‘ᐊᑑᑎᔭᐅᓗᑭᓲᖅ’ ᑐᖓᓕᕇᓂ 2-ᒍᒍᑎᖓ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ

2 ᖁᐱᕐᕈᐊᕈᕐᓂᒃ ᑐᖁᓭᒍᑏᒃ (ᐊᑦᔨᒌᒐᑎᒃ ᐃᓗᓕᖏᒃ) ᐃᓚᖃᕐᓱᑎᒃ B6 vitamin-ᒥᒃ

1. Rifampicin (RIF ᐅᕝᕙᓘᓐᓃᑦ RMP)

2. Isoniazid (INH)

ᐄᔭᐅᒋᐊᓖᑦ ᐊᓪᓕᕇᕐᑐᓂ, ᐱᖓᑦᓯᑐᓂ, ᐊᒻᒪᓗ ᓂᕿᑦᓯᑐᓂ (DOT).

51-ᕕᓪᓗᑎᒃ ᑲᑎᑦᓱᑎᒃ ᐄᔭᐅᒋᐊᖃᕙᓪᓗᓲᑦ. ᑕᕐᖀᑦ 4 ᓴᓂᐊᓂᕙᓪᓗᖅ ᐃᓄᒃ ᐄᓯᒋᐊᖃᓕᕈᓂ ᐄᓯᑦᓯᐊᖃᑦᑕᐸᑦ.

ᐅᖃᕐᑕᐅᑫᓐᓇᒥᒻᒪᑦ, ᑐᖓᓕᕇᓂ 2-ᒍᒍᑎᖓᓂ ᐃᓄᐃᑦ ᐃᓚᖏᑦ ᐊᒥᓱᕕᓐᓂᓴᐅᓗᑎᒃ ᐄᓯᒋᐊᖃᓲᒍᒻᒥᔪᑦ, ᐅᓪᓗᑕᒫᓪᓗ ᐄᓯᒋᐊᖃᕐᓱᑎᒃ, ᐅᕝᕙᓘᓐᓃᑦ ᐊᑦᔨᒋᔭᐅᖕᖏᑐᓂᒃ ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᐄᕐᖃᓗᑎᒃ.

ᐆᑦᑑᑎᒃ ᐅᖄᖃᑎᖃᕆᐊᒥᒃ ᐃᓄᒻᒥᒃ ᐱᒋᐊᓯᔪᒥᒃ ᐊᑑᑎᔭᐅᓗᑭᓲᓂᒃ ᑐᖓᓕᕇᓂ 2-ᒍᒍᑎᖓᓂ ᒪᒥᓴᕐᓂᒥᒃ ᓂᒪᕐᑐᓂᒃ ᐳᕙᓪᓗᓇᕐᑕᖃᕐᓂᒥᓄᑦ:

ᐊᑑᑎᔭᐅᓗᑭᓲᖅ

• ᑌᒪ, ᐅᓄᕐᓂᓭᑦ ᐃᓄᐃᑦ ᑐᖓᓕᕇᓂ 2-ᒍᒍᑎᖓᓂᒃ ᐱᔭᕆᐊᑭᓐᓂᓴᐅᓂᕃᓲᑦ ᑐᖓᓕᕇᓂ 1-ᒍᒍᑎᖓᓂᒥᑦ ᑭᓯᐊᓂ ᐱᒻᒪᕆᒋᐊᓪᓚᐅᒥᔪᖅ ᖃᓄᐃᖕᖏᓯᐊᕐᓂᓅᕕᑦ ᐄᒋᐊᓕᓕᒫᕐᓃᕕᑦ ᐄᕐᖃᓯᐊᖃᑦᑕᕆᐊᖃᓚᖓᓃᑦ ᑐᖓᓕᕇᓂ 2-ᒍᒍᑎᖓᓂ.

• ᐋᓐᓂᐊᓯᐅᑎᐊᓗᒻᒧᑦ ᓇᓗᓀᕐᑕᐅᓯᒪᔪᓂᒃ ᐊᑑᑎᔭᐅᓗᑭᓲᓂᒃ ᑐᖓᓕᕇᓂ 2-ᒍᒍᑎᖓᓃᑦᑐᒥᒃ ᒪᒥᓴᕈᑎᓂᒃ ᑌᒪ 51-ᕕᒋᐊᓕᓐᓂᒃ ᐄᕐᖃᕆᐊᖃᓚᖓᔪᑎᑦ.

• ᐃᑭᓐᓂᓴᐅᓚᖓᔪᑦ ᐄᒉᑦ ᑕᒫᑦ ᐄᓯᒋᐊᖃᓕᕈᕕᑦ ᐊᒻᒪᓗ ᙯᖃᑦᑕᕆᐊᖃᓚᖓᓕᕐᑐᑎᑦ ᐋᓐᓂᐊᓯᐅᑎᒃᑯᓄᑦ 3-ᕕᓪᓗᑎᑦ ᐱᓇᓱᐊᕈᓯᑕᒫᑦ, ᐊᓪᓕᕇᕐᑐᓂ, ᐱᖓᑦᓯᑐᓂ ᐊᒻᒪᓗ ᓂᕿᑦᓯᑐᓂ. ᐱᓇᓱᐊᕈᓯᐅᑉ ᓄᖕᖑᐊᓂ ᐄᓯᖃᑦᑕᕆᐊᖃᑦᔭᒍᓐᓀᑐᑎᑦ!

• ᙯᑦᓯᐊᖃᑦᑕᕈᕕᑦ ᙯᒋᐊᖃᓕᕈᕕᑦ, ᐱᔭᕇᓛᕐᑐᑎᑦ 4 ᑕᕐᖀᑦ ᐊᓂᒍᕐᑎᓗᒋᑦ. ᐊᓪᓗᐃᖃᑦᑕᕈᕕᑦ, ᐊᑯᓂᐅᓂᕐᓴᖅ ᐄᕐᖃᕆᐊᖃᓚᕿᓚᖓᔪᑎᑦ.