ᐊᑐᕐᓗᒍ ᐊᑦᔨᖑᐊᖅ ᐅᖄᖃᑎᖃᕐᓂᖅ ᐃᓄᒻᒥᒃ ᐳᕙᓪᓗᓱᓂ ᓯᓂᑦᑑᓂᕋᕐᑕᒥᒃ ᐋᓐᓂᐊᓯᐅᑎᑐᕙᓪᓕᐊᓚᖓᓯᔪᒥᒃ:

• ᓯᓂᑦᑑᓂᕋᕐᑕᒥᒃ ᐳᕙᓪᓗᓂᕐᓂ ᐋᓐᓂᐊᓯᐅᑎᑐᒪᓕᕈᕕᓪᓗ ᖃᓄᐃᓕᖓᒍᑎᒋᓂᐊᕐᑕᑎᓐᓂᒃ ᑕᕐᕿᓂ ᙯᔪᓂ ᑕᑯᑎᓯᕙᒋᑦ. ᐅᖄᒍᑎᖃᕐᓂᐊᒥᒐᓐᓄᑦ ᐃᓗᓕᕐᑕᖏᓐᓂᒃ ᐃᑲᔪᕐᓯᒪᒍᑎᒋᒍᓐᓇᑕᑦᑎᓂᓪᓗ

• ᐊᐅᓚᔨᑦᓯᐊᕈᓇᐅᒐᕕᑦ ᐋᓐᓂᐊᕕᓕᐊᓚᐅᔪᒋᐊᖅ ᓂᐅᕐᖃᑐᕕᓂᐅᓂᐊᖕᖒᓱᑎᑦ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ, ᐋᓐᓂᐊᓯᐅᕐᑎᒥᒃ ᐅᖄᕕᖃᓚᐅᔪᑎᑦ ᖃᐅᔨᓴᕐᑕᐅᒋᐊᓪᓚᕈᒪᑦᓱᑎᑦ ᐳᕙᓪᓗᒪᖔᑉᐱᑦ. ᐅᖃᐅᑎᔭᐅᓕᓚᐅᔪᑎᑦ ᓯᓂᑦᑐᒥᒃ ᐳᕙᓪᓗᓂᖃᕆᐊᕐᓂᒃ.

• ᐅᖄᒍᑎᖃᕇᑫᓐᓇᕋᓐᓄ ᐋᓐᓂᐊᓯᐅᑎᑐᕆᐊᖃᕐᓂᓂᒃ ᑐᑭᑖᑫᓐᓇᓱᑎᓪᓗ ᐄᕐᖃᓚᒋᐊᒥᒃ. ᐅᓪᓗᒥ ᒪᒥᓴᐅᑎᑖᓚᖓᓯᔪᑎᑦ ᒪᕐᕉᓄᑦ ᐱᓇᓱᐊᕈᓰᓐᓄᑦ ᓈᒻᒪᑐᓂᒃ.

• ᑭᖑᓂᐊᒍᑦ ᒪᕐᕉᒃ ᐱᓇᓱᐊᕈᓯᑕᒫᑦ ᐋᓐᓂᐊᕕᒻᒧᑦ ᐄᖃᒉᑐᕆᐊᓪᓚᖃᑦᑕᓂᐊᕐᑐᑎᑦ. ᐃᓚᖓᓂ ᐋᓐᓂᐊᓯᐅᕐᑎ ᖃᐅᔨᒐᓱᐊᑫᓐᓇᖃᑦᑕᕈᒪᓚᖓᔪᖅ ᐃᓕᓐᓂᒃ, ᖃᓄᐃᒻᒪᖔᑉᐱᑦ ᑐᑭᓯᓴᑐᐃᓐᓇᓗᓂ ᑎᒦᓪᓗ ᒪᒥᓴᕐᑕᐅᓯᐊᕋᓗᐊᕐᒪᖔᑦ ᐋᓐᓂᐊᓯᐅᑎᑎᓐᓄᑦ.

• ᐳᕙᓪᓗᑐᓄᑦ ᓯᓂᑦᑑᓂᕋᕐᑕᒥᒃ ᐄᕐᖃᑕᐅᓲᑦᓴᔭᓂᒃ ᐱᖃᑦᑕᓚᖓᔪᑎᑦ, ᑖᒃᑯᐊ ᒪᒥᓵᐅᑏᑦ ᖃᐅᑕᒫᑦ ᐱᑦᓯᐊᖃᑦᑕᕈᕕᒃᑭᑦ ᐱᔭᕇᓛᕐᑐᑎᑦ ᓯᑕᒪᑲᓵᓂ ᑕᕐᕿᓂ.

• ᐋᓐᓂᐊᓯᐅᑎᑑᒪᓂᕐᓂ ᖃᐅᔨᒪᑦᓯᐊᕆᑦ ᐳᕙᓪᓗᕈᑏᑦ ᐁᑦᑐᑑᐃᒍᑎᐅᒋᐊᓪᓚᕕᖃᖕᖏᒪᑦ

  ᐃᓱᕐᕆᓯᐊᑐᐊᕈᕕᓪᓗ ᑲᔪᓯᑦᓯᐊᑐᐃᓐᓇᕈᓐᓇᑐᑎᑦ ᐱᐅᓯᕆᓲᑎᓐᓂᒃ ᐊᓕᐊᒋᔭᑎᓐᓂᒃ ᐃᓅᖃᑎᖃᕈᓐᓇᓯᐊᕐᓱᑎᓪᓗ ᐱᖃᑎᑎᓐᓂᒃ ᐃᓚᑎᓐᓂᓗ.