒻᒥᔪᖅ, ᐳᕙᓪᓗᓇᓕᕆᔩᑦ, ᐃᓕᓐᓄᑦ ᐱᔭᕆᐊᑭᑦᑑᓈᕐᓯᒪᑎᑦᓯᒋᐊᕐᑐᑦ ᒪᒥᓴᕐᓂᓃᕕᑦ. ᑖᓐᓇ ᐊᖏᔫᑦᓱᓂ ᐱᑦᔪᑎᒃ ᐅᓪᓗᒥ ᐅᖄᖃᑦᑕᐅᑎᒍᑎᒋᓚᕿᔭᕗᒃ, ᑌᒣᑦᑐᑰᕐᓗᑎᑦ ᐃᓄᑑᖕᖏᓇᕕᑦ!
ᐃᓘᓐᓇᑕ ᑕᕝᕙᓂᑦᓭᓈᓕᕈᑦᑕ ᑐᑭᓯᒪᓗᑕ ᖃᓄᐃᑦᑑᓂᖓᓂᒃ ᖁᐱᕐᕈᐊᕈᓯᕐᓂᒃ ᑐᖁᓭᒍᑎᓄᑦ ᒪᒥᓴᕈᑎᒃ, ᐅᖄᖃᑎᒌᒋᐊᓪᓚᕈᓐᓇᓚᖓᔪᒍᒃ ᐃᓱᒪᒋᔭᕐᓃᕕᑦ ᐃᑲᔪᕐᑕᐅᒋᐊᖃᕈᑎᒋᒋᐊᒥᒃ ᐊᒻᒪᓗ ᐋᓐᓂᐊᓯᐅᑎᒃᑯᑦ ᖃᓄᖅ ᐃᑲᔪᕈᓐᓇᒪᖔᑕ ᐃᓕᓐᓂᒃ.
ᖁᐱᕐᕈᐊᕈᕐᓂᒃ ᑐᖁᓭᒍᑏᑦ
ᑌᒪ, ᐅᖃᐅᓯᕆᓯᒻᒥᓗᒍ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ. ᐋᓐᓂᐊᓯᐅᑎᒥᒃ ᐅᖄᖃᑎᖃᑫᓐᓇᕿᑦ 4-ᑐᕐᑐᒥᒃ ᑕᕐᕿᓂᒃ RIF-ᒥᒃ ᒪᒥᓴᐅᑎᒥᒃ, ᓈᒻᒪᓈᕐᐳᖔ?
ᖁᐱᕐᕈᐊᕈᕐᓂᒃ ᑐᖁᓭᒍᑎᒃ ᑐᖁᑦᓯᒍᓐᓇᕙᓪᓗᓲᖅ ᐃᓘᓐᓀᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐊᒻᒪᓗ ᐊᑦᑕᓀᑦᑑᓱᓂ. ᖃᓄᐃᓕᖕᖓᑕᐅᓂᕐᓘᑎᓂᒃ ᐱᑕᖄᐱᓲᑦ ᒪᒥᓭᒍᑏᑦ ᑭᓯᐊᓂ ᐃᓄᐃᑦ ᒪᒥᓴᐅᑎᑐᕈᓐᓇᓲᑦ ᐃᓱᐃᓪᓕᑕᐅᓚᕿᓗᐊᕋᑎᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ.
ᐄᓯᖃᑦᑕᕋᔭᕐᑐᑎᑦ 1-ᒥᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᒥᒃ ᐊᑎᓕᒻᒥᒃ rifampicin ᐅᕝᕙᓘᓐᓃᑦ RIF ᓀᓪᓕᑎᕐᓯᒪᐅᑎᖓ.
ᐅᓪᓗᑕᒫᑦ ᐊᓇᕐᕋᓯᒪᓗᑎᑦ ᐄᓯᖃᑦᑕᓚᖓᔪᑎᑦ ᐴᕐᒦᑐᓂᒃ ᐊᑕᐅᓯᕐᒥ ᐊᒻᒪᓗ ᙯᖃᑦᑕᕆᐊᖃᕐᓱᑎᑦ ᐋᓐᓂᐊᓯᐅᑎᒃᑯᓄᑦ ᐄᒐᕐᑖᕆᐊᕐᑐᓗᑎᑦ ᐊᒻᒪᓗ ᑕᕐᕿᑕᒫᑦ ᓇᐅᑦᓯᑐᕐᑕᐅᖃᑦᑕᓗᑎᑦ. ᐋᕐᕿᓱᐃᖃᑎᒌᓚᖓᔪᒍᒃ ᓇᓗᓀᕐᓗᒋᑦ ᐅᓪᓗᐃᑦ ᐄᒐᕐᑖᕆᐊᕐᑐᕕᒋᖃᑦᑕᓛᕐᑕᑎᑦ ᐱᐅᓂᕐᐸᐅᓚᖓᔪᑦ ᐱᔭᑦᓴᐱᑦ ᐊᑯᓐᓂᖏᓐᓂ.
ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᐅᓪᓗᑕᒫᑦ ᐄᓯᑦᓯᐊᖃᑦᑕᕈᕕᑦ, ᐱᔭᕇᕈᓐᓇᓛᕐᑐᑎᑦ 4 ᓴᓂᐊᓃᑦᑐᓂ ᑕᕐᕿᓂ. ᐱᒻᒪᕆᐅᕗᖅ ᐄᓯᑦᓯᐊᕋᓱᐊᖃᑦᑕᕆᐊᖃᕐᓃᑦ ᐅᓪᓗᑕᒫᑦ ᑭᓯᐊᓂᓗ ᐊᑕᐅᓯᕐᒥᒃ ᐅᓪᓗᒥᒃ ᐊᓪᓗᐃᑲᓪᓚᒐᓗᐊᕈᕕᑦ ᐃᓛᓂᐅᖕᖏᑐᖅ ᖃᓄᐃᖕᖏᒥᔪᖅ.