ᐊᑐᕐᓗᒍ ᑖᓐᓇᑦ ᐊᑦᔨᖑᐊᖅ ᐅᖄᖃᑎᒋᓗᒍ ᐃᓄᒃ ᐃᓕᖓᔪᓂᒃ ᐱᕙᓪᓕᖁᑕᐅᓂᖓᓄᑦ ᒪᒥᓴᑲᐱᓯᓂᐅᑉ:

• "ᐱᑲᐱᓐᓂᖅ" ᐅᖃᐅᓯᓪᓚᕆᐅᒻᒥᔪᖅ ᐃᓱᒪᒋᔭᖃᓕᕈᕕᑦ ᐅᖑᒪᑦᓯᒍᒪᒋᐊᒥᒃ ᓇᓪᓕᑎᓐᓃᕕᑦ ᓇᓪᓕᒋᔭᕐᓃᕕᑦ ᐊᒻᒪᓗ ᓄᓇᓕᑦᑎᓂᒃ ᐳᕙᓪᓗᓇᕐᒧᑦ ᓯᐊᒻᒪᕕᐅᖁᓇᒋᑦ.

• ᓯᕗᓪᓕᒥ, ᐳᕙᓪᓗᕈᕕᑦ, ᐁᑦᑐᑐᐃᓂᐅᔭᖕᖏᓂᕐᓴᐅᔪᑎᑦ ᐊᒻᒪᓗ ᐳᕙᓪᓗᓇᕐᒥᒃ ᐊᓯᓐᓅᕕᑦ ᓯᐊᒻᒪᑎᑦᓯᖏᑦᑑᒍᓐᓇᓱᑎᑦ.

• ᑐᖓᓕᐊ, ᐊᖏᕐᓂᖅ ᒪᒥᓴᓚᖓᓂᕐᒥᒃ ᑐᑭᖃᕐᑐᖅ ᓀᓐᓂᓴᐅᓚᖓᔪᖅ, ᐱᔭᕆᐊᑭᓐᓂᓴᐅᓚᖓᔪᖅ ᒪᒥᓴᕐᓃᑦ ᑐᑭᖃᕐᓱᓂ ᑖᓐᓇ ᐊᑯᓂᐅᖕᖏᓂᕐᓴᖅ ᐋᓐᓂᐊᓯᐅᑎᒃᑯᓕᐊᑲᑦᑕᕆᐊᖃᓚᖓᔪᑎᑦ ᐅᕝᕙᓘᓐᓃᑦ ᒪᓂᒪᖕᖏᓂᕐᓴᐅᓗᑎᑦ ᑌᒪ ᐱᕕᑦᓴᖃᕐᓂᓴᐅᓂᐊᓕᕋᕕᑦ ᐱᓇᓱᐊᓲᕐᓃᕕᑦ ᐊᓕᐊᒋᑦᓱᒋᑦ ᓄᕐᖃᖓᒋᐊᖃᕈᓐᓀᓗᑎᑦ ᐃᓚᒋᓗᒋᑦ ᐃᓚᑎᑦ ᐊᒻᒪᓗ ᐃᓚᓐᓈᑎᑦ.

• ᐱᓇᓱᐊᕐᓃᓗ ᓄᕐᖃᖓᒋᐊᖃᖕᖏᓂᕐᓴᕆᓗᒍ (ᐅᕝᕙᓘᓐᓃᑦ ᐃᓕᓴᕐᓃᑦ). ᕿᑲᕐᓗᓂ ᐳᕙᓪᓗᓇᐅᑉᐸᑦ, ᐅᓪᓗᑕᒫᑦ ᐋᓐᓂᐊᓯᐅᑎᒃᑯᓄᑦ ᙯᖃᑦᑕᕆᐊᖃᓚᖓᖕᖏᑐᑎᑦ ᖁᐱᕐᕈᐊᕈᐃᑦ ᑐᖁᓭᒍᑎᖏᓐᓂᒃ ᐄᓯᒋᐊᕐᑐᓗᑎᑦ ᐊᒻᒪᓗ ᐱᓇᓱᐊᖕᖏᑑᒋᐊᖃᕈᓐᓀᓗᑎᑦ (ᐅᕝᕙᓘᓐᓃᑦ ᐃᓕᓴᖕᖏᑑᒋᐊᖃᕈᓐᓀᓗᑎᑦ) ᐃᓄᑐᐊᒃᑯᕕᒻᒦᒋᐊᖃᓚᖓᖕᖏᑯᕕᑦ.

• ᑭᖑᓪᓕᐹᒥ, ᑕᑯᕕᐅᑲᐱᓐᓂᖅ ᐊᒻᒪᓗ ᒪᒥᓴᕈᑎᖃᓯᑲᐱᓂᖅ ᐳᕙᓪᓗᓇᕐᒥᒃ ᐱᒻᒪᕆᐅᕘᒃ ᐃᑲᔪᕐᓯᐅᑕᐅᒍᓐᓇᕋᒥᒃ ᐃᓘᓐᓇᖓ ᓄᓇᓕᕗᑦ ᐳᕙᓪᓗᓇᕐᑕᖃᕈᓐᓀᑎᓚᕿᓗᒍ!