ᐳᕙᓪᓗᓇᕐᒥᒃ ᖃᐅᔨᓴᕈᑎᒃ
ᑐᓴᕐᑎᓯᓕᑌᓐᓇᕈᑏᑦ ᐳᕙᓪᓗᒪᖔᑦ ᖃᐅᔨᓴᕈᑎᓂᒃ
ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ
ᖃᐅᔨᓴᕐᑕᐅᔪᖅ ᕿᑲᕐᑐᓂᒃ ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᖃᕐᒪᖓᑦ (Red Book pg. 17)
ᓱᓇᐅᕙ
ᐳᕙᓪᓗᓇᕐᒥᒃ ᖃᐅᔨᓴᕈᑏᑦ ᕿᓂᕈᑕᐅᓲᑦ ᐳᕙᓪᓗᓇᕐᓂᒃ ᖁᐱᕐᕈᐊᕈᓯᓂᒃ ᐅᕝᕙᓘᓐᓃᑦ ᐳᕙᓪᓗᓇᕐᒥᒃ ᖃᓂᒪᓐᓇᑕᖃᕆᐊᖓ ᖃᐅᔨᒪᓇᕈᑎᖏᓐᓂᒃ ᑎᒥᐅᑉ.
ᐃᓄᒃ ᐋᓐᓂᐊᓯᐅᑎᒃᑯᓂ ᐳᕙᓪᓗᓇᕐᑐᑕᖃᕆᐊᖓ ᖃᐅᔨᓴᕐᑕᐅᒍᓐᓇᑐᖅ ᐱᑦᔪᑎᖃᕈᓂ ᐅᑯᐊ ᓇᓪᓕᖏᓐᓂᒃ:
ᒪᓗᓐᓇᐅᑎᓖᑦ.
ᓄᓇᓕᓐᓂ ᖃᐅᔨᓴᕐᓂᖃᕐᑎᓗᒍ ᖃᐅᔨᓴᕐᑕᐅᓚᖓᑎᓗᒋᑦ ᓇᓪᓕᑳᕐᑕᐅᓯᒪᔪᑦ.
ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓕᒻᒥᒃ ᑲᑎᒪᑦᓯᓂᕋᒥ ᖃᓂᑕᕆᑦᓱᒍ.
ᕿᓄᕕᐅᓯᒪᒐᒥ ᐳᕙᓪᓗᑐᕕᓂᐅᑦᓱᓂ ᑭᖑᓂᖓᒍᑦ ᖃᐅᔨᓴᕐᑕᐅᖁᔭᐅᑦᓱᓂ (ᐆᑦᑑᑎᒋᑦᓱᒍ SCR).
ᐱᓇᓱᕝᕕᒥᓂ ᖃᐅᔨᓴᕐᑕᐅᖁᔭᐅᓯᒪᒍᓂ.
ᐊᑦᔨᒋᖕᖏᑐᑦ ᖃᐅᔨᓴᕐᑕᐅᒍᑏᑦ ᕿᓂᕈᑎᐅᑦᓱᑎᒃ ᓯᓂᑦᑐᓂᒃ ᐳᕙᓪᓗᓇᕐᓂᒃ ᐱᑕᖃᕐᒪᖔᑕ ᐊᑦᔨᒋᔭᐅᒐᑎᒃ ᓂᒪᕐᑐᓂᒃ ᐳᕙᓪᓗᓇᕐᑕᓕᓐᓂᒃ ᖃᐅᔨᓴᕈᑎᓄᑦ.
ᓇᓪᓕᐊᒍᕙᑦ ᖃᐅᔨᓴᕈᑏᑦ ᐳᕙᓪᓗᑐᖃᕐᒪᖔᑦ? | ||
|---|---|---|
 ᐋᓐᓂᐊᓯᐅᑎᒃᑯᓂ ᓇᐅᑦᓯᑐᕐᑕᐅᒍᑎᑎᒍᑦ |  ᐅᕕᓂᒃᑯᑦ ᖃᐅᔨᓴᕈᑎᒃ |  ᒪᑦᑖᕈᑎᒃ ᐊᑦᔨᓕᐅᕆᒍᑎᒃ |
 ᓄᕙᒻᒥᒃ ᖃᐅᔨᓴᕈᑎᒃ |  ᐊᐅᖏᕐᑕᐅᔪᖅ | |
ᓱᒧᑦ ᐱᒻᒪᕆᐅᕙ ᖃᐅᔨᓴᕐᑕᐅᒋᐊᖃᕐᓂᖅ?
ᐳᕙᓪᓗᓇᖅ ᐱᕈᕈᓐᓇᑐᖅ ᖃᓂᒻᒪᓯᒻᒪᕆᖕᖑᓗᓂ ᒪᒥᓴᕐᑕᐅᒍᑎᐅᖕᖏᑯᓂ.
ᐳᕙᓪᓗᓇᖅ ᒪᓗᓐᓇᐅᑎᑕᖃᖕᖏᑑᒍᓐᓇᑐᖅ ᑌᒪ ᐃᓄᒃ ᐳᕙᓪᓗᓗᓂ ᖃᐅᔨᒪᓂᐊᕈᓐᓀᒪᑦ.
ᕿᑲᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᒪᓗᓐᓇᐅᑎᖃᖕᖏᑐᑦ.
ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᑎᕐᓕᐊᓯᓯᑎᐅᒍᓐᓇᒥᔪᑦ ᒪᓗᓐᓇᐅᑎᑕᖃᕋᑎᒃ.
ᖃᐅᔨᔭᐅᑲᐱᑦᑐᑦ ᐊᒻᒪᓗ ᒪᒥᓴᕐᑕᐅᑲᐱᑦᑐᑦ ᐳᕙᓪᓗᓱᑎᒃ ᐃᒣᓚᕿᒍᓐᓇᑐᑦ:
ᒪᒥᓴᕐᓂᖓ ᓀᓐᓂᓴᐅᓚᖓᔪᖅ.
ᐄᒐᕐᑐᕆᐊᖃᖕᖏᓂᕐᓴᐅᓚᖓᔪᖅ.
ᖃᓂᒪᖕᖏᓂᕐᓴᐅᓚᖓᔪᖅ ᐅᕝᕙᓘᓐᓃᑦ ᖃᓂᒪᓗᐊᖕᖏᓂᕐᓴᐅᓗᓂ.
ᐁᑦᑐᑐᐃᖕᖏᓂᕐᓴᐅᓗᓂ ᐳᕙᓪᓗᓇᕐᒥᒃ ᐃᓚᒥᓂᒃ, ᐃᓚᓐᓈᒥᓂᒃ, ᐊᒻᒪᓗ ᓄᓇᓕᓐᓂᒃ.
ᐃᓄᒃ ᓱᒋᐊᖃᕋᔭᕐᑐᖅ ᐅᑕᕐᕿᓗᓂ ᖃᐅᔨᓴᕐᑕᐅᒍᑎᕕᓂᕐᒥᓂᒃ?
ᐳᐃᒍᕐᑌᓕᒋᐊᒥᒃ ᐱᐅᔪᖅ ᐳᕙᓪᓗᓇᖅ ᖃᓂᒪᓐᓇᓚᕆᐅᒐᓗᐊᖅ, ᐃᓘᓐᓈᒍᑦ ᐊᖏᓕᕙᓪᓕᐊᓂᖓ ᓱᒃᑫᓂᕐᓴᐅᓲᖅ. ᑕᒪᓐᓇ ᑐᑭᓕᒃ ᐃᓅᑉ ᖃᐅᔨᓴᕐᑕᐅᒍᑎᕕᓂᕐᒥᓂᒃ ᐅᑕᕐᕿᓂᖓ ᖃᓄᐃᓕᖕᙰᓗᐊᕐᓯᒪᖕᖏᑐᖅ ᒪᒥᑉᐸᓕᐊᓚᖓᓂᖓᓂᒃ.
PHO-ᒍᓂᕐᓅᕕᑦ, ᐃᓄᒻᒥᒃ ᐃᕐᙯᑎᑦᓯᒍᓐᓇᑐᑎᑦ ᖃᐅᔨᓴᕐᑕᐅᒋᐊᕐᑐᑐᐃᓐᓇᓱᓂ ᐱᐅᔪᒥᒃ ᐊᑑᑎᑎᑦᓯᓯᐊᕇᕐᓂᖓᓂᒃ ᖃᓄᐃᖕᖏᑑᒋᐊᓚᖓᓯᓂᕐᒥᓂᒃ ᐃᑲᔪᕐᓯᒪᐅᑎᖃᕐᓱᓂ.