ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ

• ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦᑕ ᐊᕐᖁᑎᖏᑦ (Red Book pg. 1)

• ᓇᓗᓀᕐᑕᐅᓂᖏᑦ ᐃᓱᒫᓘᑏᑦ ᐊᒻᒪᓗ ᐃᑲᔪᕐᓯᐅᑎᑦᓭᑦ (Red book pg. 23)

• ᑐᓴᕐᑎᓯᕐᖄᕈᑏᑦ ᐳᕙᓪᓗᑐᒥᒃ ᒪᒥᓭᒍᑎᓂᒃ

• ᓂᒪᕐᑐᓄᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ ᑐᖓᓕᕇᓂ 1-ᒍᒍᑎᖓ & ᐊᒻᒪᓗ ᑐᖓᓕᕇᓂ 2-ᒍᒍᑎᖓ

• ᐳᕙᓪᓗᓇᐅᑉ ᖁᐃᓇᒋᔭᐅᓂᖓ

• ᐳᕙᓪᓗᓇᖅ ᐃᓅᓯᕐᒥᒃ ᐊᕐᓱᕈᓐᓇᓂᕐᓴᐅᑎᑦᓯᒍᓐᓇᑐᖅ

• ᖃᓄᐃᓕᖕᖓᑕᐅᓂᕐᓘᑏᑦ

• SCR

• ᐳᕙᓪᓗᓯᒋᐊᓪᓚᑐᖅ

• ᓄᑕᕃᑦ ᑲᒃᑲᓛᓪᓗ & ᓄᑕᕋᑦᓴᖃᕐᓂᖅ

• ᐱᔪᑦᓴᐅᔮᕈᑎᑦᓭᑦ

ᓴᐳᑦᔨᓯᒪᓂᖅ ᐃᓄᒻᒥᒃ

ᑕᑯᓗᒋᑦ ᑐᓴᕐᑎᓯᕐᖄᕈᑏᑦ ᐳᕙᓪᓗᑐᒥᒃ ᒪᒥᓭᒍᑎᓂᒃ ᐅᕝᕙᓘᓐᓃᑦ ᐱᔪᑦᓴᐅᔮᕈᑎᑦᓭᑦ ᑐᑭᓯᒋᐊᓪᓚᐅᑎᑦᓴᑕᓖᑦ ᐃᑲᔪᕐᓯᐅᑎᑦᓴᓂᒃ ᐃᓄᒻᒥᒃ ᐊᑑᑎᓂᖃᕐᑎᓗᒍ ᐳᕙᓪᓗᓱᓂ ᒪᒥᓴᕐᓂᒥᓂᒃ.

ᖃᐅᔨᒪᔪᑦᓴᐅᒐᕕᑦ, ᒪᒥᓴᕈᑎᒃ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐊᑑᑎᔭᐅᓗᓂ ᑭᓯᐊᓂᑦᓯᐊᖅ. ᐳᕙᓪᓗᓇᓕᕆᔩᑦ ᐊᔪᐃᓐᓇᓯᒪᒐᓗᐊᕐᑎᓗᒋᑦ ᐃᓄᒃ ᓱᓕ ᒪᒥᓴᐅᑎᒥᓂᒃ ᑲᒪᖕᖏᐸᑦ, ᐃᕐᖃᑐᐃᕕᒻᒧᑦ ᐊᒻᒪᓗ ᐳᓖᓯᓄᑦ ᑲᒪᒋᔭᐅᓯᒍᓐᓇᑐᖅ. ᑕᒪᓐᓇ ᐊᑑᑎᓗᑭᓲᒍᖕᖏᑑᒐᓗᐊᖅ ᐊᒻᒪᓗ ᓗᓂ ᑭᓯᐊᓂᑦᓯᐊᒍᓕᕐᐸᑦ ᐃᓱᒪᒋᔭᐅᒋᐊᖃᕋᔭᕐᓱᓂ ᑭᖑᓪᓕᐸᐅᑎᓗᒍ ᐊᔪᐃᓐᓇᕈᑎᓄᑦ ᐃᓕᓗᒍ.

ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᐊᒻᒪᓗ ᐄᒉᑦ DOT-ᑎᒍᑦ

ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐄᔭᐅᒋᐊᖃᓗᑭᓲᑦ ᓵᖓᓂ ᐳᕙᓪᓗᓇᓕᕆᔩᑦ ᐃᓚᖓᑕ. ᑕᒪᓐᓇ ᐊᑎᖃᕐᑎᑕᖅ DOT-ᒥᒃ, ᐅᕝᕙᓘᓐᓃᑦ ᑕᑯᓐᓇᓚᕆᓪᓗᒍ ᒪᒥᓴᐅᑎᑐᕐᑎᓯᓂᖅ.

DOT ᐊᑑᑎᑎᑕᐅᓲᖅ ᐃᑲᔪᕐᓯᐅᑕᐅᑦᓱᓂ ᐃᓘᓐᓀᓂᒃ ᐄᕐᖃᕆᐊᓕᖏᓐᓂᒃ ᐄᓯᑦᓯᐊᖃᑦᑕᖁᒧᑦ. ᐅᓪᓗᐃᑦ ᐊᒥᓲᓕᕋᑕᕐᑎᓗᒋᑦ ᐊᓪᓗᐃᑲᑦᑕᕈᓂ, ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᓱᖕᖏᑑᑐᐃᓐᓇᕆᐊᖃᕐᒪᑕ ᐊᒻᒪᓗ ᐃᓄᒃ ᐄᕐᖃᓯᐊᖕᖏᑐᖅ ᖃᓂᒻᒪᓚᕿᓗᓂ ᐅᕝᕙᓘᓐᓃᑦ ᐁᑦᑐᑐᐃᓂᐅᔭᓚᕿᒋᐊᓪᓚᓗᓂ.

ᖃᓄᖅ ᐃᑲᔪᕈᓐᓇᐸᑦ PHO DOT-ᑎᒍᑦ?

ᐃᒣᓗᑭᓲᖅ, DOT ᑕᑯᓐᓇᓱᓂ ᐄᓯᑎᑦᓯᔪᖅ ᐋᓐᓂᐊᓯᐅᑎᒃᑯᓃᖃᑎᖃᕐᓱᓂ. ᐃᓄᐃᑦ ᐃᓚᖏᑦ ᑌᒣᓕᖓᔪᒥᒃ ᐱᔭᕐᓃᓘᑐᐃᓐᓇᕆᐊᖃᓲᑦ ᐃᓅᓯᕐᒥᓂ ᐱᕕᑦᓴᖃᕐᑎᒋᐊᖃᑦᑕᓱᑎᒃ PHO-ᒍᓂᕐᓅᕕᑦ ᐃᑲᔪᕐᓯᒍᓐᓇᑐᑎᑦ ᖃᓄᐃᓕᖓᓗᓂ ᐱᔭᕆᐊᑭᓐᓂᓴᐅᓂᐊᕐᒪᖔᑦ ᑲᔪᓯᑎᑦᓯᐅᑎᒃ ᐅᕝᕙᓘᓐᓃᑦ ᐃᓂᖓ DOT ᑲᔪᓯᑦᓯᐊᑎᑦᓯᓂᕐᓴᐅᖃᑦᑕᕈᓐᓇᕕᖓ. ᐱᒻᒪᕆᐅᕗᖅ ᐃᓄᒃ ᐄᕐᖃᑐᖅ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓕᒃ ᐊᓪᓗᐃᑕᕆᐊᖃᖕᖏᓂᖓ.

ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᑐᖁᓭᒍᑎᒥᒃ ᒪᒥᓴᐅᑎᖃᕐᓂᖅ - 2-ᒍᒍᑎᖓ ᑐᖓᓕᕇᓂ

ᒪᓕᑦᑕᐅᓲᖅ ᓂᒪᕐᑐᓂᒃ ᐳᕙᓪᓗᓇᕐᑐᑕᓕᒻᒥᒃ ᒪᒥᓭᒍᑎᒃ 6 ᑕᕐᖀᑦ ᓴᓂᐊᓃᓲᖅ ᑕᑭᓂᖓ ᐊᒻᒪᓗ 2-ᓂᒃ ᑐᖓᓕᕇᑦᑕᓂᖃᕐᓱᓂ.

ᒪᓕᑦᑕᐅᓲᖅ 2-ᒍᒍᑎᖓ ᑐᖓᓕᕇᓂ (ᐱᔭᐅᖃᑦᑕᕈᑎᒃ ᐅᓪᓗᓂ ᐃᒣᓪᓗᐊᕆᐊᓖᓚᓯᒪᔭᖏᓐᓂ ᐋᓐᓂᐊᓯᐅᑎᐊᓘᑉ):

• ᑐᖓᓕᕇᓂ 1 - ᐄᕐᖃᑐᖅ ᐅᓪᓗᑕᒫᑦ - 2 ᑕᕐᖀᑦ ᓴᓂᐊᓂ (60-ᕕᓪᓗᓂ ᐄᓯᓗᓂ).

• ᑐᖓᓕᕇᓂ 2 - ᐄᕐᖃᑐᖅ 3-ᕕᖃᑦᑕᓱᓂ ᐱᓇᓱᐊᕈᓯᑕᒫᑦ - 4 ᑕᕐᖀᑦ ᓴᓂᐊᓂ (51-ᕕᓪᓗᓂ ᐄᓯᓗᓂ).

ᐃᓛᓐᓂ ᑐᖓᓕᕇᓂ 2-ᒍᒍᑎᖓᓂ ᒪᒥᓴᐅᑏᑦ ᐱᔭᐅᖃᑦᑕᕆᐊᓖᑦ ᐅᓪᓗᑕᒫᑦ ᐅᕝᕙᓘᓐᓃᑦ ᐅᖓᑖᓄᑦ ᐅᑯᐊᑦ ᐱᑦᔪᑎᐅᒻᒪᑕ:

• ᓄᕙᖓ ᖃᐅᔨᓴᕐᑕᐅᓱᓂ ᑕᑯᑦᓴᑎᑦᓯᔪᖅ ᐊᒥᓱᓂᒃ ᐳᕙᓪᓗᓇᕐᑕᖃᕆᐊᖓ ᐃᓅᑉ ᑎᒥᖓᑕ.

• ᓄᕙᖓ ᖃᐅᔨᓴᕐᑕᐅᓱᓂ ᑕᑯᑦᓴᑎᑦᓯᔪᖅ ᐊᒥᓱᓂᒃ ᐳᕙᓪᓗᓇᕐᑕᖃᕆᐊᖓ ᐃᓅᑉ ᑎᒥᖓᑕ.

• ᐃᓄᒃ ᐳᕙᓪᓗᑐᖅ ᖃᓂᒪᒻᒪᕆᑦᑎᑕᐅᓕᕐᑐᖅ.

• ᐃᓄᒃ ᐳᕙᓪᓗᓀᑦ ᖁᐱᕐᕈᐊᕈᖏᓐᓂᒃ ᐱᑕᖃᕐᒪᑦ ᓴᐅᓂᕐᒥᒍᑦ ᐅᕝᕙᓘᓐᓃᑦ ᖃᕆᑕᕐᒥᑕ ᓴᓂᖏᓐᓂ.

• ᐅᓪᓗᓂᒃ ᐄᓯᒋᐊᖃᕐᓱᓂ ᐊᓪᓗᐃᑕᕐᓂᕋᒥ.

ᐃᓘᓐᓈᒍᑦ, ᐃᓄᐃᑦ ᑐᖓᓕᕇᓂ 1-ᒍᒍᑎᖓᓃᑦᓱᑎᒃ ᐱᔭᕆᐊᑐᓂᕐᓴᑰᓲᑦ ᑐᖓᓕᕇᓂ 2-ᒥᓂᒥᑦ. PHO-ᒍᓂᕐᓅᕕᑦ, ᐱᐅᔫᓚᖓᔪᖅ ᑫᓪᓗᑐᖃᑦᑕᕈᕕᐅᒃ ᐃᓄᒃ ᑲᔪᓯᑦᓯᐊᕆᐊᖃᕐᒪᑦ ᐱᒐᓱᐊᕈᑎᒋᓪᓚᕆᓪᓗᒍ ᑐᖓᓕᕇᓂ 1-ᒍᒍᑎᖓᓃᓪᓗᓂ.

'ᐊᑑᑎᔭᐅᓗᑭᓲᖅ' ᑐᑭᖃᑐᐃᓐᓇᑐᖅ ᐊᑐᕐᑕᐅᓗᑭᓲᒍᒋᐊᖓᓂᒃ ᑭᓯᐊᓂ ᐊᑦᔨᒌᓲᒍᖕᖏᒥᔪᑦ ᐳᕙᓪᓗᓇᕐᒥᒃ ᒪᒥᓭᒍᑏᑦ ᐃᑉᐱᒋᑦᓱᒋᑦ ᐊᑐᓂᑦ ᐃᓕᒃᑰᑎᕐᑐᑦ ᖃᓄᐃᒍᑏᑦ.

ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ ᑐᖓᓕᕇᓂ 1-ᒍᒍᑎᖓ
ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ ᑐᖓᓕᕇᓂ 2-ᒍᒍᑎᖓ

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐱᒋᐊᓯᔪᒥᒃ ᒪᒥᓴᕐᓂᒥᒃ ᓂᒪᕐᑐᓂᒃ ᐳᕙᓪᓗᓇᕐᑕᖃᕐᓂᒥᓄᑦ:

ᓴᐳᑦᔨᓯᒪᓂᖅ

• ᐋᐊ, ᑎᒥᓐᓃᕕᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐲᔦᒍᑎᖃᕐᐳᖅ ᐄᒐᕐᓂᒃ, ᒪᒥᓴᕐᓂᕆᓂᐊᕐᑌᓗ ᐃᓕᖓᒻᒥᓱᓂ ᐳᕙᓪᓗᓇᓕᕆᔩᑦ ᓴᐳᑦᔨᒋᐊᖃᕐᓂᖏᓐᓂᒃ ᐃᓕᓐᓂᒃ ᐄᒐᕐᑐᓂᕐᓃᕕᑦ. ᑖᓐᓇ ᐊᖏᔫᑦᓱᓂ ᐱᑦᔪᑎᒃ ᐅᓪᓗᒥ ᐅᖄᖃᑦᑕᐅᑎᒍᑎᒋᓚᕿᔭᕗᒃ, ᑌᒣᑦᑐᑰᕐᓗᑎᑦ ᐃᓄᑑᖕᖏᓇᕕᑦ!

• ᐅᖃᐅᓯᖃᕇᕈᓐᓄᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᐊᒻᒪᓗ ᓈᒻᒪᓯᑦᑕᕈᑎᒋᓂᐊᕐᑕᓃᕕᑦ, ᐅᖃᐅᓯᖃᕐᖄᕈᓐᓇᑐᒍᒃ ᐃᓕᒃᑯᑦ ᐃᓱᒪᒋᔭᕐᓃᕕᑦ ᐃᑲᔪᕐᑕᐅᒍᑎᒋᖃᑦᑕᓂᐊᕐᓱᒋᑦ ᐊᒻᒪᓗ ᐋᓐᓂᐊᓯᐅᑎᒃᑯᑦ ᐃᓕᓐᓂᒃ ᖃᓄᐃᓘᕐᓗᑎᒃ ᐃᑲᔪᕐᓯᒪᒍᓐᓇᓂᐊᕐᒪᖔᑕ.

ᖁᐱᕐᕈᐊᕈᕐᓂᒃ ᑐᖁᓭᒍᑏᑦ

• ᑌᒪ, ᐅᖃᐅᓯᕆᓗᒋᑦ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ. ᑐᖁᑦᓯᒍᓐᓇᓯᐊᓲᑦ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐊᒻᒪᓗ ᐊᑦᑕᓇᒐᓛᒐᑎᒃ.

• ᖃᓄᐃᓕᖕᖓᑕᐅᓂᕐᓘᑎᓂᒃ ᐱᑕᖄᐱᓲᑦ ᒪᒥᓭᒍᑏᑦ ᑭᓯᐊᓂ ᐃᓄᐃᑦ ᒪᒥᓴᐅᑎᑐᕈᓐᓇᓲᑦ ᐃᓱᐃᓪᓕᑕᐅᓚᕿᓗᐊᕋᑎᒃ. ᐱᒻᒪᕆᐅᒻᒪᑦ ᒪᒥᓴᐅᑎᑐᕐᓗᑎᑦ ᐃᓱᕐᕆᖏᑦᑑᓕᕈᕕᑦ, ᖃᐅᔨᑎᑕᐅᒍᒪᒐᔭᕐᑐᖓ ᐅᕝᕙᓘᓐᓃᑦ ᐋᓐᓂᐊᓯᐅᑎᒃ ᖃᐅᔨᑎᓗᒍ

2 ᑐᖓᓕᕇᓐᓃᒃ

• ᐱᐅᓯᑐᐃᓐᓇᐅᓲᖅ, ᒪᕐᕈᐃᒍᑎᑦᓱᒋᒃ ᑐᖓᓕᕇᑦᓱᑎᒃ ᒪᒥᓴᐅᑏᒃ. ᑐᖓᓕᕇᓂ 1-ᒍᒍᑎᖓ ᑲᑎᑦᓱᑎᒃ ᐄᔭᐅᒋᐊᓖᑦ 60-ᐅᓲᑦ ᐅᓪᓗᑕᒫᑦ ᐄᔭᐅᖃᑦᑕᓱᑎᒃ. ᑕᕐᖀᓂᒃ 2-ᒍᕙᓪᓗᓲᑦ ᐅᓪᓗᓂᒃ ᐊᓪᓗᐃᑲᑦᑕᕈᕕᑦ ᐅᖓᑖᓅᑐᐃᓐᓇᕆᐊᖃᓛᕐᓱᑎᑦ.

• ᐅᓄᕐᓂᖏᑦ ᐊᒻᒪᓗ ᓈᒻᒪᓯᑦᑕᕈᑎᖏᑦ ᐄᓯᒋᐊᖃᕐᓂᐱᑦ ᑐᖓᓕᕇᓂ 2-ᒥ ᐊᑦᔨᐅᖏᑐᐃᓐᓇᕆᐊᓖᑦ ᐃᓄᐃᑦ ᐊᑦᔨᒌᑦᔭᖏᒻᒪᑕ ᑌᒣᒻᒪᑦ ᐱᐅᓂᕐᓴᐅᓚᖓᔪᕆᑦᓯᔪᖓ ᐃᑉᐱᒋᔭᑐᐊᕆᑫᓐᓇᓗᒍ ᐊᓂᒍᐃᒋᐊᓚᖓᓂᖅ ᑐᖓᓕᕇᓂ 1-ᒍᒍᑎᒦᑦᑐᒥᒃ ᑕᒐᑕᒐ.