ᕿᑲᕐᑐᑦ ᐳᕙᓪᓗᓇᐅᑉ ᖁᐱᕐᕆᕈᐊᕈᖏᑦᑕ ᐊᕐᖁᑎᖏᑦ
ᐊᑐᕐᓗᒍ ᐊᑦᔨᖑᐊᖅ ᐅᖄᖃᑎᖃᓕᕈᕕᑦ ᐃᓄᒻᒥᒃ ᐱᒋᐊᓯᔪᒥᒃ ᕿᑲᕐᑐᓂᒃ ᐳᕙᓪᓗᓇᕐᑕᖃᕐᓂᒥᓄᑦ ᒪᒥᓴᓯᔪᒥᒃ:
ᑕᑯᑎᓚᖓᕙᒋᑦ ᑕᕐᕿᓂ ᓯᕗᓂᕐᒥ ᐊᒥᓲᖕᖏᑐᓂ ᓱᖃᑦᑕᓂᐊᕐᒪᖔᑉᐱᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᓂᓅᕕᑦ ᒪᒥᓴᐅᑎᖃᕐᓗᑎᑦ. ᑖᒃᑯᐊ ᐃᓘᓐᓀᓅᓕᖓᑐᐃᓐᓇᑐᑦ, ᐅᖃᐅᓯᖃᓲᒍᒐᑦᑕ ᓇᓗᓀᕐᓯᐅᑎᖃᑦᓯᐊᑎᓗᒋᑦ ᐊᒻᒪᓗ ᐃᑲᔪᕐᓯᒪᓲᒍᑦᓱᑕ ᑭᖑᓂᖓᒍᑦ.
ᑌᒪ, ᐊᐅᓚᔨᑦᓯᐊᕈᒪ, ᓇᔪᕐᑕᖃᕐᓯᒪᓚᐅᔪᔪᑎᑦ ᓂᐅᕐᓯᓚᕿᓂᐅᔭᕐᓱᑎᑦ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ, ᐊᒻᒪᓗ ᐋᓐᓂᐊᓯᐅᑎᒧᑦ ᐅᖄᒍᑎᖃᕆᐊᕐᑐᓱᑎᑦ ᐃᓕᓐᓂᒃ ᕿᓄᕕᓕᕕᓂᖅ ᐳᕙᓪᓗᒪᖔᑉᐱᑦ ᖃᐅᔨᓴᕐᑕᐅᖁᔨᑦᓱᓂ. ᐅᖃᐅᑏᔪᕕᓃᑦ, ᐳᕙᓪᓗᕆᐊᕐᐱᑦ, ᐊᒻᒪᓗ ᒪᒥᓴᕆᐊᖃᓕᕐᓂᓃᕕᑦ.
ᑕᒐ ᒪᒥᓴᕆᐊᖃᕐᓂᓃᕕᑦ ᐅᖃᐅᓯᖃᕇᕐᓯᒪᓕᕐᑐᒍᒃ, ᐊᒻᒪᓗ ᑐᑭᑖᕐᓯᒪᑦᓱᑎᑦ ᐊᑑᑎᒍᒪᓂᕐᓃᕕᑦ ᑖᑦᓱᒥᖓ. ᐅᓪᓗᒥ ᐁᑦᑐᑕᐅᓚᖓᔪᑎᑦ ᖁᐱᕐᕈᐊᕈᕐᓂᒃ ᑐᖁᓭᒍᑎᓂᒃ ᓈᒻᒪᑐᓂᒃ ᐱᓇᓱᐊᕈᓰᓐᓄᑦ ᓯᕗᓪᓕᐹᓄᑦ ᒪᕐᕉᓄᑦ.
ᑭᖑᓂᖓᒍᑦ ᐱᓇᓱᐊᕈᓰᒃ ᒪᕐᕉᒃ ᐊᓂᒍᒋᐊᑕᒫᑦ ᐋᓐᓂᐊᓯᐅᑎᒃᑯᓄᑦ ᙯᖃᑦᑕᕆᐊᖃᓛᕐᑐᑎᑦ ᐄᒐᕐᑖᕆᐊᕐᑐᓗᑎᑦ. ᐃᓚᖓᓐᓂ ᐋᓐᓂᐊᓯᐅᑎᒃ ᐃᓕᓐᓂᒃ ᐊᑯᓂᐅᖕᖏᑐᖅ ᓇᐅᑦᓯᑐᖃᑦᑕᕈᒪᓚᖓᔪᖅ, ᖃᓄᐃᓕᕐᒪᖔᑉᐱᑦ ᖃᐅᔨᓴᕙᓪᓗᓗᓂ ᐊᒻᒪᓗ ᑎᒦᑦ ᒪᒥᓴᐅᑎᓄᑦ ᖃᓄᐃᓕᔭᐅᕙᓪᓕᐊᒪᖔᑦ.
ᐊᑐᕐᑕᐅᓲᓂᒃ ᐊᑐᕐᑐᑎᑦ ᕿᑲᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᓐᓂᒃ ᐲᔦᒍᑎᓂᒃ ᑕᒐ ᐅᓪᓗᑕᒫᑦ ᐄᖃᑦᑕᕈᕕᒃᑭᑦ, ᐱᔭᕇᒍᓐᓇᓛᕐᑐᑎᑦ 4 ᑕᕐᖀᑦ ᓴᓂᐊᓃᑦᑐᑦ ᐊᓂᒍᕐᐸᑕ.
ᒪᒥᓴᐅᑎᑐᕐᓂᓃᕕᑦ, ᐳᐃᒍᕐᓇᒃ ᐁᑦᑐᐃᓂᐅᔭᖕᖏᓇᕕᑦ ᖃᓄᐃᖕᖏᓃᑦ ᐃᑉᐱᒋᒍᕕᐅᒃ ᐱᓇᓱᐊᓲᕐᓃᕕᑦ ᐊᓕᐊᒋᑦᓱᒋᑦ ᑲᔪᓯᑎᑦᓯᒍᓐᓇᑐᑎᑦ ᐊᒻᒪᓗ ᑲᑎᒪᑦᓯᒍᓐᓇᓱᑎᑦ ᐃᓚᓐᓈᓃᕕᑦ ᐊᒻᒪᓗ ᐃᓚᓐᓃᕕᑦ.
On this page