ᓱᓇᐅᕙ

ᐊᓇᕐᕋᒥ ᐃᓄᑐᐊᒃᑯᕕᒻᒦᓂᖅ ᑐᑭᖓ ᐊᓇᕐᕋᓯᒪᑐᐃᓐᓇᕆᐊᓕᒃ ᐃᓄᑦᑕᖃᓲᓅᕐᖃᔭᕋᓂ (ᐆᑦᑐᑏᒃ ᑯᐊᐸᒃᑯᓄᑦ ᐅᕝᕙᓘᓐᓃᑦ ᓄᓇᓖᑦ ᑲᑎᒪᕕᖓᓄᑦ). ᐃᓄᒃ ᐳᓛᕆᐊᕐᑕᐅᖃᔭᖕᖏᑐᖅ ᐊᓇᕐᕋᓯᒪᓗᓂ ᐅᕝᕙᓘᓐᓃᑦ ᐳᓛᕆᐊᕐᖃᔭᕋᓂ.

ᐃᓄᐃᒃ ᐃᓄᑐᐊᒃᑯᕕᒻᒦᑐᑦ ᐋᓐᓂᐊᓯᐅᑎᒃᑯᓄᑦ ᙯᖃᑦᑕᕈᓐᓀᓈᕐᑐᑦ ᐅᕝᕙᓘᓐᓃᑦ ᖃᐅᔨᓴᕐᑕᐅᒋᐊᕐᑐᑐᑦ ᐊᒻᒪᓗ ᐋᓐᓂᐊᓯᐅᑎᒃᑯᓃᓕᕈᑎᒃ ᒪᑐᒪᐅᓯᔭᖃᕐᑕᓗᑎᒃ ᕿᖓᖏᑦ ᖃᓂᖏᓪᓗ.

ᐊᓇᕐᕋᒥᓂ ᐃᓄᑐᐊᒃᑯᕕᒻᒦᒍᑎᑦ ᐱᐅᓂᕐᓴᐅᓂᕋᕐᑕᐅᓲᑦ ᐃᒣᑦᑑᒪᑕ:

• ᐳᕙᓪᓗᓇᕐᒥᒃ ᖃᓂᒪᒍᑎᖃᕐᓗᓂ ᐃᓄᒃ ᐋᓐᓂᐊᕕᒻᒦᓗᓂ ᑲᒪᒋᔭᐅᒋᐊᖃᖕᖏᑐᖅ.

• ᐃᓄᒃ ᐊᖏᕐᓯᒪᔪᖅ ᐃᓪᓗᒥᐅᑕᒥᓂᒃ ᐊᖏᖃᑎᖃᓚᖓᒋᐊᒥᒃ ᐳᕙᓪᓗᓂᕋᕐᑕᐅᓱᓂ ᐋᓐᓂᐊᓯᐅᑎᐊᓗᒻᒧᑦ.

• ᐃᓄᒃ ᐊᖏᕐᓯᒪᔪᖅ ᒪᒥᓴᕐᓗᓂ ᐸᕐᓀᓯᒪᐅᑎᒥᓂᒃ.

• The person and their household agree to respect the isolation plan.

• ᐳᕙᓪᓗᓇᓕᕆᔩᑦ ᓄᓇᓖᑦ ᐋᓐᓂᐊᓯᐅᑎᒃᑯᖏᓐᓃᑐᑦ ᒪᓂᔨᓯᒪᒍᓐᓇᑐᑦ ᐃᑲᔪᕐᓯᒪᐅᑎᐅᒋᐊᓕᓐᓂᒃ ᐃᓄᒻᒥᒃ ᐊᓇᕐᕋᓯᒪᑦᓱᑎᒃ ᐃᓄᑐᐊᒃᑯᕕᒻᒦᑐᒥᒃ.

ᐃᓅᑉ ᐃᓅᓯᖓ ᐸᕝᕕᑎᑕᐅᖕᖏᓂᕐᓴᐅᖃᑦᑕᕈᓐᓇᒪᑦ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᓗᓂ, ᐳᕙᓪᓗᓇᓕᕆᔩᑦ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᒍᓐᓇᑎᑦᓯᒋᐊᓚᖓᔪᑦ.

ᐃᓅᑉ ᐊᓇᕐᕋᒥᐅᑕᖏᑦ ᐃᓚᐅᑉᐸᑕ ᐅᖃᐅᓯᕆᔭᐅᑎᓗᒍ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᒍᓐᓇᓚᖓᓂᖓ ᐱᐅᓂᕐᓴᐅᓚᖓᔪᖅ ᖃᓄᐃᓕᖕᖓᑕᐅᖃᑕᐅᒐᒥᒃ!

ᐊᓇᕐᕋᓯᒪᑦᓱᓂ ᐃᓄᑐᐊᒃᑯᕕᒻᒦᒋᐊᓕᒃ ᐃᓱᐃᑦᑑᑐᐃᓐᓇᕆᐊᓕᒃ ᐃᓄᒃ ᐃᑲᔪᕐᑕᐅᒋᐊᖃᖃᑦᑕᓚᖓᒻᒪᑦ ᓂᕆᒋᐊᖃᓕᕈᓂ ᐊᒻᒪᓗ ᐊᓯᖏᓐᓂᒃ ᐊᑐᕐᑕᐅᓲᓂ ᑭᖕᖒᒪᑦᓯᓕᕈᓂ. ᐃᓄᐃᑦ ᐅᖃᐅᓯᖃᖃᑦᑕᓯᒪᒻᒥᔪᑦ ᐃᓄᐃᓴᖃᑦᑕᕆᐊᒥᒃ ᐃᑉᐱᒍᓱᓐᓂᒥᒃ ᐅᕝᕙᓘᓐᓃᑦ ᓱᓇᓱᐊᕋᑦᓭᓘᖃᑦᑕᕆᐊᒥᒃ ᐊᒻᒪᓗ ᐊᐅᑳᕆᐊᒥᒃ ᐃᓅᖃᑎᒥᓂᒃ ᐱᔭᕐᓃᑑᓂᕃᑦᓱᑎᒃ.

ᐃᓄᐃᑦ ᐃᓄᑐᐊᒃᑯᕕᒻᒦᑐᑦ ᐊᓇᕐᕋᒥᓂ ᑫᓪᓗᑐᕐᑕᐅᒋᐊᓖᑦ ᐃᒣᖃᑦᑕᖁᔭᐅᓗᑎᒃ:

• ᐃᓄᑑᓗᑎᒃ ᐃᓪᓗᐊᕈᓯᕐᒥ ᓯᓂᖃᑦᑕᓗᑎᒃ (ᐱᕕᖃᕈᑎᒃ).

• ᒪᑐᒪᐅᓯᔭᖃᑦᑕᓗᑎᒃ ᕿᖓᒃᑯᑦ ᖃᓂᒃᑯᓗ ᐃᓪᓗᒥᐅᑕᒥᑕ ᐁᑦᑐᓂᐅᔭᕐᑕᒥᑕ ᓴᓂᐊᓃᓕᕈᑎᒃ (ᐆᑦᑑᑏᑦ ᑲᒃᑲᓛᑦ 5 ᐊᑖᓂ ᐅᑭᐅᓖᑦ ᐅᕝᕙᓘᓐᓃᑦ ᐃᓄᐃᑦ ᓴᐴᓗᑕᖏᑦ ᓴᖕᖐᓂᕐᓭᑦ).

• ᐊᓇᕐᕋᒥᓂ ᐃᒐᓛᒥᒃ ᐅᒃᑯᐃᓯᖃᑦᑕᓗᑎᒃ ᓂᐅᕋᑦᓴᖅ ᓄᑕᐅᓪᓕᑎᕆᐊᕐᓗᒍ (ᓯᕐᓛᐱᐅᒐᓗᐊᕐᐸᑦ, ᐊᒥᓱᕕᒍᓐᓀᓗᑎᐅᓐᓃᑦ ᐅᓪᓗᑕᒫᑦ).

• ᕿᓄᕕᒋᖃᑦᑕᓗᒋᑦ ᐃᓚᓐᓈᖏᑦ ᐅᕝᕙᓘᓐᓃᑦ ᐃᓚᖏᑦ ᐊᑐᕋᑦᓴᖏᓐᓂᒃ ᑭᒡᒐᓕᕋᖃᑦᑕᖁᓗᒋᑦ (ᓂᕆᓚᖓᔭᖏᑦ).

• ᓯᓚᒥ ᓱᖃᑦᓯᖃᑦᑕᓗᑎᒃ ᐊᓯᒥᑕ ᐃᓄᐃᑦ ᓴᓂᐊᓅᕐᑌᓕᓗᑎᒃ.

ᐃᓄᐃᑦ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᑐᑦ ᐃᒣᖃᑦᑕᕆᐊᖃᖕᖏᑐᑦ:

• ᐱᓇᓱᐊᕆᐊᕐᓗᑎᒃ, ᐃᓕᓴᕆᐊᕐᓗᑎᒃ, ᐅᕝᕙᓘᓐᓃᑦ ᐯᕆᑦᓯᕕᓕᐊᕐᓗᑎᒃ.

• ᐃᓄᐃᑦ ᑲᑎᒪᕕᒋᓲᖏᓐᓄᑦ ᐃᑎᖃᑦᑕᕈᓐᓀᓗᑎᒃ (ᓄᓇᓕᓐᓂ ᑲᑎᒪᕕᒻᒧᑦ, ᑯᐊᐸᒃᑯᓄᑦ/ᓄᐊᔭᓐᒧᑦ, ᑐᑦᓯᐊᕕᒻᒧᑦ).

• ᐳᓚᕋᖃᑦᑕᕈᓐᓀᓗᑎᒃ ᐊᓇᕐᕋᕆᔭᕐᓄᑦ ᐅᕝᕙᓘᓐᓃᑦ ᐃᓪᓗᐊᐱᖏᓐᓄᑦ.

• ᐳᓚᕋᖃᑦᑕᕈᓐᓀᓗᑎᒃ ᐊᓇᕐᕋᕆᔭᕐᓄᑦ ᐅᕝᕙᓘᓐᓃᑦ ᐃᓪᓗᐊᐱᖏᓐᓄᑦ.

• ᓄᓇᓕᓐᓄᑦ ᐊᓯᖏᓐᓄᑦ ᐊᐅᓪᓚᖃᑦᑕᕈᓐᓀᓗᑎᒃ.

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᓯᓂᕐᒥᓂᒃ ᐱᒋᐊᓯᔪᒥᒃ:

ᐃᓂᕐᑑᒪᒍᓐᓀᑎᒋᐊᕐᓗᒍ

• ᑕᒪᑐᒥᖓ ᐅᖃᐅᓯᖃᓪᓛᐱᓯᒪᑐᐃᓐᓇᕆᐊᖃᕐᑐᒍᒃ, ᑭᓯᐊᓂ ᐃᓄᑐᐊᒃᑯᕕᒻᒦᒋᐊᖃᓲᑦ ᑭᓇᑐᐃᓐᓇᑯᑦ ᐋᓐᓂᐊᓯᐅᑎᐊᓗᒻᒧᑦ ᓱᕐᖁᐃᑕᐅᔪᑦ ᓂᕐᒪᑐᓂᒃ ᐳᕙᓪᓗᓇᕐᑕᖃᕆᐊᖏᑦ, ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᓯᐊᒻᒪᑎᑕᐅᒍᓐᓇᑐᑦ ᐊᓯᓐᓅᕕᑦ ᐃᓄᓐᓅᖃᕐᓗᑎᒃ.

• ᐋᓐᓂᐊᓯᐅᑎᐊᓗᒃ ᐊᒻᒪᓗ ᐋᓐᓂᐊᓯᐅᑏᑦ ᐃᓱᒪᔪᑦ ᐃᓕᓐᓄᑦ ᓈᒻᒪᒋᐊᖓᓂᒃ ᐊᓇᕐᕋᓯᒪᓗᑎᑦ ᐃᓄᑐᐊᒃᑯᕕᒻᒦᖃᑦᑕᕈᕕᑦ ᐳᕙᓪᓗᓃᑦ ᖃᓄᑐᐃᓐᓇᖅ ᖃᓂᒻᒪᓯᕐᑕᖃᕐᑎᓯᒋᐊᓪᓚᖏᒻᒪᑦ ᑎᒥᓐᓃᕕᑦ ᐅᓪᓗᓕᒫᖅ ᐃᑉᐱᒋᔭᐅᖏᓐᓇᕆᐊᖃᓚᖀᒐᓂ - ᐆᑦᑑᑎᒋᓗᒍ ᐋᓐᓂᐊᕕᒻᒥ.

ᓱᓇ/ᓱᒧᑦ

• ᐊᓇᕐᕋᒥ ᐃᓄᑐᐊᒃᑯᕕᒻᒦᓂᖅ ᑕᑭᓂᖃᕙᓪᓗᓲᖅ ᐅᓪᓗᓂ 14-ᓂ ᑕᑭᓂᕐᓴᐅᒍᓐᓇᓲᒍᑦᓱᓂᓗ.

• ᑐᑭᑖᕆᓂᖅ ᐊᓇᕐᕋᒥ ᐃᓄᑐᐊᒃᑯᕕᒻᒦᓚᖓᔪᒥᒃ ᐃᓚᓕᒃ ᐃᓱᒪᒋᔭᕐᓃᕕᑦ ᐱᐅᓂᕐᐸᐅᒋᐊᖓ ᐊᒻᒪᓗ ᐃᓚᑉᐱᑦ ᐃᓱᒪᒋᔭᖏᓐᓂᒃ ᐱᐅᓂᕐᐸᐅᒋᐊᖓ ᐃᓚᖃᕐᓱᓂ. ᐃᓱᕐᕆᕕᑦ ᖃᐅᔨᒪᒐᓗᐊᕐᐸᑕ ᐳᕙᓪᓗᕆᐊᕐᐱᑦ?

• ᑐᑭᓯᓇᕐᑎᒋᐊᓪᓚᓚᖓᔭᕋ ᐊᓇᕐᕋᒥ ᐃᓄᑐᐊᒃᑯᕕᒻᒦᓂᖅ, ᒐᓗᐊᕈᒪ ᖃᖓᑐᐃᓐᓇᖅ ᐊᐱᕐᓲᑎᑦᓴᖃᕈᕕᑦ ᐊᐱᕐᓱᕈᓐᓇᓯᐊᕐᑐᑎᑦ.

• ᑕᒐ, ᐃᓄᑐᐊᒃᑯᕕᒻᒦᓂᕐᓃᕕᑦ, ᑭᓇᑐᐃᓐᓇᑯᓐᓄᑦ ᐳᓛᕆᐊᖃᑦᑕᕆᐊᖃᓚᖓᖕᖏᑐᑎᑦ ᐅᕝᕙᓘᓐᓃᑦ ᐃᓪᓗᐊᐱᒋᔭᐅᔪᓅᖃᑦᑕᕆᐊᖃᕐᓇᒃ ᐅᕝᕙᓘᓐᓃᑦ ᐊᓯᖏᓐᓄᑦ ᐃᓄᑦᑕᖃᓲᓄᑦ, ᐆᑦᑑᑎᒋᓗᒋᑦ ᑯᐊᐸᒃᑯᓄᑦ ᐅᕝᕙᓘᓐᓃᑦ ᐱᓇᓱᕝᕕᓄᕕᑦ. ᑭᓇᓘᓐᓃᑦ ᐃᓕᑦᓯᓄᑦ ᐳᓛᕆᐊᖃᑦᑕᕆᐊᖃᓚᖓᖕᖏᑐᖅ. ᑕᒪᓐᓇ ᐃᓚᖃᓚᖓᔪᖅ ᑭᓇᓘᓐᓃᑦ ᐃᓚᓐᓃᕕᑦ ᐃᓕᑦᓯᓃᑦᑐᒧᑦ ᐳᓛᕆᐊᖃᑦᑕᕆᐊᖃᓚᖓᖕᖏᒥᒻᒪᑦ.

• ᐃᒣᓕᖓᒻᒪᑦ, ᐊᓇᕐᕋᓯᒪᖃᑦᑕᓂᐊᕐᑐᑎᑦ, ᐋᓐᓂᐊᓯᐅᑎᒃᑯᓕᐊᖃᑦᑕᓗᑎᓗ (ᐄᒉᑐᕐᓗᑎᑦ ᐅᕝᕙᓘᓐᓃᑦ ᖃᐅᔨᓴᕐᑕᐅᒋᐊᕐᑐᓗᑎᑦ) ᐅᕝᕙᓘᓐᓃᑦ ᓯᓚᒦᖃᑦᑕᓗᑎᑦ ᐆᑦᑑᑎᒋᓗᒍ ᒪᙯᓪᓗᑎᑦ ᐅᕝᕙᓘᓐᓃᑦ ᓄᓂᕙᓪᓗᑎᑦ (ᓄᑭᖃᑦᓯᐊᕈᕕᑦ ᑌᒣᒍᓐᓇᓗᑎᑦ).

ᒪᑐᒪᐅᑎᒃ ᖃᓂᕐᒥᒃ ᕿᖓᕐᒥᓗ

• ᐃᓄᑐᐊᒃᑯᕕᒻᒦᓕᕈᕕᑦ, ᖃᖓᑐᐃᓐᓇᖅ ᙯᒋᐊᖃᕈᕕᑦ ᐋᓐᓂᐊᓯᐅᑎᒃᑯᓄᑦ ᐄᒉᑐᕐᓗᑎᑦ ᐅᕝᕙᓘᓐᓃᑦ ᖃᐅᔨᓴᕐᑕᐅᒋᐊᕐᑐᓗᑎᑦ, ᐋᓐᓂᐊᓯᐅᑏᑦ ᒪᑐᓯᒪᐅᑎᖓᓂᒃ ᐊᑐᖃᑦᑕᕆᐊᖃᓚᖓᔪᑎᑦ.

ᓇᓗᓀᕐᓯᓂᖅ ᐃᑲᔪᕐᑎᓴᓂᒃ

• ᐊᓯᖏᑦ ᐃᓄᐃᑦ ᐊᓇᕐᕋᒥᓂ ᐃᓄᑐᐊᒃᑯᕕᒻᒦᓯᒪᔪᑦ ᐊᕐᓱᕈᓐᓇᑑᓯᒪᓂᕃᔪᑦ ᓇᓂᔨᒐᓱᐊᕆᐊᒥᒃ ᓂᕿᓯᒋᐊᕐᑐᑐᑦᓴᒥᒃ ᐊᒻᒪᓗ ᑭᖕᖒᒪᓇᕐᑐᓂᒃ ᐊᓯᖏᓐᓂᒃ ᓂᐅᕕᕆᐊᕈᑦᔨᔪᑦᓴᒥᒃ. ᐃᓱᒪᒋᔭᖃᕐᐱᑦ ᑭᓇᒧᑦ ᑭᒡᒐᐅᖁᔭᐅᖃᑦᑕᓂᐊᕐᒪᖔᑉᐱᑦ?

• ᐱᓇᓱᐊᕆᐊᕐᖃᔭᖃᑦᑕᓂᐊᖕᖏᒥᔪᑎᑦ ᐃᓄᑐᐊᒃᑯᕕᒻᒦᓂᕐᓃᕕᑦ. ᐃᑲᔪᕈᑎᑦᓴᒥᒃ ᒪᓂᔨᒍᓐᓇᐱᑕ ᐃᓕᓐᓄᑦ, ᐆᑦᑑᑎᒋᓗᒍ ᐱᓇᓱᕝᕕᓅᕕᑦ ᐊᓪᓚᒍᑦᔭᐅᓗᑎᑦ?

• ᐊᓇᕐᕋᓃᕕᑦ ᐃᓄᑑᓗᑎᑦ ᐃᓪᓗᐊᕈᓯᒥ ᓯᓂᒍᓐᓇᖃᑦᑕᓚᖓᕕᑦ? ᐅᒃᑯᐃᓯᖃᑦᑕᓚᖓᕕᑦ ᐃᒐᓛᒥᒃ ᐃᓛᓐᓂ ᓂᐅᕋᑦᓴᖅ ᓄᑕᐅᓪᓕᑎᕆᐊᕐᓗᒍ?

ᑕᑯᖃᑦᑕᓂᒃ ᐃᓄᓐᓂᒃ ᐊᒻᒪᓗ ᐱᓇᓱᐊᕋᑦᓭᑦ

• ᐋᓐᓂᐊᓯᐅᑎᒧᑦ ᐃᓄᑐᐊᒃᑯᕕᒻᒦᓃᑦ ᐊᓂᒍᕐᓂᕋᕐᑕᐅᐸᑦ, ᐁᑦᑐᐃᓂᐅᔭᕈᓐᓀᕋᕕᑦ ᐱᓇᓱᐊᓲᕐᓅᕕᑦ ᐅᑎᕈᓐᓇᓕᕐᑐᑎᑦ ᖃᓄᐃᖕᖏᒋᐊᒥᒃ ᐃᑉᐱᒍᓱᒃᑯᕕᑦ ᐊᒻᒪᓗ ᓄᑭᖃᑦᓯᐊᕈᕕᑦ. ᑐᑭᖓ ᒪᑐᒪᐅᑎᒥᒃ ᐊᑐᖃᑦᑕᕆᐊᖃᕈᓐᓀᑐᑎᑦ ᐊᒻᒪᓗ ᐃᓱᒫᓗᒋᐊᖃᕈᓐᓀᓱᑎᑦ ᐅᖄᒋᐊᒥᒃ ᐊᒻᒪᓗ ᐊᓂᕐᑎᕆᒋᐊᒥᒃ ᐃᓄᐃᑦ ᓴᓂᖏᓐᓂ.

• ᐊᓕᐊᓇᖅ. ᑌᒫᕌᓗᒃ ᐊᓂᒍᐃᑦᓯᐊᐳᑎᑦ. ᐊᐱᕐᓲᑎᑦᓴᖃᕐᐱᑦ ᐅᕙᓐᓂᒃ ᐅᕝᕙᓘᓐᓃᑦ ᐋᓐᓂᐊᓯᐅᑎᒧᑦ?