ᖃᐅᔨᑲᐱᓐᓂᖅ : ᐃᓕᓐᓄᑦ
ᐊᑐᕐᓗᒍ ᐊᑦᔨᖑᐊᖅ ᐃᓄᒻᒥᒃ ᐅᖄᖃᑎᖃᕐᓂᖅ ᖃᐅᔨᓴᕐᑕᐅᓂᐅᑉ ᐱᕙᓪᓕᖁᑎᕐᑕᖏᑦᑕ ᒥᑦᓵᓄᑦ:
ᓇᑯᕐᒦᕐ ᙯᒍᓐᓇᑐᑦᓯᐊᖑᒐᕕᑦ! ᐅᖄᓚᕕᒋᑦᓱᒋᑦ ᐅᖃᐅᑎᕐᖃᐅᒐᒃᑭᑦ ᖃᐅᔨᓴᕐᑕᐅᒋᐊᖃᕐᓂᕋᕐᓱᒋᑦ ᓄᓇᓕᒻᒥ ᐳᕙᓪᓗᓇᕐᒥᒃ ᖃᐅᔨᓴᕐᓂᐅᔪᑎᒍᑦ. ᓄᓇᓕᓕᒫᒥᒃ ᖃᐅᔨᓴᕐᓂᖃᓚᕿᔪᒍᑦ ᐳᕙᓪᓗᓇᖅ ᓄᓇᓕᑦᑎᓃᓕᕐᒪᑦ ᖃᐅᔨᒐᓱᐊᓚᕿᔪᒍᑦ ᐊᒥᓱᓂᒃ ᐃᓄᓐᓂᒃ - ᒪᓗᓐᓇᐅᑎᖃᕐᑑᔮᖕᖏᑲᓗᐊᕈᕕᑦ ᖃᓂᑕᖃᓚᐅᕋᑕᖕᖏᑲᓗᐊᕈᕕᓪᓗ ᐃᓄᓐᓂᒃ ᐳᕙᓪᓗᑐᓂᒃ.
ᐅᖃᐅᓯᖃᑲᓪᓛᐱᓚᖓᔪᖓ ᓄᓇᓕᒻᒥᒃ ᖃᐅᔨᓴᕐᓂᐅᑉ ᐱᕙᓪᓕᖁᑎᕐᑕᖏᓐᓂᒃ. ᑖᒃᑯᐊ ᐱᕙᓪᓕᖁᑏᑦ ᐃᓕᖓᓪᓚᕆᑦᑐᑦ ᖃᐅᔨᑲᐱᒍᓐᓇᓂᕐᒧᑦ ᐳᕙᓪᓗᓇᕐᒥᒃ.
ᐱᒋᐊᖕᖓᐅᑎᒋᓗᒍ, ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ ᑎᒥᒥᐅᑕᖃᕈᕕᑦ, ᐋᓐᓂᐊᓯᐅᑎᑐᑦᓴᐅᑎᒋᐊᐱᑎᑕᐅᒍᓐᓇᑐᑎᑦ ᖃᓂᒻᒪᓚᐅᕐᓇᒃ, ᑖᓐᓇᓗ ᖁᐱᕐᕈᑯᓗᒃ ᓱᕐᕃᓗᑫᖕᖏᓂᕐᓴᐅᒐᔭᕐᑐᖅ ᐊᕗᖓᐅᓕᔪᒥᓪᓗ ᓱᑯᐃᓂᖃᕋᔭᕋᓂ ᑎᒥᓐᓂᒃ.
ᖃᐅᔨᑲᐱᑐᐊᕋᑦᑕ ᐳᕙᓪᓗᓇᕐᒥᒃ ᑎᒥᒥᑦᑐᒥᒃ ᐊᑯᓂᐅᖕᖏᓂᕐᓴᐅᒍᓐᓇᑐᖅ ᐄᕐᖃᕆᐊᖃᕐᓂᖅ. ᓯᓂᑦᑑᓂᕋᕐᑕᐅᐸᓪᓗ, ᒪᒥᓴᐅᑎᑐᓯᒐᔭᕐᑐᑎᑦ ᐊᓂᕐᕋᒥ ᐄᖃᖃᑦᑕᓂᐊᕐᑕᑎᓐᓂᒃ ᐋᓐᓂᐊᕕᓕᐊᕆᐊᑐᖃᑦᑕᖏᓪᓗᑎᑦ.
ᐊᒻᒪᓗᒋᐊᓪᓚᒃ, ᖃᐅᔨᔭᐅᑲᐱᒐᒥ ᐳᕙᓪᓗᓇᖅ ᐁᑦᑐᑑᑎᐅᒋᐊᓪᓚᕕᖃᖕᖏᑑᒍᓐᓇᑐᖅ ᑕᒐ ᐊᓂᕐᕋᓯᒣᓐᓇᕆᐊᖃᕐᑎᑕᐅᒐᔭᖕᖏᑐᑎᑦ ᐋᓐᓂᐊᕕᒻᒥᒋᐊᑐᕐᓇᓗ.
ᐊᒻᒪᓗᑦᑕᐅᒃ, ᐅᓇ ᐅᖄᔭᐅᓪᓗᐊᓲᖑᖕᖏᑐᖅ, ᖃᐅᔨᓴᕐᑕᐅᓂᖅ ᐃᓱᒪᓗᒍᓐᓀᑎᑦᓯᒍᓇᓯᐊᕐᑐᖅ ᖃᐅᔨᒪᖕᖏᑑᓗᓂ ᐃᓱᒫᓗᓐᓇᓯᓲᖑᒻᒪᑦ. ᖃᐅᔨᓴᕐᑕᐅᓂᖅ ᐃᓱᒫᓗᒌᒃᑯᑎᒋᓂᐊᓕᕐᑌᑦ ᖃᐅᔨᒪᓂᐊᓕᕋᕕᑦ ᐳᕙᓪᓗᖏᒋᐊᖅ.
On this page