ᐊᑐᕐᓗᒍ ᐊᑦᔨᖑᐊᖅ ᐅᖄᖃᑎᖃᓕᕈᕕᑦ ᐃᓄᒻᒥᒃ ᐱᒋᐊᓯᔪᒥᒃ ᓂᒪᕐᑐᓂᒃ ᐳᕙᓪᓗᓇᕐᑕᖃᕐᓂᒥᓄᑦ ᒪᒥᓴᕐᓂᒥᒃ:

• ᑕᑯᑎᓚᖓᕙᒋᑦ ᑕᕐᕿᓂ ᓯᕗᓂᕐᒥ ᐊᒥᓲᖕᖏᑐᓂ ᓱᖃᑦᑕᓂᐊᕐᒪᖔᑉᐱᑦ ᓂᒪᕐᑐᓂᒃ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᖃᕐᓂᓅᕕᑦ ᒪᒥᓴᐅᑎᖃᕐᓗᑎᑦ. ᑖᒃᑯᐊ ᐃᓘᓐᓀᓅᓕᖓᑐᐃᓐᓇᑐᑦ, ᐅᖃᐅᓯᖃᓲᒍᒐᑦᑕ ᓇᓗᓀᕐᓯᐅᑎᖃᑦᓯᐊᑎᓗᒋᑦ ᐊᒻᒪᓗ ᐃᑲᔪᕐᓯᒪᓲᒍᑦᓱᑕ ᑭᖑᓂᖓᒍᑦ.

• ᑕᒐ, ᐱᓇᓱᐊᕈᓰᑦ ᐊᒥᓲᖕᖏᑐᑦ ᐊᓂᒍᕐᓯᒪᓕᕐᑐᑦ ᐅᕙᓃᑦᑐᕕᓂᐅᑎᓗᒋᑦ. ᒪᓗᓐᓇᐅᑎᓕᕕᓂᐅᔪᑎᑦ ᐃᓚᖏᓐᓂᒃ (ᐅᕝᕙᓘᓐᓃᑦ ᒪᓗᓐᓇᐅᑎᖃᕐᓇᒃ) ᐊᒻᒪᓗ ᐋᓐᓂᐊᓯᐅᑎᒧᑦ ᐅᖄᒍᑎᖃᕆᐊᕐᑐᓱᑎᑦ ᐃᓕᓐᓂᒃ ᕿᓄᕕᓕᕕᓂᖅ ᐳᕙᓪᓗᒪᖔᑉᐱᑦ ᖃᐅᔨᓴᕐᑕᐅᖁᔨᑦᓱᓂ. ᐅᖃᐅᑏᔪᕕᓃᑦ, ᐳᕙᓪᓗᕆᐊᕐᐱᑦ, ᐊᒻᒪᓗ ᒪᒥᓴᕆᐊᖃᓕᕐᓂᓃᕕᑦ.

• ᐅᓪᓗᓂ ᐊᒥᓲᖕᖏᑐᓂ ᒪᒥᓴᐅᑎᑐᖃᑦᑕᓕᕐᑐᑎᑦ. ᐃᓄᑐᐊᒃᑯᕕᒻᒦᒋᐊᖃᕐᓂᓃᕕᑦ ᐱᒋᐊᕐᑎᓯᓯᒪᓕᕐᑐᑎᑦ ᑕᓐᓇᓗ ᐊᓂᒍᕐᓂᐅᔭᓕᕐᓱᓂ, ᐊᒻᒪᓗ ᐃᓱᒫᓗᒋᐊᖃᓛᕈᓐᓀᑐᑎᑦ ᐳᕙᓪᓗᓇᕐᒥ ᐁᕐᑐᐃᓂᐅᔭᕆᐊᒥᒃ ᑭᓇᑐᐃᓐᓇᒥᒃ.

• ᑐᖓᓕᕇᓂ 1-ᒦᒍᑎᖓᓃᓕᕐᑐᑎᑦ ᒪᒥᓴᐅᑏᑦ ᑭᓯᐊᓂ ᐅᓪᓗᑕᒫᑦ ᖁᐱᕐᕈᐊᕈᐃᑦ ᑐᖁᓭᒍᑎᖏᓐᓂᒃ ᐄᓯᖃᑦᑕᕈᕕᑦ, ᑐᖓᓕᕇᑦ 2-ᒍᒍᑎᖓᓅᓛᕐᑐᑎᑦ ᐅᓪᓗᐃᑦ ᓱᑲᑦᑑᒪᑕ. ᐊᒥᓱᑦ ᐃᓄᐃᑦ ᑐᖓᓕᕇᓂ 2-ᒦᑦᓱᑎᒃ ᐱᔭᕆᐊᑭᓐᓂᓴᐅᓂᕃᓲᑦ ᑐᖓᓕᕇᓂ 1-ᒦᓐᓂᒥᓂᓂᑦ, ᑌᒪ ᑲᔪᓯᑎᑦᓯᓯᐊᕋᓱᐊᑐᐃᓐᓇᓯᕗᒍᒃ.

• ᐃᑯᓪᓚᐅᒥᒋᐊᒥᒃ ᐃᑉᐱᒍᓱᖕᖐᓈᕋᓗᐊᕈᕕᑦ, ᐃᑉᐱᒍᓱᑦᓴᐅᑎᒋᓚᖓᓕᕐᑐᑎᑦ. ᐃᑯᓪᓚᐅᒥᒍᕕᑦ ᐊᒻᒪᓗ ᐃᓄᑐᐊᒃᑯᕕᒻᒦᒋᐊᖃᕈᓐᓀᓗᑎᑦ, ᐅᑎᕐᕕᒋᒍᓐᓇᓛᕐᑕᑎᑦ ᐊᓕᐊᒋᑦᓱᒋᑦ ᑲᒪᒋᓲᑎᑦ!

• ᑐᖓᓕᕇᓂ 2-ᒍᒍᑎᒃ ᐊᓂᒍᕐᐸᑦ, ᐱᔭᕇᓛᕐᑐᑎᑦ ᒪᒥᓴᕐᓂᒥᒃ! ᑕᒪᓐᓇ ᐱᔭᖃᑦᓯᐊᓂᕐᒥᒃ ᐃᑉᐱᒍᓱᓐᓇᑐᕐᕈᐊᖅ!

• ᑭᖑᓂᖓᓂ ᖃᐅᔨᓴᕐᑕᐅᖃᑦᑕᕆᐊᖃᓛᕐᓱᑎᑦ ᐊᕐᕌᒍᓂ ᐊᒥᓲᖕᖏᑐᓂ ᐳᕚᒃᑭᒃ ᖃᓄᐃᖕᖏᓯᐊᖏᓐᓈᓂᒋᒃ ᓱᕐᖁᐃᑕᐅᒐᓱᐊᖃᑦᑕᑎᓪᓗᒋᒃ, ᑕᒪᓐᓇᓗ ᑎᑭᐅᑎᒍᑦᑎᒍ ᐅᖃᐅᓯᕆᒋᐊᓪᓚᓛᕐᓱᒍ.

• ᖃᐅᔨᒪᑦᓯᐊᑐᖓ ᐊᐱᕐᓲᑎᑦᓴᖃᓚᖓᓂᕐᓃᕕᑦ, ᑕᒪᓐᓇ ᑐᓴᕐᓱᒍ ᓈᒻᒪᒋᐊᖓ ᐃᓱᒪᕕᑦ?