ᓱᓇᐅᕙ

ᐃᓄᒃ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᐸᑦ, ᐋᓐᓂᐊᓯᐅᑎᒃ ᕿᓄᕕᖃᓚᖓᔪᖅ ᐃᓄᓐᓂᒃ ᖃᒻᒥᑯᑦ ᑲᑎᒪᖃᑦᑕᑕᖏᑦᑕ ᐃᓄᐃᑦ ᐊᑎᖏᓐᓂᒃ. ᑖᒃᑯᐊ ᐊᑏᑦ ᑌᔭᐅᓗᑭᓲᑦ 'ᑲᑎᒪᔭᐅᓯᒪᔪᑦ'.

ᑲᑎᒪᔭᐅᓯᒪᔪᑦ ᓂᐅᕐᓯᑐᕕᓂᐅᑐᐃᓐᓇᕆᐊᖃᕐᒪᑕ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᖃᐅᔨᓴᕐᑕᐅᒋᐊᖃᓲᑦ ᐱᑕᖃᕐᒪᖔᑦ ᓯᓂᑦᑐᓂᒃ ᐅᕝᕙᓘᓐᓃᑦ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ. ᑖᓐᓇ ᐋᓐᓂᐊᓯᐅᕐᑕᐅᓂᕐᒧᑦ ᓇᐅᑦᓯᑐᕐᑕᐅᓂᐅᔮᕐᑐᖅ ᐋᓐᓂᓯᐅᑎᒧᑦ ᐊᒻᒪᓗ ᐳᕙᓪᓗᓇᖃᕐᒪᖔᑦ ᖃᐅᔨᓴᕐᑕᐅᒋᐊᖃᓲᒍᑦᓱᑎᒃ ᐅᕕᓂᒃᑯᑦ ᐅᕝᕙᓘᓐᓃᑦ ᐊᑦᔨᓕᐅᕐᑕᐅᓱᑎᒃ. ᐋᓐᓂᐊᓯᐅᑎᐅᓗᒃ/ᐋᓐᓂᐊᓯᐅᑎᒃ ᑐᑭᑖᓚᖓᔪᖅ ᓇᓪᓕᖏᑦ ᖃᐅᔨᓴᕈᑏᑦ ᐊᑐᕐᑕᐅᓂᐊᕐᒪᖔᑕ.

ᓱᒧᑦ ᑲᑎᒪᔭᐅᓯᒪᔪᑦ ᖃᐅᔨᓴᕐᑕᐅᒋᐊᖃᓲᑦ?

1. ᑲᑎᒪᔭᐅᓯᒪᔪᑦ ᖃᐅᔨᓴᕐᑕᐅᓲᑦ ᕿᓂᕐᕕᐅᓱᑎᒃ ᓂᒪᕐᑐᓂᒃ ᐅᕝᕙᓘᓐᓃᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᒪᖔᑕ ᐃᓄᐃᑦ ᑲᑎᒪᑦᓯᖃᑦᑕᑐᕕᓃᑦ ᖃᓂᑕᖃᖃᑦᑕᓱᑎᒃ (ᐃᓪᓘᑉ ᐃᓗᐊᓃᕙᓪᓗᖃᑦᑕᓱᑎᒃ) ᑭᓇᑐᐃᓐᓇᒥᒃ ᐁᑦᑐᐃᓂᐅᔭᕐᑐᒥᒃ ᓂᕐᒪᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᑐᒥᒃ.

2. ᑲᑎᒪᔭᐅᓯᒪᔪᒥᒃ ᖃᐅᔨᓴᕐᓂᖅ ᐊᕐᖁᑕᐅᓲᖅ ᐃᓄᐃᑦ ᕿᑲᕐᑐᓂᒃ ᐳᕙᓪᓗᓇᓖᑦ ᐱᒋᐊᕆᐊᖃᕐᒪᑕ ᒪᒥᓴᕐᓂᒥᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᓂᒪᓯᖕᖏᓂᖏᓐᓂ, ᐊᒻᒪᓗ ᖃᓂᒻᒪᑎᑦᓯᓚᕿᓗᑎᒃ.

   • ᑕᒪᓐᓇ ᐱᒻᒪᕆᐅᓗᐊᕐᒥᔪᖅ ᕿᑲᕐᑐᖅ ᐳᕙᓪᓗᓇᐅᑉ ᖁᐱᕐᕈᐊᕈᖓ ᓂᒪᓯᒍᓐᓇᒪᑦ ᐳᕙᓪᓗᓇᐅᓯᓗᓂ ᓯᕗᓪᓕᐹᓂ 2-ᓂ ᐊᕐᕌᒎᓐᓂ ᐃᓄᒃ ᓂᐅᕐᓯᓚᐅᕐᑐᕕᓂᐅᑎᓗᒍ ᐳᕙᓪᓗᓇᐅᑉ ᖁᐱᕐᕈᐊᕈᓯᖓᓂᒃ.

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐊᒻᒪᓗ ᐃᕐᓂᖓᓂᒃ ᑲᑎᒪᑦᓯᖃᑦᑕᑐᕕᓂᕐᒥᒃ ᐃᓄᒻᒥᒃ ᐋᓐᓂᐊᓯᐅᑎᒧᑦ ᖃᐅᔨᔭᐅᕋᑖᒥᒃ ᓂᕐᒪᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐱᑕᖃᕆᐊᖓ:

ᓱᓇ/ᓱᒧᑦ

• ᑌᒪ, ᓯᕙᓂᓚᐅᕐᖃᒋᑦ ᓴᓂᒥᖃᑦᑕᑐᕕᓂᐅᔪᑦᓴᐅᒐᕕᑦ ᐊᒻᒪᓗ ᐃᕐᓃᑦ ᓂᒪᕐᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᓇᕐᑕᓕᒻᒥᒃ. ᓂᕐᒪᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᑐᖅ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᓯᐊᒻᒪᑎᑦᓯᑐᐃᓐᓇᕆᐊᓕᒃ ᐊᓯᖏᓐᓄᑦ ᐃᓄᓐᓅᖃᕐᑎᓗᒋᑦ, ᐊᒻᒪᓗ ᑕᒪᑦᑏᓂᒃ ᖃᐅᔨᒐᓱᐊᕈᒪᔪᒍᑦ ᓂᐅᕐᓯᓴᕐᓂᕈᑦᑎᒃ ᖁᐱᕐᕈᐊᕈᓯᕐᓂᒃ.

• ᐋᓐᓂᐊᓯᐅᑎᓄᑦ ᐅᖄᕕᐅᒍᒪᔪᑎᑦ ᐊᒻᒪᓗ ᓇᐅᑦᓯᑐᕐᑕᐅᓗᑎᑦ, ᑌᒣᒻᒪᑦ, ᐊᐱᕐᓱᓚᖓᔪᑦ ᖃᓄᐃᖕᖏᓂᕐᒧᑦ ᐊᐱᕐᓲᑎᑦᓴᒥᓂᒃ, ᐅᖁᒣᓐᓂᓃᕕᑎᒃ ᖃᐅᔨᒐᓱᐊᕐᓗᓂ ᐊᒻᒪᓗ ᐳᕙᒃᑯᑦ ᓈᓚᑦᑕᐅᓗᑎᒃ ᐊᒻᒪᓗ ᐱᔭᕇᕈᑎᒃ ᐅᕕᓂᒃᑯᑦ ᖃᐅᔨᓴᕈᑎᒥᒃ ᐊᑐᕐᓗᑎᒃ ᐅᕝᕙᓘᓐᓃᑦ ᐊᑦᔨᓕᐅᕈᑎᒥᒃ ᒪᑦᑖᕈᑎᒥᒃ ᖃᐅᔨᓴᕆᐊᖃᓚᖓᑦᓱᑎᒃ.

ᐱᕙᓪᓕᖁᑏᑦ

• ᐊᐅᑳᕈᓐᓇᑐᑎᑦ ᒍᒪᖕᖏᑯᕕᑦ ᑭᓯᐊᓂ ᑫᓪᓗᑐᐃᒻᒪᕆᓲᒍᔪᒍᑦ ᐃᓄᓐᓂᒃ ᖃᐅᔨᓴᕐᑕᐅᖁᔨᑦᓱᑕ. ᐳᕙᓪᓗᕆᐊᒥᒃ ᖃᐅᔨᑲᐱᓪᓗᓂ ᐱᐅᓂᕐᓴᒪᕆᐅᓲᒍᒻᒥᒪᑦ ᓂᐅᕐᓯᓯᒪᒻᒪᖔᒻᒥᒃ ᖃᓂᒻᒪᓚᕿᓂᐊᖕᖏᒪᑕ, ᐊᒻᒪᓗ ᒪᒥᓴᕐᓂᖏᑦ ᐱᔭᕆᐊᑭᓐᓂᓴᐅᓲᒍᑦᓱᑎᒃ.

• ᑲᒃᑲᓛᓗᐊᖕᖑᐊᓂᒃ ᖃᐅᔨᓴᕐᑕᐅᒍᑎᒃ ᓈᒻᒪᓂᕐᓴᐅᓲᒍᒋᐊᖏᑦ ᖃᐅᔨᒪᔪᒍᑦ ᑎᒥᖏᑦ ᐹᓐᓂᖃᔭᑦᓯᐊᖏᒻᒪᑦ ᓱᓕ ᖁᐱᕐᕈᐊᕈᕐᓂᒃ ᐊᒻᒪᓗ ᖃᓂᒪᒍᑎᖃᕐᓂᓴᐅᒍᓐᓇᓱᑎᒃ, ᓱᑲᓐᓂᓴᐅᓗᑎᓗ ᖃᓂᒻᒪᓂᖏᑦ.

ᐃᓂᕐᑑᒪᒍᓐᓀᑎᒋᐊᕐᓗᒍ

• ᑐᑭᓯᒪᔪᖓ ᓂᖕᖓᐅᒪᓂᕐᒥᒃ ᐃᑉᐱᒍᓱᓐᓂᓃᕕᑦ ᒐᓗᐊᕐᑎᓗᑎᑦ ᑭᓇᓘᓐᓃᑦ ᐸᑦᓯᑎᑦᓴᐅᖏᑦᑐᖅ. ᐳᕙᓪᓗᓯᒍᓐᓇᑐᖅ ᑭᓇᑐᐃᓐᓇᓯᐊᖅ. ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᑎᓪᓕᐊᓯᓯᑎᐅᒻᒪᑕ ᐊᒻᒪᓗ ᐊᖏᕐᓗᑎᑦ ᓇᐅᑦᓯᑐᕐᑕᐅᒋᐊᖃᕐᓂᒥᒃ ᐊᒻᒪᓗ ᐳᕙᓪᓗᓇᕐᑕᖃᕐᒪᖔᑉᐱᑦ ᖃᐅᔨᓴᐅᑎᓂᒃ ᐱᕕᑦᓴᕆᒍᓐᓇᐸᑎᑦ ᐃᓱᒫᓗᓐᓂᐊᖏᓐᓇᕕᑦ - ᐳᕙᓪᓗᖏᒃᑲᓗᐊᕈᕕᑦ ᐊᒻᒪᓗ ᕿᑐᕐᙰᑦ ᐳᕙᓪᓗᖏᒃᑲᓗᐊᕐᐸᑦ ᐅᕝᕙᓘᓐᓃᑦ ᓇᓪᓕᑎᒃ ᐳᕙᓪᓗᐸᑦ (ᐅᕝᕙᓘᓐᓃᑦ ᑕᒪᑦᑎᒃ) ᐸᕐᓀᖃᑎᒌᒍᓐᓇᓚᖓᔪᒍᑦ ᑕᕝᕙᖓᑦ ᐱᒋᐊᕐᓗᑕ.