ᓂᒪᕐᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᓇᖅ

ᐃᓘᓐᓇᑎᒃ ᑲᑎᓯᓂᐅᑉ ᑐᕌᒐᖏᑦ
ᐱᒋᐊᕐᕕᖓ ᒪᒥᓭᓂᕐᒧᑦ ᑲᑎᓯᓂᐅᑉ	ᑲᑎᔭᕕᓂᕆᑦᓱᒍ ᑭᖑᓂᖓᒍᑦ ᑲᑎᓯᓂᖅ	ᒪᒥᓴᕐᓂᒧᑦ ᑲᑎᒪᑦᓯᓂᐅᑉ ᐃᓱᐊ
ᐱᐅᓴᕆᐊᕐᓗᒍ ᐃᓅᑉ ᑐᑭᓯᒪᓂᖓ ᓱᓇᑎᒎᓕᕐᒪᖔᕐᒥ.	ᖁᕕᐊᓲᑎᒋᓗᒍ ᐃᓅᑉ ᐱᕙᓪᓕᓯᐊᕐᓂᖓ.	ᖁᕕᐊᓲᑎᒋᓗᒋᑦ ᐃᓅᑉ ᐱᓚᕿᔭᖏᑦ.
ᐅᖃᐅᓯᕆᓗᒋᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ.	ᐅᖃᐅᓯᕆᓗᒋᑦ ᓄᑖᑦ ᐊᒻᒪᓗ ᐊᑯᓂᓂᑌᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ.	ᐅᖃᐅᓯᕆᓗᒋᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ ᓯᕗᓂᕐᒥ ᑲᑎᔭᐅᒋᐊᓪᓚᖃᑦᑕᕆᐊᖃᕐᓂᒧᑦ.
ᓇᓗᓀᕐᓗᒋᑦ ᐱᒐᓱᐊᒻᒪᕆᓐᓇᑐᑦ ᐊᒻᒪᓗ ᒪᓂᓗᒋᑦ ᓴᐳᑦᔨᐅᑎᑦᓭᑦ ᒪᒥᓴᕈᑎᖃᕐᓂᖅ ᐱᔭᕆᐊᑭᓐᓂᓴᐅᓚᖓᒻᒪᑦ.	ᓇᓗᓀᕐᓗᒋᑦ ᐊᓯᑦᔨᑐᕐᓂᖏᑦ ᒪᒥᓴᕐᓂᒧᑦ ᐸᕐᓀᒍᑎᐅᑉ ᐊᒻᒪᓗ ᓈᒻᒪᓯᑦᑕᕈᑎᑕᖏᑦ.
ᐸᕐᓀᒍᑎᒃ ᓄᐃᓗᒍ ᐱᐅᓂᕐᐸᐅᓚᖓᔪᖅ ᐃᓄᒻᒧᑦ ᐸᕐᓀᒍᑎᓕᐅᕈᑦᔨᔭᕐᓅᕕᑦ.	ᓇᓗᓀᕐᓗᒍ ᐃᓄᒃ ᖃᐅᔨᒪᔫᔮᕈᓐᓀᐸᑦ ᐱᔭᕇᒍᓐᓇᓚᖓᒋᐊᒥᓂᒃ ᒪᒥᓴᕐᓂᒥᒃ.

ᐱᒋᐊᕐᕕᖓ ᒪᒥᓭᓂᕐᒧᑦ ᑲᑎᓯᓂᐅᑉ
ᐱᐅᓴᕆᐊᕐᓗᒍ ᐃᓅᑉ ᑐᑭᓯᒪᓂᖓ ᓱᓇᑎᒎᓕᕐᒪᖔᕐᒥ.	ᐃᑭᓪᓕᑎᕆᐊᕐᓗᒋᑦ ᓇᓗᓕᕐᓯᒪᒍᑏᑦ ᐊᒻᒪᓗ ᐃᓂᕐᑑᒪᓃᑦ ᐳᕙᓪᓗᓇᕐᒥᒃ. ᓄᐃᒋᐊᕐᓗᒍ ᑕᑎᒋᔭᖃᕐᓂᖅ ᐱᓚᕿᐅᑎᐅᒍᓐᓇᓂᖓᓂᒃ ᒪᒥᓴᕐᓂᒧᑦ ᐸᕐᓀᒍᑎᐅᑉ.
ᐅᖃᐅᓯᕆᓗᒋᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ.	ᓇᓗᓀᕐᓗᒋᑦ ᐃᓕᒃᑰᑎᕐᑐᑦ ᐊᐱᕐᓲᑏᑦ, ᐃᓱᒫᓘᑏᑦ ᐊᒻᒪᓗ ᐃᓂᕐᑑᒪᒋᔭᖃᕐᓃᑦ ᖃᓄᐃᓕᖕᙰᓯᒪᒍᓐᓇᑐᑦ ᐃᓅᑉ ᑲᒪᒋᔭᐅᓂᕐᒥᓂ ᓯᕗᒧᐊᑦᓯᐊᕈᑎᖃᕐᓂᖓᓂᒃ.
ᓇᓗᓀᕐᓗᒋᑦ ᐱᒐᓱᐊᒻᒪᕆᓐᓇᑐᑦ ᐊᒻᒪᓗ ᒪᓂᓗᒋᑦ ᓴᐳᑦᔨᐅᑎᑦᓭᑦ ᒪᒥᓴᕈᑎᖃᕐᓂᖅ ᐱᔭᕆᐊᑭᓐᓂᓴᐅᓚᖓᒻᒪᑦ.	ᒪᓂᔨᒍᓐᓇᕆᐊᖃᒧᑦ ᓴᐳᑦᔨᐅᑎᓂᒃ ᑐᖕᖓᕕᒋᓗᒋᑦ ᐃᓅᑉ ᑭᖕᖒᒪᔭᖏᑦ. ᐃᑭᓪᓕᑎᕆᐊᕐᓗᒋᑦ ᐳᕙᓪᓗᓇᐅᑉ ᒪᒥᓴᐅᑕᐅᓂᖓᓂᒃ ᖃᓄᐃᓕᖕᙰᒍᓐᓇᑐᑦ ᐅᓪᓗᑕᒫᑦ ᐃᓅᓯᕐᒥᒃ.
ᐸᕐᓀᒍᑎᒃ ᓄᐃᓗᒍ ᐱᐅᓂᕐᐸᐅᓚᖓᔪᖅ ᐃᓄᒻᒧᑦ ᐸᕐᓀᒍᑎᓕᐅᕈᑦᔨᔭᕐᓅᕕᑦ.	ᓄᐃᓗᒍ ᒪᒥᓴᕐᓂᒧᑦ ᐸᕐᓀᒍᑎᒃ ᑐᖕᖓᕕᒋᓗᒋᑦ ᐃᓅᑉ ᑭᖕᖒᒪᔭᖏᑦ. ᐃᑲᔪᕐᓯᓗᒍ ᐃᓄᒃ ᐃᑉᐱᒍᓱᒋᐊᕐᑎᓗᒍ ᐱᔪᓐᓇᓯᐊᕐᑐᕆᓂᕐᒥᒃ ᐊᒻᒪᓗ ᐱᔭᕇᕈᓐᓇᓚᖓᓂᕐᒥᓂᒃ ᒪᒥᓴᕐᓂᒥᒃ.

✔ ᕿᓂᕐᓗᒍ ᒪᑐᒪᐅᑏᑦ ᕿᖓᒃᑯᑦ ᖃᓂᒃᑯᓗ (ᒋᐊᖃᕐᐸᑦ) ✔ ᓇᓪᓕᑳᕐᓗᒍ ᑲᑎᒪᕕᒋᓂᐊᕐᑕᑎᒃ. ✔ ᐊᑐᐊᕐᓗᒋᑦ ᓇᓗᓀᕐᑐᐃᓯᒪᐅᑏᑦ ᐊᑖᓃᑦᑐᑦ. ✔ ᐊᑐᐊᕐᓗᒋᑦ ᐳᕙᓪᓗᓇᕐᒥᒃ ᑐᑭᓯᐅᑎᑦᓭᑦ ᑕᑯᒐᓱᐊᒉᑦ ᒋᐊᖃᕈᕕᒃᑭᑦ. ✔ ᐅᖄᕕᒋᓗᒍ ᐋᓐᓂᐊᓯᐅᑎᒃ ᐃᓕᒃᑯᑦ ᓇᓗᓀᕐᓯᐅᑎᑕᖏᓐᓂᒃ ᐅᕝᕙᓘᓐᓃᑦ ᑐᓴᐅᒪᖃᑎᒌᒍᑕᐅᓯᔪᓂᒃ ᑲᑎᒪᓂᕐᒥ ᓄᐃᓚᖓᔪᓂᒃ. ✔ ᐃᓱᒪᒃᑯᑦ ᐊᑐᐃᓐᓇᐅᕕᒋᓗᒍ ᓈᓚᒋᐊᖃᕐᓃᑦ ᐊᒻᒪᓗ ᐅᖄᕕᖃᕆᐊᖃᕐᓃᑦ ᐃᓄᒻᒥᒃ.	ᑕᑯᖕᖓ ᑕᑯᑎᑦᓯᓂᐊᕋᒪ! ᐊᑦᔨᓕᐅᖕᖓ ᑐᓂᔭᐅᒋᐊᖃᕋᒪ!

✔ ᕿᓂᕐᓗᒍ ᒪᑐᒪᐅᑏᑦ ᕿᖓᒃᑯᑦ ᖃᓂᒃᑯᓗ (ᒋᐊᖃᕐᐸᑦ)

✔ ᓇᓪᓕᑳᕐᓗᒍ ᑲᑎᒪᕕᒋᓂᐊᕐᑕᑎᒃ.

✔ ᐊᑐᐊᕐᓗᒋᑦ ᓇᓗᓀᕐᑐᐃᓯᒪᐅᑏᑦ ᐊᑖᓃᑦᑐᑦ.

✔ ᐊᑐᐊᕐᓗᒋᑦ ᐳᕙᓪᓗᓇᕐᒥᒃ ᑐᑭᓯᐅᑎᑦᓭᑦ ᑕᑯᒐᓱᐊᒉᑦ ᒋᐊᖃᕈᕕᒃᑭᑦ.

✔ ᐅᖄᕕᒋᓗᒍ ᐋᓐᓂᐊᓯᐅᑎᒃ ᐃᓕᒃᑯᑦ ᓇᓗᓀᕐᓯᐅᑎᑕᖏᓐᓂᒃ ᐅᕝᕙᓘᓐᓃᑦ ᑐᓴᐅᒪᖃᑎᒌᒍᑕᐅᓯᔪᓂᒃ ᑲᑎᒪᓂᕐᒥ ᓄᐃᓚᖓᔪᓂᒃ.

✔ ᐃᓱᒪᒃᑯᑦ ᐊᑐᐃᓐᓇᐅᕕᒋᓗᒍ ᓈᓚᒋᐊᖃᕐᓃᑦ ᐊᒻᒪᓗ ᐅᖄᕕᖃᕆᐊᖃᕐᓃᑦ ᐃᓄᒻᒥᒃ.

ᑕᑯᖕᖓ ᑕᑯᑎᑦᓯᓂᐊᕋᒪ!

ᐊᑦᔨᓕᐅᖕᖓ ᑐᓂᔭᐅᒋᐊᖃᕋᒪ!

1.	ᑐᓴᕐᑎᓗᒍ PHO-ᒍᓂᕐᓃᕕᑦ ᐊᒻᒪᓗ ᐃᓄᒻᒥᒃ ᑲᑎᔭᕐᓃᕕᑦ ᓴᐳᑦᔨᔨᐅᓂᐊᕋᕕᑦ ᑖᕙᓃᓚᕿᓂᕐᓃᕕᑦ. ᐋᐊ, ᐅᕙᓐᓂᒃ ᖃᐅᔨᒪᔪᑎᑦ ______ ᐊᒻᒪᓗ ᖃᐅᔨᒪᔪᑦᓴᐅᓱᑎᑦ ᓄᓇᓕᑦᑎᓂ PHO-ᒍᒋᐊᕐᒪ. PHO-ᒍᓂᕐᓅᕙᖓ, ᑕᒫᓃᒍᑎᖃᕐᑐᖓ ᐃᓕᓐᓂᒃ ᐃᑲᔪᓚᖓᒐᒪ ᐊᒻᒪᓗ ᓴᐳᑦᔨᓗᒍ ᓄᓇᓕᑦᑕ ᖃᓄᐃᖕᖏᓂᖓ. ᑕᕝᕙᓂ ᑲᑎᒪᓂᕐᒥ, ᐊᐱᕐᓱᓚᖓᔭᒋᑦ ᓱᓇᑐᐃᓐᓇᐅᔮᕐᑐᓂᒃ ᐅᕝᕙᓘᓐᓃᑦ ᓇᒻᒥᓂᕐᓅᕖᓕᖓᑦᓱᑎᒃ. ᐅᕙᓐᓂᒃ ᐃᑲᔪᕐᓯᓚᖓᔪᑦ ᐱᐅᓂᕐᐹᑎᒍᑦ ᐃᓕᓐᓂᒃ ᐃᑲᔫᑎᑦᓴᓂᒃ ᓄᐃᑦᓯᒋᐊᖃᓚᖓᒐᒪ. ᐃᓱᕐᕆᖏᒃᑯᕕᑦ ᑭᐅᒍᒪᖕᖏᑕᑎᑦ ᑭᐅᖕᖏᑲᓗᐊᕈᕕᒃᑭᑦ ᖃᓄᐃᓚᖓᖕᖏᑐᖅ. ᑖᓐᓇ ᑲᑎᒪᓂᖅ ᐃᓕᓐᓂᒃ ᐱᑦᔪᑎᓕᒃ ᐊᒻᒪᓗ ᑭᖕᖒᒪᔭᕐᓃᕕᑦ.
2.	ᓇᓗᓀᕐᓗᒍ ᐃᓅᑉ ᐃᓅᓯᖓᓂ ᓱᓂᖓ ᐳᕙᓪᓗᓇᐅᑉ ᓯᓚᑖᒍᑦ. ᐳᕙᓪᓗᓇᕐᒥᒃ ᐅᖄᖕᖏᑫᓐᓇᓚᖓᔪᖓ… ᐅᖃᐅᑎᒍᓐᓇᐸᒻᒪ ᐱᒻᒪᕆᖁᑎᑉᐱᑦ ᐃᓚᖏᓐᓂᒃ ᐃᓅᓯᕐᓃᕕᑦ? ᐱᓇᓱᒉᑦ, ᐃᓚᑎᑦ? ᐊᓇᕐᕋᓯᓐᓂ? ᐃᓗᓯᕐᓱᓃᑦ ᐊᒻᒪᓗ ᖃᓄᐃᖕᖏᓯᐊᕐᓃᑦ?
ᑕᒪᓐᓇ ᐅᖁᒣᑦᑑᑐᐃᓐᓇᕆᐊᓕᒃ ᐅᕝᕙᓘᓐᓃᑦ ᐊᑦᑐᑕᐅᒪᓐᓇᓗᓂ ᐊᐱᕐᓲᑎᐅᓗᓂ, ᐃᓱᒪᒥᒋᑦ ᓄᕐᖃᑫᓐᓇᕈᒪᒍᕕᑦ ᐅᕝᕙᓘᓐᓃᑦ ᓯᕗᓂᕐᒥ ᑲᑎᒋᐊᓪᓚᕕᑦᓴᑎᒃ ᐋᕐᕿᓗᒍ ᐱᔭᕇᕆᐊᕐᓗᒋᑦ ᐃᓚᖏᑦ.
3.	ᑐᓴᕐᑕᐅᑎᓕᑌᓐᓇᓗᒋᑦ ᐳᕙᓪᓗᓂᐅᑉ ᐱᒻᒪᕆᑦᑕᖏᑦ ᐊᒻᒪᓗ ᓂᒪᕐᑐᑦ ᐳᕙᓪᓗᓀᑦ ᐊᕐᖁᑎᒋᓲᖏᑦ. ᒋᐊᖃᓕᕐᐸᑕ ᐅᑯᐊ ᐃᓱᒪᒋᔭᐅᕙᓪᓗᓲᑦ ᑕᑯᒐᓱᐊᖃᑦᑕᓗᒋᑦ: ᓂᒪᕐᑐᑦ ᐳᕙᓪᓗᓀᑦ ᓂᒪᕐᑐᓄᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᒪᒥᓴᐅᑎᒃ ᐃᓄᑐᐊᒃᑯᕕᒻᒦᑐᖅ
4.	ᓇᓗᓀᕐᓗᒍ ᖃᓄᖅ ᐃᑉᐱᒍᓱᒻᒪᖔᑦ ᐃᓄᒃ ᐳᕙᓪᓗᕆᐊᒥᒃ. ᐳᐃᒍᕐᑌᓕᓗᑎᑦ ᑐᑭᓯᓂᕐᓗᑌᓕᒋᐊᖃᕐᓃᑦ ᖃᓄᑐᐃᓐᓇᖅ ᐃᑉᐱᒋᔭᖏᑦ ᐅᖃᐅᓯᕆᑦᓱᒋᑦ.. ᓯᕗᓪᓕᐹᒥ, ᖃᓄᖅ ᐃᑉᐱᒍᓱᓚᕿᕕᑦ ᓂᒪᕐᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᓇᕐᑕᖃᕆᐊᒥᒃ? ᐃᓄᒃ ᖃᐅᔨᒪᒻᒥᔭᕋ ᑌᒣᑦᓭᓇᓚᐅᔪᒻᒥᔪᖅ ᐅᖃᐅᑎᔭᐅᑦᓱᓂ ᐳᕙᓪᓗᕆᐊᖓ.
5.	ᓇᓗᓀᕐᓗᒋᑦ ᐃᓱᒫᓘᑏᑦ ᐊᒻᒪᓗ ᐃᓂᕐᑑᒪᓂᖅ ᐳᕙᓪᓗᓇᕐᒥᒃ ᐅᕝᕙᓘᓐᓃᑦ ᒪᒥᓴᕆᐊᖃᓚᖓᓂᕐᒥᒃ. ᒪᓂᔨᕕᒋᓗᒋᑦ ᓴᐳᑦᔨᓂᕐᒥᒃ ᐊᒻᒪᓗ ᐃᓱᕐᕆᓕᐅᒥᑎᒋᐊᕐᓗᒋᑦ. ᕿᒥᕐᕈᓗᒋᑦ ᐊᑐᓂᑦ ᓇᓗᓀᕐᓯᐅᑏᑦ ᐊᓪᓚᓗᒋᓪᓗ ᐃᓱᒫᓘᑏᑦ ᐊᒻᒪᓗ ᐊᐱᕐᓲᑏᑦ. ᐋᓐᓂᐊᓯᐅᕐᑕᒥᒃ ᐅᖄᖃᑎᖃᕐᓗᑎᑦ ᐅᑯᓄᖓᐅᓕᖓᔪᓂᒃ ᐃᓱᒫᓘᑏᑦ ᐊᒻᒪᓗ ᐃᑲᔪᕐᓯᐅᑎᑦᓭᑦᒋᐊᖃᕐᐸᑦ
ᖃᓄᖅ ᐃᑉᐱᒍᓱᓕᕐᕿᑦ? ᓄᕐᖃᑫᓐᓇᕈᒪᓕᕐᕿᑦ ᑕᕝᕗᖓ ᐅᑎᕆᐊᓪᓚᓛᕐᓗᑎᑦ?
6.	ᑫᓪᓗᑐᕐᓗᒍ ᐃᑲᔪᕐᑎᓴᕐᓯᐅᖁᓗᒍ ᐃᓄᒃ ᐊᕐᓱᕈᓗᐊᓕᕐᐸᑦ. ᐃᓚᖓᓐᓂ ᐱᔭᕐᓃᑑᒍᓐᓇᑐᖅ ᒪᒥᓴᐅᑎᓂᒃ ᐊᖑᒪᑦᓯᒐᓱᐊᕐᓱᓂ ᑕᕐᕿᓂ ᐊᒥᓱᓂ. ᐊᕐᓱᕈᓗᐊᕐᑑᔮᓕᕈᕕᑦ, ᐅᕙᓐᓄᑦ ᐅᖄᖃᑦᑕᕈᓐᓇᓚᖓᔪᑎᑦ.
7.	ᓇᓗᓀᕐᓗᒋᑦ ᐃᓅᑉ ᓇᓂᔭᐅᒍᑎᑦᓴᒋᐊᓪᓚᖏᑦ. ᐃᑲᔪᕐᓯᓗᒋᑦ ᓄᐃᑦᓯᒋᐊᕐᑎᓗᒋᑦ ᓴᐳᑦᔨᐅᑎᒍᑏᑦ ᐱᑐᑦᓯᒪᐅᑎᕕᖓᓂᒃ. ᐃᓕᓐᓄᑦ ᐅᖄᒋᐊᖃᓕᕈᒪ ᖃᓄᖅ ᓇᓂᒍᓐᓇᖃᑦᑕᓚᖓᕙᒋᑦ? ᐃᓱᒪᒍᓐᓇᐱᑦ ᐃᓄᓐᓂᒃ ᐃᓅᓯᕐᓃᕕᑦ ᐃᓕᓐᓂᒃ ᐃᑲᔪᕈᓐᓇᑐᓂᒃ ᒪᒥᓴᐅᑎᑐᕐᓂᓃᕕᑦ? ᑭᓇᑐᐃᓐᓇᐅᒍᓐᓇᑐᖅ ᑕᑎᒋᔦᑦ ᐅᖄᕕᒋᒍᓐᓇᓗᒍ ᐅᕝᕙᓘᓐᓃᑦ ᑭᓇᑐᐃᓐᓇᖅ ᕿᑐᕐᖓᓃᕕᑦ ᐯᑎᑦᓯᒍᓐᓇᑐᖅ ᐋᓐᓂᐊᓯᐅᑎᒃᑯᓃᒋᐊᖃᓕᕈᕕᑦ.
8.	ᓄᐃᓗᒍ ᒪᒥᓴᕐᓗᓂ ᓈᒻᒪᓯᑦᑕᕈᑎᒋᓂᐊᕐᑕᖓ. ᐅᖃᐅᓯᕆᑫᓐᓇᑕᕗᓐᓂ, ᖃᖓᐅᓕᕐᐸᑦ ᓈᒻᒪᓴᓐᓂᓴᐅᖃᑦᑕᓂᐊᕐᕿᑦ ᐄᒉᑐᕐᕕᒋᖃᑦᑕᓗᒍ? ᑖᓐᓇ ᐱᒋᐊᕐᕕᓕᐅᑎᑐᐃᓐᓇᖅ, ᐊᓯᑦᔨᒋᐊᖃᕈᑦᑎᒍ ᓈᒻᒪᓯᑦᑕᕈᑎᒋᓂᐊᕐᑌᑦ, ᐊᓯᑦᔨᕈᓐᓇᓛᕐᑕᕗᒃ!
9.	ᐃᕐᙯᑎᓗᒍ ᐃᓄᒃ ᑐᖓᓕᐊᓂ ᐋᓐᓂᐊᓯᐅᑎᒃᑯᓕᐊᕐᕕᓴᖓᓂᒃ ᐊᒻᒪᓗ ᐃᓕᓐᓂᒃ ᖃᐅᔨᑎᑦᓯᒍᓐᓇᓂᖓ ᐃᑲᔪᕐᑎᓭᓪᓘᓕᕈᓂ. ᑕᑯᓛᕆᕙᒋᑦ ᐄᒉᑐᓕᕈᕕᑦ ᑭᓯᐊᓂ ᖃᖓᑐᐃᓐᓇᖅ ᐅᕙᓐᓄᑦ ᐅᖄᒍᓐᓇᑐᑎᑦ.	ᐊᑕᐅᓯᖅ ᐋᓐᓂᐊᓯᐅᕐᑕᐅᑉ ᐊᑦᔨᑖᖓ ᐁᑉᐸᖓ ᐊᓪᓚᖁᑎᖏᓐᓃᓚᖓᔪᖅ

ᑲᑎᔭᕕᓂᕆᑦᓱᒍ ᑭᖑᓂᖓᒍᑦ ᑲᑎᓯᓂᖅ
ᖁᕕᐊᓲᑎᒋᓗᒍ ᐃᓅᑉ ᐱᕙᓪᓕᓯᐊᕐᓂᖓ.	ᑫᓪᓗᑐᕆᐊᕐᓗᒍ ᓂᕆᐅᑦᓯᐊᓇᕐᑐᑕᖃᕐᓂᖓᓂᒃ ᓯᕗᓂᕐᒥ. ᐃᓄᒃ ᐱᔪᑦᓴᐅᔮᕐᑎᒋᐊᕐᓗᒍ ᑲᔪᓯᑦᓯᐊᓂᖃᖁᓗᒍ.
ᐅᖃᐅᓯᕆᓗᒋᑦ ᓄᑖᑦ ᐊᒻᒪᓗ ᐊᑯᓂᓂᑌᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ.	ᐃᓄᒃ ᐃᑉᐱᒍᓱᑦᑎᓗᒍ ᑲᔪᓯᔪᒥᒃ ᐃᑲᔪᕐᑕᐅᖃᑦᑕᓂᐊᕐᒪᑦ ᒪᒥᓴᕐᓂᓕᒫᒥᓂ. ᐃᓄᒃ ᐃᑉᐱᒍᓱᑦᑎᓗᒍ ᑲᔪᓯᔪᒥᒃ ᐃᑲᔪᕐᑕᐅᖃᑦᑕᓂᐊᕐᒪᑦ ᒪᒥᓴᕐᓂᓕᒫᒥᓂ.
ᓇᓗᓀᕐᓗᒋᑦ ᐊᓯᑦᔨᑐᕐᓂᖏᑦ ᒪᒥᓴᕐᓂᒧᑦ ᐸᕐᓀᒍᑎᐅᑉ ᐊᒻᒪᓗ ᓈᒻᒪᓯᑦᑕᕈᑎᑕᖏᑦ.	ᐃᓱᕐᕆᓇᕐᑎᒋᐊᕐᓗᒍ ᒪᒥᓴᕐᓂᒧᑦ ᐸᕐᓀᒍᑎᒃ ᐃᓅᑉ ᑭᖕᖒᒪᔭᖏᑦᑕ ᐊᓯᑦᔨᓂᖏᑦ ᒪᓕᓪᓗᒋᑦ. ᐊᓯᑦᔨᓗᒍ ᐸᕐᓀᒍᑎᒃ ᖁᐱᕐᕈᐊᕈᕐᓂᒃ ᑐᖁᓭᑎᓄᑦ ᒪᒥᓴᕈᑎᖃᕐᓂᖓ ᐊᓯᑦᔨᔭᐅᑉᐸᑦ.
ᓇᓗᓀᕐᓗᒍ ᐃᓄᒃ ᖃᐅᔨᒪᔫᔮᕈᓐᓀᐸᑦ ᐱᔭᕇᒍᓐᓇᓚᖓᒋᐊᒥᓂᒃ ᒪᒥᓴᕐᓂᒥᒃ.	ᓇᓗᓀᕆᐊᕐᓗᒍ ᐃᓄᒃ ᒪᒥᓴᐅᑎᑐᕐᑕᒥᓂᒃ ᓄᕐᙯᓇᕐᓂᐅᔭᕐᑑᔮᕐᓂᖓ. ᑫᓪᓗᑐᕐᓗᒍ ᒪᒥᓴᐅᑎᓂᒃ ᐱᔭᕇᑦᓯᐊᕆᐊᖃᕐᓂᖓ.

✔ᕿᓂᕐᓗᒍ ᒪᑐᒪᐅᑏᑦ ᕿᖓᒃᑯᑦ ᖃᓂᒃᑯᓗ (ᒋᐊᖃᕐᐸᑦ)
✔ ᓇᓪᓕᑳᕐᓗᒍ ᑲᑎᒪᕕᒋᓂᐊᕐᑕᑎᒃ.
✔ ᐊᑐᐊᕐᓗᒋᑦ ᓇᓗᓀᕐᑐᐃᓯᒪᐅᑏᑦ ᐊᑖᓃᑦᑐᑦ.	ᑕᑯᖕᖓ ᑕᑯᑎᑦᓯᓂᐊᕋᒪ! ᖁᑉᐱᒐᖅ
✔ ᕿᒥᕐᕈᕆᐊᓪᓚᓗᒋᑦ ᐃᓅᑉ ᐃᓱᒫᓘᑎᖏᑦ, ᐊᐱᕐᓲᑎᖏᑦ ᐊᒻᒪᓗ ᓴᐳᑦᔭᐅᒍᑎᖏᑦ ᐊᒻᒪᓗ ᒪᒥᓴᕐᓂᒧᑦ ᐸᕐᓀᒍᑎᒃ/ᓈᒻᒪᓯᑦᑕᕈᑎᒃ.	ᑕᑯᖕᖓ ᕿᒥᕐᕈᓯᐊᕐᓂᐊᕋᕕᖕᖓ! ᐋᓐᓂᐊᓯᐅᕐᑕᐅᔫᑉ ᐊᓪᓚᖁᑎᖓ
✔ ᑐᑭᑖᕐᓗᑎᑦ ᓇᓪᓕᖏᑦ ᐅᖃᐅᓯᐅᒋᐊᓖᑦ ᑲᔪᓯᒋᐊᖃᓕᕐᒥᖔᑕ.
✔ ᐅᖄᕕᒋᓗᒍ ᐋᓐᓂᐊᓯᐅᑎᒃ ᐃᓕᒃᑯᑦ ᓇᓗᓀᕐᓯᐅᑎᑕᖏᓐᓂᒃ ᐅᕝᕙᓘᓐᓃᑦ ᑐᓴᐅᒪᖃᑎᒌᒍᑕᐅᓯᔪᓂᒃ ᑲᑎᒪᓂᕐᒥ ᓄᐃᓚᖓᔪᓂᒃ.
✔ ᐃᓱᒪᒃᑯᑦ ᐊᑐᐃᓐᓇᐅᕕᒋᓗᒍ ᓈᓚᒋᐊᖃᕐᓃᑦ ᐊᒻᒪᓗ ᐅᖄᕕᖃᕆᐊᖃᕐᓃᑦ ᐃᓄᒻᒥᒃ.

1.	ᐅᐱᒪᒋᓗᒍ ᐃᓄᒃ ᐱᕙᓪᓕᐊᓯᐊᕐᓯᒪᓕᕐᒪᑦ ᑎᑭᑦᓱᓂ ᐅᓪᓗᒥᒧᑦ. ᑕᑯᑎᒍᓐᓇᑕᑎᑦ ᒪᒥᓴᕐᓂᒥᓂ ᓇᓪᓕᐊᓃᓚᑳᓕᕐᒪᖔᑕ. ᐅᓪᓗᒥᒧᑦ ᐱᑦᓯᐊᑐᒻᒪᕆᐊᓘᕗᑎᑦ! ᒪᒥᓴᕐᓂᓃᕕᑦ ᐅᕙᓃᓚᑳᓕᕇᕐᖁᑎᑦ.	ᑖᒃᑯᐊ ᐃᓚᖏᑦ ᐅᖃᐅᓯᕆᓯᒪᔭᖏᑦᑕ ᐊᓪᓗᕈᓐᓇᑕᑎᒃ ᑐᖕᖓᕕᐅᑎᓗᒍ ᖃᓄᐃᓕᖓᓕᕐᓂᖓ!
2.	ᓇᓗᓀᕐᓗᒍ ᖃᓄᐃᓕᖓᓕᕐᒪᖔᑦ ᒪᒥᓴᕐᓂᖅ. ᖃᓄᐃᓕᕐᖀᑦ? ᐄᒐᕐᑐᓃᑦ ᖃᓄᐃᖃᑦᑕᓕᕐᖃ?	ᑭᓇᓘᓐᓃᑦ ᐸᑦᓯᑎᑦᓴᐅᖏᑦᑐᖅ ᐃᓄᒃ ᐄᓯᖃᑦᑕᖏᒻᒪᑦ - ᐱᒻᒪᕆᐅᕗᖅ ᐃᑉᐱᒋᑦᓯᐊᖔᕈᕕᒃᑭᑦ ᐊᐅᒡᒐᖃᔭᖕᖏᑕᑎᑦ ᐊᒻᒪᓗ ᖃᓄᐃᓘᕐᓗᑕ ᐱᔭᕆᐊᑭᓪᓕᑎᕈᓐᓇᒪᖔᑦᑎᒍ.
3.	ᓇᓗᓀᕐᓗᒋᑦ ᑭᖑᓂᕐᒥ ᐃᓱᒫᓘᑎᕕᓂᖏᑦ ᐊᓂᒍᕐᓯᒪᓕᕐᓂᖏᑦ. ᖃᓄᖅ ᐃᑉᐱᒍᓱᓕᕐᕿᑦ ᐃᓱᒫᓘᑎᒋᓂᕋᕐᓱᒋᑦ ᑭᖑᓪᓕᐹᒥ ᐅᖃᐅᓯᕆᓚᐅᔪᔭᕐᓅᕕᑦ?
4.	ᓇᓗᓀᕐᓗᒋᑦ ᓄᑖᑦ ᐃᓱᒫᓘᑎᒋᓕᕐᒥᔭᖏᑦ ᐊᒻᒪᓗ ᐊᓯᑦᔨᓗᒍ ᒪᒥᓴᕐᓂᒧᑦ ᐸᕐᓀᓯᒪᐅᑎᒃ ᒋᐊᖃᕐᐸᑦ. ᐃᓄᒃ ᓄᑖᓂᒃ ᐃᓱᒫᓘᑎᖃᓕᕆᕙ ᑭᖑᓪᓕᐹᒥ ᑲᑎᒪᔭᕕᓂᕆᔦᓐᓂ ᐃᓱᒫᓗᒍᑎᒋᓯᒪᓐᓂᖏᒃᑕᒥᓂᒃ? ᐃᓄᒃ ᐃᓄᑐᐊᒃᑯᕕᒻᒦᓚᖓᒍᓐᓀᖃ? ᐱᒋᐊᓯᓗᓂ ᑐᖓᓕᕇᓂ 2-ᒍᒍᑎᖓᓂᒃ? ᐊᓯᖃᕐᐸᑦ ᐊᓯᑦᔨᕆᐊᓖᑦ ᐱᔪᑦ ᐋᓐᓂᐊᓯᐅᑎᓂᑦ ᒪᒥᓴᕐᓂᒧᑦ ᐸᕐᓀᒍᑎᖏᓐᓂ ᐅᖃᐅᓯᕆᔭᐅᒋᐊᖃᓕᕐᓱᑎᒃ?
5.	ᐃᕐᙯᑎᓗᒍ ᒪᒥᓴᐅᑎᓂᒃ ᑲᔪᓯᒋᐊᖃᕐᓂᖓ ᓄᕐᙯᓇᕈᓐᓀᓗᒋᑦ. ᑕᑯᒐᓱᐊᕐᓗᒍ ᒪᒥᓴᐅᑎᓂᒃ ᐱᔭᕇᕐᓂᖅᒋᐊᖃᕈᕕᐅᒃ. ᐊᓕᐊᕐᕈᐊᓕᕐᖁᖓ ᐃᑉᐱᒍᓱᓕᕋᕕᑦ ᐃᑯᓪᓚᐅᒥᒋᐊᖅ! ᑭᓯᐊᓂ ᐱᒻᒪᕆᐅᕗᖅ ᑲᔪᓯᑦᓯᐊᖏᓐᓇᕆᐊᖃᕐᓃᑦ ᐃᓱᐊ ᑎᑭᓪᓗᒍ. ᒪᒥᓴᐅᑎᓂᒃ ᓄᕐᙯᓇᕐᓂᒃ ᑕᒐᑕᒐ ᑐᑭᖃᕈᓐᓇᑐᖅ ᐱᒋᐊᕐᕕᓯᐊᖓᓂᑦ ᐱᒋᐊᓕᕐᕿᒋᐊᖃᕈᓐᓇᓂᕐᓃᕕᑦ. ᑐᑭᖃᕈᓐᓇᓱᓂᓗ ᐳᕙᓪᓗᓇᖅ ᐃᓕᓐᓄᑦ ᐅᑎᕈᓐᓇᒪᑦ ᓲᓂᕐᓴᐅᓕᕐᓗᓂᐊᓪᓛᑦ ᐊᒻᒪᓗ ᐊᓯᓐᓅᕕᑦ ᓯᐊᒻᒪᕆᐊᓪᓚᕈᓐᓇᓗᓂ.
6.	ᐃᕐᙯᑎᓗᒍ ᓯᕗᓂᕐᒥ ᖃᐅᔨᓴᕐᑕᐅᒋᐊᖃᓛᕐᓂᖓᓂᒃ. ᑕᑯᒐᓱᐊᕐᓗᒍ ᐳᕙᓪᓗᓇᕐᒥᒃ ᖃᐅᔨᓴᕈᑏᑦᒋᐊᖃᕈᕕᐅᒃ. ᖃᐅᔨᓴᕐᑕᐅᓕᕐᕿᕕᑦᓭᑦ ᓇᓪᓕᐅᑎᓯᒪᔫᔮᓕᕐᑐᖅ ________ (ᒪᑦᑖᑎᑕᐅᓗᑎᑦ ᐊᑦᔨᓕᐅᕐᑕᐅᓗᑎᑦ, ᐊᐅᖏᕐᑕᐅᓗᑎᑦ, ᓄᕙᒃᑯᑦ ᖃᐅᔨᓴᕐᑕᐅᓗᑎᑦ) ᐅᓪᓗᖓ ᐅᕙᓂ_______(ᐅᓪᓗᖓ).
7.	ᐃᓄᒃ ᐃᑎᕐᑐᖅ ᓇᑯᕐᒦᓗᒍ ᓇᑯᕐᒦᑦ ᙯᒐᕕᑦ! ᑕᑰᑎᑲᐱᓚᖓᕗᒍᑦ! ᓱᓇᑐᐃᓐᓇᖅ ᐊᑑᑎᑉᐸᑦ, ᐅᖄᖃᑦᑕᓂᐊᕐᖁᑎᑦ ᐅᕙᓐᓄᑦ!

ᒪᒥᓴᕐᓂᒧᑦ ᑲᑎᒪᑦᓯᓂᐅᑉ ᐃᓱᐊ
ᖁᕕᐊᓲᑎᒋᓗᒋᑦ ᐃᓅᑉ ᐱᓚᕿᔭᖏᑦ.	ᒪᒥᓴᕈᑎᖃᕐᓂᖅ ᐳᕙᓪᓗᓇᕐᒥᒃ ᐱᔭᕐᓃᑑᓲᖅ. ᒪᒥᓴᕈᑎᓂᒃ ᐱᔭᕇᕐᑐᖅ ᖁᕕᐊᓲᑕᐅᔪᑦᓴᐅᕗᖅ.
ᐅᖃᐅᓯᕆᓗᒋᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ ᓯᕗᓂᕐᒥ ᑲᑎᔭᐅᒋᐊᓪᓚᖃᑦᑕᕆᐊᖃᕐᓂᒧᑦ.	ᐃᑲᔪᕐᓯᓗᒍ ᐃᓄᒃ ᑐᑭᓯᒋᐊᕐᑎᓗᒍ ᐱᕙᓪᓕᖁᑎᐅᓂᖏᓐᓂᒃ ᑭᖑᓂᖓᒍᑦ ᑕᑯᔭᐅᓕᕐᕿᒋᐊᖃᕐᓃᑦ. ᑫᓪᓗᑑᑎᒋᓗᒋᑦ ᐳᕙᓪᓗᓇᕐᒥᒃ ᐃᑉᐱᒍᓱᑦᓯᐊᖏᓐᓇᐅᑎᑦᓭᑦ.

ᒪᒥᓴᕐᓂᒧᑦ ᑲᑎᒪᑦᓯᓂᐅᑉ ᐃᓱᐊ

ᖁᕕᐊᓲᑎᒋᓗᒋᑦ ᐃᓅᑉ ᐱᓚᕿᔭᖏᑦ.

ᒪᒥᓴᕈᑎᖃᕐᓂᖅ ᐳᕙᓪᓗᓇᕐᒥᒃ ᐱᔭᕐᓃᑑᓲᖅ. ᒪᒥᓴᕈᑎᓂᒃ ᐱᔭᕇᕐᑐᖅ ᖁᕕᐊᓲᑕᐅᔪᑦᓴᐅᕗᖅ.

ᐅᖃᐅᓯᕆᓗᒋᑦ ᐊᐱᕐᓲᑏᑦ, ᐃᓱᒫᓘᑏᑦ, ᐊᒻᒪᓗ ᐃᓂᕐᑑᒪᒋᔭᖃᕐᓃᑦ ᓯᕗᓂᕐᒥ ᑲᑎᔭᐅᒋᐊᓪᓚᖃᑦᑕᕆᐊᖃᕐᓂᒧᑦ.

ᐃᑲᔪᕐᓯᓗᒍ ᐃᓄᒃ ᑐᑭᓯᒋᐊᕐᑎᓗᒍ ᐱᕙᓪᓕᖁᑎᐅᓂᖏᓐᓂᒃ ᑭᖑᓂᖓᒍᑦ ᑕᑯᔭᐅᓕᕐᕿᒋᐊᖃᕐᓃᑦ.

ᑫᓪᓗᑑᑎᒋᓗᒋᑦ ᐳᕙᓪᓗᓇᕐᒥᒃ ᐃᑉᐱᒍᓱᑦᓯᐊᖏᓐᓇᐅᑎᑦᓭᑦ.

✔ ᓇᓪᓕᑳᕐᓗᒍ ᑲᑎᒪᕕᒋᓂᐊᕐᑕᑎᒃ.
✔ ᐊᑐᐊᕐᓗᒋᑦ ᓇᓗᓀᕐᑐᐃᓯᒪᐅᑏᑦ ᐊᑖᓃᑦᑐᑦ.
✔ ᐅᖄᕕᒋᓗᒍ ᐋᓐᓂᐊᓯᐅᑎᒃ ᐃᓕᒃᑯᑦ ᓇᓗᓀᕐᓯᐅᑎᑕᖏᓐᓂᒃ ᐅᕝᕙᓘᓐᓃᑦ ᑐᓴᐅᒪᖃᑎᒌᒍᑕᐅᓯᔪᓂᒃ ᑲᑎᒪᓂᕐᒥ ᓄᐃᓚᖓᔪᓂᒃ.
✔ ᐃᓱᒪᒃᑯᑦ ᐊᑐᐃᓐᓇᐅᕕᒋᓗᒍ ᓈᓚᒋᐊᖃᕐᓃᑦ ᐊᒻᒪᓗ ᐅᖄᕕᖃᕆᐊᖃᕐᓃᑦ ᐃᓄᒻᒥᒃ.

1.	ᐅᐱᒪᒋᕙᓪᓛᓗᒍ ᐃᓄᒃ ᐱᔭᕇᕐᒪᑦ ᒪᒥᓴᐅᑎᒥᓂᒃ. ᐊᓕᐊᒍᑦᔨᐹ! ᐊᓂᒍᐃᕗᑎᑦ!
2.	ᓇᓗᓀᕐᓗᒍ ᐃᓅᑉ ᐃᑉᐱᒍᓱᓐᓂᖓ. ᖃᓄᖅ ᐃᑉᐱᒍᓱᓕᕐᕿᑦ ᐱᔭᕇᕋᕕᑦ? ᑎᒥᒃᑯ? ᐃᓱᒪᒃᑯᑦ?
3.	ᐃᓄᒃ ᐃᕐᙯᑎᓗᒍ ᑭᖑᓪᓕᐹᒥᒃ ᓇᐅᑦᓯᑐᕐᑕᐅᒋᐊᖃᕐᓂᖓᓂᒃ ᐋᓐᓂᐊᓯᐅᑎᒧᑦ/ ᐋᓐᓂᐊᓯᐅᑎᐊᓗᒻᒧᑦ. ᑕᑯᒐᓱᐊᕐᓗᒍ ᐳᕙᓪᓗᓇᕐᒥᒃ ᖃᐅᔨᓴᕈᑏᑦᒋᐊᖃᕈᕕᐅᒃ. ᐱᔭᕇᕐᐳᑎᑦ ᐄᕐᖃᕆᐊᖃᑦᔭᒍᓐᓀᖁᑎᑦ. ᐋᓐᓂᐊᓯᐅᑎᐊᓗᒃ ᐅᕝᕙᓘᓐᓃᑦ ᐋᓐᓂᐊᓯᐅᑎᒃ ᐊᐱᕐᓱᖄᓚᖓᒍᒪᔪᖅ ᐃᓚᐅᒋᐊᖃᕐᒪᑦ ᖃᐅᔨᓴᕐᑕᐅᖃᑦᑕᕆᐊᖃᕐᓃᑦ ᐃᓱᓕᑎᓗᒍ.
4.	ᐃᓕᓭᒍᑎᒋᓗᒍ ᒪᑦᑖᑎᑕᐅᓗᓂ ᐳᕙᒃᑯᑦ ᐊᑦᔨᓕᐅᕐᑕᐅᓗᓂ ᖃᐅᔨᓴᕐᑕᐅᖃᑦᑕᓚᖓᓂᖓ (SCR) ᐊᕐᕌᒍᓂ ᐊᒥᓲᖕᖏᑐᓂ ᓯᕗᓂᕐᒥ. ᑕᑯᒐᓱᐊᕐᓗᒋᑦ SCRᒋᐊᖃᕈᕕᒃᑭᑦ. ᑌᒪ ᑕᕝᕗᖓᕐᑎᓗᑎᑦ ᑕᑯᓗᑭᖃᑦᑕᓂᐊᕈᓐᓀᑐᒍᑦ ᑭᓯᐊᓂ ᒪᑦᑖᑎᑕᐅᖃᑦᑕᕆᐊᖃᓚᖓᔪᑎᑦ ᐊᑦᔨᓕᐅᕐᑕᐅᖃᑦᑕᕆᐊᖃᓚᖓᔪᑎᑦ ᐳᕙᒃᑯᑦ ᐊᕐᕌᒍᒥ ᒪᕐᕈᕕᓪᓗᑎᓘᓐᓃᑦ ᐳᕚᒃᑭᑦ ᖃᓄᐃᖕᖏᑑᒃ ᐊᒻᒪᓗ ᐳᕙᓪᓗᕈᓐᓀᓃᑦ ᓱᕐᖁᐃᑕᐅᖃᑦᑕᕆᐊᖃᓚᖓᒻᒪᓃᒃ.
5.	ᐃᕐᙯᑎᓗᒍ ᐱᒻᒪᕇᑦ ᐊᑑᑎᔭᐅᒋᐊᓖᑦ ᐳᕙᓪᓗᓇᕐᒧᐊᖓᔪᑦ ᐊᒻᒪᓗ ᓯᕗᓂᕐᒥ ᖃᓂᒻᒪᓯᖃᕐᒪᖔᑦ/ ᖃᐅᔨᓴᕐᑕᐅᖃᑦᑕᓛᕐᓂᖓᓂᒃ. ᑕᑯᒐᓱᐊᕐᓗᒋᑦ ᐳᕙᓪᓗᓯᒋᐊᓪᓚᑐᖅᒋᐊᖃᕈᕕᒃᑭᑦ. ᐳᕙᓪᓗᓀᑦ ᖁᐱᕐᕈᐊᕈᖏᑦ ᑐᖁᑕᐅᓯᒪᓕᕋᓗᐊᕐᐸᑕ, ᐳᕙᓪᓗᓯᒋᐊᓪᓚᕈᓐᓇᑐᑎᑦ. ᑌᒣᒻᒪᑦ ᐱᒻᒪᕆᐅᕗᖅ ᓱᓕ ᐃᑉᐱᒍᓱᑦᓯᐊᖃᑦᑕᕆᐊᖃᕐᓃᑦ. ᑲᑎᒪᑦᓯᒍᕕᑦ ᓂᒪᕐᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᓇᓕᒻᒥᒃ, ᙯᖁᔭᐅᖃᑦᑕᕈᓐᓇᓂᐊᕐᑐᑦ ᐋᕐᓂᐊᓯᐅᑎᒃᑯᓄᑦ ᐊᐱᕐᓱᑕᐅᒋᐊᕐᑐᓗᑎᑦ ᖃᓄᐃᖕᖏᓂᕐᓅᕕᑦ ᐊᒻᒪᓗ ᖃᐅᔨᓴᕐᑕᐅᓂᕐᓅᕕᑦ (ᐃᓚᐅᖃᑦᑕᓚᖓᔪᑦᓴᐅᔪᑦ ᒪᑦᑖᑎᑕᐅᖃᑦᑕᕆᐊᖃᕐᓂᓅᕕᑦ ᐊᑦᔨᓕᐅᕐᑕᐅᖃᑦᑕᕆᐊᖃᕐᓂᓅᕕᑦ ᓈᒻᒪᓯᑦᑕᑐᓂᒃ).