ᐁᑦᑑᑎᐅᓂᖏᑦ ᕿᑲᕐᑐᑦ ᓂᒪᓕᕈᓐᓇᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᑦ
ᐊᑦᔨᖑᐊᖅ ᐊᑐᕐᓗᒍ ᐅᖄᖃᑎᒋᓗᒍ ᐃᓄᒃ ᐳᕙᓪᓗᓇᐅᑉ ᐃᑎᓲᒍᓂᖓᓂᒃ ᐊᒻᒪᓗ ᑎᒥᒥᒃ ᖃᓂᒻᒪᓯᕐᑖᑫᑦᓱᓂ:
ᑕᕝᕙᓂ ᐊᕐᔨᖑᐊᕐᒥ ᑕᑯᒐᓱᐊᓯᔪᒍᒃ ᖃᓄᖅ ᐳᕙᓪᓗᓇᖅ ᑎᒥᒧᑦ ᐃᑎᓲᒍᒻᒪᖔᑦ ᐊᒻᒪᓗ ᐅᑯᐊ ᓇᓪᓕᖓᓃᓯᑦᓱᓂ ᕿᑲᕐᑐᖅ (ᓯᓂᑦᑐᖅ) ᐅᕝᕙᓘᓐᓃᑦ ᓂᕐᒪᑐᖅ ᐳᕙᓪᓗᓇᖅ.
ᑕᒐ ᐳᕙᓪᓗᓇᐅᓚᕿᓲᖅ ᖁᐱᕐᕈᐊᕈᕐᒧᑦ ᒥᑭᔫᑦᓴᒪᑦ ᐃᔨᑦᑎᓄᑦ ᑕᑯᕐᖃᔭᖕᖏᑕᑦᑎᓄᑦ. ᐃᓄᒃ ᐳᕙᓪᓗᓇᕐᒥᒃ ᐁᑦᑐᐃᒍᓐᓇᑐᖅ ᖁᐃᕐᑐᒪᑦ, ᐳᕙᓪᓗᓇᐅᑉ ᖁᐱᕐᕈᐊᕈᖓ ᓂᐅᕋᑦᓴᒧᑦ ᐊᓂᓲᖅ. ᐃᓄᒃ ᐊᓯᐊ ᓂᐅᕐᓯᓱᓂ ᐳᕙᓪᓗᓇᐅᑉ ᖁᐱᕐᕈᐊᕈᖓᓂᒃ ᐳᕙᖓᓅᕐᑎᓗᒍ.
ᒫᓂ ᑕᑯᓐᓈᓴᖅ ᐳᕙᓪᓗᓇᐅᑉ ᓯᐊᒻᒪᓂᖓ ᐃᓅᑉ ᐊᓯᐊᓅᕐᓱᓂ ᑭᓯᐊᓂ ᐱᒻᒪᕆᐅᕗᖅ ᐳᐃᒍᕐᑌᓕᒋᐊᖃᕐᓂᖅ ᑭᓇᓘᓐᓃᑦ ᐸᑦᓯᑎᑦᓴᖑᓲᒍᖕᖏᒪᑦ. ᐱᐅᓂᕐᐸᐅᖃᑦᑕᓂᐊᕐᑐᖅ ᙯᑦᓯᐊᖃᑦᑕᓗᑎᑦ ᖃᐅᔨᓴᕐᑕᐅᒋᐊᕐᑐᓗᑎᑦ ᒪᒥᓴᕈᑎᖃᕐᓗᑎᓗ ᐳᕙᓪᓗᕆᐊᒥᒃ ᑐᓴᕐᑎᑕᐅᒍᕕᑦ.
ᐳᕙᓐᓃᕖᓕᕋᒥ, ᐳᕙᓪᓗᓇᖅ ᐅᑯᐊ ᓇᓪᓕᖓᓃᓯᓲᖅ ᕿᑲᕐᑐᖅ (ᓯᓂᑦᑐᖅ) ᐅᕝᕙᓘᓐᓃᑦ ᓂᒪᕐᑐᖅ. ᐊᒥᓱᐃᒍᕗᑦ ᐱᑦᔪᑏᑦ ᓱᒧ ᐳᕙᓪᓗᓇᖅ ᓂᒪᕐᓱᓂ ᐅᕝᕙᓘᓐᓃᑦ ᓯᓂᑦᓱᓂ ᑎᒥᒻᒦᓯᓲᒍᒻᒪᖔᑦ.
ᑕᑯᒐᓱᐊᓚᐅᕐᓚᕗᒃ ᓯᕗᓪᓕᒥ ᐳᕙᓪᓗᓇᖅ ᓂᒪᕐᑐᖅ. ᑌᒪ ᓂᒪᕐᑐᖅ ᐳᕙᓪᓗᓇᖅ ᑎᒥᓐᓃᕖᑦᑐᖅ ᐊᐅᒡᒉᓯᒪᔪᖅ ᐳᕙᓪᓗᓇᐅᑉ ᖁᐱᕐᕈᐊᕈᖓᓂᒃ ᑌᒪ ᖃᓂᒻᒪᓚᕿᔭᐅᓂᐊᓕᕋᕕᑦ. ᖁᐱᕐᕈᐊᕈᖓ ᐳᕙᓐᓃᕕᑦ ᓱᒃᑯᐃᒍᓐᓇᑐᖅ ᐊᒻᒪᓗ ᐳᕚᓐᓄᑦ ᓯᐊᒻᒪᓂᐊᓕᕐᒪᑕ ᐊᒻᒪᓗᐊᓪᓛᑦ ᑎᒥᐅᑉ ᐃᓚᖏᓐᓅᖃᕐᓱᑎᒃ ᐊᑦᔨᒌᖕᖏᑐᓄᑦ. ᑌᒣᓕᖓᕕᐅᓕᕈᕕᑦ ᖁᐃᕐᑐᓗᑎᑦ ᐳᕙᓪᓗᓇᐅᑉ ᖁᐱᕐᕈᐊᕈᖓᓂᒃ ᐊᓂᑎᑦᓯᒍᓐᓇᑐᑎᑦ ᐊᒻᒪᓗ ᐃᓄᓐᓄᑦ ᐊᓯᓐᓅᕕᑦ ᓯᐊᒻᒪᓚᕿᑦᓱᑎᒃ.
ᐅᑎᓯᒻᒥᔪᒍᒃ ᓯᓂᑦᑐᒧᑦ ᐳᕙᓪᓗᓇᕐᒧᑦ. ᓯᓂᑦᑐᒥᒃ ᐳᕙᓪᓗᕈᓂ, ᐃᓅᑉ ᑎᒥᖓ ᐃᓂᕐᓯᒍᓐᓇᑐᖅ 'ᐊᑭᓐᓇᒥᒃ' ᖁᐱᕐᕈᐊᕉᑉ ᐊᑦᑐᐊᓯᔭᖓᓂᒃ 'ᓯᓂᓯᒍᑎᒋᑦᓱᒍ' ᑎᒥᒥᒃ ᓱᒃᑯᐃᓂᐅᔭᕈᓐᓀᓱᓂ. ᐳᕙᓪᓗᓇᐅᑉ ᖁᐱᕐᕈᐊᕈᖓ ᑎᒥᓐᓃᕖᒍᓐᓇᑐᖅ ᓯᓂᑦᓱᓂ ᐃᓅᓯᓕᒫᕐᓃᕕᑦ ᒪᒥᓴᕐᑕᐅᖏᒃᑯᕕᑦ. ᓯᓂᑦᑐᖅ ᐳᕙᓪᓗᓇᐅᑉ ᖁᐱᕐᕈᐊᕈᖓ 'ᑐᐸᒍᓐᓇᑐᖅ' ᐅᕝᕙᓘᓐᓃᑦ ᐊᑭᓐᓇᒦᕝᕕᒥᓂᒃ ᓯᖁᒥᑦᓯᓗᓂ ᖃᖓᑐᐃᓐᓇᖅ ᓂᒪᕐᓗᓂ ᐳᕙᓪᓗᓇᖕᖑᓗᓂ.
On this page