ᐳᕙᓪᓗᓇᖅ ᐃᓅᓯᕐᒥᒃ ᐊᕐᓱᕈᓐᓇᓂᕐᓴᐅᑎᑦᓯᒍᓐᓇᑐᖅ

ᐃᓱᒪᒋᓗᒍ ᐃᓄᒃ ᖃᐅᔨᒪᔦᑦ ᐳᕙᓪᓗᓱᓂ ᑲᒪᒋᔭᐅᒋᐊᒋᐊᖃᕐᓯᒪᔪᖅ, ᐃᓱᒪᒋᓗᒍ ᐅᓂᒃᑳᑕᐅᓯᒪᔪᖅ ᐃᓕᓐᓂᐊᓂᕐᒥ, ᐅᕝᕙᓘᓐᓃᑦ ᑕᑯᓐᓇᕋᑦᓴᓕᐊᒍᓯᒪᔪᖅ ᐱᑐᑦᓯᒪᐅᑎᑕᖓ ᐊᑖᓃᑦᑐᖅ.

ᓱᓇᓂᒃ ᐱᒐᓱᐊᒻᒪᕆᐅᑎᖃᕐᓯᒪᔪᖅ ᐃᓄᒃ ᓵᖕᖓᓯᑦᓱᓂ ᑲᒪᒋᔭᐅᒋᐊᕐᑐᓗᓂ ᐳᕙᓪᓗᓇᕐᒧᑦ ᙯᒍᑎᒋᒋᐊᖃᕐᓱᒍ? ᓱᓇᓂᒃ ᐃᑲᔪᕐᓯᔭᐅᒍᑎᖃᕐᓯᒪᕙ ᐃᓄᒃ ᐳᕙᓪᓗᓱᓂ ᐊᑑᑎᖃᑦᑕᑕᖏᑦ ᐱᔭᕆᐊᑭᓪᓕᑎᒋᐊᕐᓱᒋᑦ? ᓱᒐᔭᕐᓂᖃ ᐃᓄᒃ ᑖᒃᑯᓂᖓ ᐃᑲᔪᕐᓯᔭᐅᒍᑎᖃᕐᓂᖏᒃᑯᓂ?

ᑕᑯᒐᓱᐊᕐᓗᒋᑦ ᐊᓪᓚᖑᐊᕐᓯᒪᐅᑎᖏᑦ ᑐᖓᓕᐅᓂᐊᓕᕐᒥᔪᓂ 2-ᓂ ᖁᑉᐱᒑᓐᓂ ᑕᑯᑦᓴᐅᑎᑦᓯᓚᕆᑦᑐᑦ ᐱᑦᔪᑏᑦ ᐃᓚᖏᓐᓂᒃ ᐊᒻᒪᓗ ᐃᑉᐱᒋᔭᐅᓲᓂᒃ ᓱᒧᑦ ᐳᕙᓪᓗᑐᒧᑦ ᐊᕐᓱᕈᓐᓇᑐᒃᑰᕈᑕᐅᓲᒍᒋᐊᖓ ᐃᓄᓐᓄᑦ ᓄᓇᓕᓐᓂ.

ᐳᕙᓪᓗᓇᖅ ᐃᓅᓯᕐᒥᒃ ᐊᕐᓱᕈᓐᓇᓂᕐᓴᐅᑎᑦᓯᒍᓐᓇᑐᖅ…

ᐃᓄᐃᑦ ᐊᒥᓱᓂᒃ ᐃᓅᓯᕐᒥᓂ ᓱᓇᓕᒫᓂᒃ ᐊᑑᑎᑲᑦᑕᔨᐊᖃᓲᑦ.

ᓄᓇᓕᓐᓂᑦ ᐊᐅᓪᓚᓯᔪᖅ
ᐃᓄᐃᑦ ᐃᓅᓯᖏᓐᓂᒃ ᓴᖑᑎᑦᓯᔪᖅ ᐊᒻᒪᓗ ᐃᓄᓐᓂᒃ ᐃᓄᑑᒋᐊᖃᓚᖀᑦᓱᓂ.

• "ᓄᓇᓕᒻᒪ ᐊᓯᐊᓃᒍᒪᖕᖏᑐᖓ…"

• "ᐃᑉᐱᒍᓱᑦᑐᖓ ᐃᓄᑑᓕᕆᐊᒥᒃ ᐊᕙᑕᖏᕐᑕᐅᓯᒪᑦᓱᖓ ᖃᓪᓗᓈᓄᑦ ᑭᓯᐊᓂ"

• "ᐊᐅᓪᓚᓯᒪᓂᕐᓂ ᕿᑐᕐᖓᑲ ᑭᓇᒧᑦ ᑲᒪᒋᔭᐅᓚᖓᔪᑦ?"

ᐊᐅᓪᓚᓯᒪᑦᓱᓂ
ᑕᙯᕐᓯᑫᓐᓇᑐᖅᐱᓇᓱᒐᕐᒥᓂᑦ ᐅᕝᕙᓘᓐᓃᑦ ᐃᓕᓴᕐᕕᒥᑦ. ᐊᓯᒥᓄᑦ ᑭᓯᐊᓂ ᐃᑲᔪᕐᑕᐅᖃᑦᑕᑐᖅ ᓂᕿᓯᒋᐊᖃᓕᕋᒥ/ᐊᑐᕋᑦᓴᑖᕆᐊᖃᓕᕋᒥ. ᐃᑲᔪᕐᖃᔭᕈᓐᓀᑐᖅ ᐃᓚᒥᓂᒃ (ᐃᒻᒥᓂᕿᐅᑎᒋᓗᒍ).

• "ᐃᓕᓴᕐᑕᓃᕙᖓ ᓱᖕᖏᑑᒍᒪᖕᖏᑐᖓ…"

• "ᖃᓄᕐᓕᑕᒑ ᓂᕆᔭᑦᓴᑖᕈᓐᓇᖃᑦᑕᓂᐊᓕᕐᖁᖓ ᓂᐅᕕᕐᕕᓕᐊᕐᖃᔭᕈᓐᓀᕋᒪ?"

• "ᖃᓄᕐᓕᑕᒑ ᓈᒻᒪᑐᓂᒃ ᑮᓇᐅᑦᔭᖃᑦᑕᓂᐊᓕᕐᖁᖓ ᓂᕆᒃᑫᒍᑎᑦᓴᓃᕙᖓ ᐃᓚᓐᓃᕙᖓ?"

ᐊᓯᒥᓂᒃ ᐃᓅᖃᑎᖃᕐᓂᖅ

• "ᑭᓇᒥᓪᓘᓃᑦ ᖃᓂᒻᒪᓚᕿᑎᑦᓯᒍᒪᖕᖏᑐᖓ ᐸᑦᓯᑎᑦᓴᖑᕐᓗᖓ…"

• "ᐃᓄᐃᑦ ᐅᕙᓐᓂᒃ ᖃᓄᖅ ᐅᖄᖃᑦᑕᓂᐊᓕᕐᖃᑦ"

• "ᐃᓄᐃᑦ ᐳᕙᓪᓗᓚᕿᔪᕕᓂᐅᓂᕃᔪᑦ ᐃᒥᐊᓗᖃᑎᒌᑦᑐᓄᑦ ᐃᓚᐅᓐᓂᕋᒪ"

ᐄᒉᑐᕐᓂᖅ
ᐅᓪᓗᑕᒫᑦ ᐱᒐᓱᐊᒻᒪᕆᓐᓇᑐᖅ ᐋᓐᓂᐊᓯᐅᑎᒃᑯᓄᑦ ᙯᖃᑦᑕᕆᐊᖃᕐᓂᖅ ᐄᓯᒋᐊᕐᑐᓗᓂ.

• "ᖃᓄᕐᓕᑕᒑ ᐋᓐᓂᐊᓯᐅᑎᒃᑯᓕᐊᖃᑦᑕᓚᖓᓕᕐᖁᖓ ᐅᓪᓗᑕᒫᑦ?

• "ᐃᓄᐃᑦ ᐅᕙᓐᓂᒃ ᐳᕙᓪᓗᑐᒥᒃ ᖃᐅᔨᓚᖓᔪᑦ ᐋᓐᓂᐊᓯᐅᑎᒃᑯᓕᐊᑲᑦᑕᓕᕈᒪ…"

• "ᕿᑐᕐᖓᑲ ᒪᓕᑦᑎᓗᒋᑦ ᐅᓪᓗᑕᒫᑦ ᐱᔭᕐᓃᑑᓚᖓᓕᕐᑐᖅ"

• "ᐄᒐᕐᑐᕆᐊᒥᒃ ᐳᐃᒍᑲᑦᑕᔭᖒᓕᕐᑐᖓ"

ᑎᒥᒃ
ᐳᕙᓪᓗᓇᖅ ᐊᒻᒪᓗ ᐳᕙᓪᓗᓂᐅᑏᑦ ᐄᒉᑦ ᑎᒥᓐᓃᕕᑦ ᖃᓄᐃᓕᖕᙰᒍᓐᓇᑐᑦ ᖃᓂᒪᓂᕐᒥᒃ ᐃᑉᐱᒍᓱᓚᖀᓗᑎᒃ

• "ᑖᕗᖓᓕᒫᖅ ᖃᓂᒪᑐᐃᓐᓇᓚᖓᓕᕐᖁᖓ?"

• "ᑐᖁᒍᑎᖃᕈᒪᖕᖏᑐᖓ ᐳᕙᓪᓗᓇᕐᒥᒃ…"

• "ᐄᒐᕐᓄᑦ ᖃᓂᒪᑦᓱᖓ ᓱᒃᑯᑕᐅᓕᐅᒥᖃᑦᑕᑐᖓ…"

ᑖᒃᑯᐊ ᐱᒐᓱᐊᒻᒪᕆᓐᓇᑐᑦ ᐊᖏᔪᐊᓘᔮᕈᓐᓇᓂᕐᓴᐅᓲᑦ ᕿᑐᕐᖓᖃᕈᕕᑦ ᐅᕝᕙᓘᓐᓃᑦ ᐊᓯᓐᓃᕕᑦ ᐃᓄᒻᒥᒃ ᑲᒪᒋᔭᖃᕆᐊᖃᕈᕕᑦ.

ᑕᒪᒃᑯᐊᕌᓘᒐᓗᐊᑦ, ᓇᓗᒋᔭᐅᒻᒪᕆᓲᑦ ᐳᕙᓪᓗᓇᕐᒧᐊᖓᔪᑦ. ᓇᓗᓂᖅ ᐳᕙᓪᓗᓇᕐᒧᐊᖓᔪᒥᒃ ᐃᓄᒻᒥᒃ ᐃᑉᐱᒍᓱᓚᖀᑎᑦᓯᒍᓐᓇᑐᖅ ᐃᓄᑑᓂᕐᒥᒃ ᐅᕝᕙᓘᓐᓃᑦ ᑖᓐᓇᑐᐊᒍᓕᕐᓂᒥᒃ. ᓇᓗᓕᕐᓯᒪᓂᖅ ᓱᒐᓗᓗᐊᕐᑎᓯᒍᑕᐅᒍᓐᓇᒥᔪᖅ ᐳᕙᓪᓗᓇᕐᒥᒃ ᖁᐃᓇᓐᓂᒥᒃ ᐊᒻᒪᓗ ᐃᓱᒫᓘᑎᖃᕐᓂᒥᒃ ᐳᕙᓪᓗᓇᕐᒥᒃ.

ᑖᓐᓇ ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᒪᒥᓴᖕᖏᑐᒧᑦ, ᑖᒃᑯᐊ ᐊᓕᐊᓇᖕᖏᑐᑦ ᐊᑑᑎᔭᐅᓚᕿᓲᑦ ᐅᕝᕙᓘᓐᓃᑦ ᖁᐊᕐᓵᓇᕐᑐᑰᕈᑕᐅᓚᕿᓲᑦ ᖁᓕᐊᒥᐅᑕᕇᑦᓱᑎᒃ ᐊᒻᒪᓗ ᓄᐃᑦᓯᓚᕿᓯᒪᓲᒍᑦᓱᑎᒃ ᐊᕙᑎᒥᒃ ᐃᓱᒫᓗᓐᓇᑐᒥᒃ ᐊᒻᒪᓗ ᑕᑎᒋᔭᖃᖕᖏᓂᕐᒥᒃ. ᑖᒃᑯᐊ ᖁᓕᐊᕇᓕᕋᒥᒃ ᐅᖁᒣᓪᓖᓚᕆᒍᓐᓇᓲᑦ ᐃᓄᒃ ᐅᖁᒣᑦᓴᓚᑎᑦᓱᒍ, ᓇᓪᓕᑎᖏᓪᓗ ᓇᓪᓕᒋᔭᖏᓪᓗ, ᐊᒻᒪᓗ ᓄᓇᓕᒃ.

ᑕᕝᕙᓂᑕᒐ ᐅᖃᐅᓯᕆᒐᑦᑎᒍ, ᐃᓄᒃ ᐳᕙᓪᓗᑐᖅ ᐊᒥᓱᐃᓂᒃ ᐱᒐᓱᐊᒻᒪᕆᐅᑎᖃᕆᐊᖃᓲᖅ ᐳᕙᓪᓗᕈᓐᓀᒐᓱᐊᕐᓂᒥᓂ. ᐱᒻᒪᕆᐅᕗᖅ ᐃᕐᖃᐅᒪᔭᐅᒋᐊᖃᕐᓂᖓ ᑖᑦᓱᒪ ᐊᒻᒪᓗ ᐊᕕᒋᒍᑎᒋᖃᑦᑕᓗᒍ ᐊᓕᐊᒻᒪᕆᓐᓂᖅ ᐱᒐᓱᐊᑦᓯᐊᐸᑦ ᐃᓄᒃ ᐊᒻᒪᓗ ᓇᓪᓕᑎᒥᓄᑦ ᐃᑲᔪᕐᑕᐅᓯᒪᑦᓯᐊᐸᑦ. ᐃᓄᐃᑦ ᒪᒥᓴᐅᑎᑐᕐᑐᑦ ᐃᑲᔪᓲᑦ ᖃᓄᐃᖕᖏᓯᐊᕐᓂᒥᓂᒃ ᐊᓪᓛᓗ ᓄᓇᓕᓐᓃᑐᓕᒫᑦ ᖃᓄᐃᖕᖏᓯᐊᕐᓂᖏᓐᓂᒃ.

ᑲᔪᓯᑦᓯᐊᕆᑦ! ᐱᓇᓱᐊᖃᑎᖃᑦᓯᐊᖏᓐᓇᕆᑦ!