ᐊᑐᕐᓗᒍ ᐊᑦᔨᖑᐊᖅ ᐅᖄᖃᑎᖃᕐᓂᖅ ᐃᓄᒻᒥᒃ ᐱᕙᓪᓕᖁᑎᐅᓂᖓᓄᑦ ᓱᓇᒥᑦᑐᓂᒃ ᖃᐅᔨᓴᕐᑕᐅᓂᐅᑉ:

• ᓇᑯᕐᒦ ᙯᔪᖕᖑᐊᕌᓘᒐᕕᑦ! ᐅᖄᒍᑎᒃᑯᑦ ᕿᓄᕕᒋᓚᐅᑯᑦᑕᒋᑦ ᙯᖁᑦᓱᒋᑦ ᓄᓇᓕᓐᓂ ᐳᕙᓪᓗᓇᖅ ᓱᓇᒥᑦᑐᓂᒃ ᖃᐅᔨᓴᕐᑕᐅᓂᖃᕐᒪᑦ. ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᖃᕐᑐᒍᑦ ᐳᕙᓪᓗᓇᖅ ᓄᓇᓕᓐᓃᒪᑦ ᐊᒻᒪᓗ ᐊᒥᓱᓂᒃ ᐃᓄᓐᓂᒃ ᖃᐅᔨᓴᖃᑦᑕᓱᑕ - ᒪᓗᓐᓇᐅᑎᖃᖕᖏᑲᓗᐊᕐᒪᑕ ᐅᕝᕙᓘᓐᓃᑦ ᑲᑎᒪᑦᓯᓂᖕᖏᑲᓗᐊᕐᒪᑕ ᐃᓄᒻᒥᒃ ᐳᕙᓪᓗᑐᒥᒃ.

• ᐅᖃᐅᓯᖃᓪᓛᐱᓚᖓᔪᖓ ᐊᑯᓂᐅᖕᖏᑐᖅ ᐱᕙᓪᓕᖁᑕᐅᓂᖓᓂᒃ ᓄᓇᓕᓐᓂ ᓱᓇᒥᑦᑐᓂᒃ ᖃᐅᔨᓴᕐᓂᐅᑉ. ᑖᒃᑯᐊ ᐱᕙᓪᓕᖁᑏᑦ ᐃᓕᖓᕙᓪᓗᑐᑦ ᓇᓂᔨᑲᐱᒋᐊᖃᕐᓂᒧᑦ ᐳᕙᓪᓗᓇᕐᒥᒃ.

• ᐱᒋᐊᕐᕕᒋᓗᒍ, ᐳᕙᓪᓗᓇᐅᑉ ᖁᐱᕐᕈᐊᕈᓯᖓᓂᒃ ᐱᑕᖃᕈᕕᑦ ᑎᒥᓐᓃᕕᑦ, ᐱᒋᐊᕈᓐᓇᑐᑎᑦ ᒪᒥᓴᕐᓂᒥᒃ ᖃᓂᒪᓂᕐᒥᒃ ᐃᑉᐱᒍᓱᓚᐅᕐᓇᒃ, ᐊᒻᒪᓗ ᐳᕙᓪᓗᓇᐅᑉ ᖁᐱᕐᕈᐊᕈᓯᖓ ᓯᕐᓚᒃ ᓱᒃᑯᐃᒍᓐᓇᓱᓂ ᑎᒥᓐᓃᕕᑦ ᐊᑯᓃᕐᑐᒥᓪᓗ ᓱᒃᑯᐃᕙᓪᓕᐊᒍᓐᓇᓱᓂ ᑎᒥᓐᓃᕕᑦ.

• ᑕᑯᑲᐱᒍᑦᑕ ᐳᕙᓪᓗᓇᕐᒥᒃ ᑎᒥᒋᔭᐅᔪᒦᑦᑐᒥᒃ ᑐᑭᖃᕙᓪᓗᓲᖅ ᓀᓐᓂᓴᒥᒃ ᒪᒥᓴᕆᐊᖃᕐᓂᒥᒃ ᐊᒥᓲᓗᐊᖕᖏᑐᓂᓪᓗ ᐄᕐᖃᓚᖓᑦᓱᓂ. ᕿᑲᕐᓂᒦᑉᐸᑦ, ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᐄᒐᕐᑐᕈᓐᓇᑐᑎᐊᓪᓛᑦ ᐊᓇᕐᕋᓯᒪᓗᑎᑦ ᐋᓐᓂᐊᓯᐅᑎᒃᑯᓕᐊᑲᑦᑕᕈᓐᓀᓗᑎᑦ.

• ᐊᒻᒪᓗ, ᐳᕙᓪᓗᓇᖅ ᐱᒋᐊᓕᑌᓐᓇᕈᓐᓇᒪᑦ, ᐁᑦᑐᑐᐃᖕᖏᑑᒍᓐᓇᓱᑎᑦ ᑕᒪᓐᓇ ᑐᑭᓕᒃ ᐊᓇᕐᕋᓃᕕᑦ ᐅᕝᕙᓘᓐᓃᑦ ᐋᓐᓂᐊᕕᒻᒥ ᐃᓄᑐᐊᒃᑯᕕᒻᒦᒋᐊᖃᓚᖓᖕᖏᓂᕐᓃᕕᑦ.

• ᑭᖑᓪᓕᐹᒥ, ᐊᒻᒪᓗ ᑕᒪᓐᓇ ᐃᓄᓐᓄᑦ ᐅᖃᐅᓯᕆᔭᐅᓗᑭᓲᒍᖕᖏᑐᖅ, ᓱᓇᒥᑦᑐᓂᒃ ᖃᐅᔨᓴᕐᑕᐅᔪᖅ ᐊᕐᓱᕈᕈᑎᖃᖕᖏᓂᕐᓴᐅᓚᖓᔪᖅ ᖃᐅᔨᒪᖕᖏᑑᒍᑎᖃᑦᔭᖒᕐᓗᓂ ᐳᕙᓪᓗᓕᕋᓗᐊᕈᓂ. ᖃᐅᔨᓴᕐᑕᐅᓂᖅ ᑕᒐᑕᒐ ᐃᓱᒫᓗᒍᓐᓀᕈᑎᒋᓂᐊᕐᑌᑦ ᐳᕙᓪᓗᖏᒃᑯᕕᑦ.