ᓱᓇᐅᕙ

ᐊᑦᔨᒌᖕᖏᑐᓲᑦ ᐊᑐᕐᑕᐅᔪᑦ ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖃᕐᑎᓗᒍ:

• ᐃᓚᖓᓐᓂ ᐊᒥᓱᑦ ᐃᓄᐃᑦ ᓄᓇᓕᒥᐅᓕᒫᑦ ᖃᐅᔨᓴᕐᑕᐅᓲᑦ ᑭᓯᐊᓂ ᐃᓚᖓᓐᓂ ᐃᓄᐃᑦ ᐃᓚᖏᑦ ᑭᓯᐊᓂ ᖃᐅᔨᓴᕐᑕᐅᓲᒍᒻᒥᑎᓪᓗᒋᑦ..

• ᐃᓚᖓᓐᓂ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᕿᓂᓲᒍᔪᒍᑦ ᐊᒻᒪᓗ ᒪᑦᑖᑎᑦᓯᓱᑕ ᐊᑦᔨᓕᐅᕆᑦᓱᑕ ᐅᕝᕙᓘᓐᓃᑦ ᓄᕙᖏᓐᓂᒃ ᖃᐅᔨᓴᕐᓱᑕ.

• ᐃᓛᓐᓂ ᕿᓂᓲᒍᔪᒍᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐊᑐᕐᓱᒋᑦ ᐅᕕᓂᒻᒥᒃ ᖃᐅᔨᓴᕈᑏᑦ.

ᓱᒧᑦ ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᓲᒍᕕᑕ?

ᐃᓚᖓᓐᓂ ᐃᓄᐃᑦ ᓂᒪᕐᑐᓂᒃ ᐳᕙᓪᓗᓇᕐᑐᓖᑦ ᖃᓂᒪᒋᐊᒥᒃ ᐃᑉᐱᒍᓱᒐᓛᓲᒍᖕᖏᑐᑦ. ᖃᐅᔨᔭᐅᒍᓐᓇᓱᑎᒃ ᑭᓯᐊᓂ ᖃᐅᔨᓴᐅᑎᑎᒍᑦ ᐳᕙᓪᓗᓇᕐᑐᑕᖃᕐᒪᖔᑕ. ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖅ ᐃᓄᓐᓂᒃ ᖃᐅᔨᓚᕿᐅᑕᐅᓲᖅ ᖃᓂᒻᒪᓚᐅᕐᑎᓇᒋᑦ ᐳᕙᓪᓗᓱᑎᒃ.

ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖅ ᐊᑐᕐᓂᖃᕐᐳᖅ ᐃᓄᐃᑦ ᓂᒪᕐᑐᓂᒃ ᐳᕙᓪᓗᓀᑦ ᖁᐱᕐᕈᐊᕈᖏᓐᓂᒃ ᐱᑕᓕᓐᓂᒃ ᖃᓂᒻᒪᓚᐅᕐᑎᓇᒋᑦ ᐊᑑᑎᑲᐱᒍᓐᓇᓯᑦᓱᑎᒃ ᒪᒥᓴᕐᓂᒥᒃ. ᑌᒫᒃ ᐳᕙᓪᓗᓇᐅᑉ ᓯᐊᒻᒪᕕᑦᓴᖓ ᓯᕕᑭᓪᓕᑎᕐᓱᒍ.

ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖅ ᐊᑐᕐᓂᖃᕐᐳᖅ ᐃᓄᐃᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓖᑦ ᒪᒥᓴᕈᓐᓇᓯᓲᒍᒻᒪᑕ ᓂᒪᓯᓚᐅᕐᑎᓇᒍᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ, ᖃᓂᒪᒍᓐᓇᓯᒍᓐᓀᑎᑦᓱᒋᑦ.

ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖅ ᐱᒻᒪᕆᐅᕗᖅ ᑭᓇᓕᒫᒃᑯᓄᑦ ᑲᒪᖃᑕᐅᔪᓄᑦ ᓄᓇᓕᒥᐅᓕᒫᑦ ᐳᕙᓪᓗᓇᕐᑖᑌᓕᓂᖏᓐᓂᒃ.

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᒥ ᐊᑦᔨᓕᐅᕐᑕᐅᒋᐊᑐᖁᔭᐅᔪᒥᒃ ᒪᑦᑖᑎᑕᐅᒋᐊᕐᑐᖁᔭᐅᔪᒥᒃ.

ᓱᓇ/ᓱᒧᑦ

• ᕼᐁ! ᑌᒪ, ᐅᖃᐅᓯᖄᐱᓚᖓᔪᒍᒃ ᐃᓕᓐᓂᒃ ᓱᒧᑦ ᐅᖄᖃᑎᖃᕐᒪᖔᒻᒪ ᐅᓪᓗᒥ. ᐋᓐᓂᐊᓯᐅᑏᑦ ᐃᓕᓐᓂᒃ ᒪᑦᑖᑎᑕᐅᖁᔨᔪᑦ ᐊᑦᔨᓕᐅᕐᑕᐅᖁᔨᔪᑦ ᐃᓚᐅᑎᓗᒍ ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᒧᑦ.

• ᑭᖑᓂᕐᒥ ᑕᒫᓂ ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖃᕐᓯᒪᒻᒥᔪᒍᑦ. ᑌᒪᓕ, ᓄᓇᓕᓐᓂ ᖃᐅᔨᓴᕐᓂᖅ ᐊᑑᑎᑎᓗᒍ ᕿᓄᒍᑕᐅᖃᑦᑕᑐᖅ ᐊᒥᓱᓄᑦ ᐃᓄᓐᓄᑦ ᓄᓇᓕᓐᓂ ᒪᑦᑖᕆᐊᕐᑐᖁᔭᐅᑦᓱᑎᒃ ᐊᑦᔨᓕᐅᕐᑕᐅᒋᐊᕐᑐᓗᑎᒃ, ᖃᓂᒪᖕᖏᑑᒐᓗᐊᓂᒃ. ᑕᒪᓐᓇ ᑐᑭᖃᖕᖏᑐᖅ ᐳᕙᓪᓗᑑᑉ ᓴᓂᐊᓃᖃᑦᑕᕋᕖᓚᒍᑕᐅᒐᓂ, ᑭᓯᐊᓂ ᓄᓇᓕᓐᓂ ᐳᕙᓪᓗᓇᙯᓐᓈᒪᑦ, ᖃᐅᔨᓴᖃᑦᑕᑐᒍᑦ ᐊᒥᓱᓂᒃ ᐃᓄᓐᓂᒃ ᐳᕙᓪᓗᑐᓂᒃ ᐊᓪᓗᐃᑲᓪᓚᒍᒪᒐᑕ ᐃᓛᓂᐅᖕᖏᑐᖅ.

ᐱᕙᓪᓕᖁᑏᑦ

• ᓱᓇᒥᑦᑐᓂᒃ ᖃᐅᔨᓴᕐᓂᖅ ᐱᑦᔪᑎᖃᓪᓚᕆᑦᑐᖅ 'ᐳᕙᓪᓗᓇᕐᒥᒃ ᖃᐅᔨᑲᐱᒍᒪᓂᕐᒥᒃ'. ᑌᒣᒻᒪᑦ, ᖃᓄᖅ ᑕᒪᓐᓇ ᑐᑭᖃᕐᑎᒐᓱᐊᕐᑕᕋ? ᐳᕙᓪᓗᑑᑉ ᖃᐅᔨᔭᐅᑲᐱᒋᐊᖃᕐᓂᖓ ᐱᒻᒪᕆᐅᕗᖅ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᑎᒥᖓ ᓱᒃᑯᑕᐅᓚᕿᖕᖏᓂᕐᓴᐅᓂᐊᕐᒪᑦ, ᐄᒐᕐᑐᑕᐅᒋᐊᓖᑦ ᐃᑭᓐᓂᓴᐅᓲᑦ ᖃᐅᔨᔭᐅᑲᐱᑦᑐᓄᑦ ᐅᕝᕙᓘᓐᓃᑦ ᐊᑯᓂᐅᖕᖏᓂᕐᓴᖅ ᐄᕐᖃᕆᐊᖃᓚᕿᑦᓱᑎᒃ ᖃᐅᔨᔭᐅᑲᐱᒍᑎᒃ, ᐊᒻᒪᓗ ᐃᓄᓐᓄᑦ ᐊᓯᖏᓐᓄᑦ ᐳᕙᓪᓗᓇᖅ ᐁᑦᑑᑕᐅᒍᓐᓇᓯᖕᖏᓂᕐᓴᐅᓗᓂ.

• ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖅ ᐃᓚᐅᒻᒥᔪᖅ ᐊᑑᑎᑎᑕᐅᓲᓄᑦ ᓇᐅᓕᒫᒃᑯᑦ ᓄᓇᓕᓐᓂ ᐱᓇᓱᐊᖃᑎᒌᒍᓐᓇᓯᑎᓗᒋᑦ ᓄᓇᓕᕗᑦ ᐳᕙᓪᓗᓇᕐᑕᖃᕐᓂᐊᖏᒻᒪᑦ.

ᐃᓂᕐᑑᒪᒍᓐᓀᑎᒋᐊᕐᓗᒍ

• ᐃᓚᐅᓂᖅ ᖃᐅᔨᓴᕐᓂᒧᑦ ᐃᓱᒪᒥᐅᑎᒋᑦᓯᐊᑌᑦ, ᒍᒪᖕᖏᑯᕕᑦ ᖃᓄᐃᖕᖏᑐᖅ ᐊᔪᐃᓐᓇᑕᐅᖕᖏᑐᑎᑦ.

• ᑯᑮᖓᓚᑳᑦᑐᓴᐅᒐᕕᑦ ᖃᐅᔨᓴᕐᑕᐅᒋᐊᒥᒃ ᑐᑭᓯᒪᑦᓯᐊᑕᕋ ᑕᒪᓐᓇ ᑭᓯᐊᓂ ᐃᒫᒃ ᐃᓱᒪᖃᓲᒍᓂᕐᓴᐅᔪᖓ: ᖃᐅᔨᒋᐊᒥᒃ ᐱᐅᓂᕐᓴᖅ ᑐᑭᑖᑦᓯᐊᕈᓐᓇᕕᖃᕐᓂᓴᐅᓂᐊᕋᕕᑦ ᑐᖕᖓᕕᒋᓗᒋᑦ ᑐᑭᓯᐅᑎᑦᓴᑖᑎᑦ ᐊᒻᒪᓗ ᑭᖑᓂᖓᓂ ᑕᑕᒥᓐᓇᑐᒧᑦ ᐊᐳᑲᓪᓚᖏᓐᓂᓴᐅᓗᑎᑦ.