ᐊᑐᕐᓗᒍ ᑖᓐᓇ ᐊᑦᔨᖑᐊᖅ ᐅᖄᖃᑎᒋᓗᒍ ᐃᓄᒃ ᐃᓕᖓᔪᓄᑦ ᐳᕙᓪᓗᓇᐅᑉ ᓯᐊᒻᒪᓲᒍᓂᖓᓄᑦ ᓄᓇᓕᓐᓂ:

• ᑕᒐ, ᐅᖃᐅᓯᕆᓗᒍ ᐅᓇ ᐊᖑᑎᒃ ᐱᖃᑎᒥᓂᒃ ᐃᓪᓗᒥᐅᖃᑎᓕᒃ, ᓇᔭᒻᒥᓂᓪᓗ, ᐊᒻᒪᓗ ᐊᑖᑕᒥᓂᒃ. ᓇᔪᕐᑎᖃᕐᒥᓱᑎᒃ ᓇᔭᖓᑕ ᐱᖃᑎᖓᓂᒃ ᐊᒻᒪᓗ ᐃᕐᓂᖓᓂᒃ. ᐃᓪᓗᖓ ᐳᓛᕆᐊᕐᕕᐅᓗᑭᓲᖅ ᐊᑖᑕᑉᐱᑦ ᐃᓚᓐᓈᖓᓄᑦ.

• ᐊᖑᑎᖁᑎᕗᑦ ᑖᓐᓇ, ᐃᒻᒪᖄ ᖃᓂᒪᒋᐊᒥᒃ ᐃᑉᐱᒍᓱᓕᕐᑐᖅ, ᖏᑦᑑᓗᓂᓘᓐᓃᑦ ᑭᓯᐊᓂ ᐳᕙᓪᓗᓇᖅ ᑎᕐᓕᐊᓯᓯᑎᐅᒍᓐᓇᒪᑦ, ᖃᐅᔨᒪᖕᖏᑐᖅ ᐳᕙᓪᓗᕆᐊᖅ ᐊᒻᒪᓗ ᐊᕐᓕᐊᓗᐊᖃᑦᑕᕋᒥ ᑭᖑᓂᖓᒍᑦ ᐋᓐᓂᐊᓯᐅᑎᒧᑦ ᑕᑯᔭᐅᒋᐊᖃᕐᓱᓂ ᙯᖃᑦᑕᕈᓐᓀᑐᖅ.

• ᐳᕙᓪᓗᓯᑐᐃᓐᓇᕋᑕᕐᑐᖅ ᓂᒪᕐᑐᓂᒃ ᖁᐱᕐᕈᐊᕈᖏᑦ, ᐊᒻᒪᓗ ᐊᓂᕐᓂᒥᒍᑦ ᐊᓂᐊᑎᕆᒐᒥ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ, ᐱᖃᑎᖓ ᐊᒻᒪᓗ ᐊᑖᑕᖓ ᓂᐅᕐᓯᔫᒃ ᐊᒻᒪᓗ ᖁᐱᕐᕈᐊᕈᖏᑦ ᕿᑲᕐᑐᓂᒃ ᐳᕙᓪᓗᓯᑦᓱᑎᒃ.

• ᐊᑖᑕᖓ, ᓴᖕᖐᓂᕐᓴᓂᒃ ᑎᒥᖓ ᓴᐴᓗᑕᓕᒃ, ᓂᒪᕐᑐᓂᒃ ᖁᐱᕐᕈᐊᕈᖏᑦ ᐳᕙᓪᓗᓯᑲᐱᓐᓂᓴᖅ ᐊᒻᒪᓗ ᓯᐊᒻᒪᑎᑦᓯᓱᓂ ᐳᕙᓪᓗᓇᕐᒥᒃ ᐸᓂᖓᑕ ᐱᖃᑎᖓᓄᑦ ᐊᒻᒪᓗ ᐃᕐᖑᑕᒥᓄᑦ.

• ᓯᕗᓪᓕᐅᑫᓐᓇᑑᑉ ᐊᖑᑎᐅᑉ ᐱᖃᑎᖓ ᓄᐃᕕᐅᓯᒪᓕᕐᒥᔪᖅ ᓂᒪᕐᑐᓄᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓄᑦ ᐊᒻᒪᓗ ᓇᔭᖓᑕ ᐱᖃᑎᖓ. ᐳᕙᓪᓗᓇᖅ ᓯᐊᒻᒪᑐᖅ ᐃᓘᓐᓇᑲᓵᖏᓐᓄᑦ ᐃᓪᓗᒥᐅᑕᕇᓄᑦ ᐃᓚᐅᑎᓗᒍ ᐊᑖᑕᖓᑕ ᐃᓚᓐᓈᖓ ᐳᓛᕆᐊᓗᑭᓲᖅ ᐊᓇᕐᕋᖓᓄᑦ.

• ᑖᓐᓇᓗ, ᐃᓘᓐᓇᑎᒃ ᐃᓄᐃᑦ ᐃᓪᓗᒥᑕ ᐃᓗᐊᓃᑐᐃᓐᓇᐸᖕᖏᑐᑦ, ᐃᒻᒪᖄ ᓯᕗᓪᓕᐅᑫᓐᓇᑐᖅ ᐊᖑᑎᖁᑎᕗᑦ ᐱᓇᓱᐊᕐᓱᓂ ᓄᓇᓖᑦ ᑲᕙᒫᐱᒃᑯᖏᓐᓂ ᐊᓪᓚᕕᖃᖃᑎᖃᕐᓱᓂ ᐃᓄᒻᒥᒃ ᐊᓯᒥᓂᒃ. ᐃᒻᒪᖄᓗ ᐱᖃᑎᖓ ᐱᓇᓱᐊᕐᓱᓂ ᐃᓕᓴᕐᕕᒥ ᐅᓪᓗᓕᒫᖅ ᑲᑎᒪᑦᓯᕙᑦᓱᓂ ᐃᓕᓵᒥᓂᒃ.

• ᑌᒣᒻᒪᑦ, ᑕᑯᒍᓐᓇᑕᑎᑦ ᖃᓄᓪᓗᐊᑎᒋᒃ ᓱᑲᑦᑐᒥᒃ ᐳᕙᓪᓗᓇᖅ ᓯᐊᒻᒪᓲᒍᒻᒪᖔᑦ ᐃᓄᒃ ᐊᑕᐅᓯᐊᐱᐅᒐᓗᐊᕐᒪᑦ ᑲᒪᒋᔭᐅᒍᑎᒋᒋᐊᓕᒥᓂᒃ ᑲᒪᒋᔭᐅᒍᑎᖃᖕᖏᐸᑦ.