ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ

• ᓇᓗᓀᕐᑕᐅᓂᖏᑦ ᐃᓱᒫᓘᑏᑦ ᐊᒻᒪᓗ ᐃᑲᔪᕐᓯᐅᑎᑦᓭᑦ (ᖁᑉᐱᒐᖅ 23) (Red Book pg. 23)

• ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ

• ᕿᑲᕐᑐᓂᒃ ᐳᕙᓪᓗᓇᕐᑐᑕᓕᒻᒥᒃ ᒪᒥᓭᒍᑎᒃ

ᓱᓇᐅᕙ

ᐃᓘᓐᓀᓂᒃ ᓇᓗᓀᕐᓯᒪᔭᖏᓐᓂᒃ ᐋᓐᓂᐊᓯᐅᑎᐊᓘᑉ ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᐄᕐᖃᓯᐊᕆᐊᖃᕐᓂᖅ.

ᐃᑉᐱᒋᔭᐅᓪᓚᕆᓲᑦ

• ᐃᓚᖓᓐᓂ ᐃᓄᐃᑦ ᐄᕐᖃᓕᕐᓱᑎᒃ ᒪᒥᓴᐅᑎᓂᒃ ᑕᕐᖀᑦ ᐊᒥᓲᖕᖏᑐᑦ ᐊᓂᒍᕐᑎᓗᒋᑦ ᖃᓄᐃᑦᑑᔮᕈᓐᓀᕋᒥ, ᙯᓗᑭᒍᓐᓀᑐᐃᓐᓇᓲᑦ ᐁᑦᓯᖃᑦᑕᕈᓐᓀᓱᑎᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᐄᕐᖃᕆᐊᙯᓐᓈᑕᒥᓂᒃ.

• PHO-ᒍᓂᕐᓅᕕᑦ, ᐃᑲᔪᕐᓯᒍᓐᓇᑐᑎᑦ ᑫᓪᓗᑐᐃᖃᑦᑕᓗᑎᑦ ᐳᕙᓪᓗᑐᓂᒃ ᑲᔪᓯᒋᖃᕐᓂᖏᓐᓂᒃ ᒪᒥᓴᐅᑎᑐᕐᓂᒥᓂᒃ, ᐃᑯᓪᓚᐅᒥᒋᐊᖅ ᐃᑉᐱᒍᓱᓕᕋᓗᐊᕈᑎᒃ.

  • ᐃᓄᒃ ᐱᒐᓱᐊᒻᒪᕆᒍᑎᖃᕐᑑᔮᕐᐸᑦ ᒪᒥᓴᐅᑎᑐᕆᐊᖅ (ᐆᑦᑑᑎᒃ: ᐳᐃᒍᕐᑕᓱᓂ ᐄᓯᒋᐊᖅ), PHO-ᒍᓂᕐᓅᕕᑦ, ᐳᕙᓪᓗᑐᖅ ᐱᓇᓱᐊᖃᑎᒋᒍᓐᓇᑌᑦ ᐋᕐᖀᒋᐊᖃᑎᒋᓗᒍ ᐃᓄᒃ ᐱᑦᓯᐊᓚᕿᐅᑎᒋᓂᐊᕐᑕᖏᓐᓂᒃ.

ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᒪᒥᓴᐅᑎᓂᒃ ᐱᔭᕇᕐᑐᖅ ᓄᖑᑦᓱᒋᑦ

ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐳᕙᓪᓗᕈᑎᖃᕐᓂᒧᑦ, ᒪᒥᓴᐅᑏᑦ ᓄᖑᑕᐅᑦᓯᐊᓂᖏᑦ ᐱᒻᒪᕆᐅᕗᑦ ᐃᓄᒃ ᒪᒥᓪᓚᕆᖕᖏᑑᑐᐃᓐᓇᕆᐊᖃᕐᒪᑦ ᐳᕙᓪᓗᓂᕐᒥᓄᑦ ᐊᒻᒪᓗ:

• ᐳᕙᓪᓗᓯᒋᐊᓕᕐᕿᒍᓐᓇᑐᖅ.

  • ᖃᓂᒻᒪᒋᐊᓪᓚᕈᓐᓇᑐᖅ.

  • ᐃᓄᒃ ᐁᑦᑐᐃᓂᐅᔭᕆᐊᓪᓚᕈᓐᓇᑐᖅ ᐊᓯᒥᓂᒃ ᓯᐊᒻᒪᑎᑦᓯᓗᓂ ᐳᕙᓪᓗᓇᕐᓂᒃ.

• ᐳᕙᓪᓗᓇᖏᑦ ᐱᕈᕈᓐᓇᑐᑦ ᐄᒐᕐᓄᑦ ᐋᕐᕿᑕᐅᕐᖃᔦᕐᓗᑎᒃ.

  • ᐄᒐᕐᓄᑦ ᐋᕐᕿᑕᐅᕐᖃᔭᖕᖏᓂᖅ ᐊᑐᕐᑕᐅᓗᑭᓲᑦ ᐳᕙᓪᓗᓇᕐᑐᓂᒃ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᓱᒍᓐᓇᖏᕐᒪᑕ ᐊᒻᒪᓗ ᓯᕗᓪᓕᐹᒥᓂᒥᑦ ᐳᕙᓪᓗᓇᕐᒥᒃ ᒪᒥᓴᐅᑎᖃᕐᓯᒪᓂᕐᒥᓂᑦ ᖁᐱᕐᕈᐊᕈᕐᓂᒃ ᑐᖁᕃᕐᖃᔭᖕᖏᓂᕐᓴᐅᓯᓗᑎᒃ.

  • ᑌᒣᓚᕿᓲᑦ ᐳᕙᓪᓗᓀᑦ 'ᐃᓕᑦᓯᒪᑕ' ᖁᐱᕐᕈᐊᕈᕐᓂᒃ ᑐᖁᓭᒍᑎᓄᑦ ᖃᓄᖅ ᑐᖁᓚᕿᖕᖏᑑᒍᓐᓇᒪᖔᕐᒥᒃ.

• ᐊᑑᑎᓗᑭᓲᒍᖕᖏᑑᒐᓗᐊᖅ, ᐃᓄᒃ ᐱᒋᐊᓕᕐᕿᒋᐊᖃᕈᓐᓇᑐᖅ ᑐᖓᓕᕇᕝᕕᒦᑦᑐᖅ ᐱᒋᐊᓕᕐᕿᓗᒍ.

ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᒪᒥᓴᐅᑎᓂᒃ ᐱᔭᕇᕐᑐᖅ ᓄᖑᑦᓱᒋᑦ

ᕿᑲᕐᑐᓄᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ, ᒪᒥᓴᐅᑏᑦ ᓄᖑᑕᐅᒋᐊᖃᕐᓂᖏᑦ ᐱᒻᒪᕆᐅᕗᑦ ᐃᒣᓚᕿᒍᓐᓇᒪᑦ ᐱᔭᕇᖕᖏᑯᓂ.

ᐊᒥᓲᓗᐊᕐᑐᓂᒃ ᐅᓪᓗᓂᒃ ᐊᓪᓗᐃᑕᕐᓂᕈᓂ, ᐱᒋᐊᕐᕕᖓᓂᑦ ᐱᒋᐊᕐᓗᓂᐊᓪᓛᑦ ᐱᒋᐊᓕᕐᖁᒋᐊᖃᕋᔭᕐᑐᖅ ᒪᒥᓴᐅᑎᑐᕆᐊᓪᓚᓯᓗᓂ.

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐱᔭᕐᓃᓘᕈᑎᓕᒻᒥᒃ ᐱᔭᕇᒐᓱᐊᕆᐊᒥᒃ ᒪᒥᓴᐅᑎᒥᓂᒃ:

ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ

• ᐊᓕᐊᓪᓚᕆᑉᐳᖓ ᐃᑯᓪᓚᐅᒥᓯᒪᓕᕋᕕᑦ ᐄᒐᕐᑐᓯᓚᐅᔪᑦᓱᑎᑦ ᑭᓯᐊᓂ ᐱᒻᒪᕆᐅᖏᓐᓈᑐᖅ ᐃᓘᓐᓀᓂᑦ ᐄᒋᐊᓕᓐᓃᕕᑦ ᐋᓐᓂᐊᓯᐅᑎᐊᓘᑉ ᓇᓗᓀᕐᓯᒪᔭᖏᓐᓂᒃ ᐄᕐᖃᓯᐊᕆᐊᖃᕐᓃᑦ.

• ᐱᒻᒪᕆᐅᕗᖅ ᒪᒥᓴᐅᑎᓂᒃ ᓄᖒᑦᓯᓯᐊᕆᐊᖃᕐᓃᑦ ᐳᕙᓪᓗᓇᕐᒧᑦ ᐅᑎᕐᑕᐅᒍᓐᓇᕋᕕᑦ, ᐊᒻᒪᓗ ᖃᓂᒻᒪᓚᕿᒍᓐᓇᓱᑎᑦ ᐊᒻᒪᓗ ᓯᐊᒻᒪᑎᑦᓯᒋᐊᓪᓚᓯᓗᑎᑦ ᐳᕙᓪᓗᓇᕐᒥᒃ.

• ᐳᕙᓪᓗᓯᒋᐊᓪᓚᕈᓐᓇᓱᑎᓗ, ᐳᕙᓪᓗᓇᖅ ᐅᑎᕐᑐᖅ ᐱᒋᐊᓕᕐᕿᓱᓂ ᓲᔫᓂᕐᓴᐅᓯᒍᓐᓇᒪᑦ, ᑌᒪ ᖃᓂᒪᓂᕐᓴᐅᓂᐊᓕᕋᕕᑦ ᓯᕗᓪᓕᒥᓂᑦ ᐅᕝᕙᓘᓐᓃᑦ ᐳᕙᓪᓗᓀᑦ ᒪᒥᓴᕋᓱᐊᕆᐊᒥᒃ ᐱᔭᕐᓃᓕᓂᕐᓴᐅᓯᓗᓂ.

• ᑕᑯᒐᓱᐊᕈᓐᓇᐱᓄᒃ ᒪᒥᓴᕐᓂᒧᑦ ᐸᕐᓀᓯᒪᐅᑎᓐᓃᕕᑦ ᖃᐅᔨᒐᓱᐊᕐᓗᓄᑦ ᖃᓄᐃᓕᖓᓗᓂ ᐃᓕᓐᓄᑦ ᐱᐅᓂᕐᓴᐅᓂᐊᕐᒪᖔᑦ?

ᕿᑲᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ

• ᐊᑑᑎᔭᕐᓃᕕᑦ ᓯᓂᑦᑐᓂᒃ ᐳᕙᓪᓗᓇᕐᑕᖃᕐᓱᑎᑦ, ᖃᓄᐃᖕᖏᑐᖅ ᐅᓪᓗᓂ ᐃᑭᑦᑐᓂ ᐊᓪᓗᐃᓯᒪᒐᓗᐊᕈᕕᑦ ᑭᓯᐊᓂ ᐊᒥᓱᕕᓪᓗᑎᑦ ᐊᓪᓗᐃᖃᑦᑕᕈᕕᑦ ᐱᒋᐊᕐᕕᒋᓯᒪᔭᕐᓄᑦ ᐅᑎᕐᓗᑎᐊᓪᓛᑦ ᐱᒋᐊᓕᕐᕿᒋᐊᖃᓚᖓᒐᕕᑦ.

• ᖃᐅᔨᒪᔪᖓ ᑌᒣᒍᒪᖕᖏᓂᕐᓃᕕᑦ ᐊᒻᒪᓗ ᖁᔨᓇᖓ. ᒪᒥᓴᐅᑎᓂᒃ ᐱᔭᕇᑦᓯᐊᕈᑎᒋᓂᐊᕐᑕᓃᕕᑦ ᖃᓄᐃᓘᕆᐊᓪᓚᕈᓐᓇᐱᓄᒃ. ᐃᓄᐃᑦ ᐃᓚᖏᑦ ᐃᕐᙯᑎᑕᐅᒍᑎᒥᓂᒃ ᖃᕆᑕᐅᔮᐱᒥᓃᒃᑫᓱᑎᒃ ᐳᐃᒍᕐᑌᓕᒍᑎᖃᓲᑦ, ᑌᒣᓕᖓᓚᖓᑎᓗᒍ ᐋᕐᖀᒍᕕᓪᓕᑭᐊᖅ ᐱᑦᓯᐊᓂᕐᓴᐅᓯᓚᖓᕕᑦ?