ᐊᑐᕐᓗᒍ ᐊᑦᔨᖑᐊᖅ ᐃᓄᒻᒥᒃ ᐅᖄᖃᑎᖃᕐᓂᖅ ᖃᓄᖅ ᐳᕙᓪᓗᓇᖅ ᐃᕐᐸᓲᖑᒻᒪᖔᑦ ᓄᓇᓕᒻᒥ:

• ᐅᓇ ᐊᖑᑎᒃ ᐃᓪᓗᖃᑎᓕᒃ ᓂᖏᐅᓱᒻᒥᓂᒃ, ᓇᔭᒻᒥᓂᒃ ᐊᑖᑕᒥᓂᓪᓗ. ᓇᔭᖓᑕ ᐃᑦᑐᓱᖓ ᐃᕐᓂᖓᓪᓗ ᑖᒃᑯᓇᓂᒥᐅᖑᒻᒥᔪᑦ. ᐳᓛᕆᐊᕐᑕᐅᖏᓐᓇᓕᒫᓲᑦ ᐊᑖᑕᑉᐱᑦ ᐱᖃᑎᖓᓄᑦ ᐆᒧᖓ.

• ᐅᓇ ᐊᖑᑎᒃ, ᖃᓂᒻᒪᑑᔮᓯᕐᖂᑐᖅ ᑭᓯᐊᓂᓗ ᔫᔮᕋᓂ ᐅᐱᓐᓇᕋᓂ ᐳᕙᓪᓗᓇᖅ ᑎᕐᓕᐊᓯᓪᓚᕆᒍᓐᓇᒪᑦ, ᖃᐅᔨᒪᖕᖏᑐᖅ ᐳᕙᓪᓗᕆᐊᖅ ᐅᐸᓘᒪᓗᐊᖃᑦᑕᓱᓂᓗ ᑲᒪᒋᔭᐅᒋᐊᓪᓚᕆᐊᖃᕐᓱᓂ ᐅᐸᐅᑎᖃᑦᑕᖏᓐᓇᒥ ᒫᓐᓇᖃᒻᒥᑯᑦ.

• ᐳᕙᓪᓗᓂᖓ ᐁᑦᑐᑑᑎᐅᒍᓐᓇᑐᕈᕐᖁᖅ, ᐊᓂᕐᑎᕆᔭᖓᓄᑦ ᖁᐱᕐᕈᑯᓗᒃ ᐃᕐᐸᑎᑕᐅᒻᒪᑦ, ᓂᖏᐅᓱᖓᑕ ᐊᑖᑕᖓᑕᓗ ᓂᐅᓕᕆᕙᐅᒃ ᓯᓂᑦᑑᓂᕋᕐᑕᒥᒃ ᐳᕙᓪᓗᓇᕐᑕᓯᑦᓱᑎᒃ.

• ᐊᑖᑕᖓ, ᑎᒥᒥᒍᑦ ᐹᒍᑎᑕᖃᑦᓯᐊᖏᓐᓂᓴᐅᒐᒥ, ᐳᕙᓪᓗᓕᑦᓴᐅᑎᒋᔪᖅ ᐁᑦᑐᑑᑎᐅᒍᓐᓇᑐᒥᒃ ᐊᓱᐃᓛ ᐃᕐᐸᓂᐊᓕᕐᒪᑦ ᐳᕙᓪᓗᓇᖅ ᐸᓂᖓᑕ ᐃᑦᑐᓱᖓᓅᕐᓱᓂ ᐃᕐᖑᑕᖓᓄᓪᓗ.

• ᐊᖑᑎᐅᒋᐊᖕᖓᖃᐅᔫᑉ ᓂᖏᐅᓱᖓ ᐳᕙᓪᓗᓕᕆᕗᖅ ᐁᑦᑐᑑᑎᐅᒍᓐᓇᑐᒥᒃ ᓇᔭᖓᑕᓗ ᐃᑦᑐᓱᖓ. ᐳᕙᓪᓗᓇᖅ ᐃᓗᓐᓇᓕᒫᑲᓴᑦᓯᐊᖏᓐᓄᑦ ᐃᓪᓗᒥᐅᖃᑎᒌᓄᑦ ᐃᕐᐸᑐᖅ ᐊᑖᑕᖓᑕᓗ ᐱᖃᑎᖓ ᐳᓛᕆᐊᕐᐸᑐᖅ ᐳᕙᓪᓗᓕᖃᑎᐅᑦᓱᓂ.

• ᐅᓇᐅᒻᒥᔪᖅ ᖃᐅᔨᒪᔭᐅᒋᐊᓕᒃ, ᑖᒃᑯᐊᓕᒫᑦ ᐃᓄᐃᑦ ᐃᓪᓗᒦᖏᓐᓇᔭᖏᑦᑐᑦ, ᐃᒻᒪᖄᖅ ᐊᖑᑎᐅᒋᐊᖕᖓᓂᕋᕐᖃᐅᔭᕗᑦ ᐱᓇᓱᓲᖅ ᑲᕙᒫᐱᒃᑯᑦ ᐊᓪᓚᕕᖓᓐᓂ ᐊᓪᓚᕕᒥᐅᖃᑎᖃᕐᓱᓂ. ᐃᒻᒪᖄᓗᑦᑕᐅᖅ ᓂᖏᐅᓱᖓ ᐱᓇᓱᒻᒥᔪᖅ ᐃᓕᓐᓂᐊᕕᒻᒥ ᐅᓪᓗᓕᒫᖅ ᐃᓕᓐᓂᐊᑎᒥᓂᒃ ᓇᔫᑎᑦᓱᓂ.

• ᑌᒫᑕᒐ ᑕᑯᑦᓴᐅᕗᖅ ᖃᓄᖅ ᐳᕙᓪᓗᓇᖅ ᐃᕐᐸᓴᐅᑎᒋᐊᐱᒍᓐᓇᓲᖑᒻᒪᖔᑦ ᐊᑕᐅᓯᑐᐃᓐᓇᐅᒐᓗᐊᕐᐸᑦ ᐃᓄᒃ ᑲᒪᒋᔭᐅᒋᐊᖃᓕᕐᓱᓂ ᑲᒪᒋᔭᐅᑦᓴᐅᑎᒋᓐᓂᖏᑦᑐᖅ.