ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ

• ᓇᓗᓀᕐᑕᐅᓂᖏᑦ ᐃᓱᒫᓘᑏᑦ ᐊᒻᒪᓗ ᐃᑲᔪᕐᓯᐅᑎᑦᓭᑦ (Red Book pg. 23)

• ᐳᕙᓪᓗᓇᐅᑉ ᖁᐃᓇᒋᔭᐅᓂᖓ

• ᓂᒪᕐᑐᑦ ᐳᕙᓪᓗᓀᑦ

• ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ ᑐᖓᓕᕇᓂ 1-ᒍᒍᑎᖓ

ᓱᓇᐅᕙ

ᐃᓄᑐᐊᒃᑯᕕᒻᒦᓂᖅ ᑐᑭᖓ ᐊᓯᑉᐱᑦ ᐃᓄᐃᑦ ᓴᓂᐊᓃᖃᑦᑕᕈᓐᓀᓗᑎᑦ (ᐊᓇᕐᕋᓯᓐᓂ ᐅᕝᕙᓘᓐᓃᑦ ᐋᓐᓂᐊᕕᒻᒥ) ᐳᕙᓪᓗᓇᕐᒥᒃ ᓯᐊᒻᒪᑎᑦᓯᑌᓕᓗᑎᑦ. ᑌᒣᒋᐊᖃᓲᑦ ᐊᒥᓲᓂᕐᓭᑦ ᐃᓄᐃᑦ ᐅᖃᐅᑎᔭᐅᕋᑖᕐᓱᑎᒃ ᓂᒪᕐᑐᓂᒃ ᐳᕙᓪᓗᓇᕐᑕᖃᕆᐊᖏᑦ. ᑕᒪᓐᓇ ᑌᒣᓕᖓᓲᖅ ᓂᒪᕐᑐᓂᒃ ᐳᕙᓪᓗᓇᕐᑐᓕᒻᒥ, ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᐁᑦᑑᑕᐅᒍᓐᓇᒪᑕ ᐊᒻᒪᓗ ᓯᐊᒻᒪᕈᓐᓇᓱᑎᒃ ᐊᓯᓐᓅᕕᑦ ᐃᓄᓐᓄᑦ.

ᓄᑕᕃᑦ ᐊᒻᒪᓗ ᑲᒃᑲᓛᑦ ᓂᒪᕐᑐᓂᒃ ᐳᕙᓪᓗᓇᕐᑐᑕᓖᑦ ᐁᑦᑐᐃᒐᑐᖕᖏᓂᕐᓭᑦ ᐊᒻᒪᓗ ᐃᓘᓐᓈᒍᑦ ᐃᓄᑐᐊᒃᑯᕕᒻᒦᖏᒃᑲᓗᐊᕈᑎᒃ ᖃᓄᐃᒐᑎᒃ.

ᐃᓄᐃᑦ ᐅᖃᐅᑎᔭᐅᔪᑦ ᕿᑲᕐᑐᓂᒃ ᐳᕙᓪᓗᓇᕐᑐᖃᕆᐊᖏᑦ ᐃᓄᑐᐊᒃᑯᕕᒻᒦᖏᒃᑲᓗᐊᕈᑎᒃ ᖃᓄᐃᖕᖏᑐᑦ.

ᐃᓄᒻᒪᕇᑦ ᐊᒻᒪᓗ ᓂᑉᐱᓴᕐᑐᑦ ᓂᒪᕐᑐᓂᒃ ᐳᕙᓪᓗᓇᕐᑐᑕᓖᑦ ᑖᒃᑯᐊᓗᐊᖕᖑᐊᒍᓲᑦ ᐃᓄᑐᐊᒃᑯᕕᒻᒦᒋᐊᖃᕐᓱᑎᒃ ᒪᒥᓴᕈᑎᒋᓂᐊᕐᑕᖏᑦ ᐱᒋᐊᕐᑎᓗᒋᑦ.

ᐃᑉᐱᒋᔭᐅᓪᓚᕆᓲᑦ

• ᐃᓄᒃ ᐱᒋᐊᓚᖓᔪᖅ ᓂᒪᕐᑐᓂᒃ ᐳᕙᓪᓗᓇᕐᑐᑕᖃᕐᓂᒥᓄᑦ ᒪᒥᓴᕐᓂᒥᒃ ᐃᓄᑐᐊᒃᑯᕕᒻᒦᓕᕐᓗᓂ.

• ᑭᓇᑐᐃᓐᓇᖅ ᐊᓇᕐᕋᒥᓂ ᐋᓐᓂᐊᕕᒻᒥᓘᓐᓃᑦ ᐃᓄᑐᐊᒃᑯᕕᒻᒦᑐᖅ ᓯᓚᒨᕈᓐᓀᓈᓲᖅ. ᐳᕙᓪᓗᓇᖅ ᓯᐊᒻᒪᓂᐅᔭᖕᖏᒪᑦ ᓯᓚᒥ ᓂᐅᕋᑦᓴᑕᓕᒻᒥ ᐊᖏᔪᒥᒃ.

  
  

• ᑕᑭᓂᖓ ᐃᓄᑐᐊᒃᑯᕕᒻᒦᒋᐊᖃᕐᓂᐅᑉ ᓱᕐᖁᐃᑕᐅᒋᐊᖃᓲᖅ ᐋᓐᓂᐊᓯᐅᑎᐊᓗᒻᒧᑦ.

  • ᐃᓄᑐᐊᒃᑯᕕᒻᒦᒋᐊᖃᓲᑦ ᐃᒣᓪᓗᐊᑐᕙᓪᓗᓂ ᐅᓪᓗᓂ 14-ᓂᑦ 28-ᓄᑦ.

  • ᑕᑭᓂᖓ ᐃᓄᑐᐊᒃᑯᕕᒻᒦᓂᐅᑉ ᐋᕐᕿᑕᐅᓯᒪᓲᖅ ᐅᑯᐊ ᐃᑉᐱᒋᑦᓱᒋᑦ:

    • ᐃᓄᒃ ᐃᓘᓐᓀᓂᒃ ᐄᖃᑦᑕᕆᐊᓕᒥᓂᒃ ᐄᒐᖃᕐᐸ?

    • ᐃᓄᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᓄᑦ ᓱᒃᑯᑕᐅᓚᕿᓐᓇᑐᓂᒃ ᖃᓄᐃᓕᖕᖓᓂᕐᓗᑕᐅᓯᒪᕙ?

    • ᐃᓅᑉ ᖃᓄᐃᒍᓐᓀᐸᓪᓕᐊᓂᖓ ᑕᑯᑦᓴᐅᓕᕐᖃ ᐅᕝᕙᓘᓐᓃᑦ ᐃᑯᓪᓚᐅᒥᓂᕐᒥᓂᒃ ᐃᑉᐱᒍᓱᓕᕐᖃ?

ᐃᓅᖃᑎᒥᓂᒃ ᑕᑯᖃᑦᑕᓂᖅ ᐊᒻᒪᓗ ᓂᒪᕈᓐᓇᓯᓂᖏᑦ

ᐃᓄᑐᐊᒃᑯᕕᒻᒦᒋᐊᖃᕐᓂᖓ ᐊᓂᒍᕐᐸᑦ, ᐃᓄᒃ ᐁᑦᑐᐃᓂᐅᔭᕈᓐᓀᓚᖓᔪᖅ. ᑐᑭᖓ ᐱᓇᓱᐊᓲᒥᓄᑦ ᐅᑎᕈᓐᓇᓯᔪᖅ ᑕᑯᒍᓐᓇᓯᑦᓱᓂᓗ ᐃᓅᖃᑎᒥᓂᒃ ᑲᑎᒪᖃᑦᑕᓯᒪᔭᒥᓂᒃ ᓂᒪᕐᑐᓂᒃ ᐳᕙᓪᓗᓀᑦ ᖁᐱᕐᕈᐊᕈᖏᓐᓂᒃ ᐱᑕᑦᓯᓚᐅᕋᓂ.

ᐅᑯᐊ ᐊᑐᐊᕆᐊᓪᓚᕋᑦᓭᑦ:

• ᐊᓇᕐᕋᕆᔭᒥ ᐃᓄᑐᐊᒃᑯᕕᒃ

• ᐋᓐᓂᐊᕕᒻᒥ ᐃᓄᑐᐊᒃᑯᕕᒃ