ᓱᓇᐅᕙ

ᐃᓄᑐᐊᒃᑯᕕᒻᒦᓂᖅ ᑐᑭᖓ ᐃᓄᒃ ᓂᕆᖃᑦᑕᑐᖅ, ᓯᓂᖃᑦᑕᑐᖅ, ᐊᒻᒪᓗ ᐅᓪᓗᓯᐅᖃᑦᑕᑐᖅ ᐋᓐᓂᐊᕕᒻᒥ. ᐳᕕᕐᓂᑐᒥ ᐊᒻᒪᓗ ᑰᑦᔪᐊᒥ ᐋᓐᓂᐊᕖᒃ ᐊᑐᐃᓐᓈᒃ ᐃᓄᑐᐊᒃᑯᕕᒻᒦᑎᑦᓯᒍᓐᓇᓱᑎᒃ, ᑕᒐ ᐃᓄᒃ ᐊᐅᓚᒋᐊᖃᕋᔭᕐᑐᖅ ᓄᓇᖃᖕᖏᑯᓂ ᑖᒃᑯᐊ ᓇᓪᓕᐊᓂᒃ. ᐃᓄᒃ ᐋᓐᓂᐊᕕᓕᐊᕐᓗᓂ ᓇᒻᒥᓂᖅ ᑮᓇᐅᔭᒥᓄᑦ ᐃᑭᒍᑌᒋᐊᖃᖕᖏᑐᖅ.

ᐃᓄᒃ ᐋᓐᓂᐊᕕᒻᒥ ᐱᓇᓱᑦᑎᓄᑦ ᑎᓕᐅᕐᑕᐅᒍᑎᒥᓂᒃ ᒪᓕᒋᐊᓕᒃ ᐃᓄᑐᐊᒃᑯᕕᒻᒦᓂᕐᒥᓂ.

ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᒍᓂ ᐱᐅᓂᕐᓴᐅᓂᕋᕐᑕᐅᓲᑦ ᐱᑦᔪᑎᐅᑎᓗᒋᑦ ᐊᑦᔨᒌᖕᖏᑐᑦ ᐆᑦᑑᑎᒋᑦᓱᒋᑦ:

• ᐃᓄᒃ ᐋᓐᓂᐊᕕᒻᒥ ᑲᒪᒋᔭᐅᒋᐊᓕᒃ ᐳᕙᓪᓗᓇᕐᒧᑦ ᖃᓂᒪᒻᒪᑦ.

• ᐋᓐᓂᐊᕕᒃ ᒪᓂᔨᒍᓐᓇᑐᖅ ᓴᐳᑦᔨᐅᑎᓂᒃ ᐃᓄᒻᒥᒃ ᒪᒥᓴᕐᑎᓗᒍ ᐊᒻᒪᓗ/ᐅᕝᕙᓘᓐᓃᑦ ᐃᓄᑐᐊᒃᑯᕕᒻᒦᒋᐊᖃᕐᓂᒥᓂᒃ ᐊᓂᒍᐃᑎᑦᓯᒋᐊᕐᑎᓗᒍ.

• ᐃᓄᒃ ᐊᒻᒪᓗ/ᐅᕝᕙᓘᓐᓃᑦ ᐊᓇᕐᕋᒥᐅᑕᖏᑦ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᒍᓐᓇᓚᖓᖕᖏᒋᐊᖓ ᐃᓱᒪᑉᐸᑕ.

• ᐳᕙᓪᓗᓇᓕᕆᔩᑦ ᓄᓇᓖᑦ ᐋᓐᓂᐊᓯᐅᑎᒃᑯᖏᓐᓂ ᐊᑐᕋᑦᓴᖃᖕᖏᒪᑕ ᐃᑲᔪᕐᓯᐅᑎᑦᓴᓂᒃ ᐃᓄᒻᒥᒃ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᓚᖓᔪᒥᒃ.

ᐊᐅᓚᒍᑎᑦᓴᖏᑦ

• ᐋᓐᓂᐊᓯᐅᑎᒃᑯᑦ ᓇᓗᓀᕐᓯᐅᑎᒋᐊᓪᓚᓂᒃ ᐱᑕᖃᓚᖓᔪᑦ ᐃᓅᑉ ᐊᐅᓚᒍᑎᒋᓂᐊᕐᑕᖏᓐᓄᑦ ᐊᒻᒪᓗ ᓱᓇᓂᒃ ᑭᖕᖒᒪᑦᓯᓚᖓᓂᖏᓐᓄᑦ.

• ᐱᐅᓂᕐᓴᐅᓲᖅ ᓱᖃᑦᓯᐅᑎᑦᓴᓂᒃ ᐊᑦᔭᓯᒍᓂ ᐃᓄᑐᐊᒃᑯᕕᒻᒦᓂᕐᒥᓂ (ᐅᖄᒍᑎᒃ, ᓭᑦᑌᑦ, ᐱᖕᖑᐊᕈᑏᑦ) ᐃᓄᑐᐊᒃᑯᕖᑦ ᓱᓇᑕᖃᓪᓗᐊᖏᑐᐃᓐᓇᕆᐊᖃᕐᒪᑕ.

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᓯᓂᕐᒥᓂᒃ ᐱᒋᐊᓯᔪᒥᒃ:

ᐃᓂᕐᑑᒪᒍᓐᓀᑎᒋᐊᕐᓗᒍ

• ᑕᒪᑐᒥᖓ ᐅᖃᐅᓯᖃᓪᓛᐱᓯᒪᑐᐃᓐᓇᕆᐊᖃᕐᑐᒍᒃ, ᑭᓯᐊᓂ ᐃᓄᑐᐊᒃᑯᕕᒻᒦᒋᐊᖃᓲᑦ ᑭᓇᑐᐃᓐᓇᑯᑦ ᐋᓐᓂᐊᓯᐅᑎᐊᓗᒻᒧᑦ ᓱᕐᖁᐃᑕᐅᔪᑦ ᓂᕐᒪᑐᓂᒃ ᐳᕙᓪᓗᓇᕐᑕᖃᕆᐊᖏᑦ, ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᓯᐊᒻᒪᑎᑕᐅᒍᓐᓇᑐᑦ ᐊᓯᓐᓅᕕᑦ ᐃᓄᓐᓅᖃᕐᓗᑎᒃ.

• ᐋᓐᓂᐊᓯᐅᑎᐊᓗᒃ ᐊᒻᒪᓗ ᐋᓐᓂᐊᓯᐅᑏᑦ ᐃᓱᒪᔪᑦ ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᒍᕕᑦ ᐱᐅᓂᕐᓴᐅᓚᖓᒋᐊᖓ ᖃᓄᐃᖕᖏᓯᐊᕆᐊᖃᕐᓂᓅᕕᑦ. ᐃᑉᐱᒍᓱᖏᓐᓇᕈᒪᑐᐃᓐᓇᑐᑦ ᐳᕙᓪᓗᓂᕐᓃᕕᑦ ᖃᓄᐃᓕᕙᓪᓕᐊᓚᖓᒻᒪᖔᑉᐱᑦ.

ᓱᓇ/ᓱᒧᑦ

• ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᓃᑦ ᐅᓪᓗᑐᕙᓪᓗᓲᑦ 14-ᓂᑦ 28-ᓄᑦ ᑭᓯᐊᓂ ᒪᓕᑦᑕᐅᒋᐊᖃᓲᒍᒻᒥᔪᑦ ᓱᓇᑐᐃᓐᓀᑦ ᐆᑦᑑᑎᒋᓗᒋᑦ ᖃᓄᐃᓐᓃᑦ ᐊᒻᒪᓗ ᑎᒦᑉᐱᑦ ᖃᓄᐃᓕᔭᐅᕙᓪᓕᐊᓂᖓ ᒪᒥᓴᐅᑎᓄᑦ.

• ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᓲᑦ ᐳᕕᕐᓂᑐᒥ (ᐅᕝᕙᓘᓐᓃᑦ ᑰᑦᔪᐊᒥ). ᒪᓕᒋᐊᖃᓚᖓᔪᑎᑦ ᐋᓐᓂᐊᕕᐅᑉ ᒪᓕᒐᖏᓐᓂᒃ. ᐃᓪᓗᐊᕈᓯᕐᓃᕖᕙᓪᓗᖃᑦᑕᓚᖓᔪᑎᑦ ᐊᓃᑫᓐᓇᑌᓕᔭᐅᓚᖓᔪᑦᓴᐅᖏᒃᑲᓗᐊᕐᑐᑎᑦ.

ᑕᑯᖃᑦᑕᓂᒃ ᐃᓄᓐᓂᒃ ᐊᒻᒪᓗ ᐱᓇᓱᐊᕋᑦᓭᑦ

• ᐋᓐᓂᐊᕕᒻᒥᑦ ᐊᓂᒍᕕᑦ, ᐁᑦᑐᐃᓂᐅᔭᕈᓐᓀᕋᕕᑦ ᐱᓇᓱᐊᓲᕐᓅᕕᑦ ᐅᑎᕈᓐᓇᓕᕐᑐᑎᑦ ᖃᓄᐃᖕᖏᒋᐊᒥᒃ ᐃᑉᐱᒍᓱᒃᑯᕕᑦ ᐊᒻᒪᓗ ᓄᑭᖃᑦᓯᐊᕈᕕᑦ. ᑐᑭᖓ ᒪᑐᒪᐅᑎᒥᒃ ᐊᑐᖃᑦᑕᕆᐊᖃᕈᓐᓀᑐᑎᑦ ᐊᒻᒪᓗ ᐃᓱᒫᓗᒋᐊᖃᕈᓐᓀᓱᑎᑦ ᐅᖄᒋᐊᒥᒃ ᐊᒻᒪᓗ ᐊᓂᕐᑎᕆᒋᐊᒥᒃ ᐃᓄᐃᑦ ᓴᓂᖏᓐᓂ.

• ᑖᒃᑯᑐᐊᑦ ᐃᓕᓐᓂᒃ ᑐᓴᕐᑎᓯᐅᑎᑦᓴᑲ ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᒍᓐᓀᓂᕐᓅᕕᑦ ᑕᒐᑕᒐ. ᓱᓇᓂᒃ ᐊᐱᕐᓱᕆᐊᖃᓚᖓᔭᕗᑦ ᐋᓐᓂᐊᓯᐅᑎᒃ?

ᐊᐅᓚᔪᖅ *ᒋᐊᖃᕐᐸᑦ*

• ᐋᓐᓂᐊᓯᐅᑎᒃᑯᓄᑦ ᐊᐅᓚᒋᐊᖃᕐᓃᑦ ᐸᕐᓀᑕᐅᓚᖓᒻᒪᑦ ᑐᓴᕐᑎᑲᐱᒍᓐᓇᓚᖓᔪᑦᓴᕆᕙᒋᑦ.