ᐳᕙᓪᓗᓇᖅ
ᑐᓴᕐᑎᓯᓕᑌᓐᓇᕈᑏᑦ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ
ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ
ᖃᐅᔨᓴᕐᑕᐅᒍᑎᒃ ᕿᑲᕐᑐᓂᒃ ᐊᒻᒪᓗ ᓂᒪᕐᑐᓂᒃ ᐳᕙᓪᓗᓇᖃᕐᒪᖔᑦ (Red Book pg. 17 )
ᐊᑦᑐᑕᐅᔪᖅ ᕿᑲᕐᑐᓂᑦ ᓂᒪᕐᑐᓄᑦ ᐳᕙᓪᓗᓇᕐᓄᑦ (Red Book pg. 7)
ᓂᒪᕐᑐᑦ ᐳᕙᓪᓗᓀᑦ
ᕿᑲᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ
ᐳᕙᓪᓗᒪᖔᑦ ᖃᐅᔨᓴᕈᑏᑦ
ᓱᓇᐅᕙ?
ᐳᕙᓪᓗᓇᖅ ᖁᐱᕐᕈᐊᕈᕐᓄᑦ ᓚᕿᔭᖅ ᐊᑎᖃᕐᑎᑕᐅᔪᓄᑦ Mycobacterium tuberculosis. ᖁᐱᕐᕈᐊᕈᓰᑦ ᐆᒪᔪᑦ ᒥᑭᔫᒧᑦ ᑕᑯᑦᓴᐅᖏᑦᑐᑦ. ᒥᓕᐊᒍᕗᑦ ᐊᑦᔨᒌᖕᖏᑐᑦ ᖁᐱᕐᕈᐊᕈᓰᑦ.
ᖃᓄᖅ ᑎᒥᒨᓲᑦ?
ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᓂᐅᕋᑦᓴᒦᑦᓱᑎᒃ ᑎᒥᒨᓲᑦ. ᓂᐅᕋᑦᓴᒨᓲᑦ ᐃᓄᒃ ᐳᕙᓪᓗᑐᖅ ᕿᑲᖕᖏᑐᓂᒃ ᖁᐱᕐᕈᐊᕈᕐᓄᑦ ᖁᐃᕐᑐᒪᑦ. ᓂᐅᕐᓯᒐᑦᑕ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ, ᐳᕙᑦᑎᓅᕐᑐᑦ. ᑭᓇᑐᐃᓐᓇᑯᑦ ᐳᕙᓪᓗᓚᕿᒍᓐᓇᑐᑦ - ᑭᓇᓘᓐᓃᑦ ᐸᑦᓯᑎᑦᓴᐅᖏᑦᑐᖅ.
ᐊᕐᖁᑎᒋᑦᓱᒋᑦ ᓯᐊᒻᒪᓲᑦ | ᐅᑯᓂᖓ ᐊᕐᖁᑎᖃᓲᒍᖕᖏᑐᖅ |
|---|---|
|
|
ᐃᒣᓗᑭᓲᒍᖕᖏᑐᑦ ᑭᓇᑐᐃᓐᓇᖅ ᓄᑕᕋᑦᓴᓕᒃ ᐊᒻᒪᓗ ᖁᐱᕐᕈᐊᕈᖏᑦ ᕿᑲᖕᖏᑐᒥᒃ ᐳᕙᓪᓗᑐᖅ, ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐁᑦᑐᑕᐅᔪᖅ ᓄᑕᕋᖓ.
ᖃᓄᖅ ᐳᕙᓪᓗᓇᖅ ᖃᓂᒻᒪᑎᑦᓯᓲᖅ ᐃᓄᒻᒥᒃ?
ᐃᓄᐃᑦ ᐊᒥᓱᑦ, ᑎᒥᖏᑦ ᓄᕐᖃᑎᑦᓯᒍᓐᓇᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᖃᓂᒻᒪᑎᑕᐅᓂᕐᒥᒃ. ᐊᑦᔨᖑᐊᖅ (ᑕᓕᕐᐱᐊᓂ), ᑎᒥᒃ (ᑖᓂᑭᑦᑐᖅ ᑐᖑᔪᕐᑕᖅ) ᖁᐱᕐᕈᐊᕈᓯᕐᓂᒃ (ᐊᐅᐸᓓᖓᔪᖅ) ᐊᓂᑎᑦᓯᖏᑦᑐᖅ. ᖁᐱᕐᕈᐊᕈᓰᑦ ᑎᒥᒦᑦᑐᑦ ᐃᓄᒻᒥᒃ ᖃᓂᒻᒪᑎᑦᓯᖏᒻᒪᑕ, ᐃᕐᐸᕋᑎᓗ, ᐊᑎᖃᕐᑎᑕᕗᑦ 'ᐳᕙᓪᓗᓇᕐᒧᑦ ᐃᒻᒪᑐᖅ', 'ᕿᑲᕐᑐᖅ ᐳᕙᓪᓗᓇᖅ' ᐅᕝᕙᓘᓐᓃᑦ 'ᓯᓂᑦᑐᖅ ᐳᕙᓪᓗᓇᖅ'.
ᐱᓀᓗᑕᖓ ᓯᓂᑦᑑᑉ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ 'ᑐᐸᒍᓐᓇᑐᑦ' ᐊᒻᒪᓗ ᐃᓄᒻᒥᒃ ᐃᓗᒻᒥᑐᒥᒃ ᖃᓂᒻᒪᑎᑦᓯᓗᑎᒃ. ᐊᑦᔨᖑᐊᖅ (ᓴᐅᒥᐊᓂ) ᑕᑯᑦᓴᐅᑎᑦᓯᔪᖅ ᖁᐱᕐᕈᐊᕈᕐᓂᒃ (ᐊᐅᐸᓓᖓᔪᖅ) ᓯᐊᒻᒪᑐᓂᒃ ᑎᒥᐅᑉ ᐊᓯᖏᓐᓅᖃᕐᓱᑎᒃ. 'ᑐᐸᒻᒪᑕ' ᐃᓄᐃᑦ ᐊᓯᖏᑦ ᐁᑦᑐᑕᐅᒍᓐᓇᑐᑦ, ᐊᑎᖃᕐᓱᑎᒃ 'ᐳᕙᓪᓗᓇᖅ ᖁᐱᕐᕈᐊᕈᖏᑦ ᓂᒪᕐᑐᑦ'. ᐳᕙᓪᓗᓇᖅ ᖁᐱᕐᕈᐊᕈᖏᑦ ᓂᒪᕐᑐᑦ ᐳᕙᓐᓃᕙᓪᓗᓲᑦ ᑭᓯᐊᓂ ᑎᒥᐅᑉ ᐊᓯᖏᓐᓃᒍᓐᓇᒥᑦᓱᑎᒃ.
ᑲᒃᑲᓛᓄᑦ ᒥᑭᔪᕐᓚᓄᑦ, ᐱᓗᐊᕐᑐᒥᒃ 5 ᐊᑖᓂ ᐅᑭᐅᓕᓐᓄᑦ, ᑎᒥᖏᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐳᕙᖏᓐᓃᑐᓂᒃ ᐹᓐᓂᖃᔭᑦᓯᐊᖏᓐᓂᓭᑦ. ᑕᒪᓐᓇ ᑐᑭᓕᒃ ᑲᒃᑲᓛᑦ ᖃᓂᒻᒪᕈᓐᓇᓂᖏᓐᓂᒃ ᐱᓇᓱᐊᕈᓯᕐᓂ ᐊᒥᓲᖕᖏᑐᓂ ᐅᕝᕙᓘᓐᓃᑦ ᑕᕐᕿᓂ ᓂᐅᕐᓯᔪᕕᓂᐅᓗᑎᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ.
ᐳᕙᓪᓗᓇᖅ ᖁᐱᕐᕈᐊᕈᖏᑦ ᓂᒪᕐᑐᑦ | ᐳᕙᓪᓗᓇᖅ ᖁᐱᕐᕈᐊᕈᖏᑦ ᓯᓂᑦᑐᑦ | |
|---|---|---|
ᒪᓗᓐᓇᐅᑏᑦ | ✓ ᐅᕝᕙᓘᓐᓃᑦ X | X |
ᐁᑦᑑᑕᐅᓐᓇᑐᖅ | ✓ | X |
ᒪᒥᓭᒍᑎᒃ | ᓗᓂ ᑭᓯᐊᓂᐅᔪᖅ | ᐃᒣᑉᐸᑦ ᐱᐅᓂᕐᐹᖅ |
ᐃᓄᑐᐊᒃᑯᕕᒻᒦᑐᖅ | ᓗᓂ ᑭᓯᐊᓂᐅᒍᓐᓇᑐᖅ | X |
ᐋᕐᕿᑕᐅᒍᓐᓇᑐᖅ
ᓯᓂᑦᑐᑦ ᐊᒻᒪᓗ ᓂᒪᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᑕᒪᖏᑦ ᐋᕐᕿᑕᐅᒍᓐᓇᑐᑦ
ᓄᓇᕕᒻᒥ ᒪᒥᑦᓯᔪᑦ
ᐃᓘᓐᓇᓕᒫᑲᓵᖏᑦ ᐃᓄᐃᑦ, ᐳᕙᓪᓗᑐᑦ ᐃᓘᓐᓈᒍᑦ ᓄᓇᕕᒻᒥ ᒪᒥᑦᓯᕙᑦᑐᑦ.
ᐳᕙᓪᓗᒪᖔᑕ ᖃᐅᔨᓴᕈᑏᑦ
ᐳᕙᓪᓗᓇᓕᕆᔩᑦ ᑐᑭᑖᓚᖓᔪᑦ ᓇᓪᓕᐊ ᖃᐅᔨᓴᕐᕈᑎᒃ ᖃᐅᔨᓴᕈᑏᓪᓘᓃᑦ ᐃᓄᒻᒥᒃ ᐊᑐᕐᑕᐅᑎᑦᓯᓂᐊᕐᒪᖔᒻᒥᒃ ᑐᖕᖓᕕᐅᑎᓗᒍ ᐃᓅᑉ ᖃᓄᐃᓕᖓᓂᖓ (ᐆᑦᑑᑎᒃ: ᐃᓄᒃ ᐳᕙᓪᓗᓯᒪᔪᖅ ᑭᖑᓂᕐᒥ ᐅᕕᓂᒃᑯᑦ ᖃᐅᔨᓴᕐᑕᐅᒋᐊᖃᖕᖏᑐᖅ).
ᐳᕙᓪᓗᓇᕐᒥᒃ ᖃᐅᔨᓴᕈᑏᑦ ᐅᑯᐊ: | ||
|---|---|---|
ᐅᕕᓂᒃᑯᑦ ᖃᐅᔨᓴᕈᑎᒃ | ᐊᑦᔨᓕᐅᕈᑎᒃ ᒪᑦᑖᑎᑦᓯᐅᑎᒃ | ᓄᕙᒻᒥᒃ ᖃᐅᔨᓴᕈᑎᒃ |
 |  |  |
ᐳᕓᑦ ᓯᓚᑖᒍᑦ ᐳᕙᓪᓗᓇᖅ (ᐳᕙᓪᓗᓇᖅ ᐳᕙᒥᑦᑕ ᐊᓯᐊᒍᑦ)
ᐳᕙᓪᓗᓇᖅ (ᐳᕙᒃᑯᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓕᒃ) ᐊᑑᑎᓂᕐᐸᐅᓲᖅ ᑭᓯᐊᓂ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᑎᒥᐅᑉ ᐊᓯᐊᓃᒍᓐᓇᒥᔪᑦ ᐆᑦᑑᑎᒋᑦᓱᒋᑦ:
ᖃᕆᑕᖅ (ᖃᕆᑕᒃᑯᑦ ᐃᒻᒪᓯᒪᔪᖅ)
ᖁᖏᓯᖅ/ᕿᓂᕐᓯᑯᑦ
ᐳᕓᑦ ᓯᓚᑖᓃᑦᑐᑦ ᐊᒥᐊᑦ (Pleural)
ᓴᐅᓂᖅ (ᐆᑦᑑᑎᒋᑦᓱᒍ ᑯᔭᐱᒐᖅ)
ᓈᖅ (ᓈᒃᑯᑦ)
ᐆᑦᑑᑎᒃ ᐅᖄᖃᑎᖃᕐᓂᒥᒃ ᐃᓄᒻᒥᒃ ᐳᕙᓪᓗᓇᐅᑉ ᒥᑦᓵᓄᑦ ᐊᐱᕐᓱᕈᒪᔪᒥᒃ.
ᐃᓂᕐᑑᒪᒍᓐᓀᑎᒋᐊᕐᓗᒍ
ᐳᕙᓪᓗᓇᖅ ᓇᓗᓕᕐᓇᕈᓐᓇᑐᖅ! ᐊᓕᐊᑉᐳᖓ ᐊᐱᕐᓱᑲᕕᑦ!
ᓯᐊᒻᒪᑐᖅ
ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᑕᑯᔭᐅᒍᓐᓇᑐᑦ ᓇᓂᑐᐃᓐᓇᖅ ᑎᒥᒥ, ᑭᓯᐊᓂ ᐳᕙᓐᓃᑐᓂᒃ ᐃᓱᒪᒋᔭᖃᕐᓂᓴᐅᕙᑦᑐᒍᑦ. ᐳᕙᓪᓗᓇᖅ ᓯᐊᒻᒪᓲᒍᒻᒪᑦ ᓂᐅᕋᑦᓴᑯᑦ ᐃᓄᓐᓄᑦ ᓂᐅᕐᑕᐅᒍᓐᓇᓱᑎᒃ ᐳᕙᖏᓐᓅᓱᑎᒃ.
ᓯᓂᑦᑐᑦ ᐊᒻᒪᓗ ᓂᒪᕐᑐᑦ
ᐊᑦᔨᒌᖕᖏᑑᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᒃ, ᓯᓂᑦᑐᑦ ᖁᐱᕐᕈᐊᕈᐃᑦ ᐊᒻᒪᓗ ᓂᒪᕐᑐᑦ ᖁᐱᕐᕈᐊᕈᐃᑦ.
ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᓯᓂᑦᑐᑦ, ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᑎᒥᓐᓃᕕᑦ, ᑭᓯᐊᓂ ᑎᒥᑉᐱᑦ ᓴᐴᓗᑕᖏᑦ ᐊᐅᒡᒉᓯᒪᔪᑦ ᖁᐱᕐᕈᐊᕈᓯᓂᒃ ᐊᒻᒪᓗ "ᓯᓂᓚᕿᑎᑦᓱᒋᑦ" ᖃᓂᒻᒪᓂᐊᕈᓐᓀᑎᓗᑎᑦ.
ᓯᓂᑦᑐᑦ ᑭᓯᐊᓂ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ ᑐᐸᒍᓐᓇᑐᑦ ᐊᒻᒪᓗ ᓂᒪᓯᒍᓐᓇᓱᑎᒃ ᐳᕙᓪᓗᓇᐅᓗᑎᒃ ᖃᓂᒻᒪᑎᑦᓯᓗᑎᒃ. ᒪᒥᓴᐅᑎᑐᖕᖏᑐᒧᑦ, ᓱᒃᑯᓇᕈᓐᓇᑐᑦ ᐳᕙᓪᓗᑎᑦᓯᓚᕿᓗᑎᒃ ᐊᒻᒪᓗᐊᓪᓛᑦ ᑐᖁᓐᓇᓯᓗᑎᒃ ᖃᓂᒻᒪᓯᓪᓚᕆᖕᖑᑎᑦᓯᓚᕿᓗᑎᒃ.