ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ

• ᖃᐅᔨᓴᕐᑕᐅᒍᑎᒃ ᕿᑲᕐᑐᓂᒃ ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᖃᕐᒪᖔᑦ (pg. 17)

• ᐳᕙᓪᓗᓯᓕᑌᓐᓇᑐᕕᓂᐅᑦᓱᓂ ᖁᐱᕐᕈᐊᕈᕐᑕᖃᕐᓂᖓ ᖃᐅᔨᓴᑕᕐᑕᐅᒍᓐᓇᓯᔪᖅ

• ᓄᑕᕃᑦ, ᑲᒃᑲᓛᑦ ᐊᒻᒪᓗ ᓄᑕᕋᑦᓴᖃᕐᓂᖅ

ᓱᒧᑦ ᐅᕕᓂᒃᑯᑦ ᖃᐅᔨᓴᕆᐊᖃᕐᐱᑕ?

ᓱᕐᖁᐃᑕᐅᒋᐊᕐᓗᓂ ᐃᓄᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᑎᒥᖓ ᐱᑕᖃᕐᒪᖔᑦ.

• ᐅᕕᓂᒃᑯᑦ ᖃᐅᔨᓴᕈᑎᒃ ᐱᐅᔪᐊᓘᖕᖏᑐᖅ. ᐳᕙᓪᓗᓇᕐᒧᑦ ᐃᒻᒪᓯᒪᐅᑎᒥᒃ ᑕᑯᖕᖏᐅᑕᐅᒍᓐᓇᓲᖅ ᐃᓄᐃᑦ ᐃᓚᖏᓐᓂ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓕᐅᒐᓗᐊᓂᒃ. ᐳᕙᓪᓗᓇᕐᒧᓗ ᐃᒻᒪᓯᒪᐅᑎᓂᒃ ᑕᑯᖕᖏᑑᒍᓐᓇᓲᒍᑦᓱᓂ ᐱᓇᓱᐊᕈᓰᑦ 8 ᐊᓂᒍᓚᐅᕐᑎᓇᒋᑦ ᖁᐱᕐᕈᐊᕈᕐᓄᑦ ᑎᒥᖓ ᐃᑎᕐᕕᐅᔪᕕᓂᐅᑉᐸᑦ.

• ᐃᓄᒃ ᐅᕕᓂᒃᑯᑦ ᖃᐅᔨᓴᕐᑕᐅᔪᖅ ᐊᓱᐃᓛᒍᑉᐸᑦ, ᐅᕕᓂᒃᑯᑦ ᖃᐅᔨᓴᕐᑕᐅᒋᐊᓪᓚᕆᐊᖃᖕᖏᑐᖅ. ᑖᓐᓇ ᖃᐅᔨᓴᕈᑎᒃ ᐊᓱᐃᓛᒍᓚᖓᒻᒪᑦ ᑖᕗᖓᓕᒫᖅ, ᑎᒥᒃ ᐳᕙᓪᓗᓇᕐᑕᖃᕈᓐᓀᕋᓗᐊᕐᐸᑦ.

'ᐊᓱᐃᓛᒍᔪᑦ' ᐊᒻᒪᓗ 'ᐊᓱᐃᓛᒍᖕᖏᑐᑦ' ᖃᐅᔨᓴᕈᑎᓄᑦ ᖃᐅᔨᔭᐅᓚᕿᔪᑦ

ᑐᓴᓚᖓᔪᑦᓴᐅᔪᑎᑦ ᐋᓐᓂᐊᓯᐅᑎᓂᒃ ᖃᐅᔨᓴᕈᑎᒥᒃ ᐅᖃᐅᓯᓕᓐᓂᒃ ᐃᒣᓕᖃᑦᑕᓱᑎᒃ 'ᐊᓱᐃᓛ' ᐅᕝᕙᓘᓐᓃᑦ 'ᐊᓱᐃᓛᒍᖕᖏᑐᖅ'. ᐆᑦᑐᕋᕐᓂᒥ, ᑖᒃᑯᐊ ᐅᖃᐅᓰᒃ ᓇᓗᓇᕈᓐᓇᑑᒃ ᑐᑭᖃᕋᒥᒃ ᐊᑦᔨᒋᔭᐅᖕᖏᑑᓐᓂᒃ ᐃᒣᓕᔫᓐᓄᑦ 'ᐱᐅᔪᖅ' ᐅᕝᕙᓘᓐᓃᑦ 'ᐱᐅᖕᖏᑐᖅ'.

ᐃᓄᒃ 'ᐊᓱᐃᓛᒍᒍᓂ' ᐅᕕᓂᒻᒥᒍᑦ ᖃᐅᔨᓴᕐᑕᐅᓱᓂ:

• ᐃᓱᒪᒍᓐᓇᑐᑎᑦ ᐆᑦᑑᑎᒋᓗᒍ 'ᐋᐊ'.

• ᐊᓱᐃᓛᒍᔪᖅ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᒥᒃ = "ᐋᐊ, ᑎᒥᒃ ᐳᕙᓪᓗᓇᐅᑉ ᖁᐱᕐᕈᐊᕈᖓᓂᒃ ᐱᑕᖃᑐᐃᓐᓇᕆᐊᓕᒃ"

ᐅᕕᓂᒃᑯᑦ ᖃᐅᔨᓴᕐᕈᑎᒃ ᖃᐅᔨᒪᒍᑕᐅᒍᓐᓇᖏᑦᑐᖅ ᐊᑦᔨᒌᖕᖏᓂᖏᓐᓂᒃ ᕿᑲᕐᑑᑉ ᐊᒻᒪᓗ ᓂᒪᕐᑑᑉ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ. ᑐᑭᖓ ᐃᓄᒃ "ᐊᓯᐅᓛᒍᔨᐊᖃᕈᓂ" ᐅᕕᓂᒃᑯᑦ ᖃᐅᔨᓴᕐᑕᐅᒍᑎᒥᓂᒃ, ᖃᐅᔨᓴᕐᑕᐅᓕᕐᕿᒋᐊᓕᒃ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᒪᖔᑦ.

ᓱᓇᐅᕙ?

• ᐋᓐᓂᐊᓯᐅᑎᒃ ᐃᓄᒻᒥᒃ ᑲᐲᓚᖓᔪᖅ ᑕᓕᖓᒍᑦ ᐅᕕᓂᖓᑕ ᐊᑖᓄᐊᐱᑐᐃᓐᓇᖅ ᑎᑭᑦᑎᓗᒍ ᑲᐴᑎᒃ.

• ᒥᑭᔪᐊᐱᒃ ᐃᒪᖅ (ᐊᑎᓕᒃ PPD-ᒥᒃ) ᐅᕕᓂᐅᑉ ᐊᑖᓅᓚᖓᔪᖅ ᐳᕕᕐᓯᐊᐱᓪᓗᓂ ᐅᕕᓂᒻᒥᒃ.

• ᐃᓄᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᐸᑦ ᐅᕝᕙᓘᓐᓃᑦ ᓯᒪᑉᐸᑦ ᑎᒥᒥᓂ, ᐳᓪᓕᓚᕿᓚᖓᔪᖅ ᑲᐱᔭᐅᓂᖓ. ᐅᓪᓘᓂᒃ 2-ᑐᓲᖅ ᐳᓪᓕᐸᓪᓕᐊᓂᖓ (ᐳᓪᓕᕈᓐᓀᓚᖓᑦᓱᓂ ᐅᓪᓗᐃᑦ ᐊᒥᓲᖕᖏᑐᑦ ᐊᓂᒍᕐᑎᓗᒋᑦ).

ᖃᐅᔨᔭᐅᒍᑎᖏᑦ:

• ᐅᕕᓂᒃᑯᑦ ᖃᐅᔨᓴᕈᑎᒃ ᐊᑐᐊᕐᑕᐅᒋᐊᓕᒃ ᐋᓐᓂᐊᓯᐅᑎᒧᑦ ᐊᓂᒍᕐᐸᑕ ᐅᓪᓘᒃ 2 ᐅᕝᕙᓘᓐᓃᑦ 3.

• ᐋᓐᓂᐊᓯᐅᑎᒃ ᐊᑐᓚᖓᔪᖅ ᐆᑦᑐᕋᐅᑎᒥᒃ ᖃᓄᓪᓗᐊᑎᒋ ᐳᓪᓕᓂᖓ ᐊᖏᓂᖃᕐᒪᖔᑦ

ᓄᓇᕕᒻᒥ, ᐳᓪᓕᑐᖅ 5mm-ᒍᒍᓂ ᐅᕝᕙᓘᓐᓃᑦ ᐊᖏᓂᕐᓴᐅᒍᓂ ᐃᓱᒪᒋᔭᐅᓲᖅ 'ᐊᓱᐃᓛᒍᒋᐊᖓ' ᐳᕙᓪᓗᕆᐊᖓ (ᑐᑭᖓ ᐳᕙᓪᓗᓇᕐᑕᓖᑦ ᑎᒥᖏᑦ ᐅᕝᕙᓘᓐᓃᑦ ᑭᖑᓂᕐᒥ ᐳᕙᓪᓗᓇᕐᑕᖃᕐᓯᒪᔪᑦ.

ᐊᓯᖏᑦ ᑐᑭᓯᐅᑎᑦᓭᑦ

ᐊᓂᒍᕐᓯᒪᓕᕐᑎᓗᒍ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᒃ:

• ᐃᓄᒃ 15 ᒥᓂᑦᔅᓂ ᐅᑕᕐᕿᖁᔭᐅᓚᖓᔪᖅ ᐋᓐᓂᐊᓯᐅᑎᒃᑯᓂ ᐅᕕᓂᒃᑯᑦ ᖃᐅᔨᓴᕐᑕᐅᓗᑎᒃ ᑲᐱᔭᐅᔪᕕᓂᐅᒍᑎᒃ ᓱᕐᖁᐃᑕᐅᑲᐱᒋᐊᖃᕋᒥᒃ ᑲᐴᑎᒧᑦ ᖁᓄᓪᓕᓚᕿᒻᒪᖔᑕ.

• ᐃᓄᒃ ᑯᒥᑦᑌᓕᖁᓗᒍ ᐅᖏᓚᒐᓗᐊᕈᓂ ᑫᓪᓗᑐᕆᐊᓖᑦ ᐅᕝᕙᓘᓐᓃᑦ ᑲᐱᔭᐅᓂᕐᒥᓂᒃ ᐊᑦᑐᐃᑌᓕᖁᓗᒍ.

• ᐱᐅᔫᓚᖓᔪᖅ ᐃᕐᙯᑎᒍᕕᐅᒃ ᐃᓄᒃ ᐅᕕᓂᒃᑯᑦ ᐆᑦᑐᕋᕐᑕᐅᒍᑎᒥᓂᒃ ᐃᒻᒥᓂᒃ ᐊᑐᐊᕐᓯᖃᔭᖕᖏᒋᐊᖓ.

  • ᐊᐅᐸᕐᓯᒐᓗᐊᕈᓂ ᐅᕝᕙᓘᓐᓃᑦ ᒥᑭᔪᒥᒃ ᐳᓪᓕᓯᒍᓂ ᐳᕙᓪᓗᓕᕆᐊᒥᒃ ᑐᑭᑖᕆᐊᖃᖕᖏᑐᖅ.

  • ᐊᐅᐸᕐᓯᖏᒃᑲᓗᐊᕈᓂᓗ ᐳᕙᓪᓕᕆᐊᖏᑦ ᓱᕐᖁᐃᓇᕐᑑᓂᕋᕐᑕᐅᖃᔭᕋᑎᒃ.

• ᖃᐅᔨᓴᕈᑎᒃ ᓇᓚᐅᑦᑕᐅᓗᑯᐊᐱᒋᐊᓕᒃ ᐃᓚᖓᓐᓂᓗᐊᓪᓛᑦ ᐋᓐᓂᐊᓯᐅᑎᒃ ᖃᐅᔨᓴᕈᑎᒥᒃ ᑖᑦᓱᒥᖓ ᐊᑐᕆᐊᓪᓚᕆᐊᖃᓲᖅ.

ᐅᕕᓂᒃᑯᑦ ᖃᐅᔨᓴᕐᓂᖅ ᐊᑑᑎᔭᐅᒋᐊᖃᖕᖏᑐᖅ ᐃᓄᒃ ᐃᒣᑦᓯᒪᑉᐸᑦ ᑭᖑᓂᕐᒥ:

• ᑭᖑᓂᕐᒥ ᐅᕕᓂᒃᑯᑦ ᖃᐅᔨᓴᕐᑕᐅᒍᑎᖓ 'ᐊᓱᐃᓛᒍᓯᒪᑉᐸᑦ'.

• ᑭᖑᓂᕐᒥ ᐳᕙᓪᓗᓯᒪᑉᐸᑦ.

• ᐅᕕᓂᒃᑯᑦ ᖃᐅᔨᓴᕈᑎᒃ ᐊᑐᕐᑕᐅᒍᓐᓇᑐᖅ ᓱᓇᒥᑦᑐᓂᒃ ᖃᐅᔨᓴᕐᑕᐅᑎᓗᒍ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᒪᖔᑦ.

ᐆᑦᑑᑎᒃ ᐅᖄᖃᑎᖃᕐᓂᖅ ᐃᓄᒻᒥᒃ ᐅᕕᓂᒃᑯᑦ ᖃᐅᔨᓴᕐᑕᐅᒋᐊᓕᒻᒥᒃ:

ᐃᓂᕐᑑᒪᒍᓐᓀᑎᒋᐊᕐᓗᒍ

• ᐅᖄᖃᑎᖃᓚᐅᕋᕕᑦ ᐋᓐᓂᐊᓯᐅᑎᒥᒃ ᐃᑉᐸᓴᖅ, ᐅᕕᓂᒃᑯᑦ ᖃᐅᔨᓴᕐᑕᐅᒋᐊᖃᕐᓂᕃᓚᐅᕐᑐᖅ. ᐅᕕᓂᒃᑯᑦ ᖃᐅᔨᓴᕐᑕᐅᓚᐅᕐᓯᒪᕕᑦ?

• ᐅᕕᓂᒃᑯᑦ ᖃᐅᔨᓴᕈᑎᒃ ᐃᑲᔪᕐᓯᓲᖅ ᐋᓐᓂᐊᓯᐅᑎᓂᒃ ᐋᓐᓂᐊᓯᐅᑎᐊᓗᓐᓂᓗ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᑎᒥᒃᑯᑦ ᐱᑕᖃᕐᒪᖔᑉᐱᑦ ᖃᐅᔨᒍᑕᐅᑦᓱᓂ.

ᓱᓇ

• ᐅᕕᓂᒃᑯᑦ ᖃᐅᔨᓴᕐᑕᐅᓯᒍᕕᑦ, ᐋᓐᓂᐊᓯᐅᑎᒃ ᐅᕕᓂᑉᐱᑦ ᐊᑖᒍᐊᐱᑐᐃᓐᓇᖅ ᒪᖑᑦᑎᓯᓗᓂ ᑲᐲᕌᐱᓚᖓᔪᖅ ᒥᑭᔪᐊᐱᒃ ᐳᕕᕐᓯᐊᐱᓚᖓᔪᖅ ᐅᕕᓂᓐᓃᕕᑦ.

• ᓯᕐᓚᒃ ᐊᐅᓈᑐᐃᓐᓇᕆᐊᖃᕐᑐᑎᑦ ᑭᓯᐊᓂ ᑲᐴᑏᑦ ᐊᑦᔨᑐᐃᓐᓇᕆᓲᖓ, ᖁᐱᕐᕈᒧᑦ ᑮᔭᐅᔪᕐᑎᑑᑫᓐᓇᓚᖓᔪᖅ ᐊᓐᓂᑭᑦᑐᒥᒃ.

• ᖃᐅᔨᓴᕐᑕᐅᓚᖓᔪᑎᑦ ᐅᓪᓗᒥ ᙯᒋᐊᓪᓚᕆᐊᖃᓛᕐᓱᑎᑦ ᐅᓪᓘᒃ 2 ᐊᓂᒍᕐᐸᓃᒃ, ᑲᐱᔭᐅᒌᕐᑎᓗᑎᑦ. ᐅᑎᕈᓐᓇᓛᕐᕿᑦ ᐅᕙᓂ ____________ ᐃᒣᑦᑐᖑᕐᐸᑦ__________?

ᖃᐅᔨᓴᕐᑕᐅᒌᕐᓗᓂ

• ᐊᐃ ᓈᒻᒪᓯᐊᕐᑐᖅ, ᐱᔭᕇᕐᓂᐅᔭᓯᕗᑎᑦ. ᐅᑕᕐᕿᑫᓐᓈᐱᒋᐊᖃᓚᖓᔪᑎᑦ 15 ᒥᓂᑦᔅᓂ ᐅᑕᕐᕿᕕᒻᒥ ᖁᓄᓪᓕᕈᑎᖃᕐᒪᖔᑉᐱᑦ ᑲᐴᑎᒧᑦ ᐃᑉᐱᒋᔭᐅᒋᐊᖃᕋᕕᑦ.

• ᐊᒻᒪᓗ, ᑯᒥᑦᑌᓕᒋᐊᖃᓚᖓᔦᑦ ᐅᖏᓚᒐᓗᐊᕐᐸᑦ ᑲᐱᔭᐅᓃᑦ ᐅᕝᕙᓘᓐᓃᑦ ᐊᑦᑐᑌᓕᓗᒍ.

• ᑌᒪᓗ, ᐃᕐᙯᑎᒋᐊᕐᐸᒋᑦ, ᐅᓪᓘᒃ 2 ᓈᑉᐸᓃᒃ ᐅᑎᕆᐊᖃᓛᕋᕕᑦ. ᐊᐅᐸᕐᓯᖏᒃᑲᓗᐊᕐᐸᑦ ᐅᕝᕙᓘᓐᓃᑦ ᐳᓪᓕᖏᒃᑲᓗᐊᕐᐸᑦ, ᐃᓚᖓᓂ ᐅᕕᓂᐅᑉ ᐊᑖᒍᖔᖅ ᑌᒣᓕᓲᒍᒻᒪᑦ ᐋᓐᓂᐊᓯᐅᑎᒧᑦ ᑭᓯᐊᓂ ᕿᒥᕐᕈᔭᐅᒍᓐᓇᑐᖅ.

ᐅᓪᓘᒃ 2 ᐊᓂᒍᕐᑎᓗᒋᒃ

• ᓇᑯᕐᒦᑦ ᐅᑎᕋᕕᑦ. ᐋᓐᓂᐊᓯᐅᑎᒧᑦ ᐊᓪᓚᐅᑎᒧᑦ ᑕᕐᓯᔭᐅᓚᖓᔪᖅ ᑲᐱᔭᐅᓃᑦ ᓱᕐᖁᐃᓯᒋᐊᕐᓗᓂ ᖃᓄᐃᓕᖕᖓᑕᐅᓯᒪᒻᒪᖔᑉᐱᑦ ᑲᐴᑎᒧᑦ.