ᖃᓄᐃᖕᖏᓯᐊᖏᓐᓇᓂᖅ PHO-ᒍᓂᕐᓅᕕᑦ

ᑐᕌᒉᑦ

→ ᐃᑲᔪᕐᓯᒋᐊᕐᓗᒍ PHO ᐱᔪᓐᓇᓯᐊᕐᓂᒥᓂᒃ ᐃᑉᐱᒍᓱᓕᐅᒥᑎᓗᒍ ᐊᒥᓱᐃᓂ ᐊᑑᑎᒋᐊᖃᖃᑦᑕᓂᐊᕐᑕᒥᓂ.
→ PHO-ᖁᑎᕗᑦ ᑕᖃᒧᑦ ᐱᔭᐅᑦᑌᓕᑎᒋᐊᕐᓗᒋᑦ ᐃᑲᔪᕐᓯᒪᓗᒋᑦ.
→ ᐃᓄᐃᑦ ᑲᒪᒋᔭᕗᑦ ᒪᓂᔨᕕᒋᒍᓐᓇᓗᒋᑦ ᐳᕐᑐᓂᕐᐹᓂᒃ ᑲᒪᑦᓯᐊᕈᓐᓇᐅᑎᑦᑎᓂᒃ.

ᐃᓕᒃᑰᑎᕐᓂᖏᑦ:

• ᒪᓂᔨᓂᖅ ᑲᒪᓂᕐᒥᒃ

• ᐃᓱᒪᒥᐅᑕᙯᓐᓇᓂᖅ ᓈᒻᒪᑐᓂᒃ

• ᖃᓄᐃᓕᖕᖓᓴᐅᖕᖏᑐᖅ ᐱᔪᓐᓇᓯᐊᕐᓂᒥᒃ ᐃᑉᐱᒍᓱᓐᓂᖅ

• ᐃᓕᐅᕐᙯᓂᖅ ᓯᓚᑖᓅᕇᒃᑯᑎᓂᒃ

• ᖃᓄᐃᓕᒍᑎᖃᕐᓂᖅ ᐊᑑᑎᔪᓂᒃ

• ᐱᓇᓱᐊᖃᑎᓂᒃ ᐃᓅᖃᑎᖃᑦᓯᐊᓂᖅ

ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔ ᖃᐅᔨᔭᐅᒐᓱᐊᕐᓂᖅ ᐊᒻᒪᓗ ᐃᑉᐱᒋᔭᑐᐊᖃᕐᓂᖅ ᐊᐅᒡᒐᕈᓐᓇᑕᕐᓃᕕᑦ ᑭᓯᐊᓂ

ᐃᓕᒃᑰᑎᕐᑐᑦ ᐊᑐᓂᑦ ᐃᓗᐊᓂ 1-ᒍᕗᑦ ᐅᕝᕙᓘᓐᓃᑦ ᐅᖓᑖᓄᑦ "ᐃᓱᒪᐅᑉ ᑐᖕᖓᓯᐊᕐᓂᖓᑕ ᖃᐅᔨᒐᓱᐊᕐᑕᐅᓂᖓ". ᑖᒃᑯᐊ ᐃᓱᒪᐅᑉ ᑐᖕᖓᓯᐊᕐᓂᖏᑦᑕ ᖃᐅᔨᒐᓱᐊᕐᑕᐅᓂᖏᑦ ᐱᒋᐊᕐᕕᖃᕙᓪᓗᑐᑦ "ᐅᕙᖓ…" ᐊᒻᒪᓗ ᐃᑉᐱᒋᓪᓚᕆᑦᓱᒋᑦ ᓱᓀᑦ ᐊᐅᒡᒐᓯᒪᒍᓐᓇᒪᖔᕐᐱᑭᑦ PHO-ᒍᓂᕐᓅᕕᑦ. ᖃᓄᐃᓕᒍᑎᖃᕆᐊᕐᓂᖅ ᑐᖕᖓᕕᒋᑦᓱᒋᑦ ᓱᓇᑐᐃᓐᓀᑦ ᐊᐅᒡᒐᓯᒪᒍᓐᓇᑕᑎᑦ ᐱᐅᔪᖅ ᐊᓪᓗᕆᐊᕐᓂᐅᓱᓂ ᐃᒻᒥᓂᒃ ᑲᒪᑦᓯᐊᓚᖓᓂᕐᓅᕕᑦ ᐊᒻᒪᓗ ᐱᕈᕐᐸᓕᐊᓚᖓᓂᕐᓅᕕᑦ PHO-ᒍᓂᕐᓅᕕᑦ. ᖃᐅᔨᒋᐊᒃᑭᑦ ᑖᒃᑯᐊ ᐆᑦᑑᑏᑦ:

ᒪᓂᔨᓂᖅ ᑲᒪᓚᖓᓂᕐᒥᒃ

ᐱᒻᒪᕆᐅᓂᕐᐹᓄᑦ ᐱᓇᓱᐊᕆᐊᓕᖏᓐᓄᑦ PHO-ᑉ ᐃᓚᐅᕗᖅ ᒥᓂᔨᓂᖅ ᑲᒪᒋᔭᖃᕐᓂᒥᒃ, ᐃᓄᐃᑦ ᐊᐅᑳᕋᓗᐊᕐᐸᑕ ᐅᕝᕙᓘᓐᓃᑦ ᑭᐅᖕᖏᐸᑕ. ᐊᓯᑎᑦ PHO-ᒍᖃᑎᑎᑦ (ᐅᕝᕙᓘᓐᓃᑦ ᐱᓇᓱᒐᕐᐱᑦ ᐊᑦᔨᒐᓛᖓᓂᒃ ᐱᓇᓱᐊᕐᑐᑦ) ᐱᓇᓱᒐᕐᒥᓂᒃ ᐊᓕᐊᖕᖏᓂᕐᒥᒃ ᐅᖃᐅᓯᖃᖕᖑᓱᓲᑦ ᐱᑦᔪᑎᖃᕐᓱᑎᒃ ᐃᓱᒪᓂᕐᒥᓂᒃ ᓇᒻᒥᓂᖅ ᑲᒪᒋᔭᖃᕆᐊᖃᕆᐊᒥᒃ ᐋᓐᓂᐊᓯᐅᕐᑕᐅᔫᑉ ᑐᑭᑖᕈᑎᖏᓐᓂᒃ ᐅᕝᕙᓘᓐᓃᑦ ᖃᓄᐃᓘᕐᓂᖏᓐᓂᒃ, ᐱᒻᒪᕆᐅᕗᖅ ᖃᐅᔨᒋᐊᖃᕐᓃᑦ ᐊᓐᓂᓇᕐᑐᒪᕆᐅᓂᖓᓂᒃ ᐊᑑᑎᑎᑦᓯᓂᐅᑉ ᑲᔪᓯᑎᑦᓯᒋᐊᖃᕆᐊᖅ ᒪᓂᔨᓯᒪᓂᕐᒥᒃ ᑲᒪᒋᔭᖃᕐᓂᒥᒃ. ᐃᓄᒃ ᐊᔪᐃᓐᓇᓗᒍ ᙯᑎᕐᖃᔭᖕᖏᓇᕕᐅᒃ ᓱᓇᒥᑦᑐᓂᒃ ᖃᐅᔨᓴᕐᑕᐅᒋᐊᕐᑐᕆᐊᓕᒃ, ᒪᒥᓴᕆᐊᓕᒃ, ᐅᕝᕙᓘᓐᓃᑦ ᑭᖑᓂᖓᒍᑦ ᖃᐅᔨᓴᕐᑕᐅᓕᕐᕿᒋᐊᓕᒃ. ᐱᓇᓱᒐᕐᓃᕕᑦ ᑲᔪᓯᑎᑦᓯᓯᒪᓕᕇᕐᑐᑎᑦ ᒪᓂᔨᑐᐃᓐᓇᓱᑎᑦ, ᖃᓄᐃᓕᒋᐊᓪᓚᕈᓐᓇᕕᖓᓂᒃ ᐃᓅᑉ ᐊᑐᐃᓐᓇᖃᕐᑎᓯᒌᕋᕕᑦ ᐅᖓᑖᒍᑦ ᑲᒪᒋᕐᖃᔭᖕᖏᓇᕕᐅᒃ.

ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔᑦ ᖃᐅᔨᒐᓱᐊᕐᓃᑦ:

ᐊᑏ ᐊᓯᐊᒍᖔᖅ ᐃᓱᒪᑦᓴᓯᐅᕈᑎᒋᓚᐅᕐᓚᕗᑦ! ᐃᓱᒪᒋᖕᖑᐊᓗᒍ ᓂᐅᕕᕐᑎᓯᔨ ᑯᐊᐸᒃᑯᓂ. ᓂᐅᕕᕐᑎᓯᔨ ᐱᓇᓱᐊᖏᓐᓇᓗᓂ ᑭᓯᐊᓂᐅᕗᖅ, ᐊᒻᒪᓗ ᑯᐊᐸᒃᑯᑦ ᐅᒃᑯᐃᖔᖏᓐᓇᕆᐊᖃᕐᓱᑎᒃ ᑭᓇᓘᓐᓃᑦ ᓂᐅᕕᕆᐊᖕᖏᑲᓗᐊᕐᐸᑦ. ᑭᓯᐊᓂ ᐃᓄᒃ ᑭᖕᖒᒪᑦᓯᒪᑦ ᓱᓇᑐᐃᓐᓇᒥᒃ ᐅᕝᕙᓘᓐᓃᑦ ᓂᐅᕕᕋᓱᐊᕈᓐᓇᓗᓂ ᐱᕕᑦᓴᖃᓕᕐᓱᓂ, ᓂᐅᕕᕐᕕᒃ ᐊᒻᒪᓗ ᓂᐅᕕᕐᑎᓯᔨ ᐊᑐᐃᓐᓇᐅᑎᑦᓯᓯᐊᕐᑑᒃ.Mindset Check Ups:

• ᒪᓂᔨᕙᑦᑐᖓ ᑲᒪᑦᓯᐊᓂᕐᒥᒃ ᐃᓄᐃᑦ ᐃᑉᐱᒋᔭᖏᑦ ᓱᓇᑐᐃᓐᓇᐅᒐᓗᐊᕐᒪᑕ
  ᒪᓂᔨᓯᒣᓐᓇᕆᑦ - ᓱᓇᓘᓐᓃᑦ ᐃᓕᓐᓄᐊᖓᖕᖏᒪᑦ

• ᓈᓚᒍᓐᓇᑐᖓ ᑭᓇᑐᐃᓐᓇᒧᑦ ᐅᖃᐅᑎᔭᐅᓗᖓ ᐅᕙᓐᓂᒃ ᓚᒍᑎᖃᕆᐊᖓ ᐃᓱᒪᒋᒍᓐᓀᓗᒍ
  ᓱᓇᑐᐃᓐᓀᑦ ᐃᓚᖏᑦ ᓄᑭᖃᕈᑎᒋᖕᖏᑕᒃᑲ ᐊᓯᑦᔨᖃᔭᖕᖏᑕᒃᑲ

• ᐱᑦᓯᐊᕋᓱᐊᖏᓐᓇᑐᖓ ᓱᓇᑐᐃᓐᓀᑦ ᐃᓚᖏᑦ ᐊᐅᓚᕐᖃᔭᖕᖏᑲᓗᐊᕈᒃᑭᑦ

  ᐊᒥᓱᐃᒍᕗᑦ ᐊᑑᑎᔪᑦ ᐋᓐᓂᐊᓯᐅᑎᒃᑯᓂ ᐊᐅᒡᒐᖃᔭᖕᖏᑕᑎᑦ (ᐆᑦᑑᑎᒃ: ᓯᓚ, ᖃᕆᑕᐅᔭᒃᑰᑎᑦᓯᐅᑎᒃ, ᐃᑯᒪᐅᑎᒨᕐᑐᑦ ᐱᒍᓐᓇᖏᕐᑐᑦ…)

• ᖃᐅᔨᒪᒍᓐᓇᑐᖓ ᐃᓅᑉ ᖃᓄᐃᓕᓂᖓ ᐅᕙᓐᓄᐊᖓᖕᖏᑐᐊᕐᒪᑦ

ᐃᓱᒪᒥᒃ ᓈᒻᒪᑐᓂᒃ ᐱᑕᖃᖏᓐᓇᑎᑦᓯᓂᖅ

ᐃᓛᓐᓂ ᐃᑉᐱᒍᓱᖕᖑᓱᓲᒍᔪᒍᑦ ᓱᓇᓕᒫᓂᒃ ᓈᒻᒪᒍᓐᓀᑐᓂᒃ, ᐃᑉᐱᒋᓇᒋᑦ ᓈᒻᒪᓈᕈᑎᕗᑦ ᐃᓘᓐᓇᑎᒃ. PHO ᐱᓇᓱᒐᕐᒥᓂ, ᐱᓗᐊᕐᑐᒥᒃ ᐱᒻᒪᕆᐅᕗᖅ ᐊᓕᐊᒍᑎᖃᖃᑦᑕᕆᐊᖃᕐᓂᖓ ᓵᓚᖃᕈᑎᒥᓂᒃ ᐊᑑᑎᑉᐸᑕ. ᐆᑦᑑᑎᑦ ᐃᓚᖏᑦ ᐅᑯᐊᒍᒍᓐᓇᑐᑦ:

1. ᐃᓄᒃ ᑕᕐᕿᓂ ᐊᒥᓱᓂ ᓯᕙᓂᕋᓱᐊᕐᐸᑌᑦ ᓄᐃᑦᓴᕋᑖᓗᑦᑐᖅ.

2. ᐃᓄᒃ ᐅᓪᓗᑕᒫᑦ ᐄᒉᑐᖃᕐᑕᑐᖅ.

ᐃᓄᒃ ᐃᒻᒥᓂᒃ ᐱᔪᓐᓇᓯᐊᕐᑐᕆᓂᕐᒥᒃ ᐃᑉᐱᒍᓱᒐᒥ ᐋᓐᓂᐊᓯᐅᑎᒥᒃ ᐊᐱᕐᓱᑐᖅ.

ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔᑦ ᖃᐅᔨᒐᓱᐊᕐᓃᑦ: ᓵᓚᒋᔭᕐᓃᕙᖓ ᖁᕕᐊᓲᑎᖃᕐᐸᐳᖓ

ᐱᔪᓐᓇᓯᐊᕐᓂᒥᒃ ᐃᑉᐱᒍᓱᓐᓂᐅᑦ ᖃᓄᐃᓕᖕᖓᑕᐅᕐᖃᔭᖕᖏᓂᖓ

ᐱᕈᕐᐸᓕᐊᑎᑦᓯᓂᖅ ᐱᑐᑦᓯᒪᐅᑎᖏᓐᓂᒃ ᓄᓇᓕᐅᑉ ᐊᒻᒪᓗ ᖃᓄᐃᖕᖏᓂᖓᑕ PHO-ᑉ ᓱᓇᓕᒫᒍᑎᒋᒋᕚ. ᑕᒪᓐᓇ ᐊᓐᓂᓇᕐᑐᒪᕆᒃ ᐊᒻᒪᓗ ᐱᒻᒪᕆᐅᑦᓱᓂ ᑭᒡᒐᑐᕐᓂᖅ ᓄᓇᓕᓐᓂᒃ ᐊᒻᒪᓗ ᐃᓗᓯᓕᕆᓂᕐᒥᒃ ᐱᓇᓱᐊᖃᑎᒌᓂᒃ. ᓴᐳᑦᔨᓂᖅ ᐃᓄᓐᓂᒃ ᐳᕙᓪᓗᑐᐃᑦ ᑲᒪᒋᑦᓱᒋᑦ ᐱᑦᓯᐊᕈᑕᐅᒍᓐᓇᑐᖅ ᐱᓇᓱᐊᖃᑎᒌᓄᑦ ᑭᓯᐊᓂ. ᐳᕙᓪᓗᓇᓕᕆᔩᑦ PHO-ᑦ, ᐋᓐᓂᐊᓯᐅᑎᐊᓗᐃᑦ, ᐋᓐᓂᐊᓯᐅᑏᑦ, ᐊᒻᒪᓗ ᐊᓯᖏᑦ ᐋᓐᓂᐊᓯᐅᑎᒃᑯᑦ ᐱᓇᓱᑦᑎᖏᑦ ᐃᓘᓐᓇᑎᒃ ᐱᑕᓖᑦ ᒪᓂᒐᑦᓴᒥᓂᒃ ᓲᔫᒍᑎᒥᓂᒃ. ᑭᓇᓘᓐᓃᑦ ᓂᕆᐅᕝᕕᐅᖏᑦᑐᖅ ᓱᓇᓕᒫᓂᒃ ᖃᐅᔨᒪᒋᐊᖓ. ᓲᔪᓂᖏᓐᓂᒃ ᐊᑦᔨᒌᖕᖏᑐᑦ ᐃᓄᐃᑦ ᐱᒍᑎᑐᐊᖃᕐᓂᖅ ᐱᐅᓯᑐᐃᓐᓇᐅᒪᑦ ᐊᒻᒪᓗ ᐃᑲᔪᕈᑕᐅᑦᓯᐊᓱᓂ ᐱᓇᓱᐊᕐᑐᓂᒃ ᐃᓗᓯᓕᕆᓂᕐᒥᒃ. ᐊᐱᕐᓱᖃᑦᑕᓂᖅ ᓇᓗᓕᕈᓂ, ᐃᑲᔪᕐᑕᐅᒍᒪᓂᖅ, ᐊᒻᒪᓗᐊᓪᓛᑦ ᑕᒻᒪᖃᑦᑕᓂᖅ ᐃᓘᓐᓇᑎᒃ ᐱᒻᒪᕆᐅᑦᓱᑎᒃ ᐱᑖᕐᕕᐅᓯᐊᕈᓐᓇᓲᑦ ᐃᓕᑦᓯᕙᓪᓕᐊᓂᕐᒥᒃ ᐊᒻᒪᓗ ᐱᕈᕐᐸᓕᐊᓂᕐᒥᒃ. ᐱᒻᒪᕆᑦᑕᖓ ᑖᑦᓱᒪ ᐃᑉᐱᒍᓱᓪᓚᕆᒋᐊᖃᕐᓂᖅ ᐃᓕᑦᓯᖃᑦᑕᑕᒥᓂᒃ ᐃᑉᐱᒋᓗᒋᑦ ᐱᑖᕈᑎᒋᒋᐊᖏᑦ ᓴᐱᕐᕆᐊᓚᕿᐅᑎᒋᒍᓐᓀᓗᒋᑦ. ᓄᑭᒥᒃ ᐊᖏᔪᒥᒃ ᐱᑕᓕᒃ ᓇᒻᒥᓂᖅ ᖃᐅᔨᒪᖕᖏᑕᑎᑦ ᐅᕝᕙᓘᓐᓃᑦ ᓇᒻᒥᓂᖃᕐᓂᑎᑦ ᑕᒻᒪᓂᕐᓂᒃ ᐊᒻᒪᓗ ᑕᑯᑦᓴᐅᑎᒍᓐᓇᓯᓗᒋᑦ ᐊᑑᑎᖃᑦᑕᓂᕐᒧᑦ ᑭᓯᐊᓂ ᐃᓕᑦᓯᕙᓪᓕᐊᑎᑕᐅᓂᕐᓃᕕᑦ.

ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔᑦ ᖃᐅᔨᒐᓱᐊᕐᓃᑦ:

• ᖃᐅᔨᒪᔪᖓ ᑐᓂᕐᕈᓯᑦᓯᐊᓲᒍᓂᕐᓂᒃ ᐃᓗᓯᕐᓱᓂᖏᓐᓄᑦ ᐊᒻᒪᓗ ᖃᓄᐃᖕᖏᓂᖏᓐᓄᑦ ᓄᓇᓕᑦᑎᓂ

• ᖃᐅᔨᒪᔪᖓ ᐱᓇᓱᒐᕐᓃᕙᖓ ᐱᔪᓐᓇᓯᐊᕆᐊᖅ ᓱᓇᓕᒫᓂᒃ ᐋᕐᖀᖃᔭᖕᖏᑲᓗᐊᕐᓱᖓ
  ᖃᓄᐃᖕᖏᑐᖅ ᓱᓇᓕᒫᓂᒃ ᐋᕐᖀᖃᔭᖕᖏᑲᓗᐊᕐᓱᖓ

• ᖃᐅᔨᒪᔪᖓ ᑕᒻᒪᕈᓐᓇᒥᒐᒪ
  ᑕᒻᒪᕋᓗᐊᕈᒪ ᑐᑭᖃᖕᖏᑐᖅ ᐱᐅᖕᖏᑑᒍᑎᖃᕆᐊᒥᒃ ᐃᓅᓂᕐᓅᕙᖓ ᐅᕝᕙᓘᓐᓃᑦ ᐱᓇᓱᑦᑎᐅᓂᕐᓅᕙᖓ

• ᐃᑲᔪᕐᑕᐅᒍᒪᒍᓐᓇᑐᖓ ᐃᑉᐱᒍᓱᓚᕿᒍᓐᓀᓗᖓ ᐃᕐᖃᑐᕋᑦᓴᐅᓕᕆᐊᒥᒃ

>> ᓯᓚᑖᓅᕇᒃᑯᑎᓂᒃ ᐃᓕᔨᓂᖅ
ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔᑦ ᖃᐅᔨᒐᓱᐊᕐᓃᑦ:

• ᖃᐅᔨᒪᔪᖓ ᐱᐅᓯᖃᕐᕕᐅᖃᑦᑕᕆᐊᖃᕐᓂᓂᒃ ᓲᓱᒋᔭᐅᓗᖓ

• ᖃᐅᔨᒪᔪᖓ ᐱᓇᓱᒐᕐᒪᑦ ᓯᓚᑖᒍᑦ ᓱᓇᓱᐊᓗᑳᖁᔭᐅᒍᑎᓐᓃᕙᖓ ᐊᐅᑳᕈᓐᓇᕆᐊᒥᒃ

• ᐅᖑᒪᑦᓯᔪᖓ ᓇᒻᒥᓂᖅ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᓃᕙᖓ
  ᐱᑕᖃᕈᑎᒋᖕᖏᑕᕐᓃᕙᖓ ᐁᑦᑐᑐᐃᒐᓱᐊᕈᓐᓇᖏᑦᑐᖓ ᓄᖑᔨᐊᖃᓲᒍᒻᒥᒐᒪ ᐁᑦᑑᑎᑦᓴᓂᒃ

>> ᐊᑑᑎᔭᐅᔪᓂᒃ ᖃᓄᐃᓕᒍᑎᖃᕐᓂᖅ
ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔᑦ ᖃᐅᔨᒐᓱᐊᕐᓃᑦ:

• ᐊᑐᕈᓐᓇᑐᖓ ᐊᑦᔨᒌᖕᖏᑐᓂᒃ ᐅᖄᕕᖃᕈᓯᓂᒃ ᐃᓄᓐᓂᒃ ᖃᓄᐃᓕᖓᓂᖏᑦ ᐃᑉᐱᒋᓗᒋᑦ

• ᖃᓄᐃᓕᖓᓂᖓᓂᒃ ᐃᓅᑉ ᑐᑭᓯᓂᕐᓗᑯᒪ, ᖃᐅᔨᒪᔪᑦ ᐃᓅᖃᑎᒋᒋᐊᑦᓯᐊᕈᓐᓇᓛᕋᒃᑯ

>>ᐃᓅᖃᑎᖃᕐᓂᖅ ᐱᓇᓱᐊᖃᑎᓐᓃᕙᖓ
ᖃᓄᐃᖕᖏᓯᐊᕐᓗᓂ ᐃᓱᒪᖓ ᑐᖕᖓᓯᐊᕐᒪᖔᑦ ᖃᐅᔨᒐᓱᐊᕐᓃᑦ:

• ᖃᐅᔨᒪᔪᖓ ᐱᓇᓱᐊᖃᑎᒃᑲ ᐊᑦᔨᒌᖕᖏᑐᓂᒃ ᐃᓅᓯᕐᒥᓂ ᐊᑑᑎᓯᒪᔪᑦᓴᐅᒋᐊᖏᓐᓂᒃ

• ᖃᐅᔨᓯᒪᔪᖓ ᐱᓇᓱᐊᖃᑎᒃᑲ ᐃᓅᒻᒥᒪᑕᓕ