ᐊᑐᕐᓗᒍ ᑖᓐᓇ ᐊᑦᔨᖑᐊᖅ ᐅᖄᖃᑎᒋᓗᒍ ᐃᓄᒃ ᐃᓕᖓᔪᓄᑦ ᐱᕙᓪᓕᖁᑎᐅᓂᖏᓐᓄᑦ ᓱᓇᒥᑦᑐᓂᒃ ᖃᐅᔨᓴᕐᓂᐅᑉ ᓄᓇᓕᓐᓂ:

• ᒧᒥᓯᒪᖔᕐᑎᓗᒍ ᑭᖑᓪᓕᐹᒍᑫᓐᓇᑐᒥ ᐊᑦᔨᖑᐊᒥ, ᓱᓇᒥᑦᑐᓂᒃ ᖃᐅᔨᓴᕐᓂᖅ ᐳᕙᓪᓗᓇᕐᒥᒃ ᐃᓄᓐᓂ ᒪᓗᓐᓇᐅᑎᖃᑐᐃᓐᓇᕆᐊᓕᓐᓂᒃ. ᓄᕐᖃᑎᑦᓯᐅᑕᐅᕐᖃᔭᖕᖏᑐᖅ ᐃᓄᓐᓂᒃ ᐳᕙᓪᓗᕈᓐᓀᑎᑦᓯᓗᓂ, ᑭᓯᐊᓂ ᐃᑲᔪᕐᓯᒪᓲᖅ ᓇᓂᔨᓂᖅ ᐃᓄᓐᓂᒃ ᐳᕙᓪᓗᑐᓂᒃ ᖃᓂᒻᒪᓗᐊᖕᖏᓂᖏᓐᓂ ᐊᒻᒪᓗ ᐊᓯᒥᓄᑦ ᓯᐊᒻᒪᑎᑦᓯᖏᓐᓂᖏᓐᓂ ᐳᕙᓪᓗᓇᕐᒥᒃ.

• ᐅᕙᓂᑕᒐ ᑕᑯᒍᓐᓇᕋᕕᐅᒃ, ᓯᕗᓪᓕᐸᐅᓚᐅᑯᑦᑐᖅ ᐊᖑᑎᒃ ᓱᓇᒥᑦᑐᓂᒃ ᖃᐅᔨᓴᕐᑕᐅᓯᒪᔪᖅ, ᑕᑯᕕᐅᑦᓱᓂ ᖁᐱᕐᕈᐊᕈᖏᑦ ᓂᒪᕐᑐᓂᒃ ᐳᕙᓪᓗᕆᐊᖓ, ᐊᒻᒪᓗ ᒪᒥᓴᕐᑕᐅᒍᓐᓇᓯᓯᒪᑦᓱᓂ.

• ᑕᕐᖀᑦ ᐊᒥᓲᖕᖏᑐᑦ ᐊᓂᒍᕐᑎᓗᒋᑦ, ᐱᔭᕇᕐᓯᒪᓕᕇᕐᑐᖅ ᒪᒥᓴᕐᓂᒥᓂᒃ ᐊᒻᒪᓗ ᐳᕙᓪᓗᓇᕐᑕᖃᕈᓐᓀᓱᓂ ᐊᒻᒪᓗ ᐃᓄᐃᑦ ᑲᑎᒪᕙᑦᑕᖏᑦ ᓂᐅᕐᓯᒍᓐᓇᓯᓯᒪᒐᑎᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐊᒻᒪᓗ ᐳᕙᓪᓗᓚᕿᓯᒪᒐᑎᒃ.